Kòloshìan 3:7 - To kə Kəzə̀ kə̀ Fughu ko

⁷ Ghuūghùe zɛʼɛ̄ e mò ghəəŋ tsəgha nû ghəa à biigh ghən gho, aŋghəa à mò mughù zɛʼɛ e naām ki tsəghà ghəa a te gho.

Kòloshìan 3:7 Iomraidhean Croise

Lumà 7:5

Tɔŋlo enyəa nəgha zəla sɛ̀ mò naam mughu mughù e mbī zo, a ŋ ki mmbuuw aleghəəŋ ghəa a biigh gho, mò à soʼn kɔʼɔ kəlâŋ enyəa a e fəghaan ghəəŋ ghəa à biigh a te gho. Sɛ̀ m fwaʼà fughuu ndùw â vʉ zo.

1 Kòlentìan 6:11

Ghɛ̀ â li a fə̀ buʼu ghəəŋ tsəgha sugho ŋgòʼ è ghə̀a ghən. Ghe ŋ kuuwn sùw màʼà tsùghù ghɛ, ghe ŋ ghəəŋ tsùghù è sugho ghɛ̀ n zɔ̀n dòʼò è tsughu, ghe ŋ ghəəŋ tsughu sùghò enyəa ghɛ̀ doʼo tsughu ghî à tsəghatsəgha gho an zən e Mughu ù te Yɛso Kə̀lestò àsùghò an Zuʼ tə̀ Zɔlɔ to.

Efɛsùs 2:2

aŋghəa ghɛ̀ mò boʼ mughù tsəgha a te to ghî a mbī gho, ghɛ̀ m bwîi an lwàŋ u də̀ŋ kə zʉ̀ u biigh wəla u lo kaŋlo edzūŋ alo kəkwɛ̌ɛ, də̀ŋ kən lo zʉ̀ ù biigh wəla u fwaʼā ezəŋ a zəŋò ghì ghəla ghe tsughòsò maʼn Zə̀ kò.

Kòloshìan 2:13

Yia a bughò ghɛ ghəla ghɛ̌ fə̀ lo tò ghî à kpuuwn gho bòʼ ghəa ghɛʼɛ à biigh gho, aŋghəa ghɛ̀ mò naam lo mò ghɛ̀ kaām boo fughu dzə̀ â Zə̀ kò, Zə̀ kə̀ ŋ ghəŋlo enyəa ghɛ̀ koōm doʼo wo â tuw ko am bàm è Kə̀lestò aŋghəa ù fə̀ ghuūw maʼà ghəa a sɛ̀ à biigh gho a dzə̀m.

Taetùs 3:3

M̀ fɛ dzàa tɔŋlo enyəa an tì kə̀ li ko ghue e ughùe e sɛ̀, sɛ̌ fə̀ buʼ lo ghî à laʼso gho, sɛ̀ n zuuw yo â Zə̀ kò, ghəəŋ boon sùghò àghəa, ghe n sè məŋso sùghò sɛ̀, sɛ̀ m fə̀n dòʼò ndùw ùkɔ̀ a bâa fʉgha u mbī wo. Sɛ̀ m mughu aŋ kə̀f kə ebō, ki sugho kəmʉ̀nlo am fʉgha ù aghì. A m bâa ghì ghə̀n àdzə̀m, ghî ghə̀n à dzə̀m m bâa sùghò sɛ̀.