Kòloshìan 4:10 - To kə Kəzə̀ kə̀ Fughu ko

¹⁰ Alistachùs, wəla ù lò fɛ an ndùghùtsāʼ ghàʼ à wə̄n fughu wò ghɛ̀ â tɔɔŋ zo. Mâk, tɔɔŋ wàazə̀ ù ghê Bànabâs vʉ̀a ù dzɛ̀ wô sugho enyəa ghàʼ tɔɔŋ zuūw wô ghɛ̀; ghɛ̀ mafə dzɛ̂ zìi wò ghəa ghò â ghɛ̀ kùu ndùw Mâk, abugho ù bughò fì avʉ̀a ghɛ̀, ghɛ̀ kpeni wə̄n aŋ ghu kə̀ dzûŋ kò.

Kòloshìan 4:10 Iomraidhean Croise

Kə̀fwàʼ 12:12

Ghəa ù kele tsughu dzə̂ ghəa ghən, ù n ndùw an ndughu alô Mèle, zə̂ Dzɔ̌n wəla zən e wə̄n è li e mò lô sughò Mâk, mò ndə̀m è àghǐ m fughu zûuŋ dòʼò, gɔ̀ŋlò.

Kə̀fwàʼ 12:25

A m bùghò Bànabàs ghèe Sôol daŋso mîasò tsughu fwàʼ kə ghee ko, ghe n nì kɔ̌ʼ Dzɔ̌n, wəla zən e wə̄n è li zən mò lô Mâk, nùghù ndùw ghèe ghee ebàm an Yɛ̀lusalɛ̀m.

Kə̀fwàʼ 13:13

Pôl n daŋso nì kɔ̀ʼ kəkwə̀n ghèe ghê ghì a wə̄n gho zə̀ghàa tsùghù Pafòs dàŋ sə̀ wò am Pɛlgà am Pàmfilìa. Dzɔ̌n Mâk m bùghò zə̀ghàa tàʼà tsùghu ghee a fughu, nùghù ndùw èbàm an Yɛ̀lusalɛ̀m;

Kə̀fwàʼ 13:5

A m bùghò ghe ndûw tɛ̂ tsughu aŋ kɔn u Sàlamìs, ghe n nàʼà ndùw tùm è Kə̀zə̀ a fughu an Ndughutə̀ne tə Tə̀dzûu tò. À n lo mo ghe maā Dzɔ̀n Mâk nî kɔ̀ʼ enyəa ù è tɔɔ̄m wo ghee am fwàʼ kə te ko.

Kə̀fwàʼ 19:29

Naʼ e te e fi daŋso tee kɔʼ nû alo efwēe, ghe n daŋso mbà nyə̀ŋ zùuŋ wò an sàŋ ghee, mo ghe ŋ Gayòs kwù kɔ̀ʼ ghèe Àlestālkùs, wɛ a Màsɛ̀donìa ghe mò dzeŋe bwîi kaāŋ wo ghèe ghê Pôl.

Kə̀fwàʼ 20:4

Ghî ghə̀là ghèe ghee mò bwîi nduw a dzə̀m mò lo Sòpatà, wɛ̀ ù Pilhùs, ghùw ù Bɛ̀lêa àsùghò Àlestālkùs ghèe Sɛ̀kundùs, ghî a Tɛ̀sàlonikà. Gayòs, ghùw Dəlbì, n lo àsùghò Timotì; Tykə̄kùs n lo àsùghò Tə̀lòfimùs, ghî a Ɛshìa.

Kə̀fwàʼ 27:2

A n nì kɔ̌ʼ kwə̀n kə̀ li ko kə nughu wo an Àdə̀làmitìum, mo kə ki alendùw shueʼe am bala e ukwə̀n è shueʼe zəla e doʼò tsughu nduw aŋ kùw kə Ɛshìa, nùghù ndùw â dàŋ kò, ghàʼ à ghê Àlestālkùs, ghùw Màsɛ̀donìa ù sə an nàʼà fə Tɛ̀sàlonicà.

Kə̀fwàʼ 4:36

Dzùghùsî wən fə̀ sə an tigh kə Lɛvì mò ghe wə̄n dzə an naʼ e Saepə̀lùs, tum tə Kə̀lestò tə n təghàa tsughu zən e wə̄n enyəa à lǒ Bànabàs (mo e môʼn tsùghuu enyəa, Ghù wəla ù dzə̀la fə̂ŋ tə aghì tò),

Lumà 16:2

Ghɛ̀ kpeni wə̄n an zən Mughu ù te aŋghəa ghî a Kəzə̀ a lo aleghəŋlo, ghɛ̀ fughu sugho wə̄n â yòsò zəla ù ləghaa aŋ ghùu ghɛ̀, nù ù ŋ ŋgè yòso ndə̀mà tə aghì tò àsùghò ghuūghùe waŋa wo.

Lumà 16:7

Ghɛ̀ fughu nduw sugho tɔɔŋ zaŋa zo â Andə̀lonikùs ghèe Dzunìyas, fən ghaŋa ghəla ghe lô sugho Dzûu tò, tò mugho, ghe ghəla ghàʼ à ghee fə̀ lo a dzə̀m an ndùghùtsaʼ. Ghe lò kɔ tə aghì am bvʉa e tum tə Kə̀lestò, mo à fə̀ boo fughu ghee esə̄ â Kə̀lestò, sěe mùghò.

2 Timotì 4:11

À fɛ̀ èzə̄ŋ lo ko Lûk ù dòʼòdoʼo tsughu ghàʼ à wə̄n: Abugho ghù so e bughòo nù, nîi kɔʼ Mâk, ghù abugho ghɛ̀ à wə̄n, tɔŋlo enyəa ù lo yòsò nù mugho am fwàʼ kən.

Filemùn 1:23

Epafəlàs wəla ghàʼ à wə̄n lô fɛ a dzə̀m an ndùghùtsāʼ aŋ ghəa e Kə̀lestò Yɛso fùghù wò ghù â tɔɔŋ zo.

Filemùn 1:24

Ghê Mâk ghəla ghàʼ à ghee fwaʼà dzəə̄ŋ fɛ a dzə̀m ghèe ghê Àlistakùs àsùghò Dɛ̀mâs àsùghò Lûk fùghù wò sùghò ghù â tɔɔŋ zo.

1 Pità 5:13

Waazə̂ ghɛʼɛ ghəla ghe lo an dzeŋe kə ghì a Kəzə̀ a fi an naʼ e Babilɔ̀n, dzeŋe kəla à fə̀ shîaa kɔʼ sugho Zə̀ kò, fughu wò ghɛ̀ â tɔɔŋ zo. Wɛ waŋa wə̄n Mâk, fùghu wò sùghò ghɛ â tɔɔŋ zo