Lûk 1:17 - To kə Kəzə̀ kə̀ Fughu ko

¹⁷ Ù kè zìi tsùghuu fwàʼ kə Mughu ù te an dzə̀ tə daʼa kə Kəzə̀ kela Èlaedzà fə̀ ki. Ù lo fə̂nsò wô fə̀ŋ tə ghê tselèwɛ̀, ghe e ke lo alo kəfəgha kə mɔ̀ʼ ghèe ghê wɛ gho. Ù lo fə̂nsò wô sughò ghê tùghùukə̀tūw, ghe zumsō doʼò tsughu. Ù kè ghəa ghən fɛ ghəŋlo alebiaān naŋā zîi tsughu ghî ghəla ghe kê zuūwkɛlɛ̄ Mughu ù te.”

Lûk 1:17 Iomraidhean Croise

Matìo 11:14

mò ghɛ̀ ləghaa dzə̀ alebōo, à lǒ wə̄n Elaedzà wəla ù mò ki alebùghò.

Matìo 14:4

Hɛlɔ̀d fə̀ ghəa ghən ghəŋlo a zəŋò Dzɔ̌n, bòʼ Dzɔ̌n màʼà mgbɛɛ̄ kpoʼō zeē ko â wə̄n enyəa, “À tɔ̀ʼ lǒ ghəa è biigh zo â ghù aletsʉ̀ʉn nî wi ù wàatsùghò.”

Matìo 3:3

Dzɔ̌n wən lǒ ghùw wəla ghùwshʉ̀ghà Èzayà fə dzɛ̂ naŋā kùu ndùw wən enyəa, “Ghùw buʼu kwəla wò kə̀bɔ̀ŋ aŋ ŋgwən, nàʼn wò enyəa, ‘Fəghaan naŋa nlò dzì â Mughu ù te, nə̀ghàso nlò dzǐi mò â wə̄n.’ ”

Matìo 3:4

Dzɔ̌n fə̀ dzəə̄n tsəgha təndzʉ̄ mo ghe təm sughu aŋ gûw è kə̀anyòm kə̀ lì ko ghe tɔŋlo enyəa à lò kɔʼdzəm, mò ù ŋ kɔlɔ tsəghà wò kwùu fə gûw fò alo esā. Fʉghàzəa u wə̄n wə n lo təbe àsùghò fə̀dɔ̂ŋ.

Lûk 1:16

Ù lo fə̀nsò wò sùghò fə̀ŋ tə ndə̀ma tə wɛ ghə Ezə̀lɛ̂ a vʉ̀a Tsə̂ntə̀mbi, Zə̀ kə ghee.

Lûk 1:76

[Sàkàlîa ŋ kwə̀n dzɛ̀ tsùghù â wɛ enyəa.] Ghǔ a, wɛ wən, ghe lô ghù tɔɔŋ tsə̀ghà enyəa, ghùwshʉ̀gha ù Zə̀ kə edzuŋ ko, Tsə̂ntə̀mbî; tɔŋlo enyəa ghù kè nùghùun ndùw â sə ko alendùw biaān naŋā tə̀luʼu â Mughu ù te.

Dzɔ̌n 1:13

Ghe ka fə doʼò dzə̀ wɛ a Kəzə̀ ghò mò Zə̀ kə̀ dzə tsughu ghee tò aŋghəa ghùw lò aletsə̀mà tsughu aledzə̄ wɛ a te, à fə̀ ləgha tsughu Kəzə̀ enyəa ghe doʼò wɛ a ghee.

Dzɔ̌n 1:34

Mughò ŋ kùm kòʼ, M̀ fɛ êzə̄ŋ dzâa wò nù enyəa wən lǒ Wɛ ù Kə̀zə̀.”

Dzɔ̌n 3:28

Ghue e ughùe zɛʼɛ zəa e tɔ̂ʼ kwo sughò enyəa M̀ maā dzɛ̂ â ghɛ̀ enyəa Ǹ yo dzə̂ Kə̀lestò ù te, àsùghò enyəa, ghe mugho kuuwn tùm wò â sə ko enyəa M̀ bughò fəghaān naŋā tə̀luʼū â wə̄n.

