Kòloshìan 3:16 - To kə Kəzə̀ kə̀ Fughu ko

¹⁶ To mughù zɛʼɛ e dzə̀m e mò lò tən ko ghəa ghəla tùm è dzùŋ zən kùu ndùw Kə̀lestò děe ghè ghò, ghəa ghɛ̀ kûm zoʼn ghue zɛʼɛ zo, tsʉ̀a ndùw sùghò an tɔ zəla ghɛ̀ ki. Ghɛ̀ è zɔ̀ŋɔ̀ nduw zɔ̀ŋ kò, zoo ndùw tə̀ zòo àsùghò zòo tə̀ baa to am fə̀ŋ tɛʼɛ tə̀ dzûŋ tò, alefūghuu zɔ̀ɔŋ kò â Zə̀ kò.

Kòloshìan 3:16 Iomraidhean Croise

Matìo 26:30

Ghe n daŋso zom tsughu aghəa, nùghù sə̀ kɔ̀ʼ ndùw aŋ kwàʼ u tə̀ Olèf.

Lûk 2:51

Yɛso n nùghù tsùghù ndùw ghèe ghee an Nazalɛ̀t. Ù m bɔɔm zuuw ndùw ko â ghê tsele, zə̂ n tsôo mìin nǎaŋ tsə̀ghà sùghò ghəa a te gho am fə̂ŋ, e wə̄n zo.

Dzɔ̌n 15:7

Abugho sɛ̀ ti alo kəfəgha kə mɔ̀ʼ, ghɛ yia ki sughò shwaʼ waŋa wo am fə̀ŋ tɛʼɛ, mò ghɛ̀ bvʉ ko kə̀ kwò ghɛ̀ ləghaa alekele, ghɛ̀ sô kèle nù.

Lumà 10:17

Ghùw gàʼa ko fə̀ŋ alo eghəa mò ù ŋ ghəa e te e zuw, ghùw tum è tè zuuw ko abugho ghe naʼn wo làbəlà è Kə̀lestò â wə̄n.

Lumà 15:14

Waazə̂ ghaŋa gho, aŋ ghuūghuè waŋa Ŋ̀ kûm kwò nû enyəa ghɛ̀ lo ghî a dzûŋ ghò, ghɛ̀ yia a ŋge kwo ghəa gho, kwo sugho alezoʼn ghue zɛʼɛ alo aghəa.

1 Kòlentìan 14:15

Ǹ lo aleghəŋlo êndughō? Ǹ lo e gɔɔ̄ŋ tsughu am fə̂ŋ zaŋa, gɔ̀ɔŋ tsùghù sùghò aŋghəa Ǹ zuūwkɛlɛ tsughu a te. Ǹ lo e zoo tsughu ghəa gho am fə̂ŋ zaŋa, zoo tsughu sùghò ghəa ghəla Ǹ zuūwkɛlɛ̄ tsughuu.

1 Kòlentìan 14:26

Waazə̂ ghaŋa gho, sɛ̀ lo aledzɛ̀ êndughō a? Abugho ghɛ̀ bughò dzeŋe tsughu, ghùw u mɔ̀ʼ n tsʉ̀ kɔ̀ʼ ezom, ù lì n zoʼn wò àghì, ù n dzɛ̀ fughu wò ghəa ghəla Zə̀ kə̀ lo mo kə n dzɛ̀ â wə̄n, ghùw ù lì ŋ kə̀a wò àghəa an shwaʼ wəla ghî à zuūwkɛlɛ yo, ghùw ù lì wə̄n n teso dzàa wò ghəa a te gho. Ghəa yì à dzəm kì alelō ko aleghəŋlo enyəa dzeŋe kə ghì a Kə̀zə̀ kə̀ è nomlo.

Efɛsùs 1:17

enyəa Zə̀ kə Mughùbè ù sɛ̀ Yɛso Kə̀lestò tɔɔŋ Tsele ù sɛ̀ ù ghàʼa mô fughu ghɛ â Zuʼ tə̀ Zɔlɔ təla tə ghəŋlo enyəa ghɛ̀ e ki tɔ wo, tə ni dêe fughu wô fəgha kəla Zə̀ kə̀ lo ghè ko tò ghɛ̀ tɔʼ kele tsughu wə̄n.

Efɛsùs 5:17

Ghɛ̌ ki dzə yo alelo ghî à laʼso gho. E kuuwn zuuwkɛlɛ tsughuu ko nlò fwàʼ kəla Mughu ù te ləghaa enyəa ghɛ̀ è fwaʼa ghè kò.

Efɛsùs 5:19

Mò ghɛ̀ bugho təmdzəə̄ŋ kɔʼ nû, ghɛ̀ n dzeŋe zôo àghəa àsùghò ndzàŋ təlà Dɛvìd fə̀ bughòo naŋā, buʼu ùfʉgha, zɔŋɔ̀ sùghò kə̀zɔ̀ŋ aŋghəa ghɛ̀ fughuu kɔʼso mò â Mughu ù te am fə̀ŋ tɛʼɛ tə dzə̀m.

Efɛsùs 5:26

Ù fə̀ enyə ghəəŋ tsughu enyəa dzeŋe kə ghì a Kəzə̀ kò dòʼò fəgha kə̀ ba ko an daʼa kə shwaʼ u wə̄n aŋghəa ù fə̀ nî kɔʼ ghee sùw sə kɔʼ alo mmùghu.

Kòloshìan 1:28

Ghàʼ mò zugho naʼn nduw tum è Kə̀lestò â ghì ghò a dzə̀m, kwɛ̀ɛn ndùw ghee, zoʼn ndùw ghee an tɔ wən u dzə̀m Zə̀ kə̀ fughu â ghàʼ, enyəa a e lo alenìi ndûw ghee a vʉ̀a Zə̀ kò mo ghe lo alo kəfəgha kə mɔ̀ʼ ghèe ghê Kə̀lestò.

Kòloshìan 1:9

Zə lo e ghee, alenìi nughù wô an tsuʼ fəla ghǎʼ mò zuw tsughu zwɔ̂ŋ wɛʼɛ wo a te, ghàʼ kaām bughu naŋa kòʼ alegɔ̀ŋlò an tuw wɛʼɛ enyəa Zə̀ kə̀ dêe wô ghɛ̀ â ghəa gho a dzə̀m kə ləghaa enyəa ghɛ̀ è ghəŋlo, kə fughuu sughò ghɛ̀ â tɔ wo, ghɛ è zuuwkɛlɛ sugho ghəa ghəla Zuʼ tə̀ Zɔlɔ tə fughu â ghɛ̀.

Kòloshìan 4:6

Ghɛ̀ ki aleki dzə̀ è dzùŋ aŋghəa ghî a ki aleduʼnlo abugho ghɛ̀ kə̂aa ghəa gho ghɛ̀ à ghee, to enyəa ghