Lûk 11:2 - To kə Kəzə̀ kə̀ Fughu ko

² Yɛso n dzɛ̀ â ghee enyəa, “Abugho ghɛ̀ so e gɔ̂ɔŋ nù, ghɛ̀ n nì tsùghù enyəa, ‘Tsele waʼā, ghî ghə è kɔʼsò zən zəghà zò. Fɔ̂e wʉ̀a ù è bwiī.

Lûk 11:2 Iomraidhean Croise

Matìo 10:32

“Ghùw wəla boō fughu â mugho an sə kə aghì enyəa e lo ghùw waŋa, Ǹ lo bɔɔm boom sùghò wə̄n êzə̀ e an sə kə Bəghà alo kəwālā.

Matìo 3:2

Ù n nâʼn wò enyəa, “Ti màʼa nlò ghəa ghɛʼɛ à biigh gho, tɔŋlo enyəa fɔ̂e u kəwālā wə n sū.”

Matìo 5:16

Ghəəŋ tsughu nlò enyəa kɛ̀ʼɛ̀ kɛʼɛ kə e bɔɔm baŋā sugho êzə̀ an sə kə aghì. Ghe e koʼō ghəa fwàʼ kɛʼɛ kə dzɔɔ̄ a te, ghe e kɔʼso Tsele wɛʼɛ wəla ù lò alo kəwālā.”

Lûk 11:1

Tsuʼ ù li wo Yɛso ŋ gɔ̂ŋlò an luʼu kə̀ li ko, a m bùghò ù gɔ̀ɔŋ mɛʼɛ̀ tsughu, tsə̀ndə̄ghā è wə̄n e mɔ̀ʼ n dzɛ̀ â wə̄n enyəa, “Mughùbè, zoʼn wò ghaʼ alegɔ̀ŋlò, tò ghəa Dzɔ̌n fə̀ zoʼn tsə̀təndə̄ghā tə wə̄n to a te.”

Lumà 1:7

Mwàʼsò kən kə tɔɔ wò â ghɛ̀ yì a dzə̀m a fi am mbùʼ è Lumà Zə̀ kə̀ ləghaa, tsɔʼ kɔʼ ghɛ enyəa ghɛ̀ doʼo ghî a wə̄n gho. Ŋ̀ gɔ̂ŋlò enyəa to Kə̀zə̀, Tsele ù sɛ̀ ghèe Mughu ù te Yɛso Kə̀lestò mò dê ghɛ̀ â dzɔ̀ zò, ghe fughuu sugho ghɛ̀ â bughuun zo.

Lumà 8:15

Tɔŋlo enyəa Zuʼ təla Zə̀ kə fughu wo â ghɛ̀ ghə̂əŋ dzə̀ yo enyəa ghɛ̀ doʼò tsughu kɔ̂ wò tò ghɛ̀ è kòom tsəŋo ghəa gho; tə laam ghəŋlo enyəa ghɛ̀ dòʼo tsughu wɛ a Kəzə̀ gho. À lò Zuʼ tə Kə̀zə̀ tə te to tə ghəŋlo enyəa, sɛ̀ è nughuun diī ndùw â Zə̀ kò enyəa; “Bàba! Tsele waŋa!”

1 Kòlentìan 1:3

To Kə̀zə̀, Tsele ù sɛ̀, ghèe Mughùbè Yɛso Kə̀lestò mò fughu ghɛ â bughuun zo ghe dêe sughò ghɛ̀ â dzɔ̀ e ghee zo.

2 Kòlentìan 1:2

Gɔ̂ɔŋ zaŋa e lo enyəa to Kə̀zə̀, Tsele ù sɛ̀, ghèe Mughùbè Yɛso Kə̀lestò mò dê ghɛ̀ â dzɔ̀ zò, ghe fughuu sughò ghɛ̀ â bughuun zo.

Gàlashìan 1:4

Yɛso Kə̀lestò wən fə̀ zuw nduw â Tsele ù sɛ̀ tɔɔŋ Kə̀zə̀, ù m boo tsughu alekpuw an tuw u sɛ̀ bòʼ bòo tə sɛ̀, alebəghaasə sɛ̀ aŋ ghùu mwàm è biigh zən fɛ am mbī.

Efɛsùs 1:2

Ghàʼ gɔ̂ŋlò enyəa to Tsele ù sɛ̀ Kə̀zə̀ àsùghò Mughùbè ù sɛ̀ mò fughu ghɛ â bughuun zo, ghe dêe sughò ghɛ̀ â dzɔ̀ e ghee zo.

Fèlepìan 1:2

Ŋ gɔ̂ŋlò enyəa to Kə̀zə̀, tɔɔŋ Tsele ù sɛ̀, ghèe Mughu ù te, Kə̀lestò Yɛso mò fughu ghɛ bughuun zo, ghe dêe sughò ghɛ̀ â dzɔ̀ e ghee zo.

Fèlepìan 4:20

Kɔʼso n lo tən à Tsele ù te tɔɔŋ Zə̀ kə̀ sɛ̀, to mbī kê bughò mîaa. Zə e lo ko êzə̀.

