Lûk 12:4 - To kə Kəzə̀ kə̀ Fughu ko

⁴ “M̀ fɛ dzàa wò â ghɛ̌ a fən ghaŋa gho, enyəa, kà e tsəŋo ghî ghəla ghe wiī tsughuu ko ghî ghò, mo ghe kôom yò aleghəə̄ŋ ndûuŋ ndûw ghəa è li zo tsə̀ghàtàʼà ghəa ghə è yì.

Lûk 12:4 Iomraidhean Croise

Matìo 10:28

Kà nlò tsəŋ ghî ghəla ghe lô alewiī tsughuu kô gwən e ughùe e ghûw, mo ghe yo alewī fə̀ŋ è ghùw, laam tsə̄ŋ ndùw nlǒ Zə̀ kò, kəla kə lô alewi gwən e ughùe e ghûw àsùghò fə̀ŋ è wə̄n, Kə nîi kpâa ndûw am kpǎaghùw

Dzɔ̌n 15:13

Ləgha è səŋò è li e yo e kôom tsəghàsə zəla ghùw lò alekele enyəa: Ghùw ù te boo tsughu alekpuw an tuw u fən a wə̄n enyəa to ghe mô kele èmùghù.’

Kə̀fwàʼ 20:24

Ŋ̀ kâ bùʼ nì tuw kaŋa tò kəfəgha abugho M̀ kpaʼ lô dzə̂ alemìasò kɔʼ ŋgəa zəla Ŋ̀ ŋgəāa kaŋlō àsùghò fwàʼ kə̀là mùghò fə̀ nî kɔʼ aŋ ghùu Mughu ù te Yɛso Kə̀lestò, alezùghòo làbəlà è dzùŋ kùu ndùw dzɔ̂ e Kəzə̀.

Kə̀fwàʼ 4:13

Ghəa ghe kôʼ tsughu fə̀ŋ zəla ghê Pità ki ghè zò, kòʼ tɔ̀ tsùghù sùghò enyəa à tsò lò ko làŋà tə aghì, mo ghe bûʼ kwò sugho yo mwàʼsò kò, dzughu zə n zum ghee, ghe fi daŋso kòʼkɛ̀lɛ kɔʼ nu ghee enyəa ghe mò lo tsəgha nû ghèe ghê Yɛso.

Fèlepìan 1:28

E kwo ko ghîikətuw ghɛʼɛ̄ a lô so e beme tsughu ghɛ̀, ghɛ̀ nughu tsəŋ doʼo nduw. Zən kè lǒ tsə̌a aledèe tsughu â ghîikətuw ghɛʼɛ gho enyəa ghe lo bvʉ̀a kòom nù, Zə̀ kə̀ lo ghəŋlo ghɛ̀ zə tuw ko.

Dzɛ̂ms 2:23

Ghəa ghən mò fɛ lueso tsughu ghəa ghəla ghe tɔm naŋa am Mwàʼsò kə Kəzə̀ enyəa, “Abə̀làhâm fə̀ boo fughu â Zə̀ kò, Zə̀ kə̀ n nì ndùw wə̄n an taŋ enyəa ù lǒ ghùw ù tsəghatsəgha.” Ghe n tɔŋɔ ndùw wə̄n enyəa ù lǒ ghùwfən ù Kə̀zə̀.

1 Pità 3:14

Abugho e kuūwn bûʼ lô ko enyəa ghɛ̀ ki alefala aŋ ghəa à tsəghatsəgha ghəla ghɛ̀ ghəŋlo, dzɔ̀ nǎam lò ko â ghɛ̀. Kà nlò kele tsəŋ zəla ghî à ki ghè zò. E kwo fəgha kə̀ li kə̂ lo so e beme sùghò ghɛ̀.

Edêe Fughu 2:10

Kà nlò tsəŋ dzə̀ ghəa è li zo ghɛ̀ lo ki alekùʼù fala tsughu a te. Kele tsughu nlò enyəa vʉatsə̄a a ki alekùʼù nîi dzə̂n ghɛ̀ â li gho an ndùghùtsāʼ, àsùghò enyəa to ghe mô mɔ̂ɔkoʼò tsughu ghɛ̀, ghɛ̀ doʼo an tsù alo ntsuʼu eghə̄m. Gaʼ tsughu ko nlò fə̂ŋ tɛʼɛ to a zəŋò mùghò abugho e lo enyəa ghɛ̀ bùʼ kì ko alekpuw a te, tò Ǹ lo fughuu ghɛ â mùghù zò tò kənamso.”