Kòloshìan 3:8 - To kə Kəzə̀ kə̀ Fughu ko

⁸ Zə êzəŋ e lo enyəa, ghɛ̀ ki yo alekoōm ghəəŋ ghəa ghən gho; alepfʉso nʉghà wò ŋkāa ki sugho yo ku ko am fə̂ŋ, kàa aleghəəŋ bo zo, ŋkāa a alemaʼn kaaŋ nùʼ tò, ŋkāa aleki shwaʼ ù biigh wo alo edzughu.

Kòloshìan 3:8 Iomraidhean Croise

Matìo 5:22

Ǹ so Ŋ̀ kuūwn dzâa wô â ghɛ̀ enyəa, abugho ghùw bùʼ pfʉso kɔʼ ko nʉ̄ghà wò ghèe wàazə̀, ghe ki alesāʼ wə̄n; ghùw wəla ù sùuwn nduw wàazə̀, ù kì alendùw aŋ kaŋsì, wəla ù dzɛ̀ tsughu enyəa, ‘Làʼsò kə kəfəgha kən.’ Ghuw ù te ki alendùw pfʉ an wə̀n u tsə̀ fə̀ baŋa fo.

Mâk 7:22

alesəā ndzāŋ (sə à səa gho), alekī fə̀ŋ è bǐigh, aletsè ghùw, aleghə̂əŋ ghəa à kwu gho, alemʉʉn ghùw, alemàʼà tə̀nùʼ, alekɔʼsō ùghue, alelàʼsò.

Lumà 13:13

To sɛ̀ mô nyòʼn ghəəŋ ndùw aghəa tò ghî ghəla ghe mughu an tsə̂, mò à yò dzə̂ alo kələ̄m. Sɛ̀ ki dzə yo alendùw an lùʼu təla ghe mʉa kala lʉ̀ mò a te, ghəəŋ sùghò ghəa à nuūŋ gho fughu, ŋkāa ki sugho yo alemughu dzə̀adzə̀ kə emùghù ko, ŋkāa alebwiī baā kaaŋ tsəgha ghəa gho, ŋkāa aleki mʉ̌ʉn ko.

1 Kòlentìan 3:3

Tɔŋlo enyəa ghɛ̀ naam mùghù ko làŋà kə e mùghù kə ghì a mbī gho. Abugho ghɛ̀ mʉʉ̄n ghue zɛʼɛ zo, buu kəŋgè alo eghùe e fi mgbaŋa dèe ko enyəa ghɛ̀ lo ghî a mbī gho, ghɛ̀ yia ghəə̄ŋ sughò ghəa ghəla ghî a mbī a ghəə̄ŋ kaŋlo.

2 Kòlentìan 12:20

M̀ fɛ tsəŋo enyəa abugho Ǹ lo bugho fì, Ǹ lô bughò koʼò ghɛ mò ghɛ̀ yo dzə̂ fəgha kə̀là M̀ moʼò enyəa ghɛ̀ lo ghè kò, ghɛ̀ koʼ kɔʼ sugho mugho mò Ǹ yo dzə̂ fəgha kə̀là ghɛ̀ mô ləghaa enyəa mùghò è lo ghè kò. Ǹ tsəŋo enyəa Ǹ lô bughò koʼò wo mò ghɛ̌ yia zughūu, mʉnlo èghue, pfʉso nnə̀ghà alo eghùe, kùmè alo eghùe, màʼn kǎaŋ tə̀nùʼ alo èghue, màʼn kǎaŋ tə̀fom alo eghùe, kɔʼso èghue, sòʼò kǎaŋ sùghò ùtsù.

Gàlashìan 5:15

Abugho ghɛ̀ chuūwn kaāŋ ghue zɛʼɛ zo alo tədzə̀, pfʉa sùghò àsɔŋ aŋ ghùe zɛʼɛ̄, nǐ nlò ghôom zò, ŋkāa ghɛ̀ lo dzuw maʼa mɛʼɛ̄ ghue zɛʼɛ zo.

