Kòloshìan 3:4 - To kə Kəzə̀ kə̀ Fughu ko

⁴ Abugho Kə̀lestò wəla ù ki mughù e sɛ̀ zò lo kôom dê sə wo ghue u wə̄n wo ebàm, ghɛ̀ a ghee e ke dzeŋe lò ko a dzə̀m an səghanyəgha wə̄n.

Kòloshìan 3:4 Iomraidhean Croise

Matìo 13:43

Ghî a tsəghtsəgha ghə̀ e kê nyəghaan ko aŋ fɔ̀e u Tsele tò ezuw. Mò ghùw kì utuŋlō, ù zuw.”

Lûk 17:30

À kè bɔ̌ɔm lò sugho êzə̀ tsuʼ wəla Wɛ ù Ghùw kè dêe wô sʉ wo a te.

Dzɔ̌n 11:25

Yɛso n dzɛ̀ â wə̄n enyəa, “À zòo nùghùun wò mùghò ghî ghò alo evʉ̄, fughuu sùghò ghee â mùghò zò. Ghùw wəla ù boō fughu â mùghò, abugho ù bùʼ kpuw ko nû, ù lo kelê mùghù è doʼn təla zo.

Dzɔ̌n 14:3

Abugho Ǹ ndûw fəghaān naŋā tsughu luʼū to â ghɛ̀, Ǹ lo kôom bughò èbàm M̀ bughò nî ghɛ̀ tò sɛ̀ è lo a dzə̀m, enyəa luʼu kəla Ǹ lo a te ghɛ̀, è lo sugho fughu èzə̀.

Dzɔ̌n 14:6

Yɛso n dzɛ̀ ndùw â wə̄n enyəa, “Ǹ lo dzì, yìa Ǹ lô səŋò zò àsùghò mùghù zò. Ghùw yo alebùghò tɛ̂ alô Bə̀ghà mò ù kà tsə̀ghà a zəŋò mùghò.

Dzɔ̌n 17:24

Tsele, Ǹ ləghaa enyəa ghî ghəla ghù fughu â mùghò, ghe e lo ghàʼ à ghee an lùʼù kəla Ŋ̀ kê lo a te, to ghe lo e bɔŋɔ̄ koʼō tughu zaŋa zo; tughu zəla ghù mò fughu â mùghò, bòʼ ləgha zəla ghù fə̀ ki kele a zəŋò mùghò to mbī e bùghò zîi tsughu.

Dzɔ̌n 20:31

ghe ghəa ghən fɛ kuuwn tɔm naŋa aleghəə̄ŋ tsughu enyəa ghɛ̀ boo fughu enyəa Yɛso lǒ Kə̀lestò, Wɛ u Kə̀zə̀, àsùghò enyəa, am boo zɛʼɛ̄ to ghɛ̀ mo kele mughù zò an zən e wə̄n.

Kə̀fwàʼ 3:15

Ghɛ̀ mo enyəa ghe fwəlà ndûw wiī maʼà ndûw Ghùw wəla ù fughuu mughùu zo, Zə̀ kə̀ ŋ kuuwn nì nùghù sə̀ kɔ̀ʼ wò ko wə̄n alo evʉ̄; ghue e ughùe zaʼā e maā ghəa a te gho a dzə̀m a kôʼ yia a dzâa wo êzə̄ŋ.

Lumà 8:18

Ŋ̀ kwo nû enyəa fala zəla sɛ̀ fanlo êzəŋ kâ mbùʼ kɔʼ kpe alebàan ndûw ghèe səghanyəgha məla Zə̀ kə̀ lo naāŋ sɛ̀ a te.

Lumà 8:19

Tɔŋlo enyəa fʉgha wə̄n u dzə̀m ghe gbə̂n wô fɛ am mbī lə̀mlo alo mbūw alekòʼ aŋghəa Zə̀ kə̀ lo dêe fughu wô ghî ghəla à kùum lô wɛ a wə̄n gho a te.

1 Kòlentìan 1:7

Zən lò e ghee ghɛ̀ ki mɛʼɛ̄ fughu wəla Zuʼ tə Kəzə̀ tə̀ fughu â ghɛ̀ a dzə̀m, aŋghəa ghɛ̀ ləə̄m ndûw tsuʼ fəla Mughùbè ù sɛ̀ Yɛso Kə̀lestò lo kôom bughōo ebàm a te.

1 Kòlentìan 15:43

Abugho ghe taā nduw, zə n laan yo alekòʼò ndûw, à m bùghò ghe nî sə kɔʼ wo, zə ŋ ŋgee lanlo alekòʼò ndûw. Abugho ghe taā nduw, ghə n tughu yo, à m bùghò a noō sə kɔʼ wo, ghə n tughuu dzɔ̀ ki sugho esə̂ŋ.

