Lûk 10:42 - To kə Kəzə̀ kə̀ Fughu ko

⁴² Ghəa è lo ko e mɔ̀ʼ. Mèle fɛ shìaa kɔ̀ʼ bâ kə̀ dzûŋ kò, mò ghùw ù lì kè nì nùghù kòʼ yò aŋ ghulô wə̄n.”

Lûk 10:42 Iomraidhean Croise

Mâk 8:36

Ghùw zə̌a kə̀ kwò abugho ù kele mɛʼɛ̀ fʉgha u mbī wo ù dzə̀m kè kuūwn zə kətuw à?

Lûk 10:39

Màta ŋ ki wàazə̀ ù zən, ghe fə tɔŋlo enyəa a lo Mèle. Mèle m bɔ̄ɔm ndùw nyàʼa dòʼò kɔʼ ko am bùghu e Yɛso, kuuwn zyəən kô tsʉ̀ e wə̄n.

Lûk 11:1

Tsuʼ ù li wo Yɛso ŋ gɔ̂ŋlò an luʼu kə̀ li ko, a m bùghò ù gɔ̀ɔŋ mɛʼɛ̀ tsughu, tsə̀ndə̄ghā è wə̄n e mɔ̀ʼ n dzɛ̀ â wə̄n enyəa, “Mughùbè, zoʼn wò ghaʼ alegɔ̀ŋlò, tò ghəa Dzɔ̌n fə̀ zoʼn tsə̀təndə̄ghā tə wə̄n to a te.”

Lûk 12:20

Zə̀ kə̀ ŋ kuuwn dzɛ̀ â wə̄n enyəa, ‘Ndzə̀ŋòfùw zən, tsuʼ u tsʉtsʉ wən zuuw kwuun yo ghû; à laʼà fʉgha wʉ̀a u te wə e kele ndùghò à?’ ”

Lûk 12:33

Fěe nlò fʉgha wɛʼɛ wo, ghɛ̀ tɔɔm nduw ghî à laa gho a te; kəŋ tsughu nlǒ mbə̀ghà tə kʉ̄a təla tə doʼò tən; ghɛ nan naŋa kum zɛʼɛ zo alo Kəwālā mo ghùwtsɔ̀ŋo yô alemɔ̀m, mo soʼosoʼ e yo sughò alepfʉ.

Lûk 16:2

Ghùw ù kǔu vʉ fi bughò tɔ̀ŋɔ naŋa tsughu nû ghùw ù kə̀fwàʼ ù wə̄n vʉ̀, bvʉ â wə̄n enyəa, ‘Ŋ̀ kən zuuw kâaŋ kə̀ kwò enyəa an zən zəghā a? Ghəŋlô ghù fughu nyə wo tàŋ è kə̀fwàʼ zə̀ghà, mbuu ghù lo kòom fwaʼà yo fɛ.’

Lûk 16:25

Abə̀làhâm ŋ kuūwn dzɛ̀ ndùw â wə̄n enyəa, “Ŋ wɛ, kele tsughu enyəa, ghəa ghù mò mughù am mbī, ghù mò ki fʉgha ù dzûŋ wò, Lazālùs ŋ kuuwn mùghù an tsù; êzə̄ŋ, ù kǔuwn mùghù alo nsəghanyəgha fɛ̄, ghù vʉ̀a ghù kuūwn lo an tsù.

Lûk 18:22

Yɛso n zyənlo è ko, dzɛ̀ â wə̄n enyəa, “Ghəa e nāam buw e mɔ̀ʼ. Fěe tsughu fʉgha wʉ̀a wò u dzə̀m ghù dzughuu fughu nduw kua u te wo â ghì à laa gho, ghù doʼo wo ghàʼ à ghù, ghù ke e kūu alo Kəwālā.”

Lûk 8:18

Ghɛ̌ fi ki aletɔ̀ʼɔ̀ tee an dzì zəla ghɛ̀ zyəə̄n ghəa gho a te, mbuu ghî ghəla ghe ki fəgha ko, Zə̀ kə̀ lo fughuu kpeʼe ndùw ghee â ndə̀m, ghəla ghe ki yo, fəla fə bûʼ lo ko to ghe ki nû, Zə̀ kə̀ lo nìi nùghùun kɔ̀ʼɔ nù.”

