Kòloshìan 4:11 - To kə Kəzə̀ kə̀ Fughu ko

¹¹ Dzushùa wəla ghe ŋgɔɔ̄ sugho enyəa à lò Dzustùs fùghu wò sugho ghɛ̀ â tɔɔŋ zo. Ghən nəəŋ lò ko ghî a Tə̀dzûu ghə̀n a təgha ghe boō fughu a Kə̀lestò, ghe fwaʼa dzəə̄ŋ ghàʼ à ghee fɛ kùu nduw ghəa e Fɔ̀e u Kəzə̀, ghe yia ŋgeē fughuu sugho mugho â yòsò zò.

Kòloshìan 4:11 Iomraidhean Croise

Kə̀fwàʼ 10:45

Dzûu təla ghe mò boō fughu tsughu, nùghù wò a bǎà ghê Pità, dzughu zə n zuu ghee, bòʼ ghe mò kwən fughu dāŋso sugho Etoʼò â namso kə Zuʼ tə̀ Zɔlɔ to;

Kə̀fwàʼ 11:2

A m bùghò Pità sò kɔʼ nduw an Yɛ̀lusalɛ̀m, Dzûu təla tə mò lo mo ghe m boo Zə̀ kò ŋ kàʼ ndùw wən a lùʼù saʼa wo,

Lumà 16:3

Ghɛ̀ tɔɔŋ zuw tsughu Pə̀leskà ghèe Akwilà, ghe fwaʼà dzə̌əŋ ghàʼ à ghee am fwàʼ kəla M̀ fwaʼa â Kə̀lestò Yɛso,

Lumà 4:12

Abə̀làhâm lò sugho tsele â ghî ghəla ghe lo mo ghe n tigh kə ghee kə sugho, mo e kâ tsò mìaa tsughu ko enyəa ghe sugho tsughu tigh kə ghee. Mo e lo nu enyəa ghùw ù te gaʼ sùghò fə̀ŋ è wə̄n a zəŋò Zə̀ kò tò Abə̀làhâm fə̀ gaʼ a te aŋghəa ghe fə̀ lo mo ghe kaām tigh kə wən kə m bûʼ sugho.

2 Kòlentìan 6:1

Aŋghəa sɛ̀ à ghê Zə̀ kə̀ dzeŋe fwaʼà êzə̀, ghàʼ buʼu wò kə̀ghu â ghɛ̀ enyəa e kwo ghɛ̀ lô bomlo enyəa dzɔ̂ zəla Zə̀ kə mò de â ghɛ̀ e tsəghàa mîaa kə̀nughùnùghù.

Efɛsùs 2:11

Ghe mò ghɛ dzə wo tò Etoʼò; Tə̀dzûu, ghî ghəla ghe mò sugho tigh kə wɛ ko n tɔɔŋ ghɛ̀ enyəa, “Ghî ghəla ghe sugho yô tigh kə wɛ ko.” Mo ghəa a te a tsô lò ko ghəa ghəla ghùw ghəə̄ŋ tsughuu aŋ gwə̀n e ughùe.

Fèlepìan 4:3

Yia a bughò ghû fən waŋa wəla ghàʼ à ghù zumso fwâ kɔʼ wo, yoso yîzən ghən tɔŋlo enyəa ghe maā ŋge fwàʼ ghàʼ à ghee alezùghò làbəlà è Kə̀zə̀, ghèe ghê Kə̀lɛmɛ̀n àsùghò ghî à li ghəla ghàʼ à ghee mò dzeŋe fwaʼā a dzə̀m. Ghəla zŋ a ghee alo am mwàʼsò kə Kəzə̀.

Kòloshìan 4:7

Tàekikùs, tɔɔŋ wàazə̀ waʼa wəla a ŋgeē ləghaa, wəla ghàʼ a ghee dzeŋe fwaʼa â Mughu ù te fɛ, vʉ̀a ù gaʼ sugho fə̀ŋ am fwàʼ kə wə̄n, lo teso dzàa mɛ̀ʼn wò nù ghɛ̀ â ghəa gho a dzə̀m kùu ndùw mughù zaŋa fɛ.

1 Tɛ̀sàlonìan 3:2

ghàʼ n tùm wò Timotì, Wàazə̀ ù sɛ̀, wəla ù lò sûghò kɔ̂ɔ fə Kəzə̀ fò, ù fwàʼà dzəə̄ŋ ghàʼ à ghee alenàʼà làbəlà è dzùŋ è Kə̀lestò, a vʉ̀a ghɛ̀ enyəa u bùghò dzə̂n fə̀ŋ tɛʼɛ, ù fəghaan tughuso wô sughò boo zɛʼɛ,

1 Tɛ̀sàlonìan 3:7

Waazə̂ ghaʼa gho, shwaʼ ù dzûŋ wəla ghǎʼ mò zuw tsughuu bòʼ boo zɛʼɛ̄ ŋ ghàʼ fughu â tsoʼn zo, aŋghəa ghàʼ bûʼ zuūw ko ŋgoʼ fɛ àsùghò tsù wəla ghàʼ lô fɛ a te.

Taetùs 1:10

Ŋ̀ ghəa ghən kə̂aa bòʼ ndə̀mà tə aghì tə̀ lo nû ghe tuū mâʼn êsəŋò, ghî ghəla ghe kə̂aa kaāŋ zuum tə aghəa to, fɔɔ kaaŋ sùghò tɔ u aghì an làʼsò zəla ghe kəaa ghè zò, a ka dɔ̂m tàŋ ghî ghəla ghe teē tən tsughu ko am bùghoo kə Tə̀dzûu kən enyəa to ghe mô tèlè sùghoo tsughûu tiigh kə ghûw.

Filemùn 1:1

À lò mugho Pôl, Ǹ tɔɔ wo mwàʼsò kən ko, mùghò wəla Ǹ lo ghùw ù ndùghùtsāʼ bòʼ fwàʼ kəla M̀ fwaʼa â Kə̀lestò Yɛso. M̀ mwàʼsò kən kə tɔɔ wò ghaʼ à wàazə̀ ù sɛ̀ wən Timotì, ghàʼ tɔɔ wò ghǔ a waʼawāʼ Filemùn, ghù wəla sɛ̀ fwaʼà dzəŋlō a dzə̀m,

Filemùn 1:24

Ghê Mâk ghəla ghàʼ à ghee fwaʼà dzəə̄ŋ fɛ a dzə̀m ghèe ghê Àlistakùs àsùghò Dɛ̀mâs àsùghò Lûk fùghù wò sùghò ghù â tɔɔŋ zo.