Lûk 11:9 - To kə Kəzə̀ kə̀ Fughu ko

⁹ Zən lò e ghee Ǹ sô Ǹ dzɛ̂ wô â ghɛ̀ enyəa, abugho ghù ghoʼso nɔe fəgha ko, ghe mò è fughu. Abugho ghù ghoʼso kə̄ŋ tsughu fəgha ko, ghù mò è koʼ, mò ghù ghoʼso tsʉ̄ʉn tsughu kəbâʼ, ghe mò è tsʉ;

Lûk 11:9 Iomraidhean Croise

Matìo 21:22

Abugho ghɛ̀ bvʉ tsughu ko ghəa è ghɛ zo, mò ghɛ̀ gɔ̂ɔŋ tsughu nù, ghɛ̀ mò è kele, abugho ghɛ̀ boō fughu tən tsughu â Zə̀ kò.”

Matìo 21:31

Yɛso m bvʉ tsughu â ghee enyəa, “À mò lo wɛ ù ghɛ̌ wò aŋ ghee a bə̀ghà a, ù mò fwaʼ fəgha kəla tsele mò ləghaa ghè kò a?” Ghe m bɛ̀lɛ̀ tsùghù enyəa, “Ù sûesʉ wə̄n.” Yɛso n dzɛ̀ â ghee enyəa, “Kùmkùm, aŋghəa Ǹ dzâa wô fɛ â ghɛ̀, ghê dzə̀akə̀mwàʼsò lo kɔʼɔ tàʼŋ ghɛ̀ alo kəwālā ghèe ghê kpàlà wò.

Matìo 6:29

Ǹ dzâa wô â ghɛ̀ enyəa ghuūghùe u Solomòn wəla ù fə̀ tsoō buʼù ghaʼa ko nû, ù fə̀ ki yo ndzʉ to tə dzɔɔ̄ tò ele e mɔ̀ʼ.

Mâk 11:24

Zən lò e ghee Ǹ so Ǹ dzâa wô â ghɛ̀ ènyə̀a abugho ghù bvʉ ko kwò kò mò ghù gɔ̀ɔŋ tsùghù nù, ghù vʉ̀a ù boo tsughu enyəa ghù ŋ kele, à sə̀ lò kə̀ kə̂a kò.

Mâk 13:37

Ghəa ghəla Ǹ dzɛ̂ tsughu â ghɛ̀, M̀ fɛ dzɛ̀ â ghì ghò a dzə̀m: tiso kɔʼ nlò tuw ko.”

Lûk 11:10

tɔŋlo enyəa chìa wəla ù nɔe tsughu fəgha ko, ghe mò è fughu, bugho ghùw kəŋ tsughu, ù mò è koʼ, mò à lò wəlà ù tsʉʉ̄n tsughu, ghe mò è tsʉ.

Dzɔ̌n 14:13

Abugho ghɛ̀ bvʉ ko ghəa è ghɛ zo an zən zaŋā, Ǹ sô ghə̌əŋ nù, tò bəghà è lo kele ŋkɔʼso bòʼ mùghò.

Dzɔ̌n 15:16

À kà nùghù ghɛ shîaa wò mùghò, à kǔuwn laam lò mugho n shîaa kɔʼ ghɛ, fughu tsughu ghɛ̀ a daʼa ko enyəa ghɛ̀ nduw fwaʼ nduw fwaʼ kə̀ dzûŋ kò, àsùghò enyəa fwàʼ kɛʼɛ kə lo doʼò tən, to zə e lo enyəa mò ghùw wɛʼɛ bvʉ ko kə̀ kwò aŋ â Tsele u te an zən zaŋā, Tsele ù te mò è fughu.

Dzɔ̌n 15:7

Abugho sɛ̀ ti alo kəfəgha kə mɔ̀ʼ, ghɛ yia ki sughò shwaʼ waŋa wo am fə̀ŋ tɛʼɛ, mò ghɛ̀ bvʉ ko kə̀ kwò ghɛ̀ ləghaa alekele, ghɛ̀ sô kèle nù.

