Kòloshìan 3:24 - To kə Kəzə̀ kə̀ Fughu ko

²⁴ Abugho ghɛ̀ fwaʼā êzə̀, ghɛ̀ kwo tən enyəa Mughu ù te lo fughu nù ghɛ̀ namso kəla ù fə̀ to naŋā â ghì a wə̄n gho; tɔŋlo ghɛ̀ fwaʼā â Kə̀lestò wəla ù biso lô Mughùbè wɛʼɛ.

Kòloshìan 3:24 Iomraidhean Croise

Matìo 10:41

Ghùw wəla ù nì naŋā ghùwshʉ̀ghà bòʼ ghəa e ghûwshʉ̀ghà zə̀, ù lo kelê namso kə ghûwshʉ̀ghà ù te; wəla ù nì naŋā ghùw ù tsəghatsəgha aŋ ghəa e ghûw tsəghatsəgha zə̀ èzə̀, ù lo kele sughò namso kəla ghî a tsəghatsəgha a lo kele.

Matìo 5:12

E saŋlo nlò, ghɛ̀ è nyumlo, tɔŋlo enyəa namso kɛʼɛ kə dûuw nù alo kəwālā. À lò sugho eghala aŋghəa ghe fə̀ ndzaŋso ghiīshʉ̀ghà a Kəzə̀ a sûesʉ gho êzə̀.”

Matìo 5:46

Abugho ghù ləghaa ko ghî ghəla ghe ləghaa ghû, ghù a te lo alezəā kɔʼ kwò a? Ghê dzə̀akə̀mwàʼsò ŋgə̌əŋ ghəəŋ sùghò ghəa è mɔʼɔ̄ zo

Matìo 6:16

“Abugho ghɛ̀ baā dzughu zo kà èmuŋe nlò tǒ ùbàŋàdzə̀m, nu ghe nughùun mgbèe nǎaŋ tsughuu èsʉ enyəa ghî à koʼò wô enyəa ghe baa èdzughu. M̀ fɛ kùu dzàa wò nù â ghɛ̀ enyəa, ghe fi kele dzə̀ namso kə ghee aŋ kòʼ e ghee zə̀.

Matìo 6:5

“Abugho ghɛ̀ so e gɔ̂ɔŋ sùghò nù, kà nlò ghəəŋ dzə̀ tò ghî a kə̀bàŋàdzə̀m; nu ghe ləghaa alenughūn teen kɔʼɔ an Ndughutə̀ne te Tədzûu tò àsùghò am fwànlò u tədzǐi enyəa to ghî à mô koʼò wô ghee. Kùmkùm, M̀ fɛ dzàa wò nù â ghɛ̀ enyəa ghe ŋ kele kə ghee ko kənamso.

Lûk 14:14

Zə̀ kə̀ kê bughuso ghù, tɔŋlo enyəa ghe kê yò aletsəā tsə̄ghàa wô ghù ebàm. Zə̀ kə̀ kê ghù tsəa tsə̀ghàsò wò bugho ghî ghəla ghe lô tsəghatsəgha kê kɔʼɔ̄ səā alo evʉ.”

Lûk 6:35

E laam ləghaa nduw nlò ghî ghəla ghe bâa ghɛ, ghəəŋ ndùw èdzɔ̀ â ghee. Fɔ̀ɔn fùghuu ndùw sùghò ghee â fʉgha wo, kòom mòʼn yò enyəa ghe lo fughuu tsə̀ghàa wò nù ebàm. Abugho ghɛ̀ ghəŋlo êzə̀, namso kɛʼɛ kə e ke e ghaʼa, ghɛ̀ è ke e lo wɛ a Zə̀ kə̀ ghaʼa kən kə̀ dzə̀m; nu Ù lə̀ghâa ghì ghəla ghe fughuu yô kɛɛ wo, à ghì à mʉa gho.”

