Lûk 11:4 - To kə Kəzə̀ kə̀ Fughu ko

⁴ ghù ghuūw bôo taʼa to, tò aŋghəa ghàʼ ghuūw maʼà sughò bòo tə ghî ghəla ghe ghəəŋ ghaʼ â bo zo; e kwo ghù lò ghəŋlo enyəa fəghà kə̀ li kə tsoom ghàʼ.’”

Lûk 11:4 Iomraidhean Croise

Matìo 18:35

Yɛso n daŋso dzɛ̀ tsùghù enyəa, “Bə̀ghà alo kəwālā kê bɔ̌ɔm ghəəŋ sùghò èzə̀, â ghùw wəla ù dòʼŋkè nîizə̂ bo e wàazə̀ am fə̂ŋ è wə̄n.”

Matìo 26:41

Ghǒom tsughu nlò, ghɛ̀ e gɔɔ̄ŋ tsughuu enyəa e kwo fəgha kə lô tsoō ghɛ. Ghɛ̀ ki nû moʼnlò e te zo alefwàʼ, ghue zə e kuūwn bughuu ghaʼa ghɛ.”

Lûk 11:5

Ù n daŋso dzɛ̀ â ghee enyəa, “Nǐi tsughu enyəa ghùw wɛʼɛ ù lì kǐ fən, vʉ̀a ù kpaʼ ndûw alô fə̀n ù wə̄n ù te â fə̀ŋò ùtsùʼ, dzɛ̀ â wə̄n enyəa, ‘M̀ fə̄n, fɔ̀lɔ fughu wò mugho à sə a ugbɛ gho a təgha;

Lûk 13:4

Kàa ghɛ̀ moʼò enyəa ghî ghə̀n èghəm à ghè ghò efāa bəgha kə ndughu kə fə̀ bɛlɛ̀ bvʉ̂ winlō an Silɔ̀m, à fə̀ fɛ ŋge lo ghî à biigh gho tsə̀ghàtàʼà ghì ghəla ghe mughu êzə̄ŋ an Yɛ̀lusalɛ̀m ŋkāa a?

Lûk 22:46

Ù n dzɛ̀ â ghee enyəa, “Ghɛ̀ bwîi kwò? Nùghu gɔ̀ŋlo nlò, enyəa e kwo fəgha kə lô tsoō ghɛ enyəa ghɛ̀ ghəəŋ tsughu ghəa è biigh zo.”

Lûk 8:13

Ghəlā aŋ gɔ̀ŋlò, fɛ lo ghəla abugho ghe zuw tsughu shwāʼ u te wo, ghe n nì ko aŋ ghùe è ghɛɛ̄n zo; wə ŋ kè kuūwn nyəā mə̄lā ghee alo tə fə̀ŋ, tɔŋlo enyəa ghe dzə̂a kwǔu kele kə̄əŋ ndùw kô boo e te zo enyə, à m bùghò nəgha è mɔɔ̄ koʼō e ghee e kpe tsughu, ghê n tìgh zə̀ghà è tsughu.

Dzɔ̌n 17:15

Gɔ̂ɔŋ zaŋa e yo dzə̂ enyəa ghù ni nughu sə kɔʼ ghee am mbī, e kuuwn lò enyəa ghù ni nan naŋa ghee am ghùu ghùw ù bǐigh.

1 Kòlentìan 10:13

Ghəa è li e yo dzə̂ e fəmsō ghɛ mo e kaām fəmso kòʼ tsə̀ghà ghì à loʼ gho. Zə̀ kə̀ nâaŋ dzughu e wə̄n, vʉ̀a ù yò dzə̂ alebōo enyəa ghəa è li e tsoom ghɛ̀ mo zə n tsə̀ghàsə̄ daʼa kɛʼɛ ko. Abugho ghəa e bughò tsoōm kɔʼ ghɛ, kə n dè wò sùghò dzì zəla ghɛ̀ lo aletiī sə a te, nyəa ghɛ̀ è lo alekɔlɔ fəŋ aŋ ghəa e te zo.

Kòloshìan 3:13

Ghɛ̀ è bughuun ghəəŋ nduw ghəa gho aŋ ghùe zɛʼɛ̄ mò à yǒ ndə̀m kə̀ ndə̀m, mò ghùw ghə̌əŋ bonlo èghəa â wàazə̀, wàazə̀ ù te ŋ ghùw màʼà ghəa e te zo. Ghɛ̀ ki aleghuuw maʼn bôo tə aghì tò aŋghəa Mughu ù te fə̀ ghuw maʼà tɛʼɛ to təbôo.

2 Tɛ̀sàlonìan 3:3

À sò kǔuwn lò ko enyəa Mughu ù te lo nâaŋ dzughu e wə̄n, ù lo fughu nù ghɛ â daʼa ko, ù lo tughuso nù ghɛ, ù kə̀ŋo naŋā sùghò ghɛ̀ aŋ ghùu ghì à biigh gho.

2 Timotì 4:18

Mughu ù te lo bəghaasəa nù mugho aŋ ghu kə ghəa à biigh ghəla a ləghaa alenomso mùghò. Ù lo nyoʼn nîi nyəā ndûw mùghò am fɔ̀e u kəwālā u wə̄n. Gɔ̂ŋ zaŋa e lo enyəa, to ghî à mô tə̀ma ŋkəma, fughuu sùghò ŋkɔʼso â Zə̀ kò to mbī kê bughò mîaa. Zə e lo ko êzə̀.

Dzɛ̂ms 2:13

Nu Zə̀ kə̀ lo kwuso yo se zo a zəŋò ghùw wəla ù saʼā sāʼ mò ù kwùso yo se zo. Zə̀ chia kə lo kuūwn kwusō se zo a zəŋò ghì ghəla ghe kwusō se zo abugho ghe saʼā ghî ghò an tia e sāʼ.

Edêe Fughu 2:10

Kà nlò tsəŋ dzə̀ ghəa è li zo ghɛ̀ lo ki alekùʼù fala tsughu a te. Kele tsughu nlò enyəa vʉatsə̄a a ki alekùʼù nîi dzə̂n ghɛ̀ â li gho an ndùghùtsāʼ, àsùghò enyəa to ghe mô mɔ̂ɔkoʼò tsughu ghɛ̀, ghɛ̀ doʼo an tsù alo ntsuʼu eghə̄m. Gaʼ tsughu ko nlò fə̂ŋ tɛʼɛ to a zəŋò mùghò abugho e lo enyəa ghɛ̀ bùʼ kì ko alekpuw a te, tò Ǹ lo fughuu ghɛ â mùghù zò tò kənamso.”

Edêe Fughu 3:10

Ghəa ghɛ̀ naŋā tsughu shwaʼ waŋa wo alekɔlɔ̄ tsughu fə̂ŋ tò, Ǹ lo boom yò enyəa kǎakǎa fə fɛ̂ ghɛ̀ an tì kə utsù kəla kə bughōo am mbī e dzə̀m, alemɔ̀msò kôʼ ghì ghəla ghe mughù aŋ ghueekətsə̄.