Kòloshìan 3:17 - To kə Kəzə̀ kə̀ Fughu ko

¹⁷ Mò ghɛ̀ ghaa ko kə̀ kwò, ŋkāa ghɛ̀ so e kə̂aa ko ghəa è kwò, ghɛ̀ ki aleghəəŋ nduw ghəa a te gho an zən e Mughu ù te, tɔɔŋ Yɛso, abugho ghɛ̀ fughuu zɔ̀ɔŋ kò â Tsele ù sɛ̀ Kə̀zə̀, mò ghɛ̀ tsəghà am bàm e Kə̀lestò.

Kòloshìan 3:17 Iomraidhean Croise

Matìo 28:19

Ndǔuw ko nlò êzə̄ŋ, ghɛ̀ è ghəəŋ nduw enyəa ghî ghə̀ è doʼn wo tsə̀təndə̄ghā taŋa to an nàʼà tə̀n tə̀ dzə̀m. Abugho ghe boō fughu tsughu, ghɛ̀ è fughuu nduw ghee â mùghù ŋ Kə̀zə̀ mò an zən e Tsele ù te, àsùghò an zən e Wɛ̀ ù te, àsùghò an zən Zuʼ tə̀ Zɔlɔ to.

Kə̀fwàʼ 19:17

Tə̀dzûu àsùghò Tòʼò zən è dzə̀m ghe mò mughu an Ɛfɛ̄sùs n zuw ghəa ghən, fə̂ŋ tə̀ n sə tsughu ghee a dzə̀m ènyə: ghe daŋso kaʼ ndùw alefughu ŋkɔʼso â Mughu ù te Yɛso.

Kə̀fwàʼ 4:30

Děe tsughu daʼa kə̂a kə̀ baaŋ kə aghì kò â ghì ghò, ghàʼ è deē nduw fə̄ən zo, à sə̀ghàa mò an zən e kɔ̀ɔ fə̀ghà fə̀ zɔlɔ fo, Yɛso.”

Lumà 1:8

Alekaʼa nùghu tsughu, M̀ fughuu kə̀zɔ̀ŋlò â Zə̀ kaŋa kò am bàm e Yɛso Kə̀lestò an tuw wɛʼɛ u dzə̀m, enyəa mbī e dzə̀m fɛ zuuwkɛlɛ mɛʼn wò nù enyəa ghɛ̀ m boo fughu â Kə̀lestò.

1 Kòlentìan 10:31

À fi lo enyəa abugho ghù zəā ŋkāa ghù mʉā fəgha kə li ko, e ghəəŋ ghəa a te gho alefughuu nduw zɔ̀ɔŋ kò â Zə̀ kò.

Efɛsùs 1:17

enyəa Zə̀ kə Mughùbè ù sɛ̀ Yɛso Kə̀lestò tɔɔŋ Tsele ù sɛ̀ ù ghàʼa mô fughu ghɛ â Zuʼ tə̀ Zɔlɔ təla tə ghəŋlo enyəa ghɛ̀ e ki tɔ wo, tə ni dêe fughu wô fəgha kəla Zə̀ kə̀ lo ghè ko tò ghɛ̀ tɔʼ kele tsughu wə̄n.

Efɛsùs 5:20

Ghɛ̀ è fughuu nduw sugho zɔɔŋ kò â Zə̀ kò, Tsele ù sɛ̀ alo aghəa a dzə̀m àsùghò an nə̀gha tən tə̀ dzə̀m an zən e Mughùbè Yɛso Kə̀lestò.

Fèlepìan 1:11

Yɛso Kə̀lestò kè ghə̌əŋ sùghò nù mughù zɛʼɛ zə e ke lo è dzûŋ zò, zəla e ki kɔʼso mò à kəma mò â Zə̀ kò.

Fèlepìan 2:11

Àsùghò enyəa, aghî a dzə̀m e ke dzâa səa wo an dzughu e tughō zo enyəa, Yɛso Kə̀lestò lǒ Mughu ù te. Ghe kê èzə ghəŋlo, ghe sô fughuu kɔʼso mò â Zə̀ kò, Tsele ù te.

Kòloshìan 1:12

Ghàʼ yìa fughuu sugho zɔ̀ɔŋ kò â Tsele ù te wəla ù ghəŋlo enyəa sɛ̀ kele sughò tuʼ e sɛ̀ am fʉgha wəla ù fə̀ to naŋā enyəa e ki alefughu â ghì à wə̄n gho, ghəla ghe mughu an tsə̂.

Kòloshìan 2:7

Ghəəŋ tsughu nlò enyəa ghaŋ ghɛʼɛ a nyəā tughuu tsughu a zəŋò wə̄n, ghɛ̀ bəgha nlò mughù zɛʼɛ zo a zəŋò wə̄n, ghɛ̀ tee tən tsughu ko am boo zɛʼɛ̄ a ndziī zəla ghe mò zoʼn ghɛ a te. Ghɛ è fughuu wə̄n â zɔ̀ɔŋ kò nəgha tən tə̀ dzə̀m aŋ ghəa ghəla ù ghəŋlo â ghɛ̀.

Kòloshìan 3:15

Bughun zəla Kə̀lestò fughuu â ghɛ̀ lò aledeē nduw ghɛ â fəgha kə̀là ghɛ̀ ki aleghəŋlo, bòʼ Zə̀ kə̀ mò ghɛ̀ fɛ tɔŋɔ enyəa ghɛ̀ bugho doʼo tǒ ghùw u mɔ̀ʼ enyəa ghɛ̀ kele bughuun zən zo, tò ghɛ̀ è fughuu zɔ̀ɔŋ kò â Zə̀ kò.

