Bìoball air-loidhne

Kòloshìan 3:5 - To kə Kəzə̀ kə̀ Fughu ko

⁵ Ghɛ̌ fi ki aleŋgəmso kûm tuū maʼà ghəa a mbī ghəla gwən e ughùe è ləghaa, ghəa a te a lo tǒ; ghəa à nuūŋ kaaŋ ghə eghùe ghò, àsùghò aleghəəŋ dzə̀adzə̀ tə aghəa to, àsùghò alemōʼn təla ko aleghəŋlo èbo, àsùghò enyəa ghue u ka e nughuun ghû abugho ghù kòʼ nduw wìzən ŋkāa wìnû, àsùghò alesəa â sə gho am fʉgha u mbī wo, mò à fi lo sugho tǒ zʉ̀ ù li wo ghî a kɔʼso.

Faic an caibideil Dèan lethbhreac

dol air ais ⬆

Kòloshìan 3:5
34 Iomraidhean Croise

Matìo 15:19

Nu à am fə̂ŋ è ghùw bɔɔm səa kɔʼɔ wò ko mòʼnlò e biigh zo, àsùghò ghəa à biigh à li gho tǒ alewinlo àghì, alesəa nuŋlo, aleghəəŋ kaaŋ dzə̀adzə̀ tə aghəa tə̀ li to, aletsɔŋɔ, alemaʼn kaaŋ nùʼ tò àsùghò fom to.

Faic an caibideil

Lumà 1:26

Zən lò e ghee Zə̀ kə̀ zəghà tsughu ghee enyəa ghe e ghəəŋ nduw dzə̀adzə̀ tə aghəa təla ghe ləghaa aleghəŋlo. Yîzən a ghee yia nuŋù ghue zo aŋ ghùe e ghee, mo ghe ki yo aleghəŋlo êzə.

Faic an caibideil

Lumà 1:29

Ghe n lo mo ghəa à biigh ghə ŋ ghee alo tə fə̂ŋ lue dòʼò: ghəa a te a lo ebo, sə̀ à səa gho. Ghe ki kəmʉ̀nlo, à kʉ̀mè zo, winlo àghì, bàa eghue, tsèe kàŋlo àghì, ki kəghòʼ, màʼn sùghò tə̀fom.

Faic an caibideil

Lumà 6:13

E kwo ko ghùw wɛʼɛ lò so e nîi kɔ̀ʼɔ̂ bà kə ughùe kə wən kə̀ li ko ù naŋā tsughu tò fəgha kə kəfwàʼ kə ebō. Laam fùghù nduw nlò ghùe zɛʼɛ zo â Zə̀ kò, tò ghî ghəla ghe baāŋ nughù sə tsughu aŋ ghu kə evʉ, naŋa wò ghee â tuw ko enyəa ghɛ̀ e mughu mùghù è fughu zo. Naŋa tsughu nlò ghùe zɛʼɛ zo e dzə̀m zə elo tò fəgha kə kəfwàʼ kə Kəzə̀ kəla kə lô tsəghatsəgha.

Faic an caibideil

Lumà 6:6

Sɛ̀ kwo nû enyəa fəgha kəla sɛ̀ mò bûʼ lo tsəgha ghè kò mafə kpuw nùghùu alo kədàŋlo ghèe Kə̀lestò, enyəa to Zə̀ kə̀ mô wiī maʼa mbuw fə ghəa a biigh gho a zəŋò sɛ̀, alezèe zəghà sɛ̀ am fàŋa kə ghəa à biigh gho.

Faic an caibideil

Lumà 7:23

Yìa à sò kuūwn lô ko enyəa lâŋ kə̀ nughù kə̀ lo nû kə zughù kaāŋ tsəgha a zəŋò mùghò ghèe kəla Ŋ̀ gaʼ fə̀ŋ zaŋa a te, mo lâŋ kə te kə ghəəŋ nù yìa Ǹ doʼn ndûw kɔ̂ kô â bo zo.

Faic an caibideil

Lumà 7:5

Tɔŋlo enyəa nəgha zəla sɛ̀ mò naam mughu mughù e mbī zo, a ŋ ki mmbuuw aleghəəŋ ghəa a biigh gho, mò à soʼn kɔʼɔ kəlâŋ enyəa a e fəghaan ghəəŋ ghəa à biigh a te gho. Sɛ̀ m fwaʼà fughuu ndùw â vʉ zo.

Faic an caibideil

Lumà 8:13

Tɔŋlo enyəa abugho ghù mughu aŋghəa ghue u ghûw ù ləghaa, ghù lo kpuw. Abugho ghù kuuwn nî kɔʼ daʼa kə Zuʼ tə̀ Zɔlɔ to wì màʼà tsughu ghəa à biigh ghəla a lo a zəŋo ghùe u ghùw a te, ghùw ù te lo mughù.