2 Kòlentìan 4:17

Nyàaŋ fə utsù fə̀là ghàʼ zuw kəŋo ndûw fɛ lo tsùuŋ yò, fə fɛ ndzùuŋ nǎaŋ ghàʼ an səghanyəgha n sə̀ŋò mə̀là n dòʼò tən, mò n tsə̀ghàtàʼà sə tsû wə̄n.

Gàlashìan 2:20

E fi lo ko to ghe mǒ ghàʼ à ghê Kə̀lestò təghāa dzəəŋ kɔʼ a dzə̀m alo kədàŋlo; à kòom yò dzə̂ mugho M̀ mughu, à lǒ Kə̀lestò ù mùghù a zəŋò mùghò. Mughùu zəla M̀ mughu êzə̄ŋ aŋ gwə̀n e ughùe, M̀ mughu ghè zò am fə̂ŋ zəla Ŋ̀ gaʼ tsughu a zəŋò Wɛ̀ ù Kə̀zə̀, wəla ù mò ləgha tsughu mugho, ù m fùghù ndùw tuw kə wə̄n aŋ ghəa zaŋā.

Fèlepìan 3:21

Ù lo bùghò kǔuwn nùghùun kɔ̀ʼɔ̂ gwən e ghùe zəla sɛ̀ ki êzə̄ŋ, ù kê fughu tsughu sɛ̀ â gwən e ughùe zəla e zɔn buʼ, tò e wə̄n zo. Tɔŋlo enyəa ù ki kədaʼa aledzɛ̀ enyəa, ufʉgha u dzə̀m u doʼò wô a tsəlà wə̄n.

1 Tɛ̀sàlonìan 4:17

A kê bughò sɛ̀ ghəla sɛ̀ kê naam lo â sə à tughu gho, sɛ̀ kê təma dzəə̄ŋ ndûw ghee alo təmbàʼ, a nùghù kɔʼɔ ndùw edzûŋ alekpeēn ndûw sɛ̀ à ghê Mughu ù te edzūŋ: sɛ̀ kê daŋso dôʼò təla ndûw sɛ̀ à ghê Mughu ù te.

1 Timotì 6:14

enyəa ghù e bwiī an lwàŋ wə̄n wo mò ghù nɔ̀ʼɔ yo, ghî ghə̀ e ke yo alesāʼ ghû; nì nùghù ezə̄n ndùw tɛ̀ ndùw an tsû wəla Mughùbè ù sɛ̀, Yɛso Kə̀lestò kè kôom bugho a te.

2 Timotì 1:1

À lò mughu Pôl, tùm è Kə̀lestò, Ǹ tɔm wo mwàʼsò kən ko. À mò tsəm tsughu Kəzə̀, kə n tsɔʼ kɔʼ mugho enyəa Ǹ doʼò tùm è Kə̀lestò Yɛso. Kə n tùm sə̀ wò mùghò alezùghò naʼà wô to kəla kə fə̀ to naŋā â sɛ̀ enyəa sɛ kê kelê mùghù è doʼn təla zo aŋghəa sɛ̀ lô fəgha ko kə mɔ̀ʼ sɛ̀ â ghê Kə̀lestò Yɛso.

2 Timotì 4:8

Namso kə ləəm mùghò êzə̄ŋ alo kəwālā am fwàʼ kə̀ dzûŋ kə̀là Ǹ lo mò mùghò fwâʼ ghè kò; Namso kən kà yò ko â mùghò, kə lo â ghì ghən à dzə̀m ghe ki ləgha zo alekòʼ tsuʼ fəla Kə̀lestò kè bughōo a te ebàm. À namso kə te kə naŋa Mughu ù te wəla ù saʼā ghî ghò a dzə̀m am fôʼ è tsəghatsəgha.

Taetùs 2:13

Ghàʼ ndzəmà chìi tùʼ aŋghəa ghàʼ ləə̄m tsuʼ ù ne wəla a kwo enyəa Yɛso Kə̀lestò lo bùghòo a te aŋ ghùe u kədə̀ŋ. Yɛso Kə̀lestò wən lo Zə̀ kə sɛ̀ kə̀ ghaʼa ko àsùghò Bəghambī ù sɛ̀.

Hibùlù 9:28

E lo sugho êzə̀ enyəa ghe mǒ Kə̀lestò fɛ sɛ tən nduw ko enəgha e mɔ̀ʼ alenìi nughù bòo tə ndə̀mà tə aghì. Zəa e lô sugho enyəa ù kè kòom bùgho kpèʼe nù alebùghò kôʼ ghî ghəla ghe mbûuŋ keē wə̄n, mò ù kòom bùghò yo alebùghò sûuw maʼà bòo tə aghì, mò ù bùgho alebùghò bəghāsə̄ ghee.

