Kòloshìan 3:9 - To kə Kəzə̀ kə̀ Fughu ko

⁹ Kà nlò è kaʼn gha gho aŋ ghùe zɛʼɛ̄, tɔŋlo enyəa ghɛ̀ kôom yò dzə̂ fəgha kəla ghɛ̀ mò bûʼ lô tsəgha ghè kò, kòom ghə̌əŋ sùghò yò ghəa à biigh ghəla ghɛ̀ mò buʼù ghəə̄ŋ tsəgha.

Kòloshìan 3:9 Iomraidhean Croise

Dzɔ̌n 8:44

Ghɛ̀ lo ko tǒ tsele wɛʼɛ, tɔɔŋ Satàn, moʼn zɛʼɛ zə e bɔ̄ɔm lǒ ko alefwàʼ fəgha kə̀là tsele wɛʼɛ ləghaa ghè kò. Alenìi nughù wô, ù fə̀ wii tsəgha aghî, tuu màʼnlò èsə̀ŋò, bòʼ səŋò è li e yo zəŋò wə̄n. Abugho ù kaʼ gha zo, ù fi kə̂aa ghəa ghəla a kpe am mùghù e wə̄n, bòʼ àgha a dzəa wə̄n, vʉ̀a ù lǒ ghùw wə̀ àghā.

Lumà 6:6

Sɛ̀ kwo nû enyəa fəgha kəla sɛ̀ mò bûʼ lo tsəgha ghè kò mafə kpuw nùghùu alo kədàŋlo ghèe Kə̀lestò, enyəa to Zə̀ kə̀ mô wiī maʼa mbuw fə ghəa a biigh gho a zəŋò sɛ̀, alezèe zəghà sɛ̀ am fàŋa kə ghəa à biigh gho.

Efɛsùs 4:22

Zə̀gha màʼa nlò mughù è wii zəla ghɛ̀ mò bûʼ mughù tsəgha ghè zò, mughù e te e mò seē məŋso ghɛ, ghɛ̀ ŋ ghə̂əŋ ghəa ghəla a wiīn ghɛ alo fətsə̀tèʼè.

Efɛsùs 4:25

Ghəa e lo èzəŋ enyəa ghɛ lo ghî à fughu gho, ghɛ̀ ki alezə̀ghàa maʼa gha à kaʼn gho, ghɛ̀ è kəaa səŋo zò an ghùe zɛʼɛ̄ tɔŋlo enyəa sɛ̀ êzəŋ lo alo kə fəgha kə mɔ̀ʼ an zən e Kə̀lèsto.

Kòloshìan 3:8

Zə êzəŋ e lo enyəa, ghɛ̀ ki yo alekoōm ghəəŋ ghəa ghən gho; alepfʉso nʉghà wò ŋkāa ki sugho yo ku ko am fə̂ŋ, kàa aleghəəŋ bo zo, ŋkāa a alemaʼn kaaŋ nùʼ tò, ŋkāa aleki shwaʼ ù biigh wo alo edzughu.

1 Timotì 1:10

Laŋ kə lo sugho â ghì ghəla ghe səā nûŋlo, àsùghò ghê nùghùbùʼutùe. Chia kə lô sugho â ghì ghəla ghe tsɔŋɔ̄ boʼn ghî ghò, àsùghò ghəla ghe kaʼn gha gho; a ka dɔ̂ɔm taŋ ghəla ghe dzɛ̂ enyəa a yo alekāʼ egha, dèe èzə̀ mo gha à kaʼnlo a lo fʉghàzəa u ghee àsùghò ghəa à loʼ ghəla a lo mo a boom dzəəŋ yo ghèe tsʉ̀ è zɔlɔ zo.

Edêe Fughu 21:27

Fəgha kə li kə ke kòom tsə̀ghà nyə yo fughu alo enaʼ mo ke dzəa nù, ghuw wə agha kê nyə̀ yo fughu alo enaʼ ŋkāa ghuw wəla ù ghəəŋ ghəa tuw kə̀ dala ko. À lǒ fughu nyəa ko ghì ghəla ghe lo mo ghe n tɔm naŋa zən a ghee gho am mwàʼsò kə emùghù kə Tsʉa u Ndzì e te.

Edêe Fughu 21:8

Yia a bugho ghê mgbêbvʉ̄, ghî ghəla ghe taʼkè boō fughu, ghî a dzəa gho, ghəla ghe wiī ghî ghò, àsùghò à nuūŋ gho, ghî a uvùŋ, ghəla ghe kɔʼso zʉ̀ ù li wə̄n, àsùghò ghî ghə agha a dzə̀m, luʼu ke ghee kê lǒ fɛ̀ɛn fɛ̀ɛn kə wə̀n kəla zuʼ kə biigh kə səa wo àsùghò nyoʼ ko ghe tɔŋlo enyəa à lò sulfò, mò à fi lò e kpuūw kuenlò.”

Edêe Fughu 22:15

Ghî ghəla ghe yo dzə an naʼ e te fo lo ghî ghela ghe ghəə̄ŋ dzə̀adzə̀ tə aghəa to, àsùghò ghì a uvùŋ ghò, ghəla ghe nûuŋ kaŋlo àsùghò ghəla ghe wii ghî gho, ghəla ghê kɔʼso mùʼù mò àsùghò ghəla ghe kaʼn gha gho aŋ ghəa ghee kə̀a gho àsugho aŋ ghəa a ghee à ghəəŋ gho.