Kòloshìan 3:19 - To kə Kəzə̀ kə̀ Fughu ko

¹⁹ Yia a bughò â ghɛ a num gho, ghɛ̀ è deē nduw ləgha zo â yi ghɛʼɛ̄ gho, ghɛ̀ è ka e tɔɔn dzə a zəŋò ghee.

Kòloshìan 3:19 Iomraidhean Croise

Lûk 14:26

“Abugho ghùw so e nî ghuw kaŋa, mò ù kà tsele bɛ̂ ghèe zə̀, bɛ̀ wì, bɛ̀ wɛ a wə̄n, bɛ̀ sùghò waazə̂, bɛ̀ dàŋso sùghò à ghue u wə̄n wo, M̀ fɛ kùum dzɛ̀ nù, ù kà kɔ̀ʼ kpè tò ù è doʼò tsə̀ndə̄ghā zaŋa.

Lumà 3:14

Ghe tsɔ̂mlò aghì, kə̀aa kaaŋ tsə̀ghà sùghò shwaʼ ù biigh wo.

Efɛsùs 4:31

Ghɛ̀ maʼa nlò nə̀ghà m pfʉa mò, etɔnlo àsùghò nə̀ghà fə̀ tɔɔ fò. Ghɛ̀ bughu naŋa sugho alenyuʼn dəma zee ŋkāa alemaʼn kaaŋ nùʼ tò aŋ ghùe zɛʼɛ̄ àsùghò ŋgòʼ tə aghəa tə biigh to tə dzə̀m.

Efɛsùs 5:25

Num ghə ayi gho, e ləghaa nlò yi ghɛʼɛ gho, tǒ aŋghəa Kə̀lestò mò ləgha ghî a Kəzə̀ gho a te boo tsughu alekpūw an tuw u ghee.

Efɛsùs 5:33

Shwaʼ wən enyə lǒ â ghɛ̀ a dzə̀m, enyəa ghùw kì aleləghaa wi ù wə̄n tò aŋghəa ù ləghaa ghue u wə̄n wo a te, wìzən e tele zuuw nduw sugho â num ù wə̄n.

Kòloshìan 3:21

Ghɛ̀ a ghê tselè wɛ̀, kà nlò è ghəŋlo enyəa nə̀ghà mò pfʉa wɛ ghɛʼɛ̄ gho, ghe lô səa ndûw fʉgha ù nughù wò.

Dzɛ̂ms 3:14

Abugho à kuūwn lô enyəa ghù ki kəmʉ̀nlo â ghì à loʼ gho. ghù vʉ̀a ghù mòʼò sugho enyəa ghù tsə̀ghàsə̀ aghî a dzə̀m, e kwo ko ghù lò so e tsɔ̂ɔ fə̀ŋ enyəa ghù kwo ghəa è li zo — mo abugho ghù ghəŋlo êzə̀, ghù fi nîi kɔ̀ʼɔ êsəŋò fə̀nsò nǎaŋ wò alo agha.

1 Pità 3:7

À lò sugho eghəla â ghɛ̀ a num ghə ayi gho, ghɛ̀ zuwkɛlɛ tsughu alemughu ghɛ̀ à ghê yi ghɛʼɛ̄ gho, ghəa e lô enyəa yîzən a lɛɛ nù. E fughuu nduw ghee â kɔʼso mò, aŋghəa e lô enyəa ghɛ̀ à ghee kê dzèŋe kelê mùghù e doʼn təla zo a dzə̀m. Ghɛ̀ e ghəəŋ nduw enyə â ghee, to zə e lo enyəa fəgha kə̀ li kə yo aletə̀ghàsò maʼà gɔ̀ɔŋ zɛʼɛ.