Dzɔ̌n 11:1

Ghùw ù lì fə̀ lo tsəgha am Bɛtanì ghe fə̀ tɔŋlo enyəa à lò Lazalùs, ù m bùghò bvʉ̀ tsùghù edzâŋ; Bɛtanì zən fə̀ lo naʼ zəla Mèle ghèe wàazə̀ ùzən tɔɔŋ Matà fə̀ mughu a te.

Dzɔ̌n 11:19

À n lo mò ndə̀mà tə Tə̀dzûu tə̀ m bùghò alebùghò tsəmso Màta ghèe Mèlè an vʉ e wàazə̀ ù ghee ù nùu.

Dzɔ̌n 12:3

Mèle n nì kɔ̌ʼ vʉ n lə̌əm mò alo fətôo, mo ghe fênlò am wə̄n e səŋò zò, mo ghe mvʉ n te m fəghaŋlo am fəgha kə̀ li ko ghe tɔŋlo enyəa à lò Nâd, tsoʼsō tsughu ghuw a Yɛso a te, nì zè kɔʼ an nyùŋ tə kətūw tə wə̄n, luʼū tə n lə̂əm tə̀la ko zùʼù fə mvʉ fə te fo.

Dzɔ̌n 17:3

Mughù e doʼn təla zən lǒ â ghee alekwō ghû, Zə̀ kə̀ səŋo kən kə mɔ̀ʼ, kwo sugho Yɛso Kə̀lestò wəla ghù mò tum wô fɛ am mbī.

Dzɔ̌n 4:14

ghəla ghe lo kuūwn mʉā mùghù mə̀là Ǹ lo fughu â ghee, fə̀ŋ è m̀mùghu kê ghee kôom zùʼso kòʼ yò. Mùghù mə̀là Ǹ lo fughuu, n lo doʼò tsughu fədzughù a zəŋò ghee, fə tûuŋ səā kɔʼɔ̄, fughu sùghò ghee â mùghù è doʼn təla zo.”

Dzɔ̌n 5:24

Kùmkùm, aŋghəa Ǹ dzâa wô fɛ â ghɛ̀, ghùw wəla ù zuw shwaʼ waŋa wo, boo fùghù ndùw â wə̄n wəla ù mò tum wô mugho lo kele nù mughù è doʼn təla zo, ghe kê dzùuw màʼn yǒ wə̄n; tɔŋlo enyəa ù n nùghù sə̀ wò alo evʉ̄, dòʼò wò â tuw ko.

Dzɔ̌n 6:27

Kà nlò e kəŋo fʉghàzəa wəla u lo alebō, e laam kəŋo nlò fʉghàzəa ù doʼn təla wəla Wɛ ù Ghùw ki alefughu â ghɛ̀. Tɔŋlo enyəa à lò â Wə̄n Tsele ù te, tɔɔŋ Kə̀zə̀ fə̀ fughu naŋā daʼa kə te ko.”

1 Kòlentìan 13:3

Abugho Ǹ tso bûʼ nî fughu sə mɛʼɛ̀ ndûw ko fʉgha wən ù dzəm Ŋ̀ ki â ghì à laa gho, bùʼ fughu daŋso ndùw sùghò ghue waŋa enyəa ghe kpâa maʼà ndûw, mò Ŋ̀ kuuwn ki yo ləgha zo â ghì ghò, Ǹ yo dzə̂ aletsoō zə fəgha kə li ko a te.

Gàlashìan 5:6

Abugho ghe sugho tigh kə ghûw kò ŋkāa ghe tâʼkè sugho, zə ki dzə yo ghəa è li zo aleghəŋlo am mùghù e sɛ̀ à ghê Kə̀lestò Yɛso. Ghəa èsəŋò zəla e lo ghè zò lò enyəa, sɛ̀ ŋgaʼ fə̀ŋ a zəŋò Kə̀lestò an ləgha zəla a ki ghè zò.