Lûk 10:11 - To kə Kəzə̀ kə̀ Fughu ko

¹¹ ‘Kɛ̀sò gbə̀n kə enaʼ kɛʼɛ̄ kəla kə kɔʼ kɔʼ aŋ ghùw ghaʼā, ghàʼ buʼu màʼn tsùghuu ko an tuw wɛʼɛ, kuuwn kele tsughu ko nlò enyəa Fɔ̂e u Kəzə̀ wə n sū.’

Lûk 10:11 Iomraidhean Croise

Matìo 10:14

Mo ghe kâ ghɛ̀ kpenì, ŋkāa mo ghe tue sùghò alezə̂ən shwaʼ wɛʼɛ, ghɛ̀ n zə̀ghàa be kə te ko ŋkāa naʼ e te zo, ghɛ̀ n nyuʼu tə̀dzəm a fughu.

Matìo 10:7

E kəā nduw ghəa a Kəzə̀ ghò aŋghəa ghɛ̀ nduūw, dzàa ndùw enyəa, ‘Fɔ̂e ù kəwālā wə m bùghò.’

Matìo 3:2

Ù n nâʼn wò enyəa, “Ti màʼa nlò ghəa ghɛʼɛ à biigh gho, tɔŋlo enyəa fɔ̂e u kəwālā wə n sū.”

Mâk 6:11

Abugho ghe doʼŋkè kpeēnî ghɛ̀ an lùʼu kə̀ li ko, tue enyəa ghe zuuw yo shwaʼ wɛʼɛ wo, mò ghɛ̀ zəghàan naʼ e te zo, ghɛ̀ m bùʼ màʼà tsùghù gbə̂n chia aŋ ghùw ghɛʼɛ̄ tǒ tsə̌a enyəa ghɛ̀ n dzə̀m â ghee nyuʼu, bòʼ enyəa ghe ŋ ghəəŋ bonlo.”

Lûk 10:10

Mò ghɛ̀ kuuwn nyə̀ ndùw alo enaʼ, ghe yia doʼŋkè kpaʼā kpeē nî ghɛ̀, ghɛ̀ m būʼ kaaŋ ndùw kə̀bɔ̀ŋ fughu alo enaʼ enyəa,

Lûk 10:9

Ghɛ̀ m baāŋ tsughu ghì à dzaŋā yì fughu, ghɛ̀ n dzɛ̀ â ghee enyəa, ‘Fɔ̂e u Kəzə̀ wə n sū alebùghò.’

Lûk 9:5

Mò ghɛ̀ ndûw ko ghɛ ghe tâʼkè kpeē nî ghɛ̀, ghɛ̀ n zə̀ghàa naʼ e te zo, nyuʼu dzə̀m, tǒ tsə̌a â ghee enyəa ghe ŋ ghəəŋ bonlo.”

Kə̀fwàʼ 13:26

Ù n nì tsùghù enyəa, “Ghî ghə Ezə̀lɛ̂ ghaŋa gho, wɛ ghə Abə̀làhâm ghò, à Tòʼò zən è dzə̀m ghe kɔʼso Zə̀ kò fɛ, à lò â sɛ̀ ghe tum wô tum zən enyəa sɛ̀ lo zəa nù tuw ko.

Kə̀fwàʼ 13:40

Ghɛ̌ fi ki aleghòom tsughu e kwo ghəa ghəla ghiīshʉ̀ghà a fə̀ kə̂a naŋā wo a lô səa a zəŋò ghɛ̀: Ghe fə̀ dzɛ naŋa enyəa,

Kə̀fwàʼ 13:46

Pôl ghèe Bànabàs n daŋso dzeŋe dò kə̀a sə̀ wò àghəa, dzàa ndùw enyəa, “E mô kpè nû enyəa a buʼù kə̂a wô dzə̂ shwaʼ u Kəzə̀ â ghɛ̀. Yia abugho ghɛ̀ tue maʼā, nì tsùghù enyəa ghɛ̀ kâ kɔ̀ʼ kpè tò ghɛ̀ è zə etsɛlɛ̀, ghàʼ fwəlà fùghuu ndùw êzəŋ â Tòʼò zò.

Kə̀fwàʼ 13:51

Ghe fi buʼ màʼà tsùghù nû gbwə̂n kò aŋ ghùw a ghee aledèe tsughu enyəa ghî ghə enaʼ yi kâ bǒo dzə̀ ghəa a ghee gho, nùghù ndùw e ghee zo an Ekonìum.

Lumà 10:21

A ŋ kuuwn bùghò â ghì ghə Ezə̀lɛ̂ ghò, Zə̀ kə̀ n dzɛ̀ enyəa, “Mùgho ŋ ghu ghaŋa a tsʉ naŋa zee alekpeē nîi nyəa wô ghì ghəla ghe zuūw yo â mùghò àsùghò ghəla ghe tuū màʼn ghəa ghaŋa gho.”

Lumà 10:8

Kən kuuwn lò fəgha kəla ghe tɔm naŋa am Mwàʼsò kə Kəzə̀ enyəa, “Shwaʼ u Kəzə̀ ù kuʼù lò ko enyə ghɛ̀ à ghee. Ghɛ̀ buʼù kə̀aa nù, vʉa u lô sugho am fə̀ŋ tɛʼɛ” — tɔɔŋ shwaʼ wəla sɛ̀ zughòo kaŋlo enyəa ghî ghə̀ e gaʼa fə̂ŋ tò a zəŋò Kə̀lestò.

Hibùlù 1:3

Ù dèe wò nyəghaan zəla e lo an səghanyəgha ŋ Kə̀zə̀, vʉ̀a ù bɔɔ̄m fweēn ko Zə̀ kò, ghəa ù kwu kele mbī an daʼa kə shwaʼ u wə̄n. A m bùghò ù ghəə̄ŋ tsughu enyəa Zə̀ kə̀ ghuūw maʼà bòo tə aghì, ù n doʼò tsùghù aŋ kwe u Kwîfɔ̀e ù təma wo alo kəwālā.