Kòloshìan 3:3 - To kə Kəzə̀ kə̀ Fughu ko

³ Nu ghɛ̀ êzəŋ e lo tò ghî a kpuuwn gho, mughù zɛʼɛ zəa e nân doʼò a zəŋò Kə̀lestò, êzəŋ wəla ghɛ̀ à ghê Zə̀ kə̀ lo alo kəfəgha kə mɔ̀ʼ.

Kòloshìan 3:3 Iomraidhean Croise

Matìo 11:25

Yɛso n dzɛ̀ tsùghù an nə̀ghà e te zo enyəa, “M̀ fughu zɔ̀ɔŋ kə̀a a Tsele waŋā, Mughu ù kəwala à ghueekətsə̄ ko, enyəa ghù ŋ ghəa ghən nân nàŋa â ghì à tɔɔ gho, ghù vʉ̀a ghù dè fughu tsughu â wɛghêtùghù gho.

Dzɔ̌n 14:19

A tsûuŋ ko enyə, mbī lo kòom kòʼò yò mugho, ghɛ̀ lo e koʼō mugho. Bòʼ enyəa M̀ mugho nû, ghɛ̀ lo e mughu sugho.

Dzɔ̌n 3:16

Tɔŋlo enyəa Zə̀ kə fə̀ ŋge ləgha nu mbī alenìi fughuu wô sɔ̀ʼ kə wɛ̀ kə wə̄n kə mɔ̀ʼ enyəa mò ghùw bǒo fùghù ndùw dzə̀ â wə̄n, ghùw ù te ŋ kè kpuūw mîa alo kəleŋe, ù n laam kelê mùghù è doʼn təla zo.

Dzɔ̌n 4:14

ghəla ghe lo kuūwn mʉā mùghù mə̀là Ǹ lo fughu â ghee, fə̀ŋ è m̀mùghu kê ghee kôom zùʼso kòʼ yò. Mùghù mə̀là Ǹ lo fughuu, n lo doʼò tsughu fədzughù a zəŋò ghee, fə tûuŋ səā kɔʼɔ̄, fughu sùghò ghee â mùghù è doʼn təla zo.”

Dzɔ̌n 5:21

Aŋghəa Tsele bɔɔ̄m zôo nughùun kɔʼɔ̄ ghî à kpuuwn gho alo evʉ̄, naaŋ wò ghee â tuw ko, wɛ bɔɔm fughuu sùghò êzə̀ mughù zò â ghì ghə̀là ù tsə̀m tsughu.

Dzɔ̌n 5:24

Kùmkùm, aŋghəa Ǹ dzâa wô fɛ â ghɛ̀, ghùw wəla ù zuw shwaʼ waŋa wo, boo fùghù ndùw â wə̄n wəla ù mò tum wô mugho lo kele nù mughù è doʼn təla zo, ghe kê dzùuw màʼn yǒ wə̄n; tɔŋlo enyəa ù n nùghù sə̀ wò alo evʉ̄, dòʼò wò â tuw ko.

Dzɔ̌n 5:40

Ghɛ̌ yia naām tuū alebùghò a vʉ̀a mùghò tò ghɛ̀ kele mughù è doʼn təla zo.

Lumà 5:10

Ghəa sɛ̀ fə̀ buʼù lô tsəgha ko ghî a kətuw a Kəzə̀ ghò, Zə̀ kə n naam nì təm dzəəŋ wò ko sɛ a ghee alo kəfəgha kə mɔ̀ʼ an vʉ e wàa wən. Yia abugho êzəŋ wəla sɛ̀ lô ghî a wə̄n gho, sɛ ki alekwo tən enyəa Kə̀lestò lo bəghasəa nǔ sɛ̀ êzəŋ wəla ù lò â tuw ko.

Lumà 5:21

Tò aŋghəa daʼa kə ebo kə fə̀ nî wô vʉ zo, à lò sugho eghəla dzɔ̂ è Kəzə̀ è ki daʼa ko aleghəŋlo enyəa ghuw e lo tsəghatsəgha â wən alekele mùghù è doʼn təla zo am bàm e Yɛso Kə̀lestò Mughùbè ù sɛ̀.

