Lûk 11:41 - To kə Kəzə̀ kə̀ Fughu ko

⁴¹ Laam gaʼ tsughu nlò fə̂ŋ tò aleyosō ghî à laa gho, ghəa ghɛʼɛ ghə e zɔ̄lɔ̄.

Lûk 11:41 Iomraidhean Croise

Matìo 26:11

Ghî à laa a kê tsò lo tsəgha ko am bvʉa zɛʼɛ̄, sɛ̀ kê kǔuwn yò tsəgha dzə̂ a dzə̀m.

Matìo 5:42

Abugho ghùw nɔe fəgha ko â ghù, fughù; mò ù fɔ̀ɔn nù, kà tue.

Mâk 7:19

bòʼ kə nyəa tsughuu ndùw dzə̀ yò am fə̂ŋ, kə ndûuw an nʉ̀ghà, ù m bvʉ̀ màʼà è nduw a?” (Ù mǒ fi dzɛ mgbaaŋ wo enyəa fə̀ghàa n zə̌a mən n dzə̀m zɔ̀lɔ nù.)

Lûk 12:33

Fěe nlò fʉgha wɛʼɛ wo, ghɛ̀ tɔɔm nduw ghî à laa gho a te; kəŋ tsughu nlǒ mbə̀ghà tə kʉ̄a təla tə doʼò tən; ghɛ nan naŋa kum zɛʼɛ zo alo Kəwālā mo ghùwtsɔ̀ŋo yô alemɔ̀m, mo soʼosoʼ e yo sughò alepfʉ.

Lûk 16:9

Ǹ so Ǹ dzâa wô â ghɛ̀ enyəa, nǐi kɔʼ nlò fʉgha u mbī wo, ghɛ̀ kwu nduw fwən wo a te ghɛ̀ à ghê ghì ghò, mo u kê bùghò mìa tsùghù nû, ghe lo kpeē nî ghɛ̀ alo Kəwālā.

Lûk 18:22

Yɛso n zyənlo è ko, dzɛ̀ â wə̄n enyəa, “Ghəa e nāam buw e mɔ̀ʼ. Fěe tsughu fʉgha wʉ̀a wò u dzə̀m ghù dzughuu fughu nduw kua u te wo â ghì à laa gho, ghù doʼo wo ghàʼ à ghù, ghù ke e kūu alo Kəwālā.”

Lûk 19:8

Zàkyôs n nùghù těe è kɔʼ, dzɛ̀ â Mughu ù te enyəa, “Kòʼô, Mughùbè, êzə̄ŋ aŋghəa a ti fɛ, Ǹ nîi kɔ̀ʼɔ̂ kə̀m kə ufʉgha kaŋā, Ǹ dzughù â ghì à laa gho. Mò à lò enyəa M̀ maā ghùw kpaʼ tsè kòʼ an dziī è lì, Ǹ tsəā tsəghàa ndûw èbàm tənəghā tə chìakò.”

Kə̀fwàʼ 10:15

Ghùw vʉ n dzɛ̀ kpèʼe wò â wən enyəa, “Fəgha kə̀là Zə̀ kə̀ sûw naŋā tsughu ghù kì yo aledzɛ̀ enyəa bughōo kə enaʼ kə kâ bǒo.”

Kə̀fwàʼ 11:29

Tsə̀təndə̄ghā tə te tə m boo tsughu enyəa, aŋ ŋgəŋ è ghee chìa è də̀mà tsughu ko aletuū fughuu ndûw èyòsò â ghì ghəla ghe mughu aŋ Dzùdîa mo ghe m boo fughu sùghò â Kə̀lestò.

Kə̀fwàʼ 24:17

Êzə̄ŋ, ghəa nûu tə̀ li tə tsəghà tsughu, mùgho n ndùw bùghò enyəa M̀ bughò fughu eyosò â naŋa zo àsùghò fughu kefughu â Zə̀ kò.

2 Kòlentìan 8:12

Tɔŋlo enyəa abugho ghɛ̂ e te e lo, Zə̀ kə̀ fəgha kə̀là ghùw fughu nìi ndùw sùghò am fəgha kəla ghùw ù te ki, à yò dzə̂ am fəgha kə̀là ù ki yo.

Efɛsùs 4:28

Mò ghùw mò tsɔŋɔ nû, ù m màʼà tsɔŋ e te zo, u n nì kɔ̀ʼ ghu a wə̄n alefwaʼā fwàʼ kə̀ səŋò kò, tò ù e lo aleyòsò ghì ghəla kə ghee kə buw.

Taetùs 1:15

Ghî ghə̀là ghe ki fə̂ŋ tə̀ zɔlɔ to, ghəa ghə̀n à dzə̀m zɔ̀lɔ nù â ghee. Yia a bughò ghəla ghe fwəlà luʼū to, boom fughuu ndùw sùghò yò, aghəa a dzə̀m â ghee lo à dzəa gho; tɔŋlo enyəa moʼnlò e ghee e bûʼ fwə̀n lò sugho nû, àsùghò fə̀ŋ tə ghee to.

Hibùlù 13:16

E kwo ghɛ̀ ke bughuu doʼò kôʼ aleghəəŋ dzɔ̂ zò àsùghò aleteen dzəəŋ fʉgha wo, tɔŋlo enyəa fə̀ŋ è Kə̀zə̀ zɔ̀lɔ nù aŋ ŋgòʼ è ufughu vʉ̀.

Hibùlù 6:10

Zə̀ kə̀ lo tsəghatsəgha, kə yo dzə̂ alenìizə̂ fwàʼ kə̀la ghɛ̀ mò fwaʼ ŋkāa ləgha zəla ghɛ̀ mò de tsughu â wə̄n tɔɔŋ Kəzə̀ an yoso zəla ghɛ̀ mò fughu â ghì a Kəzə̀ à li gho, ghɛ̀ yia naam fughuu ko êzəŋ.

Dzɛ̂ms 1:27

Ghəa e Kəzə̀ zəla Tsele ù te, Kə̀zə̀ nìi enyəa e ki yo dzʉ wo, zəa e lô tsəghatsəgha lò enyəa; alelɛnlo â waatsʉ gho àsùghò yiikpūw gho am fala e ghee, àsùghò enyəa e kwo ko ghəa a mbī a lô so e dzəso ghùw.