Kòloshìan 4:8 - To kə Kəzə̀ kə̀ Fughu ko

⁸ Soo kə eghəa kəla Ǹ tuū wo wə̄n a te a vʉ̀a ghɛ̀ lo enyəa, ù bùghò toōn wô ghɛ̀ am fwàʼ kɛʼɛ, aŋghəa ù lo bughò teso dzɛ̂ wo â ghɛ̀ aŋghəa ghàʼ lo a te.

Kòloshìan 4:8 Iomraidhean Croise

1 Kòlentìan 4:17

Zən lò e ghee Ǹ dzɛ̂ enyəa Ǹ tuu wò nù Timotì, wɛ waŋā ù tsùʼu wəla ù gaʼ fə̀ŋ a zəŋò Mughu ù te, ù zə̂əŋ wô ghɛ̀ an dzìi taŋā tə ghəəŋ tə aghəa to aŋ ghəa M̀ fwaʼa â Kə̀lestò, aŋ ghəa Ǹ zoʼn kaŋlo an luʼū ten tə dzəm an ndzweŋe u ghì a Kəzə̀ wən u dzə̀m.

2 Kòlentìan 1:4

Ù tsə̀mso sɛ̀ an tsù u sɛ̀ wə̀n ù dzə̀m, enyəa sɛ̀ lô kpaʼ lô sughò aletsəmso ghì ghəla ghe ki tsû ù li wo an dziī è mɔ̀ʼɔ zəla Zə̀ kə̀ lo mo kə n tsəmso sɛ̀ a te.

2 Kòlentìan 12:18

Mùghò mò ghu kə buʼ tsughu nû â Taetùs enyəa ù bùghò tɛ̂ a vʉ̀a ghɛ̀, mùghò n tum tsughu wàazə̀ ù sɛ̀ ù lòʼ enyəa ù bùghò ghèe wə̄n. Taetùs mò bugho nɔɔm ni nû fəgha kə̀ li ko aŋ ghùu ghɛ̀ à? Ghàʼ à ghee mò mgbaŋa bwiī ko yo ghuw ko kə mɔ̀ʼ à, ki sugho umwam ù mɔ̀ʼ à?

2 Kòlentìan 2:7

E fɛ èzəŋ e lo ko enyəa ghɛ̀ ŋ ki aleghuūw maʼà bo e wə̄n, ghɛ̀ ŋ kòom dzə̀n nduw fə̀ŋ è wə̄n enyəa e kwo ko ù lò so doʼnlò alo emuŋe. Mò ghɛ̀ ka èzə ghəŋlo, muŋe e te lo aleghəəŋ wə̄n, fwee e wən e bughūu kômlò.

Efɛsùs 6:22

Zən mìa kô ghəa zəla Ǹ tum sə wo wən a te, enyəa ghɛ̀ kele tsughu ghəa ghə̀là ghàʼ lô fɛ a te, àsùghò enyəa u è lo alefəghaan dzəlà wô fə̀ŋ tɛʼɛ.

Fèlepìan 2:28

M̀ fɛ ŋgee ləghaa alenìi tuū wô Èpàfə̀loditùs ebàm aŋ ghulô ghɛ̀ enyəa ghɛ̀ è lo alo eduʼnlo abugho ghɛ̀ kôom kôʼ tsughu wə̄n, tò Ŋ̀ ka kôom ŋgè bàŋsò sùgho fə̀ŋ a zəŋò ghɛ̀.

Kòloshìan 2:2

Ŋ̀ ghəa ghən ghəŋlo enyəa to fə̂ŋ tə ghee tə mô nyəā tsughu, ghe nîi kɔʼ eləgha tò fəgha kəla kə kwuu kɔɔn ghee alo fətùʼù, ghe e kwo tən enyəa e lo êzə̀ aŋghəa ghe bughò zuwkɛlɛ̄ tsughu səŋò e te zo. A n dziī zən, ghe lo zuūwkɛlɛ enyəa nàn kə eghəa kəla kə lo aŋ ghəa a Kəzə̀ lǒ Kə̀lestò.

1 Tɛ̀sàlonìan 2:11

Ghɛ̀ kwo nû enyəa ghǎʼ mò ghɛ̀ kwu kele ko to tselè ù lô kwuū kele wɛ a wə̄n gho,

1 Tɛ̀sàlonìan 3:2

ghàʼ n tùm wò Timotì, Wàazə̀ ù sɛ̀, wəla ù lò sûghò kɔ̂ɔ fə Kəzə̀ fò, ù fwàʼà dzəə̄ŋ ghàʼ à ghee alenàʼà làbəlà è dzùŋ è Kə̀lestò, a vʉ̀a ghɛ̀ enyəa u bùghò dzə̂n fə̀ŋ tɛʼɛ, ù fəghaan tughuso wô sughò boo zɛʼɛ,

1 Tɛ̀sàlonìan 3:5

Zə lo e ghee aŋghəa ghəa a mò tsəghà səa mugho, mùghò Ǹ tùm wò Timotì a vʉ̀a ghɛ̀ enyəa, ù bùghò kôʼ aŋghəa ghɛ̀ boō fughu a te â Kə̀lestò. À fə̀ lo bòʼ mùghò fə̀ ki tsə̄ŋ zo enyəa Satàn làʼà lo mò ù n ghɛ̀ tsom enyəa ghɛ̀ ti zəghā fwàʼ kə Kəzə̀ kò, à e bən lo tò ghàʼ mò fwaʼ mùghù mə̀ èləghāa.

1 Tɛ̀sàlonìan 4:18

À fi lo enyəa ghɛ̀ ki aledzəlā nduw fə̂ŋ tɛʼɛ to aŋ ghùe zɛʼɛ̄ aŋ ghəa ghən.

1 Tɛ̀sàlonìan 5:11

À fi lo enyəa ghɛ̀ kì aledzəlā fə̂ŋ tɛʼɛ to, bɔɔm sùghò ghue zɛʼɛ̄, tò aŋghəa Ŋ̀ kwo enyəa ghɛ̀ ghəəŋ nù êzə̀.

1 Tɛ̀sàlonìan 5:14

Ghàʼ buʼu wò kə̀ghu â ghɛ̀ a waazə̂ ghaʼa gho enyəa ghɛ̀ è kʉɛɛ̄n nduw ghî à lɛɛ gho, kùu dzə̀là ndùw fə̀ŋ tə ghì ghəla ghe ki yo fə̀ŋ tò. E fughuu nduw nlò yôso zò â ghì ghə̀là ghe ki yo nûŋ wò aleghə̂əŋ ghəa è li zo. E maʼn tsughuu nlò ghue zo ghɛ̀ a ghê ghì ghò a dzə̀m.

2 Tɛ̀sàlonìan 2:17

Mô dzə̂n fə̀ŋ tɛʼɛ, tə e tughu aŋ ghəa à dzûŋ ghə̀là ghɛ̀ ghəŋlo àsùghò aŋ ghəa ghɛʼɛ à kəa gho.