Gàlashìan 5:20

mùʼù ŋ kɔ̀ʼsò mòʼ, nyàʼ n zùuw mò, bɛ̂ zə èghùe, kə̀zùghù, kə̀mʉ̀nlo, nə̀ghà m pfʉ̌a mò, ekʉmè, ndzùghùn kə emùghù àsùghò ghəa à ghəəŋ gho ghù tə̀ghū,

Gàlashìan 5:26

E kwo ko sɛ̀ lô so e kɔʼso èghue ŋkāa a ka e soʼsō kaaŋ ghî ghò. A ka e mʉʉn sugho fəgha kə ghûw kò.

Efɛsùs 4:22

Zə̀gha màʼa nlò mughù è wii zəla ghɛ̀ mò bûʼ mughù tsəgha ghè zò, mughù e te e mò seē məŋso ghɛ, ghɛ̀ ŋ ghə̂əŋ ghəa ghəla a wiīn ghɛ alo fətsə̀tèʼè.

Efɛsùs 4:25

Ghəa e lo èzəŋ enyəa ghɛ lo ghî à fughu gho, ghɛ̀ ki alezə̀ghàa maʼa gha à kaʼn gho, ghɛ̀ è kəaa səŋo zò an ghùe zɛʼɛ̄ tɔŋlo enyəa sɛ̀ êzəŋ lo alo kə fəgha kə mɔ̀ʼ an zən e Kə̀lèsto.

Efɛsùs 4:26

Abugho nʉghà u pfʉ koʼ ghùw, e kwo ko nʉghà u pfʉa u te lô so e ghəŋlo enyəa ghùw u te ghəŋlo èbo, ù ka boo sùghò enyəa zuw e saŋà mò nʉgha u te u naam pfʉa kò wən:

Efɛsùs 4:29

Kà nlò è bomlo enyəa shwaʼ ù biigh wə e səa wo an dzughu ghɛʼɛ̄, e kuuwn bɔɔm kəaa təla ko nlò shwaʼ wəla u lo aleyòsò aghì am fəgha kəla kə kpe â ghee, enyəa ghî ghəla ghe zəə̄n shwaʼ u te wo, u e lo aleyòsò ghee.

Efɛsùs 5:4

E kwo ko ghùw wɛʼɛ lò so e ki dzughu e biigh zo ŋkāa alekəaa shwaʼ ù dzəa wo, ŋkāa shwaʼ ù laʼso wo, tɔŋlo enyəa shwaʼ u te u fween yo ghɛ. Ghɛ̀ lāam ki alefughuu zɔɔŋ kò â Zə̀ kò am fəgha kəla kə lo mò kə fwàʼ â ghɛ̀.

Kòloshìan 3:5

Ghɛ̌ fi ki aleŋgəmso kûm tuū maʼà ghəa a mbī ghəla gwən e ughùe è ləghaa, ghəa a te a lo tǒ; ghəa à nuūŋ kaaŋ ghə eghùe ghò, àsùghò aleghəəŋ dzə̀adzə̀ tə aghəa to, àsùghò alemōʼn təla ko aleghəŋlo èbo, àsùghò enyəa ghue u ka e nughuun ghû abugho ghù kòʼ nduw wìzən ŋkāa wìnû, àsùghò alesəa â sə gho am fʉgha u mbī wo, mò à fi lo sugho tǒ zʉ̀ ù li wo ghî a kɔʼso.

Kòloshìan 3:9

Kà nlò è kaʼn gha gho aŋ ghùe zɛʼɛ̄, tɔŋlo enyəa ghɛ̀ kôom yò dzə̂ fəgha kəla ghɛ̀ mò bûʼ lô tsəgha ghè kò, kòom ghə̌əŋ sùghò yò ghəa à biigh ghəla ghɛ̀ mò buʼù ghəə̄ŋ tsəgha.

1 Timotì 1:13

Zə̀ kə̀ maā se zo a zəŋò mùghò kwuso aŋghəa e bûʼ lô ko enyəa M̀ mafə̄ wə̄n bûʼ sùuwn tsə̀ghà dzə̀, dzaŋso kaaŋ tsə̀ghà sùgho tsə̀təndə̄ghā tə wə̄n, bùʼ nòmso sùghò à liʼ gho, tɔŋlo enyəa kə mafə kele enyəa mùghò fə̀ ghəa ghən ghəŋlo an tuw kə e làʼsò.

