Lûk 1:1 - To kə Kəzə̀ kə̀ Fughu ko

¹ Ndə̀mà tə aghì tə̀ mafə̄ bɛso fwàʼ alekòʼ enyəa ghe tɔɔ̄ naŋā tsughuu wô ghəa ghəla a fə̀ tsəgha am bvʉa e sɛ̀.

Lûk 1:1 Iomraidhean Croise

Mâk 16:20

Tsə̀təndə̄ghā tə wə̄n tə n daŋso sə̀ sɛ̀ɛ è tsughu, nàʼn kǎaŋ ndùw tsə̀ndə̄ghā è Kə̀zə̀ an lùʼù tən tə̀ dzə̀m. Ghue u Mughu ù te wə n lo a bàâ ghee, tughuso ndùw shwaʼ u ghee an tsə̌a təla tə fə̀ səā kɔʼɔ̄ a te. Àkpe.

Dzɔ̌n 20:31

ghe ghəa ghən fɛ kuuwn tɔm naŋa aleghəə̄ŋ tsughu enyəa ghɛ̀ boo fughu enyəa Yɛso lǒ Kə̀lestò, Wɛ u Kə̀zə̀, àsùghò enyəa, am boo zɛʼɛ̄ to ghɛ̀ mo kele mughù zò an zən e wə̄n.

Lumà 14:5

Ghî a li a moʼò ko enyəa tsuʼ fə̀ li fə lo nû fə tsəghàtaʼà sə n lì mən, ghî a li yia a lo ghe kuūwn kwō enyəa tsuʼu mən n dzəm bɔ̌ɔm lò ko eghala. Naŋa tò chìa e bɔɔm tsəma tsughu ko e wə̄n zo eghəa.

Lumà 4:21

Ù fə̀ kwo tən nû enyəa Zə̀ kə̀ ki nû daʼa kə te ko aleghə̂əŋ ghəa zəla kə mò to naŋā.

Kòloshìan 2:2

Ŋ̀ ghəa ghən ghəŋlo enyəa to fə̂ŋ tə ghee tə mô nyəā tsughu, ghe nîi kɔʼ eləgha tò fəgha kəla kə kwuu kɔɔn ghee alo fətùʼù, ghe e kwo tən enyəa e lo êzə̀ aŋghəa ghe bughò zuwkɛlɛ̄ tsughu səŋò e te zo. A n dziī zən, ghe lo zuūwkɛlɛ enyəa nàn kə eghəa kəla kə lo aŋ ghəa a Kəzə̀ lǒ Kə̀lestò.

Kòloshìan 4:12

Epafəlàs wəla ù lò sugho ghùw ù enaʼ wɛʼɛ, kɔ̂ɔ fə̀ Kə̀lestò Yɛso tɔɔŋ zùw wò ghɛ̀. Ù kùu gɔ̀ɔŋ zěe nù an tuw wɛʼɛ, enyəa to Zə̀ kə̀ mô ghəŋlo ghɛ̀ mən tsughu am boo zɛʼɛ̄ â Kə̀lestò, ghɛ̀ e tɔʼ kwo tən enyəa ghɛ̀ fɛ fwàʼà fəgha kəla Zə̀ kə̀ ləghaa ghè kò.

1 Tɛ̀sàlonìan 1:5

Tɔŋlo enyəa ghàʼ fə̂ làbəlà è dzùŋ zaʼa zən â ghɛ̀ kaa naʼn wo ko yo an shwaʼ ù zūm wo, làbəlà è fə̀ bugho dzəə̄ŋ ko ghèe shʉ̀ghà wò an daʼa kə Zuʼ tə̀ Zɔlɔ to. Ghɛ̀ mô è zuw, zuwkɛlɛ̂ ghəa a te gho. Ghɛ̀ kwo nû mughù zəla ghǎʼ mò mughu ghè zò aŋ ghəa ghǎʼ mò lo fì sɛ̀, à mò lo aleyòsò ghɛ̀.

1 Timotì 3:16

Ghùw ù li yo aletuū maʼà nàn kə eghəa kəla kə lo aŋ ghəa a Kəzə̀ ghən enyəa, Ù fə̀ a m mbī bugho tǒ ghuw wə̀ nsɔ̌ɔŋnchùw. Zuʼ tə Kəzə̀ tə̀ n dè wò enyəa ù lo tsəghatsəgha, Tsə̀təndə̄ghā tə Kəzə̀ tə̀ ŋ kòʼ wə̄n. Ghî ghə̀ n zoʼn ŋgə̀a wò àghì aŋ ghəa a wə̄n alo tənàʼà tə dzə̀m. Mbī e dzə̀m m boo fùghù ndùw â wə̄n. Ghe n nì nyə̀ kɔ̀ʼ ndùw wə̄n alo kəwala alo n nsəghānyəghā.

2 Timotì 4:17

À ŋ kuuwn lò ko enyəa, Mughu ù te fə̀ lo ghàʼ à wə̄n. Ù n dzə̀n tsughu mugho â sə̀ŋ zò enyəa to M̀ mô lò alenaʼn mɛʼn nduw làbəlà è dzùŋ è te, enyəa to tûu təla tə fə̀ lo a fughu; mò à yò dzə̂ Tə̀dzûu è lo alezūw. Zə̀ kə̀ fi baaŋ sə tsughu nû mugho an dzughu e kəbəgha.

Hibùlù 10:22

E lo enyəa sɛ̀ ki alendùw a vʉ̀a Zə̀ kò am fə̂ŋ è zɔ̀lɔ mo aŋ kùm bǒo fughu â wə̄n, am fəŋ təla a lo mo a n sùw zɔnso àsùghò alo eghùe mo a n sùw am mùghù n zɔ̀lɔ mò.

Hibùlù 6:11

Ghàʼ ləghaa enyəa ghɛ̀ a dzə̀m de tsughu sugho ghəa a te gho alendùw kûu mɛʼɛ̀ ndûw, aleghəə̄ŋ tsughu enyəa tùʼ zəla ghɛ̀ chiī ghè zò ghɛ̀ è kwo enyəa e kê lò nû ezə̀.