Kòloshìan 4:3 - To kə Kəzə̀ kə̀ Fughu ko

³ Ghɛ̀ è gɔɔ̄ŋ tsughu sugho an tuw waʼā, enyəa Zə̀ kə̀ tsʉā dêe wô ghàʼ â dzì è te alenàʼà shwaʼ u wə̄n â ghì ghò, enyəa ghàʼ e lo aledzàa nduw ghee â fəgha kəla kə fə̀ nân doʼō aŋ ghəa a te gho kùu ndùw Kə̀lestò, bòʼ enyəa kən lò soo kə eghəa kə te ko ghe kwu fê naŋā ghàʼ fɛ̄ a te an ndughu è tsāʼ.

Kòloshìan 4:3 Iomraidhean Croise

Matìo 13:11

Ù m bɛ̀lɛ̀ tsughu enyəa, “Bàʼà ghɛ, Zə̀ kə̀ n nàn tə ghəa təla tə lo Fɔ̀e u kəwālā â ghɛ̀ dê fughu wò, kè kuūwn dê â ghee.

Kə̀fwàʼ 14:27

A m bùghò ghe ndûw nyə nduw, ghe n tɔŋɔ naŋa tsughu ghî à Kə̀lestò, dzɛ̀ kɔ̀ʼ ndùw ghəa ghə̀n à dzə̀m Zə̀ kə̀ lo mo kə m fwǎʼ ghèe ghee àsùghò ghəa ù tsʉ tsughu dzì enyəa Toʼò tə̀ è lo alegaʼ a sughò fə̀ŋ aŋ Kə̀lestò.

Lumà 16:25

To sɛ̀ mô fùghuu ŋkɔʼso â Zə̀ kò. Kə lo nû aleghəŋlo enyəa ghɛ̀ è tɔʼ ti am boo zɛʼɛ̄ â wə̄n aŋghəa ghɛ̀ zoʼn kele kɔʼ Làbəlà e dzùŋ zəla Ǹ zughòo naʼn fɛ ezən. Làbəlà zən kùu ndùw Yɛso Kə̀lestò n dè fùghù sə̀ wò nàn kə eghəa kəla Zə̀ kə fə̀ ki nân naŋa â wîiwì.

1 Kòlentìan 16:9

Ghəa ghî à kətūw ghaŋā a bûʼ lô ko fɛ ndə̀m, ghəa a lo dzɔ nû fɛ an dziī zəla ghùw lò alemūʼn fwaʼà dzɔ̂ɔ tsughu fwàʼ kə səŋò kò a te.

1 Kòlentìan 4:1

Ghî à ki aleniī ghaʼ tǒ ghî a kəfwàʼ a Kə̀lestò ghe naŋā tsughu enyea ghe e teso dzaā wo səŋò zəla a nân dòʼò aŋ ghəa a Kəzə.

2 Kòlentìan 2:12

Ghəa Ǹ nyə nduw an naʼ e Tə̀lɔ̂as alendùw naʼà Tùm è Dzùŋ è Kə̀lestò zən fughu, mùgho n ndùw kòʼ tsùghù enyəa Mughu ù te maā dzì è fwàʼ kə te ko â mùgho a fughu alo enaʼ tsʉ naŋa.

Efɛsùs 3:1

À lǒ bòʼ ghəa ghəla Zə̀ kə̀ lo mò kə ŋ ghəŋlo aletəmaa dzəə̄ŋ wô Tə̀dzûu ghèe ghê Tòʼò zo alo kəfəgha kə mɔ̀ʼ, mùghò Pôl, Ǹ lo ghùw ù ndùghùtsāʼ aŋ ghəa e Kə̀lestò Yɛso enyəa Ǹ zughò wo làbəlà è dzùŋ â ghɛ̀ à Toʼò zò.

Efɛsùs 3:3

àsùghò dzì zəla Zə̀ kə̀ lo mo kə n nì dè fùghù wò nàn kə eghəa M mafə bûʼ tsuʼ naŋa wò dzə̀ â ghɛ̀ a m mwàʼsò kaŋa.

Efɛsùs 3:4

Abugho ghɛ̀ tɔɔ̄ŋ kɔʼ mwàʼsò kən ko, ghɛ̀ ke alezoʼn kele kɔʼ enyəa Ŋ̀ kûm kwò nû nàn kə eghəa kə te ko kùu ndùw Kə̀lestò.

Efɛsùs 3:9

àsùghò aleghəŋlo enyəa mbī e dzə̀m kòʼ nàn kə eghəa kəla Zə̀ kə fə̀ nân naŋā an ndə̀mà tə tənùu, tɔ̂ɔŋ Zə̀ kəla kə fə̀ gbə̂n wô fʉgha wo u dzə̀m.