1 Timotì 1:20

Hɛmɛnùs ghèe Àlɛ̀zandà lô ŋgòʼ è ghì a te gho. Mùghò ŋ ghee a te gho a bə̀ghà nî fùghù sə̀ ndùw â Satàn enyəa ù ghə̂əŋ ghəa zəla ù lo aleghəŋlo â ghee. Zən lo ghəəŋ nù, ghe zoʼn tsughu enyəa ghe ki dzə yo alesuūwn Zə̀ kò.

Hibùlù 12:1

Ghəa e lo enyəa sɛ̀ ki nu ndə̀mà tə aghì tò ghe taʼ sɛ̀ à ghee, bùghò nlò sɛ̀ zəghà maʼà ghəa ghəla a sêe wo sɛ̀ ebàm àsùghò ghəa biigh ghəla a tughuu doʼn wo a zəŋò sɛ̀, a kaā tsughu ezə alenyəŋ nyəŋ kəla kə lo â sɛ̀ â sə ko.

Dzɛ̂ms 2:7

À yǒ ghee a, ghe nî kɔʼ kɔ kə ezən kəla ghɛ̀ boō fughu a te, ghe yia a sûuwn kaŋlō a?

1 Pità 2:1

Ghəa e lô enyəa Zə̀ kə m fughu ghɛ â mùghù è fughu zo, e fi lo enyəa, ghɛ̀ kuwnlo nlò fə̀ŋ tɛʼɛ tə̀ biigh to, ghɛ̀ maʼa ghəa a kə̀bàŋàdzə̀m ghò, gha à kaʼn gho, kə̀mʉ̀nlo, ghɛ̀ maʼa sugho nùʼ tò.

2 Pità 2:18

Ghe kɔʼso kaŋlo èghue, kə̀a shwaʼ ù laʼso wo, nìi kɔ̀ʼɔ ghəa ghəla ghe nûuŋ kaŋlo a te, tsʉ̀a bòon ndùw ghì ghəla ghe kuʼù nughù ti sə wo am bvʉa e ghì ghəla ghe mughu dzə̀adzə̀ kə e mùghù kò.

2 Pità 2:7

Zə̀ kə̀ ŋ kuuwn bəghasə̄ tsughu Lɔ̂t, tɔɔŋ ghùw ù tsəghatsəgha wəla ù fə̀ ləghaa yo alekòʼ dzə̀adzə̀ tə aghəa təla ghî à biigh fə̀ a ghəŋlo.

Dzûd 1:13

Ghe lo tǒ ŋgaam kə kətùŋùtùŋu an dzùghùntsòʼ, mo ghəa a ghee dəla a kətuw a dêe sə̌a kɔʼɔ ùghue tò etsə̀m. Ghe lo tǒ sə̀ghàbəlà mə̀la n làʼà ŋgəaa kaāŋ tsəgha edzūŋ, mò Zə̀ kə̀ n naŋa luʼu kə kələm kə̀ biigh ko â ghè mò, kəla ŋ kè doʼn təla a te.

Dzûd 1:8

À lò sugho an dziī è mɔ̀ʼɔ e te ghì a te gho ghe dzəso ghue e ghee zo an dzwoo məla n tsə̄ən zeē ghee. Ghe tuu màʼn fəgha kəla Zə̀ kə̀ lo ghè kò, ghe yia a sûuwn kaāŋ fʉgha wəla u mughu alo kəwālā.

Edêe Fughu 16:9

Ghî ghə̀ m pfʉ tsughu am bòobò kə enùm kə te ko, ghe ŋ kàʼ ndùw aletsɔ̀ɔm zən e Zə̀ kə̀la kə ki daʼa ko a zəŋō zəŋ tən to, ghe ŋ kè ŋgəmso tiī kuūwn fə̀ŋ tə ghee aŋ ghəa a ghee a biigh gho, ŋkāa alebùʼù fughu ndûw kɔʼso ndûw wə̄n.