Kə̀fwàʼ 10:33

Mùghò n daŋso tum tsughu ghùw enyəa ghe mbaā bughò tɔŋɔ̄ fughu ghû, ghù vʉ̀a ù tso ŋge dzɔ̂ sugho, è bugho. Ghàʼ fɛ êzəŋ lo nû, an sə kə Zə̀, alezəə̄n mɛʼɛ̀ ghəa ghə̀n à dzə̀m Mughubè ù te dzɛ̂ enyəa ghù kəaa wo.”

Lumà 9:23

Zə̀ kə fə̀ ghəa ghən enyə ghəəŋ tsughu aledèe fughuu wô daʼa kə səghanyəgha ŋ wə̄n â ghì ghò a dzə̀m enyəa ghe kele tsughu enyəa kə kê dèe se è kwuso zo a zəŋò ghì ghəla kə̀ fə̀ fôʼ naŋa, tɔɔŋ ghì ghəla kə fə̀ biaān naŋā enyəa ghe kê lò tsəgha an səghanyəgha ŋ wə̄n.

Kòloshìan 1:12

Ghàʼ yìa fughuu sugho zɔ̀ɔŋ kò â Tsele ù te wəla ù ghəŋlo enyəa sɛ̀ kele sughò tuʼ e sɛ̀ am fʉgha wəla ù fə̀ to naŋā enyəa e ki alefughu â ghì à wə̄n gho, ghəla ghe mughu an tsə̂.

2 Timotì 2:21

Abugho ghùw nì nùghù sə kɔʼ ghu kə wə̄n ko aŋ ghə̀a biigh gho, ù n dòʼò tsùghù fəgha kə kùu ù èghəa, tɔŋlo enyəa ù zɔ̀lɔ nù, ù n tumso Mughùbè ù wə̄n, ù n lò sugho tsəghatsəgha alefwàʼ fwàʼ kə Kəzə̀ kə̀ dzûŋ kò.

1 Pità 2:9

Yia a kuūwn bughò ghɛ, ghɛ̀ lo aghî mo ghe ghɛ shîaa nù, fɔe kə təfɔ̀e, naʼ è zɔlɔ zo, ghî a Kəzə̀, ghəla ghe tsɔʼ kɔʼ alezughoo nduw dzɔ̀ e fwàʼ kə wə̄n wəla ù mò tɔŋɔ̄ nughù sə wo ghɛ alo kələm, naŋa wò ghɛ̀ an dzɔ̀ɔdzɔ̀ kə tsə̄ kə wə̄n.

1 Dzɔ̌n 2:28

Tee tsughu ko nlò ghuw ko kə mɔ̀ʼ ghɛ̀ à ghê Kə̀lestò êzə̄ŋ à wɛ ghaŋa gho, to abugho ù kê bugho, ghɛ̀ e ke ki yo tsəŋ zo àsùghò tuw kə dəla ko aleteme a vʉ̀a wə̄n an tsuʼ fəla ù kè bugho ebàm a te.

Edêe Fughu 20:4

Mùghò n daŋso kòʼ ndùw ndàŋ tə udwə̀ŋ, ghî ghəla ghe mò doʼ a te n lo ghî ghəla ghe fughu ghee â dwaʼa wo alesaʼa naʼà tò. Mùgho ŋ kòʼ sùghò gwən a ghì ghəla ghe mò gbôon tuw u ghee wo bòʼ ghe fə̀ lo ghê bvûʼnɔ̀ʼ a Yɛso, ghe n naʼn sùghò shwaʼ u Kəzə̀, ghəla ghe mò doʼŋkè fughu ŋkɔʼso â nyòoŋgwən è ne zə̀, ŋkāa mùʼù fə wən fia fə fweēn wə̄n, kè nîi sughò tsə̌a è nyòoŋgwən zə aŋ kàʼ mə̀ esʉ ŋ ghee ŋkāa aŋ ghu a ghee. Ghe n nùghù dòʼò wò â tuw ko, ghe n saʼa am mbī ghèe ghê Kə̀lestò tò udwə̀ŋ am bɔ̀m n tə̀nùu eghə̄m.