Dzɔ̌n 12:26

Ghùw wəla ù lighāa alefwaʼā â mùghò ki alebwiī ghàʼ à wə̄n kə ghuw kə̀ mɔ̀ʼ, bòʼ enyəa luʼū kəlāa Ǹ lo a te, ghî a kəfwàʼ ghaŋa ghə n lo sugho fughu èzə̀. A bugho ghuw fwàʼa â mùghò, Tsele waŋa n namso ghùw ù te.

Kə̀fwàʼ 20:32

M̀ fɛ êzəŋ fughuu nyəa tsughuu ghɛ̀ aŋ ghu kə Kəzə̀, àsùghò an shwaʼ u wən ù dzûŋ wò; wəla kə lo alebɔɔ̄ tīsō ghɛ̀, wəla ghəə̄ŋ sughò ghɛ̀ zə fʉgha wəla u lɛɛ̄n ghî ghəla ghe lo mo ghe ŋ ghee sûw màʼà.

Lumà 1:1

À mwàʼsò kən kə tɔɔ wò mùghò Pôl kɔ̂ɔ fə Yɛso Kə̀lestò, à mo mugho shiāa kɔʼ Kəzə̀ enyəa Ǹ doʼò tum è Kə̀lestò Yɛso alezùghò Làbəlà e dzùŋ e wə̄n.

Lumà 14:18

Abugho ghùw fwàʼa â Kə̀lestò an dziī zən, zə ŋ ghəŋlo Zə̀ kə̀ n duʼnlo, ghî ghə ŋ kɛɛ ghùw ù te.

1 Kòlentìan 11:23

Ghəa ghəlà mùgho mò dzɛ̂ fughu wô sughò â ghɛ̀, à dzɛ wo Mughu ù te â mùghò, enyəa: Mughu ù te Yɛso nì kɔ̀ʼ kəbɛ an tsuʼ fəla ghe mò fêe fughu wə̄n a te

1 Kòlentìan 3:8

Ghùw wəlà ù tam fʉgha u te wo lo ko eghala ghèe wəlà ù bvʉ̀nlo, ghe lô chìa tsəa ko kùu ndùw fwàʼ kə wə̄n.

1 Kòlentìan 7:22

Tɔŋlo enyəa ghùw wəla Mughu ù te fə̀ tɔŋɔ̄ wə̄n mò ù lò kəkɔ̂, ù êzə̄ŋ e ndzə̂əm lò nû aŋghəa ù lò fəgha ko kə mɔ̀ʼ ghèe Mughu ù te. À lò sugho eghəla â ghùw wəla Mughu ù te mò tɔŋɔ̄ wə̄n mò ù ndzə̀əm lò nû fə̀n doʼò ndûw kɔ̂ kə Kə̀lestò.

Gàlashìan 1:10

Ghəa ghə̀là Ŋ̀ kə̂aa enyə, Ŋ̀ kəŋo dzə̀ yò alekelê zən è dzûŋ zò a sə̀a ghì ghò, Ŋ̀ kuuwn kəŋo alekele a sə̀a Zə̀ kò. Abugho M̀ mô dəmà alekelê zən è dzûŋ zò a sə̀a ghì ghò, to M̀ mô yò dzə kɔ̂ɔ fə Kə̀lestò fò.

Efɛsùs 6:6

Ka nlò è ka fwaʼa ko an nə̀ghà zəla ghùw u lì ti lɛɛn wò ghɛ̀, enyəa to ù mò tɔ̀ʼɔ̀ kɛ̌ɛ wò ghɛ̀ enyəa ghɛ̀ nyɔ̂ʼɔ̀ fwàʼà nù. E kuuwn fwaʼa nduw nlo fəgha kəla Zə̀ kə̀ ləghaa â ghɛ̀ am fə̀ŋ tɛʼɛ tə dzə̀m, tǒ kɔ̀ɔ ŋ Kə̀lestò.

