Kòloshìan 4:17 - To kə Kəzə̀ kə̀ Fughu ko

¹⁷ Ghɛ̀ dzɛ nduw â Achippùs enyəa, ù ghəəŋ tsughu, ù kùum fwaʼ mɛʼɛ̄ fwàʼ chia Mughu ù te mò fughu â wə̄n enyəa ù e fwaʼā.

Kòloshìan 4:17 Iomraidhean Croise

Matìo 25:17

Wəlà ù fə̀ ni mbə̀ghà m bə̀ghà m bɔɔm fwàʼ sùghò ghəa è mɔ̀ʼɔ̄ zo, kele kpeʼe kɔ̀ʼ sùghò m bə̀ghà.

Kə̀fwàʼ 1:17

Sɛ̀ à ghee mò lo alo kəfɔ̄e kə mɔ̀ʼ, ghe m fùghù tsùghù sùghò bà kə wən am fwàʼ kən.

Kə̀fwàʼ 14:23

À m bùghò ghe ndûw kôʼ ndûw dzeŋe kə ghì ghəla ghe boō fughu â Kə̀lestò alo kəlùʼu, ghe n tsɔʼ kɔʼ tətsoʼ a fughu an dzeŋe kə te ko, ghe m bam tsughu edzughu è gɔnlo alefughūu zəghàa ndûw ghee â Mughubè ù te wəla ghe boō fughu â wə̄n.

Kə̀fwàʼ 20:28

Nǐ nlò ghôom zò aŋ ghùe zɛʼɛ̄ àsùghò a zəŋò ghì ghəla Zuʼ tə̀ Zɔlɔ tə fughu naŋā enyəa ghɛ̀ è lɛnlo. Ghɛ̀ è lɛɛn sugho â dzeŋe kə ghì a Kəzə̀ zəla ù fə̀ zue sə wo aŋ kàŋ tə wɛ̀ ù wə̄n.

Efɛsùs 4:11

À lǒ wə̄n ù fə̀ fughu dwaʼa u te wo â ghì ghò enyəa, ghî à li gho e lo tum to, à li gho e lo ghiīshʉ̀ghà a Kəzə̀ ghò, à li gho e lo ghê èfɔɔŋgele, à li ghə̀ e lo ghî ghəla ghə lɛnlo à ghî a Kəzə̀ ghò lò sugho ghê wàdè.

1 Timotì 4:14

E kwo ko ghù lò so e tsughòsò maʼn daʼa kəla Zuʼ tə̀ Zɔlɔ tə fə̀ fughu â ghù an nə̀ghà zəla tsoʼ tə dzeŋe kə ghì a Kəzə̀ tə fə̀ gɔ̂ŋlo mo ghe ŋ ghu a gaʼ wò an tuw kə̂a.

1 Timotì 4:16

E nîi ghôm zò a m ghùe wʉ̂a àsùghò an tsʉ zəla ghù zoʼn ghî gho a te. E ti ko a te, nu abugho ghù ghəə̄ŋ dzə êzə̀, ghù lo bəghasə ghùe wʉ̀a wò àsùghò ghì ghəla ghe zuūw â ghù.

1 Timotì 4:6

Abugho ghù zə̀əŋ zeē waazughù gho aŋghəa ghəla mùghò fə̀ zoʼn ghû a te, ghùw vʉ̀a ghù tsʉa tsughu sùghò ghue wʉ̀a wò làbəlà è Kə̀lestò zən àsùghò an tsʉ̀ e səŋò zəla ghù bwii a te, ghù e ke lo ghùw ù kəfwàʼ ù dzùŋ â Kə̀lestò Yɛso.

1 Timotì 6:20

Timotì, tɔ̀ʼɔ kwo kelē fəgha chìa Zə̀ kə̀ fughu naŋā wo â ghù. Ka è zəən dzə ghəa ghə̀là à buw shwàʼ u Kəzə̀ wò, àsùghò zɔ̀ʼ tə aghəa təla ghî à li a gaām tɔŋlo enyəa à lò utɔ.

2 Timotì 1:6

Zən lo e ghee Ǹ dzâa wô â ghù enyəa, ghù è numso zee namso kəla Zə̀ kə mò fughu â ghù an tsuʼ fəla mugho mò gaʼ wô ghu ghaŋa gho a zəŋò ghù, gɔ̀ɔŋ tsùghù an tuw kə̂a.

2 Timotì 2:2

E zoʼn nduūŋ nduw zumso tə aghì tò aŋ ghəa ghəla ghù mo zuw mùgho mò kəaa an sə kə ndə̀mà tə aghì, aŋghəa ghe lô alezoʼn nduūŋ nduw ghî à li gho a te.

Filemùn 1:2

Ghǎʼ mwàʼsò kən kə dzeŋe tɔɔ wò sùghò ghɛ̀ à ghê Afìaa wàazə̀ ù sɛ̀ ù zən vʉ̀ ghèe ghê Achippùs wəla ù lò sugho sùghugòʼ am fwàʼ kən tò ghaʼ àsùghò â ghì a Kəzə̀ yia ghe bughò dzeŋe fia a lô ghù an ndughu a Filomùm.