Lumà 6:11

An dzîi è mɔ̀ʼɔ, a lò sugho êzə̀ vʉ e kôom ki yo daʼa ko a zəŋò ghɛ̀, ghɛ̌ êzəŋ e kuuwn mughu â Zə̀ kò aŋghəa ghɛ̀ lô fəgha ko kə mɔ̀ʼ ghɛ̀ à ghê Kə̀lestò Yɛso.

Lumà 6:2

Ɛ̂ŋgaŋ dzə̂! Abugho à lò aleghəŋlo ebo, sɛ̀ êzəŋ e lo tò ghî a kpuuwn gho. E fi lo enyəa sɛ̀ kôom ki yo alenaam mughu nduw ko alo ebō.

Lumà 8:2

Daʼa kə Zuʼ tə̀ Zɔlɔ kəla tə fughu mughù zò, kə m mùghò zê zə̀ghàa am bàm e Kə̀lestò Yɛso aŋ ghù daʼa kə ebo kəla è nîi wô vʉ zo.

1 Kòlentìan 15:45

Zən lò e ghee ghe tɔm tsughu enyəa, “Ghùw ù sûesʉ, Adàm, m bùghò dòʼò wò ghùw wəlà ù mùghu am mbī.” Adàm wə̀ ebàm wən bùghò dòʼò wò Zuʼ tə Kəzə̀ təla tə fughuu mughù zò.

1 Kòlentìan 2:14

Ghùw wəla Zuʼ tə Kəzə̀ tə̀ yo a zəŋò wə̄n bǒom yo êsəŋò zəla Zuʼ tə Kəzə tə te tə deē ghè zò. Ŋgòʼ è àghì ghən zuuwkɛlɛ yo ghəa te gho; ghəa a te a lo elaʼsò â ghee, bòʼ à lò ko an daʼa kə Zuʼ tə̀ Zɔlɔ tə te to ghùw kè koʼòkɛlɛ enyəa kən lo fəgha kə səŋò kò.

2 Kòlentìan 5:14

À sɛ̀ fɛ̀ êzə̄ŋ ki ləgha zəla Kə̀lestò ki â sɛ̀, aŋghəa sɛ̀ zuwkɛlɛ̄ tsughu dzə̂ enyəa ghùw ù lì maā kpuw an tuw u aghî a dzə̀m, à fi lo enyəa sɛ̀ a dzə̀m maā kpuw sùghò.

2 Kòlentìan 5:7

nu ghàʼ fɛ mùghu ko am fəgha kəla a boō fughu tsughu a te, mò à yò dzə am fəgha kəla a koʼò nduw.

Gàlashìan 2:20

E fi lo ko to ghe mǒ ghàʼ à ghê Kə̀lestò təghāa dzəəŋ kɔʼ a dzə̀m alo kədàŋlo; à kòom yò dzə̂ mugho M̀ mughu, à lǒ Kə̀lestò ù mùghù a zəŋò mùghò. Mughùu zəla M̀ mughu êzə̄ŋ aŋ gwə̀n e ughùe, M̀ mughu ghè zò am fə̂ŋ zəla Ŋ̀ gaʼ tsughu a zəŋò Wɛ̀ ù Kə̀zə̀, wəla ù mò ləgha tsughu mugho, ù m fùghù ndùw tuw kə wə̄n aŋ ghəa zaŋā.

Efɛsùs 3:9

àsùghò aleghəŋlo enyəa mbī e dzə̀m kòʼ nàn kə eghəa kəla Zə̀ kə fə̀ nân naŋā an ndə̀mà tə tənùu, tɔ̂ɔŋ Zə̀ kəla kə fə̀ gbə̂n wô fʉgha wo u dzə̀m.

Fèlepìan 4:7

Abugho ghɛ̀ ghəəŋ dzə̂ èzə̀, bughuso e Kəzə̀ zəla e tsə̀ghàtàʼà tɔ u ghûw wə̀ nsɔ̌ɔŋnchùw wò, lo ghəŋlo fə̂ŋ tɛʼɛ à moʼn zɛʼɛ zə e lo alo kəfəgha kə mɔ̀ʼ a zəŋò Kə̀lestò Yɛso.