Dzɔ̌n 4:10

Yɛso m bɛ̀lɛ̀ tsughu wə̄n enyəa, “Abugho ghù mò kwo fughu kə Kəzə̀ kò, kwo sugho ghùw wəla ù dzàa wô â ghù enyəa, ‘Fughu wò mugho â mùghù m mʉ̌a mò.’ To ghù mo nɔe tsughu, ù fughuu wô ghù â mùghù mə̀là m fughuu mughù zò.”

Lumà 2:7

Ghî ghəla ghe kəŋo alekele zən e dzûŋ zo, ŋkɔʼso àsùghò mùghù zəla e mian koʼo yo aŋghəa ghe ghəə̄ŋ zeē ghəa a dzûŋ ghò, Zə̀ kə lo â ghe fughuu mùghù è doʼn təla zo.

2 Kòlentìan 6:2

Ghɛ̀ zuw fəgha kəla Zə̀ kə dzɛ ghè kò a, “Ghəa nəgha e kpe tsughu â mùghò aleləghā ghɛ̀, mùgho n dì zɛʼɛ e zuw, a m bùghò tsuʼ ù bəghasəa u aghì ù kpe tsughu, mùghò n yòsò kɔʼ ghɛ̀.” Kòʼô, nəgha e te zə m kpe, zəla Zə̀ kə ki aledè dzɔ̀ e wə̄n a te, àsùghò nəgha zəla Zə̀ kə̀ bəghaasəa ghî ghò a te zə m bùghò sə.

Hibùlù 11:6

Abugho ghù dòʼŋkè boo fughu â Zə̀ kò, ghù yò dzə̂ aleghəŋlo fə̀ŋ è wən zə̀ zɔlɔ. Tɔŋlo enyəa ghùw wəla ù ləghaa alendùw a vʉ̀a Zə̀ kò ù kì aleboō tsughu enyəa Zə̀ kə̀ lo nû, chia kə namso sugho ghî ghəla ghe kûm diī alekele wə̄n.

Hibùlù 4:16

Abugho sɛ̀ ləghaa fəgha ko, a n dò nduẁ bvʉ̀ ndùw â Zə̀ kə̀ sɛ̀ kəla kə dêe sɛ̀ â dzɔ̀ e wə̄n zo, a ŋ kwo tən enyəa kə sô dèe nù sɛ̀ â se e wə̄n e kwuso zo, kə fughuu sughò sɛ̀ â fəgha kəla kə kpe â sɛ̀.

Dzɛ̂ms 1:5

Abugho ghùw wɛʼɛ ləghaa alekele ùtɔ [am fəgha kəla Zə̀ kə̀ ləghaa], ù m bvʉ̀ ndùw â Zə̀ kò, Zə̀ kə̀ sô fùghuu nù, tɔŋlo enyəa, Kə bughuu â ghu ko, fughuu ghì ghə̀n à dzə̀m â fʉgha wo mò Kə sə̂əm yò.

Dzɛ̂ms 5:15

Gɔ̂ɔŋ zəla ghe gɔ̂ɔŋ tsughuu am fə̂ŋ e mɔ̀ʼ â Zə̀ kò, e baaŋ nû ghùw ù dzàŋa — Mughu ù te n nì nùghù dzâŋ e te zo. Mo à lò enyəa ghùw ù te mò ghəəŋ boon ghəa è li zo, ghe ŋ ghuuw màʼà ghəa e biigh e te zo.

1 Dzɔ̌n 3:22

kele sùghò fəgha kəla sɛ̀ bvʉ̀a nduw â wə̄n, bòʼ sɛ̀ sô naāŋ lâŋ kə wə̄n ko, ghəəŋ sùghò ghəa ghəla a dzoō an sə kə wə̄n.

Edêe Fughu 2:24

Mùghò èzəŋ kə̂a wò ghəa ghən â ghɛ̀ yia ghɛ̀ lo an dzeŋe kə ghì a Kəzə̀ an naʼ e Tìatilà enyəa, ghɛ̀ ghən a dzə̀m ghɛ̀ doʼkè kaam zoʼn kelê ghəa ghə agha ghən, ghɛ̀ yia a lo mo ghɛ kaām zoʼn kele sùghò ghəa zo nàn tə aghəa tə Satàn; e kuuw lo ko enyəa Ŋ̀ kôom fùghuu kpeʼe yo ghɛ â fəm kə̀ li ko;