Kòloshìan 4:2 - To kə Kəzə̀ kə̀ Fughu ko

² E kwo ko ghɛ̀ lô so e bughuu dòʼnlò alegɔɔ̄ŋ zee. Ghɛ̀ è tɔʼɔ̄ tiso kɔʼɔ tuw wɛʼɛ wo abugho ghɛ̀ gɔ̂ŋlo, fughuu ndùw sùghò kə̀zɔ̀ŋlò â Zə̀ kò.

Kòloshìan 4:2 Iomraidhean Croise

Matìo 26:41

Ghǒom tsughu nlò, ghɛ̀ e gɔɔ̄ŋ tsughuu enyəa e kwo fəgha kə lô tsoō ghɛ. Ghɛ̀ ki nû moʼnlò e te zo alefwàʼ, ghue zə e kuūwn bughuu ghaʼa ghɛ.”

Mâk 13:33

Nǐ nlò ghôom zò; naŋso tsughu nlò ghuw kə ebwìi kò, tɔŋlo enyəa ghɛ̀ kwò naŋa dzə yo tsuʼ fə te fo ŋkāa nəgha e te zo.

Lûk 18:1

Yɛso n daŋso kwə̀ən kə̀a tsughu aghəa â tsə̀təndə̄ghā tə wə̄n to enyəa ghe lô bughū kômlo alegɔɔ̄ŋ tsəgha.

Lûk 21:36

E tsoō ghoōm ko nlò nû, gɔ̀ɔŋ ndùw sùghò enyəa Zə̀ kə̀ yôsò ghɛ̀, ghɛ̀ lô kpaʼā nɔ̂ɔsəā am fɛ̀ɛn tə aghəa təla tə kê nîi bəla ko, tò ghɛ̀ ke bɔŋ tee sugho a vʉ̀a Wɛ ù Ghùw.”

Kə̀fwàʼ 1:14

Ghee a dzə̀m n dzeŋe gɔ̀ɔŋ tsə̀ghà ko kaʼkəkaʼ ghèe ghê ghìzən à loʼ gho, àsùghò Mèle, tɔɔŋ zə̂ Yɛso, à waazə̂ a Yɛso ghò.

Lumà 12:12

Ghɛ̀ e duʼnlo an tùʼ zəla ghɛ̀ chiī ghè zò. Ghɛ̀ kɔlɔ tsughu nlò fə̂ŋ tò an tsù wɛʼɛ, ghɛ̀ è gɔŋlo an nə̀gha tən tə̀ dzə̀m.

Efɛsùs 6:18

Ghɛ̀ è gɔŋlo an nəgha tən tə̀ dzə̀m aŋghəa Zuʼ tə Kəzə̀ tə̀ fughuu ghɛ â daʼa ko a te, bvʉa ndùw fəgha kəla ghɛ̀ ləgha a wə̄n. Aŋghəa yì ezə̀, tiso kɔʼ nlò tuw ko alo egɔ̀ŋlò, ghɛ̀ è tɔʼɔ tuw u ghî a Kəzə̀ a zɔlɔ gho a dzə̀m aŋ gɔ̀ɔŋ zɛʼɛ,

Fèlepìan 4:6

Kà è ŋgee sə̂a â sə gho alo ufʉgha, e kuuwn bvʉa nduw ko fəgha kə̀là ghù ləghaa an ghua Zə̀kò alo egɔ̀ŋlò fughuu ndùw sùghò kəzɔ̀ŋlò.

Kòloshìan 1:9

Zə lo e ghee, alenìi nughù wô an tsuʼ fəla ghǎʼ mò zuw tsughu zwɔ̂ŋ wɛʼɛ wo a te, ghàʼ kaām bughu naŋa kòʼ alegɔ̀ŋlò an tuw wɛʼɛ enyəa Zə̀ kə̀ dêe wô ghɛ̀ â ghəa gho a dzə̀m kə ləghaa enyəa ghɛ̀ è ghəŋlo, kə fughuu sughò ghɛ̀ â tɔ wo, ghɛ è zuuwkɛlɛ sugho ghəa ghəla Zuʼ tə̀ Zɔlɔ tə fughu â ghɛ̀.

Kòloshìan 2:7

Ghəəŋ tsughu nlò enyəa ghaŋ ghɛʼɛ a nyəā tughuu tsughu a zəŋò wə̄n, ghɛ̀ bəgha nlò mughù zɛʼɛ zo a zəŋò wə̄n, ghɛ̀ tee tən tsughu ko am boo zɛʼɛ̄ a ndziī zəla ghe mò zoʼn ghɛ a te. Ghɛ è fughuu wə̄n â zɔ̀ɔŋ kò nəgha tən tə̀ dzə̀m aŋ ghəa ghəla ù ghəŋlo â ghɛ̀.

Kòloshìan 3:15

Bughun zəla Kə̀lestò fughuu â ghɛ̀ lò aledeē nduw ghɛ â fəgha kə̀là ghɛ̀ ki aleghəŋlo, bòʼ Zə̀ kə̀ mò ghɛ̀ fɛ tɔŋɔ enyəa ghɛ̀ bugho doʼo tǒ ghùw u mɔ̀ʼ enyəa ghɛ̀ kele bughuun zən zo, tò ghɛ̀ è fughuu zɔ̀ɔŋ kò â Zə̀ kò.

Kòloshìan 3:17

Mò ghɛ̀ ghaa ko kə̀ kwò, ŋkāa ghɛ̀ so e kə̂aa ko ghəa è kwò, ghɛ̀ ki aleghəəŋ nduw ghəa a te gho an zən e Mughu ù te, tɔɔŋ Yɛso, abugho ghɛ̀ fughuu zɔ̀ɔŋ kò â Tsele ù sɛ̀ Kə̀zə̀, mò ghɛ̀ tsəghà am bàm e Kə̀lestò.

Kòloshìan 4:12

Epafəlàs wəla ù lò sugho ghùw ù enaʼ wɛʼɛ, kɔ̂ɔ fə̀ Kə̀lestò Yɛso tɔɔŋ zùw wò ghɛ̀. Ù kùu gɔ̀ɔŋ zěe nù an tuw wɛʼɛ, enyəa to Zə̀ kə̀ mô ghəŋlo ghɛ̀ mən tsughu am boo zɛʼɛ̄ â Kə̀lestò, ghɛ̀ e tɔʼ kwo tən enyəa ghɛ̀ fɛ fwàʼà fəgha kəla Zə̀ kə̀ ləghaa ghè kò.

1 Pità 4:7

Nəgha e fɛ êzəŋ e kpee wò nù â ghəa gho a dzə̀m alebùghò mîaa. E fi lo enyəa ghɛ̀ tee kɔʼ nlò alo efwee, ghɛ̀ naŋso tsughu ghuw kə ebwìi kɛʼɛ ko, tò ghɛ̀ è ki sə̂ŋ zò alegɔ̀ŋlò.