Faic an caibideil

1 Kòlentìan 5:1

Ghe kûu dzɛ̀ enyəa ghî à nûuŋ kàŋlo èghue am bvʉa zɛʼɛ̄, an dziī zəla ghî ghəla ghe doʼkè boō fughu â Zə̀ kò bùʼù yo aleghəŋlo. A zuw enyəa ghùw u lì lò am bvʉa zɛʼɛ̄ ù bùʼù nyəə̄ŋ ghɛ̀ wì ù tsele.

Faic an caibideil

1 Kòlentìan 6:11

Ghɛ̀ â li a fə̀ buʼu ghəəŋ tsəgha sugho ŋgòʼ è ghə̀a ghən. Ghe ŋ kuuwn sùw màʼà tsùghù ghɛ, ghe ŋ ghəəŋ tsùghù è sugho ghɛ̀ n zɔ̀n dòʼò è tsughu, ghe ŋ ghəəŋ tsughu sùghò enyəa ghɛ̀ doʼo tsughu ghî à tsəghatsəgha gho an zən e Mughu ù te Yɛso Kə̀lestò àsùghò an Zuʼ tə̀ Zɔlɔ to.

Faic an caibideil

1 Kòlentìan 6:13

Ghùw ù lì lò sugho nû aledzàa tsughu enyəa, “Fʉghàzəa u lo fəgha kə nʉ̀ghà kò, nʉghà vʉa u lô fəgha kə ufʉ̀ghàzəa ko.” Òo; à kǔuwn lò ko enyəa Zə kə lo dzùuw màʼn fʉgha u te wo u dzəm. Zə kə ka fə gwən e ughùe e ghûw è bɔm wò dzə aŋ ghəa a nuūŋ kaaŋ ghe eghùe gho, à fə̀ lo enyəa zə e lo alefwaʼā â Mughu ù te, enyəa Mughu ù te e lɛɛn sugho â gwən e ughùe e te zo.

Faic an caibideil

1 Kòlentìan 6:18

Zəgha màʼa nlò ghəa à nuūŋ kaaŋ gho. Bo è li e yo dzə̂ ghùw ghəŋlo e mɔ̂ɔ gwən e ughùe e wə̄n zo; ghùw wəla ù nùuŋ kaŋlo kuuwn ghəŋlo èbo a zəŋò gwən e ughùe e wə̄n zo.

Faic an caibideil

2 Kòlentìan 12:21

M̀ fɛ tsəŋo enyəa abugho Ŋ̀ kôom bugho Zə̀ kə̀ lô yia də̂nsò nù tuw kaŋa ko a an sə kɛʼɛ̄, mùghò è ke diī enyəa ghî ghəla ghe mò ghəə̄ŋ bo zo kaām n ti màʼà dzə̀adzə̀ tə aghəa tə̀ nuūŋ tə te to — sə à səa gho, àsùghò ghəa à ndzaŋa kaaŋ ghən.

Faic an caibideil

Gàlashìan 5:24

Ghî ghəla ghe lô ghî a Kə̀lestò Yɛso ghò, ghe lo ko to ghe n təghàa nàŋa gwən e ughùe e ghee zo alo kədàŋlo àsùghò laan tə aghəa təla gwən e ughùe e ghee e ləghaa.

Faic an caibideil

Efɛsùs 4:19

Ghe tsoo də̀nsò yò tuw ko aŋghə̀a e li zo — ghe yia tsəghà təŋò tsughu ko aleghəəŋ ghəa à biigh gho, tsoo sə̀əm sùghò yo aleghəəŋ dzə̀adzə̀ tə aghəa tən tə̀ dzə̀m.

Faic an caibideil

Kòloshìan 2:11

Ghɛ̀ ka mo wɛ a Kəzə̀ à bughò dòʼò dzə̀ mò ghe sugho tsughu twigh wɛʼɛ tò aŋghəa ghî a sughōo tigh kə ghûw kò a te, à mò lo bòʼ ghɛ̀ mò bughò doʼò fəgha ko kə mɔ̀ʼ ghɛ̀ à ghê Kə̀lestò aŋghəa Kə̀lestò mò tsɔ̀ʼ maʼà ndûw ghue zɛʼɛ zəla e ləghaa bo zo.

Faic an caibideil

1 Tɛ̀sàlonìan 4:3

nu Zə̀ kə̀ ləghaa enyəa ghɛ̀ è mughu mùghùu è zɔlɔ zo, e fi lo enyəa ghɛ̀ zəghaa maʼa nûuŋ zò.