Kòloshìan 1:5

Ghəa a te ghə êzə lo kùu ndùw tùʼ zəla ghɛ̀ chiī am fəgha kəla Zə̀ kə̀ naŋā â ghɛ̀ alo kəwālā. Ghɛ̀ maā ghəa a te a ki zuw an shwaʼ wə èsəŋò wò, tɔɔŋ làbəlà è dzùŋ e te.

Kòloshìan 2:20

Aŋghəa ghɛ̀ mò kpuw dzəəŋ nduw ghɛ̀ à ghê Kə̀lestò, ù mafə zê zə̀ghàa ghɛ am fàŋa kə daʼa kə shʉ̀ghà u mbī wo. À lò kə kwò ghɛ̀ sô lo tò ghɛ̀ naam mùghù ko an lwàŋ u mbī wo a?

Kòloshìan 2:3

Ghəa ghə̀n a dzə̀m a lô alekele kùu ndùw Kə̀zə̀ nàn doʼò a zəŋò Kə̀lestò.

Kòloshìan 3:4

Abugho Kə̀lestò wəla ù ki mughù e sɛ̀ zò lo kôom dê sə wo ghue u wə̄n wo ebàm, ghɛ̀ a ghee e ke dzeŋe lò ko a dzə̀m an səghanyəgha wə̄n.

Hibùlù 7:25

Zən lò e ghee ù lò alebəghaasə aghî nəgha tən tə̀ dzə̀m, ghî ghəla ghe kuʼso nduw Zə̀ kò mo ghe tsəgha am bam e wə̄n, ghəa ù lǒ mò ù tso mughu tsəgha ko nû alebuʼ kəghu an tuw u ghee.

1 Pità 3:4

Dzɔ̂ zɛʼɛ e laam ki alelō fə̂ŋ tɛʼɛ tə̀ dzûŋ tə̀là ghɛ̀ ki ghè tò, tɔ̂ɔŋ dzɔ̀ zəla ê kê tseēn kôʼ tsəghà yo, nu à lò dzɔ̂ zəla e səā kɔʼɔ̄ wô am bughuun kə zʉ̀ kə fə̂ŋ. Zən lò ghəa zəla e dzɔ̂ buʼ an sə kə Kəzə̀.

1 Pità 4:2

A m bùghò ù ghəŋlo êzə̀, ù n lo alemùghù mùghù è wə̄n e dzə̀m am mbī aŋghəa Zə̀ kə̀ ləghaa, mò à yò dzə̂ aŋghəa gwən e ughùe è ləghaa.

1 Dzɔ̌n 3:2

Waazə̂ ghaŋa gho, sɛ̀ êzəŋ e lo wɛ a Kəzə̀, sɛ̌ yia sô kaam kwo yo fəgha kəla sɛ̀ kê bughò doʼn ghê kò. Yia a kuuwn kwo enyəa abugho Kə̀lestò kè dê wô ghue wo, sɛ̀ kê bɔ̌ɔm lò sugho tǒ wə̄n, tɔŋlo enyəa an tì kə tə ko, sɛ̀ lô wə̄n koʼò ndùw aŋghəa ù lò a te.

Edêe Fughu 2:17

Ghùw wəla ù ki tuūŋ ko, ù zuw fəgha kə̀là Zuʼ tə Kəzə̀ te kə dzâa nduw â dzeŋe kə ghì a Kəzə̀ ghò.” Ǹ lo fughuu ghùw wəla ù ghaʼ tsughu bo zo â kə̀m kə̀ fʉ̀ghàzəa kə̀ li ko ghe tɔŋlo enyəa à lò manà, wəla ghe nân naŋā, Ǹ lo fughuu wə̄n â tia è fəma zo, à zən è fughu zo ghe tɔm naŋā an tia e te zo, mò ghùw ù lì kwò yo, mò à kwò ko ghùw wəla ù nì kʼ.