1 Pità 1:13

E fi lo enyəa, ghɛ̀ fəghaan tsughu ghue zɛʼɛ zo, ghɛ̀ tiso kɔʼ nlò tuw ko edzūŋ, ghɛ̀ naŋso tsughu nlò ghuw kə ebwìi kɛʼɛ ko alefwàʼ fwàʼ kə̀là Zə̀ kə ləgha ghè kò, ghɛ̀ e chiī nduw tùʼ am bughuso zəla ghɛ̀ lo kele abugho Yɛso Kə̀lestò kè kôom dê sə wô ghue u wə̄n wo ebàm.

1 Pità 5:4

To abugho ghùw wəla ù lò tuw ko a zəŋò ghê bàʼàtə̀ndzì lo bugho, ù lo dzəlà wô mgbɛ kə nsəghanyəgha kəla kôʼ e te e kê kuūwn kôʼ yo an tuw kɛʼɛ̄.

1 Dzɔ̌n 2:28

Tee tsughu ko nlò ghuw ko kə mɔ̀ʼ ghɛ̀ à ghê Kə̀lestò êzə̄ŋ à wɛ ghaŋa gho, to abugho ù kê bugho, ghɛ̀ e ke ki yo tsəŋ zo àsùghò tuw kə dəla ko aleteme a vʉ̀a wə̄n an tsuʼ fəla ù kè bugho ebàm a te.

1 Dzɔ̌n 3:2

Waazə̂ ghaŋa gho, sɛ̀ êzəŋ e lo wɛ a Kəzə̀, sɛ̌ yia sô kaam kwo yo fəgha kəla sɛ̀ kê bughò doʼn ghê kò. Yia a kuuwn kwo enyəa abugho Kə̀lestò kè dê wô ghue wo, sɛ̀ kê bɔ̌ɔm lò sugho tǒ wə̄n, tɔŋlo enyəa an tì kə tə ko, sɛ̀ lô wə̄n koʼò ndùw aŋghəa ù lò a te.

1 Dzɔ̌n 5:12

Ghùw wəla ù lo alo kəfəgha kə mɔ̀ʼ ghèe Wɛ ù Kə̀zə̀, ki nû mughù zən zo. Ghùw wəla ù yò dzə̂ alo kəfəgha kə mɔ̀ʼ ghèe Wɛ ù Kə̀zə̀, ki yo mughù e doʼn təla zo.

Dzûd 1:24

Ŋ̀ gɔ̂ŋlo enyəa to sɛ̀ mô fùghù ŋkɔʼso n dzə̀m â Zə̀ kò, Zə̀ kəla kə kwu kele ghɛ̀ enyəa e kwo ko ghɛ̀ lô neē bvʉ̂a, Zə̀ kəla kə lo ghəŋlo enyəa ghɛ̀ eduʼnlo abugho kə kê nî wô ghɛ̀ an səghanyəgha ŋ wə̄n mò ghɛ̀ ki yo nyàaŋ fə udzʉ fə̀ li fo am fə̀ŋ tɛʼɛ.

Edêe Fughu 2:7

Ghùw wəla ù ki tuūŋ ko, ù zuw fəgha kəla Zuʼ tə̀ Kəzə tə̀ dzâa wo â dzweŋe u ghì a Kəzə̀ wən wo. Ǹ lo fughuu tsughuu kə̀làŋ, ghî ghəlà ghe ghaʼ tsughu ghəa à biigh gho, ghee e kʉɛɛ zəa tam kə kàʼ fə emùghùu fəla fə lo an sum u Kəzə̀ alo kəwālā.”

Edêe Fughu 22:1

Tsə̀ndə̄ghā e Kə̀zə̀ n daŋso dè wò mughò â dzùghù e kuŋu səa wo an ndàŋ è kə̀də̀ŋ è Kə̀zə̀ zə̀ àsùghò a zə̀ŋo Tsʉa u Ndzì u te wo, dzùghuu e te ŋ ki mùghù məla m fughu mughù zò, mò n zɔlɔ nyəghanlo tò eshiaghɔŋlo.

Edêe Fughu 22:14

Dzɔ̂ lò ghî ghəlà ghê sûuw zɔnso tsugh dalà tə ghee to enyəa ghe e ki daʼa ko alekwɛ̀ɛ zə tam kə fəkàʼ aŋ kàʼ fəla fə fughuu mughu zò, ghe e lo sugho aletsə̀ghàa nyə am fu e ughɔŋ zə naʼ e te zò.