Kòloshìan 1:2

M̀ mwàʼsò kən kə tɔɔ wò â ghɛ̀ ghî a Kəzə̀ ghəla ghe boō fughu tsughu â Kə̀lestò an naʼ e Kòlosɛ̀. Ghàʼ gɔ̂ŋlò enyəa to Kə̀zə̀, Tsele ù sɛ̀ mò fughu ghɛ â bughuun zo, Kə dêe sughò ghɛ̀ â dzɔ̀ e wə̄n zo.

1 Tɛ̀sàlonìan 1:1

À mwàʼsò kən kə tɔɔ wò mùghò Pôl, ghàʼ à ghê Timotì àsùghò Saelàs â ghɛ̀. Ghǎʼ mwàʼsò kən kə tɔɔ wò â ghɛ̀ dzeŋe kə ghì a Kəzə̀ ghò an naʼ e Tɛ̀sàlonikà; ghɛ̀ lo ghî a Kəzə̀ tɔɔŋ, Tsele ù te ghèe Mughùbè Yɛso Kə̀lestò. Gɔ̂ɔŋ zaʼa e lo enyəa, to Zə̀ kə̀ mô dê ghɛ̀ â dzɔ̀ e wə̄n zo, kə fughuu sughò ghɛ̀ â bughuun zo.

1 Tɛ̀sàlonìan 1:3

Ghə̄a ghàʼ zə̂əŋ zeē ko ghɛ aŋ gɔ̀ɔŋ zaʼa â Zə̀ kò, Tsele ù sɛ̀, ghàʼ nîi zə̀a yò fwàʼ kəla ghɛ̀ fwaʼā bòʼ ghɛ̀ boo fughu â Kə̀lestò, àsùghò ghəa à dzûŋ ghə̀là ghɛ̀ ghəŋlo â ghî ghò bòʼ ləgha zəla ghɛ̀ ki ghè zò, àsùghò tùʼ zəla ghɛ̀ ndzəmà chiī a zəŋò Mughùbè ù sɛ̀ Yɛso Kə̀lestò.

2 Tɛ̀sàlonìan 2:16

Ghaʼ gɔ̂ŋlò enyəa to ghuūghùe u Mughùbè ù sɛ̀, Yɛso Kə̀lestò, ghèe Tsele ù te tɔɔŋ Zə̀ kə sɛ̀, ghe ghəla ghe mò ləgha sɛ̀, fughu tən sɛ̀ â tsə̀mso kə fə̂ŋ kəla kə doʼò tən, àsùghò moʼnlò è dzûŋ zò an dzɔ̀ e ghee,

Edêe Fughu 11:15

Tsə̀ndə̄ghā è sə̀ghàkəmbəgha n daŋso tɔŋ tsughu mbuwlì è wə̄n, a n zuw dzə̂ tə̀ tughu tə̀ li to alo kəwālā tə dzâa wô enyəa, “Naʼ e mbī zə m bùghò dòʼò fɔ̂e u Tsə̂ntə̀mbî ù sɛ̀ wò ghèe Bəghambī u wən: wəla ù fə̀ tsɔʼ kɔʼ, ù ke e saʼa tuw u aghì wò to mbī kê bughò mîaa.”

Edêe Fughu 15:4

À lò ndūghō ù yò alestə̄ŋ ghu a Tsə̂ntə̀mbî, ù tàʼkè fughuu wô ghù â kɔʼso an zən zəghà mò a? Nu à bɔ̌ɔm zɔlɔ ko ghù â nəŋ ko. Aghî a dzə̀m an nàʼà mə̀n n dzə̀m kè bùghò tə̀ma tə̀ŋguʼ a tsəlà ghù, tɔŋlo aghî a dzə̀m ŋ ko enyəa ghəa ghəla ghù ghəŋlo a lo tsəghatsəgha.”

Edêe Fughu 19:6

Mùgho n daŋso zùw ndùw ndə̀m səŋō tò nɔ̂e kə aghì, kwùu wò to ebʉghàbʉ̀ghà, àsùghò to ghuuw e lô kəmā, dzàa tsùghùu enyəa “Kɛɛ u lo â Zə̀ kò! Nu Tsə̂ntə̀mbî, Zə̀ kə sɛ̀ kə̀ ghaʼa kə lo kədə̀ŋ.

Edêe Fughu 20:4

Mùghò n daŋso kòʼ ndùw ndàŋ tə udwə̀ŋ, ghî ghəla ghe mò doʼ a te n lo ghî ghəla ghe fughu ghee â dwaʼa wo alesaʼa naʼà tò. Mùgho ŋ kòʼ sùghò gwən a ghì ghəla ghe mò gbôon tuw u ghee wo bòʼ ghe fə̀ lo ghê bvûʼnɔ̀ʼ a Yɛso, ghe n naʼn sùghò shwaʼ u Kəzə̀, ghəla ghe mò doʼŋkè fughu ŋkɔʼso â nyòoŋgwən è ne zə̀, ŋkāa mùʼù fə wən fia fə fweēn wə̄n, kè nîi sughò tsə̌a è nyòoŋgwən zə aŋ kàʼ mə̀ esʉ ŋ ghee ŋkāa aŋ ghu a ghee. Ghe n nùghù dòʼò wò â tuw ko, ghe n saʼa am mbī ghèe ghê Kə̀lestò tò udwə̀ŋ am bɔ̀m n tə̀nùu eghə̄m.