Kòloshìan 4:5 - To kə Kəzə̀ kə̀ Fughu ko

⁵ E kwo nlò aŋghəa ghɛ̀ mughu a te ghɛ̀ à ghê ghì ghəla ghe tâʼkè boō fughu â Kə̀lestò, e ghəəŋ tsughu nlò ghəa è səŋò zò an nə̀gha zəla ghɛ̀ kele tsughu ghɛ̀ à ghee.

Kòloshìan 4:5 Iomraidhean Croise

Matìo 10:16

Alenùghù ndûw â sə ko, Yɛso n dzɛ̀ â tsə̀təndə̄ghā tə wə̄n ti to enyəa, “Koʼô nlò! Ŋ̀ ghɛ fɛ tuu sə̄a ndùw tò təndzì am bvʉa e ubʉ̄ghā; e fi lo enyəa ghɛ̀ ki alenaŋso tsughu ghuw kə ebwìi kɛʼɛ, ghɛ̀e e kuŋu bwiī tò təzughu, ghɛ̀ bughunlo â fə̀ŋ tò, tò embuŋū.

Mâk 4:11

Yɛso n dzɛ̀ â ghee enyəa, “Ghe n sə ghɛʼɛ a tsʉ aŋ ghəa e fɔ̀e u Kəzə̀ ghəla a nân doʼō. Yia kuūwn bughò â ghî à li ghən a beē, ghəa ghə̀n à dzə̀m lò aŋ kwə̀ən kə ushwāʼ;

Lumà 16:19

Aghî a dzə̀m kǔuwn kwo nû enyəa ghɛ̀ zuuw nù â Mughu ù te. Ghəa a te yia a ghəə̄ŋ mugho, yìa Ŋ̀ ŋgeē duʼnlo. Ǹ ləghaa enyəa ghɛ̀ è ki tɔ wo aleghəəŋ təla ko ghəa a dzûŋ ghò, àsùghò enyəa ghɛ̀ e ki yo ghu ko aŋ ghəa à biigh gho.

Kòloshìan 3:16

To mughù zɛʼɛ e dzə̀m e mò lò tən ko ghəa ghəla tùm è dzùŋ zən kùu ndùw Kə̀lestò děe ghè ghò, ghəa ghɛ̀ kûm zoʼn ghue zɛʼɛ zo, tsʉ̀a ndùw sùghò an tɔ zəla ghɛ̀ ki. Ghɛ̀ è zɔ̀ŋɔ̀ nduw zɔ̀ŋ kò, zoo ndùw tə̀ zòo àsùghò zòo tə̀ baa to am fə̀ŋ tɛʼɛ tə̀ dzûŋ tò, alefūghuu zɔ̀ɔŋ kò â Zə̀ kò.

1 Tɛ̀sàlonìan 4:12

tò enyəa ghî ghəla ghe tâʼkè boō fughu â Kə̀lestò lo e fughuu ghɛ â kɔʼso mò. Ghɛ̀ è mughu aŋ ŋgə̄ŋ zɛʼɛ̄, mò ghɛ̀ bvʉa yo fəgha ko â ghùw ù lì.

1 Timotì 3:7

Fwaʼ kə wə̄n kə ki alezɔlɔ an sə kə ghî a beē gho aŋ ghəa ù buw alebvʉ̀ an tə̀mà fə̀ Satàn, ù kelê tuw kə̀ dəla ko.

Dzɛ̂ms 1:5

Abugho ghùw wɛʼɛ ləghaa alekele ùtɔ [am fəgha kəla Zə̀ kə̀ ləghaa], ù m bvʉ̀ ndùw â Zə̀ kò, Zə̀ kə̀ sô fùghuu nù, tɔŋlo enyəa, Kə bughuu â ghu ko, fughuu ghì ghə̀n à dzə̀m â fʉgha wo mò Kə sə̂əm yò.

Dzɛ̂ms 3:13

Abugho ghùw lò am bvʉa zɛʼɛ̄ enyəa e tɔɔ nù, vʉ̀a ù zuuwkɛlɛ sùghò ghəa gho, ù dèe tsughu ghəa a te gho am fwàʼ kə wə̄n kə̀ dzûŋ kò am mwam u wə̄n àsùghò an tɔ u wə̄n.

Dzɛ̂ms 3:17

Yia a kuūwn bughò tɔ wəla u sə tsughu wo edzūŋ, à kì ghî a Kəzə̀, ghe bûʼ kì dzə fə̂ŋ tə̀ zɔlɔ to, ghe lo ghî ghəla ghe ləghaa enyəa ghəa ghə e lo bughubughu. Ghe lo zʉ̀ tə aghì, mùghù sugho kədzûŋ ghèe ghê ghì ghò, ki se è kwùso zo, fughuu sùghò èyòso â ghì ghò. Ghe m bâa yò kpwiī wo, tsèe sùghò yò ghue e ghee zo aŋ ghəa a ghee à ghəəŋ gho.

1 Pità 3:1

Yi ghə anum gho, e zuuw nduw sugho nlò â num ghɛʼɛ gho, to abugho ghe à li a lô ko mo ghe kâ bǒo fughu â Zə̀ kò, ghe n lo alebōo fughu mò ghùw kà ghəa zo â ghee kə̂a bòʼ mwam zɛʼɛ, yi a ghee,