Kòloshìan 3:23

Abugho ghɛ̀ ghaā ko kwò kò, e ghəəŋ nduw nlò am fə̂ŋ e mɔ̀ʼ, tò enyəa ghɛ̀ fwaʼà â Mughu ù te, mò à yò â ghê mughùbè ghɛʼɛ ghən fɛ am mbī,

1 Tɛ̀sàlonìan 1:1

À mwàʼsò kən kə tɔɔ wò mùghò Pôl, ghàʼ à ghê Timotì àsùghò Saelàs â ghɛ̀. Ghǎʼ mwàʼsò kən kə tɔɔ wò â ghɛ̀ dzeŋe kə ghì a Kəzə̀ ghò an naʼ e Tɛ̀sàlonikà; ghɛ̀ lo ghî a Kəzə̀ tɔɔŋ, Tsele ù te ghèe Mughùbè Yɛso Kə̀lestò. Gɔ̂ɔŋ zaʼa e lo enyəa, to Zə̀ kə̀ mô dê ghɛ̀ â dzɔ̀ e wə̄n zo, kə fughuu sughò ghɛ̀ â bughuun zo.

1 Tɛ̀sàlonìan 5:18

E fughuu nlǒ zɔ̀ɔŋ â Zə̀ kò alo tənə̀gha tə dzə̀m, nu à lò ghəa zəla Zə̀ kə̀ ləghaa enyəa sɛ̀ è ghəəŋ ghè zò, êzəŋ wəlà ghɛ̀ à ghê Kə̀lestò Yɛso lò kəfəgha kə mɔ̀ʼ.

2 Tɛ̀sàlonìan 2:17

Mô dzə̂n fə̀ŋ tɛʼɛ, tə e tughu aŋ ghəa à dzûŋ ghə̀là ghɛ̀ ghəŋlo àsùghò aŋ ghəa ghɛʼɛ à kəa gho.

Hibùlù 1:5

À lǒ mò Zə̀ kə fə̀ dzɛ̀ kōʼ tsəgha dzə nû â tsə̀ndə̄ghā è lì enyəa, “Ghù lǒ wɛ waŋā, nɛ wən mùghò n dòʼo tsùghò.” Ŋkāa enyəa, “Ǹ doʼn tsùghuu tsele â wə̄n, ù dòʼò tsughu wɛ â mùghò a?”

Hibùlù 13:15

Bùgho nlò tò sɛ̀ fughuu ndûw Kə̀zə̀ êzəŋ â kɔʼso mò tǒ fughu kə sɛ̀ am bàm e Yɛso — aŋghəa sɛ̀ dzâa səa wo an dzughu a sɛ̀ enyəa ù lò Mughu ù te.

1 Pità 2:5

Bùgho nlò a vʉ̀a Mughu ù te tò tia ghəla a ki mughù zò, ghe nîi kɔʼ ghɛ ghe bəghāa tiso kɔʼ ndùghù è shʉghà e Kə̀zə̀ a te, ghɛ̀ e ke fwaʼ tǒ fɔ̀e tə̀ zɔlɔ to alekɔʼɔ fughuu fughu kə̀ ushʉ̀ghà kəla kə kpe â Zə̀ kò am bàm e Yɛso Kə̀lestò.

1 Pità 2:9

Yia a kuūwn bughò ghɛ, ghɛ̀ lo aghî mo ghe ghɛ shîaa nù, fɔe kə təfɔ̀e, naʼ è zɔlɔ zo, ghî a Kəzə̀, ghəla ghe tsɔʼ kɔʼ alezughoo nduw dzɔ̀ e fwàʼ kə wə̄n wəla ù mò tɔŋɔ̄ nughù sə wo ghɛ alo kələm, naŋa wò ghɛ̀ an dzɔ̀ɔdzɔ̀ kə tsə̄ kə wə̄n.

1 Pità 4:11

Abugho à lò ko ndughoo ù nàʼn tum è Kə̀zə̀, ù ki alenàʼà ko fəgha kə̀là Zə̀ kə̀ dzɛ; mò a lo ndughoo ù fughuu yosò zò â ghì ghò, ù ki aleyosō ghee an daʼa kəla Zə̀ kə̀ fughu â wə̄n; to zə e lo enyəa alo aghəa a dzə̀m, aghî ghə̀ è fughu Zə̀ kò â kɔʼso mò am bàm e Yɛso Kə̀lestò. Səghanyəgha n lo â wə̄n àsùghò dwaʼa wo, to mbī kê bughò mîaa. Zə e lo ko êzə̀.

1 Dzɔ̌n 2:23

Ghùw ù li yo ù tuū màʼn wɛ, vʉ̀a ù kuūwn kwo Tsele ù te. Ghùw wəla ù boō fughu tsughu â Wɛ kwo sugho nu Tsele ù te.

1 Dzɔ̌n 3:18

Wɛ ghaŋa gho, sɛ̀ ki yo aleləghaa ko ghue zo aŋ ghəa à nəghaan kəaa gho, a ki sughu aledeē nduw ləgha zo an fwàʼ kə sɛ̀ àsùghò alo êsəŋò.