Lûk 1:3 - To kə Kəzə̀ kə̀ Fughu ko

³ Zən lò eghēe, Waʼāwaʼ, Ŋ̀ kôʼ tsughu enyəa e mô dzɔ̀ɔ nù, aŋghəa Ǹ tɔ̂ʼ tɔ̂ʼn sə kɔʼ see kə te ko, enyəa Ǹ naŋso səā tsughu wô â ghù alo kəmwàʼsò,

Lûk 1:3 Iomraidhean Croise

Lûk 1:1

Ndə̀mà tə aghì tə̀ mafə̄ bɛso fwàʼ alekòʼ enyəa ghe tɔɔ̄ naŋā tsughuu wô ghəa ghəla a fə̀ tsəgha am bvʉa e sɛ̀.

Kə̀fwàʼ 1:1

Am mwàʼsò kə sʉesʉ kəla mùgho fə̀ tɔm wô â ghù a Tǐofilùs, mùgho fə̀ tɔm ghəa ghəla Yɛso fə̀ ghəŋlo alenìi nughù wô,

Kə̀fwàʼ 11:4

Pità ŋ kàʼ è tsughu, teso dzɛ̀ kɔ̀ʼ ndùw biso kə eghəa kəla kə fə̀ sə ghè kò â ghee, enyəa,

Kə̀fwàʼ 15:19

Dzɛ̂ms ŋ kə̀a ndùuŋ ndùw enyəa, “Moʼn zaŋa e mô fɛ lo enyəa e kwo sɛ̀ lô fəmsō Toʼò zəla e lo mo zə m boo â Zə̀ kò,

Kə̀fwàʼ 15:25

Ghəa ghàʼ tsughu doʼò tsughu an dzə̂ e mɔ̀ʼ yia kôʼ tsughu enyəa e dzɔ̂ɔ nù enyəa a dzə̂a kɔʼ aghî, a tuū wô a vʉ̀a ghɛ̀ ghèe ghê waʼwawāʼ Bànabàs àsùghò Pôl.

Kə̀fwàʼ 15:28

E mò dzɔ tsughu nû â Zuʼ tə̀ Zɔlɔ to aŋ ghəa tə mò ghəə̄ŋ tsughu enyəa ghàʼ koʼò tɔɔ̄ kɔʼ enyəa to a kâa bòʼò fùghù dzə̀ ghɛ â kə̌a kə̀ dalā ko tsə̀ghàsə̌a ghəa ghən:

Kə̀fwàʼ 18:23

Ghəa ù tsùuŋ doʼò tsughu fughu, ù n nùghù è tsughu ŋgəa kaaŋ ndùw nàʼà tə̀nàʼà, tsə̀ghàsə̀ ndùw mbùʼ è Gàlashìa àsùghò è Flygə̀a, dzə̀là ndùw ghì ghəla ghe boō fughu â Kə̀lestò â sə̀ŋ zò.

Kə̀fwàʼ 23:26

“À lo mugho Claudìus Lysìas, M̀ tɔɔ wo mwàʼsò kən ko. Mbɛ̀ɛ, M̀ fùghù wò ghù â tɔɔŋ zo, Gɔvə̀nɛ̀ Fɛlècks.

Kə̀fwàʼ 24:3

an dzìi tən tə̀ dzə̀m àsùghò an lùʼù tən tə̀ dzə̀m, ghàʼ tso boo nù ghəa ghə̀n à dzə̀m am fə̂ŋ zaʼa e dzə̀m.

Kə̀fwàʼ 26:25

Pôl mo enyəa, “Ǹ zəghaa dzə̀ yò à Mbɛ̀ɛ, Fɛstùs. Ghəa ghə̀là Ŋ̀ kə̂aa səā wô fɛ, à lò êsəŋò, yia a kwuū ghəa zo.

1 Kòlentìan 16:12

Yia abugho wàazə ù sɛ̀ wən Àpolòs, mùgho mò buʼ səso tsughu kəghu enyə â wə̄n enyəa ù bùghò bwîin kôʼ ghɛ̀ ghèe ghê waazə̂ à li ghən, ù ŋ kuuwn ŋgə̄msō ləghaa yo alebùghò èzə̄ŋ. Abugho ù lo kele tsughu nəgha zo, ù lo bùghò bwìin kòʼò nù ghɛ.

1 Kòlentìan 7:40

Am mòʼn zaŋa, ù kǔuwn lò kədzûŋ abugho ù dòʼòdoʼō êzə. Yìa Ŋ̀ kwo enyəa Ŋ̀ ki Zuʼ tə Kəzə̀, (tə gheŋlo enyəa mùghò è kəaa ghəa gho enyə.)

1 Timotì 4:6

Abugho ghù zə̀əŋ zeē waazughù gho aŋghəa ghəla mùghò fə̀ zoʼn ghû a te, ghùw vʉ̀a ghù tsʉa tsughu sùghò ghue wʉ̀a wò làbəlà è Kə̀lestò zən àsùghò an tsʉ̀ e səŋò zəla ghù bwii a te, ghù e ke lo ghùw ù kəfwàʼ ù dzùŋ â Kə̀lestò Yɛso.