Efɛsùs 6:8

Nu ghɛ̀ kwo nù enyəa Mughu ù te lo namso nù ghî ghəla ghe fwaʼa fwaʼ kə̀ dzûŋ kò, ka ghe lô kɔ̂ wò ŋkāa ghe ndzə̂m mughu.

Kòloshìan 2:18

E kwo ko ghɛ̀ lô bomlo enyəa ghùw nìi nughù fəgha kəla kə kûm lô kə̀ kɛʼɛ̄ ko, ghe e tughuso dzaā wo enyəa ghɛ̀ ki alemàʼà naŋā tsughu ghue zɛʼɛ, àsùghò enyəa ghɛ̀ e kɔʼso nduw tsə̀təndə̄ghā tə Kəzə̀ tò, ghe e dzaā wo enyəa ghe ghəa ghən kôʼ wò an ushʉ̀ghà. Ghe moʼnlò enyəa ghe ŋge kwo aghəa, ghəa a te yia a ghəŋlo ghe yia a ghaŋso kaāŋ ghue zo.

Hibùlù 10:35

Kà nlǒ fə̀ŋ zəla ghɛ̀ gaʼ tsughu a zəŋò Mughu ù te kôom nì nùghù ebàm, nu è lo nìi wò nù ghɛ â namso kə̀ ne ko.

Hibùlù 11:6

Abugho ghù dòʼŋkè boo fughu â Zə̀ kò, ghù yò dzə̂ aleghəŋlo fə̀ŋ è wən zə̀ zɔlɔ. Tɔŋlo enyəa ghùw wəla ù ləghaa alendùw a vʉ̀a Zə̀ kò ù kì aleboō tsughu enyəa Zə̀ kə̀ lo nû, chia kə namso sugho ghî ghəla ghe kûm diī alekele wə̄n.

Hibùlù 9:15

À fi lo enyəa Kə̀lestò lǒ ghùw ù nî wô kàa m fughu mò enyəa ghî ghəla Zə̀ kə mò tɔŋɔ ghee e lo alekele fəgha kəla ghe mo to naŋa enyəa ghe lo kele tə̀n. Ghəa ghən lo səa nù bòʼ Kə̀lestò mafə kpuw alezuū səa wô tuw u ghee am bòo tə ghee təla ghè ghəə̄ŋ tsəgha tì kəla kàa n sûesʉ m fə̀ naām ki daʼa ko a zəŋò ghee.

1 Pità 1:4

Sɛ̀ e chiī tùʼ enyəa sɛ̀ lo kele fʉgha ù səŋò wəla Zə̀ kə̀ to naŋa â ghì a wən gho. Kə naŋa fʉgha u te wo â ghɛ alo kəwālā; an lùʼu kəla u buw aleboō koʼò tsəghà, ŋkāa u buw sugho alefìaa.

2 Pità 1:1

Mùghò Sǎemòn, tɔɔŋ Pità, wəla Ǹ lo ghùw ù kə̀fwàʼ àsùghò tum è Yɛso Kə̀lestò; M̀ fughu wò ètɔŋlo â ghɛ̀ ghəla ghɛ̀ lo mò ghɛ̀ ŋ kele boo zəla e tughuu sugho tò zaʼā zo. À lǒ bòʼ dzɔ̀ e Zə̀ kə sɛ̀ àsùghò e Bəghambī ù sɛ̀ zo e ghəŋlo enyəa sɛ̀ e ki boo zən zo.

Dzûd 1:1

À mwàʼsò kən kə tɔɔ wò mùgho Dzûd, mùghò wàazə̀ Dzɛ̂ms, yìa Ǹ lô kɔ̂ɔ fə Yɛso Kə̀lestò fò; M̀ mwàʼsò kən kə tɔɔ wò â ghî ghən a dzə̀m Zə̀ kə̀ tɔŋɔ aŋ ləgha e wə̄n, ghe yia mughù sugho a tsəlà Yɛso Kə̀lestò.