Faic an caibideil

1 Tɛ̀sàlonìan 4:5

mò à yò dzə̂ tò aŋghəa ghî ghəla ghe kwo yo Zə̀ kò, ghe səā â sə gho aŋ ghəa ghəla yîzən a ghəŋlo.

Faic an caibideil

1 Timotì 6:10

Tɔŋlo enyəa sə à səa gho aŋ ghəa kua nîi wò ndə̀mà tə eboo. Ghî ghəla ghe ŋgee ləgha ghə a ukʉa gho ghə n zə̀ghàa màʼà fəgha kəla ghe boō fughu a te, ghe yia faān kaŋlo tǒ ghùw wəla u tsuʼn kaāŋ tsughu ghuw u wə̄n alo fənyə̄.

Faic an caibideil

Hibùlù 12:16

Dəma tsughu nlò enyəa ghùw wɛʼɛ ka e nuŋlo, ghùw wɛʼɛ ka doʼò mò ù kwò yo Zə̀ kò to Esàu, wəla ù fə̀ fêe tsughu dwaʼa u wə̄n wəla ù fə̀ sə wo â ghè wo am mwěe bòʼ dzughu è zəa zo.

Faic an caibideil

Hibùlù 13:4

Tɔʼɔ kwukele tsughu nlò ghəa a ghùe è niī gho alo ŋ kɔʼso, e kwo ko ghùw aŋ ghì ghəla ghe nî tsughu ghue zo lô səā nûŋlo; nu Zə̀ kə̀ lo baa nu mbɛ an tuw kə ghì ghəla ghe sə nûŋlo àsùghò ghì ghə̀n a dzə̀m ghe nûuŋ kaŋlo.

Faic an caibideil

Hibùlù 13:5

Kâ nlò fə̂ŋ tɛʼɛ to aŋghəa a ukʉa gaʼ, nǐi tsughu nlò enyəa fəgha kə̀là ghù wɛʼɛ ki kə m kpe â wə̄n; nu Zə̀ kə̀ dzɛ̂ tsughu enyəa, “Ŋ̀ kê bvʉ̀so màʼà kòʼ yò ghɛ, Ŋ̀ kê zə̀ghàa tàʼa kòʼ sùghò yò ghɛ.”

Faic an caibideil

Dzɛ̂ms 4:1

À ghə̌əŋ tsə̀ghà kə̀ kwò enyəa ghɛ̀ è təma tsàm aŋ ghùe zɛʼɛ̄ à, zùghù sùghò a? À lò ləgha zəla ghɛ̀ ki am fʉgha u mbī u ghəŋlo enyəa ghɛ̀ e tema tsàm aŋ ghue zɛʼɛ.

Faic an caibideil

1 Pità 2:11

M̀ buʼu kə̀ghu â ghɛ̀ a fən ghaŋā gho, ghɛ̀ tò ghì ghəla ghe bwîin nyə wô nû fɛ am mbī àsùghò ghəla ghe nɔe mughu. Nǐi nùghuu nlò moʼn zɛʼɛ zo am fʉgha wəla gwən e ughùe e ghûw è ləghaa, tɔŋlo enyəa fʉgha u te u tɔɔŋ tsàm a zəŋò ghue zɛʼɛ zo.

Faic an caibideil

Edêe Fughu 21:8

Yia a bugho ghê mgbêbvʉ̄, ghî ghəla ghe taʼkè boō fughu, ghî a dzəa gho, ghəla ghe wiī ghî ghò, àsùghò à nuūŋ gho, ghî a uvùŋ, ghəla ghe kɔʼso zʉ̀ ù li wə̄n, àsùghò ghî ghə agha a dzə̀m, luʼu ke ghee kê lǒ fɛ̀ɛn fɛ̀ɛn kə wə̀n kəla zuʼ kə biigh kə səa wo àsùghò nyoʼ ko ghe tɔŋlo enyəa à lò sulfò, mò à fi lò e kpuūw kuenlò.”

Faic an caibideil

Edêe Fughu 22:15

Ghî ghəla ghe yo dzə an naʼ e te fo lo ghî ghela ghe ghəə̄ŋ dzə̀adzə̀ tə aghəa to, àsùghò ghì a uvùŋ ghò, ghəla ghe nûuŋ kaŋlo àsùghò ghəla ghe wii ghî gho, ghəla ghê kɔʼso mùʼù mò àsùghò ghəla ghe kaʼn gha gho aŋ ghəa ghee kə̀a gho àsugho aŋ ghəa a ghee à ghəəŋ gho.

Faic an caibideil

Lean sinn:

Ceanglaichean taic

Sanasan

Sanasan