Efɛsùs 4:1

Bòʼ ghəa ghə̀n a dzə̀m Zə̀ kə̀ lo mo kə ghəŋlo â ghɛ̀, zən lò e ghee, mùghò wəla Ǹ lô fɛ an ndùghùtsāʼ bòʼ M̀ fwaʼà â Mughu ù te, M̀ buʼū wô ghu ko â ghɛ̀ enyəa ghɛ̀ è mughu mughù zəla ghî a Kəzə̀ ki alemùghù ghè zò, zəla Zə̀ kə fə̀ tɔŋɔ ghɛ a te.

Fèlepìan 1:19

E lo nû èsəŋò enyəa Ǹ lo naam ki nû aleduʼnlo, Ǹ sô kwo enyəa gɔ̂ɔŋ zɛʼɛ àsùghò daʼa kə Yɛso Kə̀lestò kò lo bəghaasəa nù mugho.

Fèlepìan 1:7

À lo nu dzɔ̀ â mùghò alekele ŋgòʼ è mòʼn zən a zəŋò ghɛ̀, nu Ŋ̀ ki ghɛ am fə̂ŋ è dzùŋ. Bòʼ enyəa sɛ̀ a dzə̀m dzeŋe dzùghuun dzə̌əŋ dzɔ̂ e Kəzə̀ məla Zə̀ kə̀ fughu â mùghò. Tò êzəŋ wəla Ǹ lo mo ghe kùm nàŋa mugho alo tətsaʼ aŋ kwə̀n ŋkāa tò an ti kə̀là mùgho mò ki daʼa ko kə̀ŋlò làbəlà è dzùŋ è Yɛso àsùghò aleteso dzaā wo enyəa zə̀ è ki zən ko.

Kòloshìan 1:26

Mò à fə̀ lo nàn kə eghəa ghe fə̀ nân naŋā â wǐiwì àsùghò aŋ ghùu ndə̀mà tə aghì tò, vʉ̀a ù kuūwn nî dê fughu wo ghəa a te gho êzə̄ŋ â ghì a kəfwàʼ a wə̄n gho.

Kòloshìan 4:18

Tɔɔŋ zəla M̀ fughuu wô fɛ â ghɛ̀ êzə̄ŋ, à tso tɔm nyə tsughu ghu kaŋa mùgho â mughu ko. E kwo ko ghɛ̀ lô nîizəa enyəa Ǹ lo fɛ an ndùghu e tsāʼ. Ŋ̀ gɔ̂ŋlò enyəa to Zə̀ kə̀ mô dè ghɛ̀ â dzɔ̀ e wə̄n zo.

1 Tɛ̀sàlonìan 5:25

Waazə̂ ghaʼa gho, e gɔŋlo nlò am tuw waʼā.

2 Timotì 1:16

Onifɛlùs mò bugho tsəmso zee mugho aŋghəa mùgho mò lo an ndùghùtsāʼ, ù ŋ kè də̂nsò sughò kə̀tuw alebùghò kôʼ mùghò. Gɔ̂ɔŋ zaŋa e lo enyəa to Zə̀ kə̀ mô kele se è kwuso zo a zəŋò wə̄n àsùghò a zəŋò ghì ghò a dzə̀m alo wə̄n an ndughu.

2 Timotì 2:9

M̀ fɛ enyə fanlo bòʼ naʼn kaāŋ làbəlà è dzùŋ zən, ghe ndôʼ kûm nàŋa mugho alo tsāʼ tǒ ghùw ù tsɔ̀ŋɔ ù bǐigh ù lì. Ghe kuuwn yò dzə̂ alekwuū kûu naŋâ shwaʼ u Kəzə̀ a lo tətsāʼ.

2 Timotì 4:2

E dəma ko alezughò shwaʼ u Kəzə̀ u te wo nəgha tən tə̀ dzə̀m, kà ghî à ləghaa ŋkāa ghe ləghaa yo. E naŋso ndùw ghî ghò, kwɛ̀ɛn ndùw ghee, dzə̀là ndùw sùghò ghee â sə̀ŋ zò. E ndòʼò màʼn tsughuu sugho ghue wo aletsʉ̀ ghee an shwaʼ u Kəzə̀.

Filemùn 1:22

Ghəa è li zəa e lô kpeʼe sugho enyəa ghù fəghaan naŋa tsughu mugho â dzughu e ndughu e bwii zo, nu Ǹ chîi tùʼ enyəa Zə̀ kə lo zuuw nù gɔ̂ŋlò e ghɛ̀ a dzə̀m zo, kə lo ghəŋlo M̀ bughò tɛ̂ fì ebàm a vʉ̀a ghù.