Kòloshìan 4:18 - To kə Kəzə̀ kə̀ Fughu ko

¹⁸ Tɔɔŋ zəla M̀ fughuu wô fɛ â ghɛ̀ êzə̄ŋ, à tso tɔm nyə tsughu ghu kaŋa mùgho â mughu ko. E kwo ko ghɛ̀ lô nîizəa enyəa Ǹ lo fɛ an ndùghu e tsāʼ. Ŋ̀ gɔ̂ŋlò enyəa to Zə̀ kə̀ mô dè ghɛ̀ â dzɔ̀ e wə̄n zo.

Kòloshìan 4:18 Iomraidhean Croise

Lumà 16:20

Zə kəla kə fughuu sɛ̀ â bughuun zo lo kùʼù foʼso màʼn nù Satàn, kə lo ghəəŋ tsughu ghɛ̀ e ki daʼa ko a zəŋò wə̄n. Gɔ̂ɔŋ zaŋa e lo enyəa to Mughùbè ù sɛ̀ Yɛso Kə̀lestò mo dè ghɛ a dzɔɔ e wə̀n zo.

Lumà 16:22

À lò mugho Tesius wəla n tɔm fughu tsughu mwàʼsò kən ko â Pôl, M̀ fughuu wò sùghò ghɛ â tɔɔŋ zò an zən e Mughu ù te.

Lumà 16:23

Gayòs wəla M̀ mughu alo wə̄n, mò à lò sugho a fughu an ndughu ghî Kəzə̀ à bughò təmadzəŋlo dzɛ enyəa Ǹ tɔɔŋ zuw wo sughò ghɛ̀. Elastas wəla u naaŋ kəaa kə kua u enaʼ ko ghèe wàazə̀ ù sɛ̀ Kwatùs fughuu wò sùghò ghɛ̀ â tɔɔŋ zo.

1 Kòlentìan 16:21

Zən kuuwn lò tɔɔŋ zaŋa mùghò Pôl, Ǹ tɔm tsughu aŋ ghu kaŋā.

2 Kòlentìan 13:14

To dzɔ̂ è Mughu ù te Yɛso Kə̀lestò, ləgha e Kəzə̀ àsùghò Zuʼ tə Kəzə̀ təla tə təmdzəə̄ŋ sɛ̀ alo kəfəgha kə mɔ̀ʼ, mô lǒ ghɛ̀ à ghee a dzə̀m.

Fèlepìan 1:7

À lo nu dzɔ̀ â mùghò alekele ŋgòʼ è mòʼn zən a zəŋò ghɛ̀, nu Ŋ̀ ki ghɛ am fə̂ŋ è dzùŋ. Bòʼ enyəa sɛ̀ a dzə̀m dzeŋe dzùghuun dzə̌əŋ dzɔ̂ e Kəzə̀ məla Zə̀ kə̀ fughu â mùghò. Tò êzəŋ wəla Ǹ lo mo ghe kùm nàŋa mugho alo tətsaʼ aŋ kwə̀n ŋkāa tò an ti kə̀là mùgho mò ki daʼa ko kə̀ŋlò làbəlà è dzùŋ è Yɛso àsùghò aleteso dzaā wo enyəa zə̀ è ki zən ko.

Kòloshìan 4:3

Ghɛ̀ è gɔɔ̄ŋ tsughu sugho an tuw waʼā, enyəa Zə̀ kə̀ tsʉā dêe wô ghàʼ â dzì è te alenàʼà shwaʼ u wə̄n â ghì ghò, enyəa ghàʼ e lo aledzàa nduw ghee â fəgha kəla kə fə̀ nân doʼō aŋ ghəa a te gho kùu ndùw Kə̀lestò, bòʼ enyəa kən lò soo kə eghəa kə te ko ghe kwu fê naŋā ghàʼ fɛ̄ a te an ndughu è tsāʼ.

2 Tɛ̀sàlonìan 3:17

À tɔɔŋ zən êzəŋ enyə, à tɔm nyə tsughu mugho Pôl aŋ ghu kaŋā. Zən lo tsə̌a zəla e lò am mwàʼsò waŋa u dzə̀m, aledèe tsughu enyəa à mwàʼsò kə te kə tɔm mugho Pôl.

1 Timotì 6:21

Tɔŋlo enyəa ghì ghəla ghe moʼnlò enyəa ghe ki tɔ wən m bvʉ sə am fə̀ŋ zəla ghe mò gaʼ a zəŋò Yɛso Kə̀lestò, làʼ mìaa è nduw. To Zə̀ kə̀ mô dê ghɛ̀ a dzə̀m â dzɔ̀ e wə̄n zo.

2 Timotì 1:8

E kwo ko ghù lò so e də̂nsò kə̀tuw aleteso dzâa nduw ghəa a Mughùbè ù sɛ gho â ghì ghò, e kwo ko ghù lò də̂nsò sugho tuw ko aledzaā nduw enyəa ghù kwò nû mugho wəla N̂ lô fɛ an ndùghùtsāʼ aŋ ghəa e Kə̀lestò Yɛso. Laam təmdzəəŋ wò mugho alefala bòʼ làbəlà è dzùŋ zən aŋghəa Zə̀ kə̀ dzəlà wô ghû â sə̀ŋ zò a te.

2 Timotì 4:22

Gɔ̂ɔŋ zaŋa e lo enyəa, to Mughu ù te mô lǒ ghɛ̀ à wə̄n. Yìa Ŋ̀ gɔ̂ɔŋ sugho enyəa to Zə̀ kə̀ mô dê ghɛ̀ a dzə̀m â dzɔ̀ e wə̄n zo.

Taetùs 3:15

Ghî ghə̀n à dzə̀m ghe lô fɛ ghàʼ à ghee fughu wò ghɛ̀ â tɔɔŋ zo. Tɔɔŋ zùw tsùghù sùghò fən a sɛ̀ yìa à dzə̀m ghe lo mo ghe m boo fùghù sùghò â Yɛso Kə̀lestò. Dzùŋù ŋ Kə̀zə̀ mə̀ è lo â ghɛ̀ à ghee a dzə̀m.

Hibùlù 13:25

Ŋ̀ gɔ̂ŋlò enyəa to Zə̀ kə mô dê ghɛ̀ a dzə̀m â dzɔ̀ e wə̄n zo. Zə e lo ko êzə̀.

Hibùlù 13:3

E moʼn tsughù nlò ghî ghəla ghe lo an ndughūtsaʼ, tò è soō ghɛ̀ a ghee lo a dzə̀m an ndùghūtsaʼ e te. E moʼn tsughuu nlò ghî ghəla ghe tsuū ghee; nǐi tsughu nlò enyəa ghɛ̀ zuuw sùgho fɔɔn zəla ghe zuūw.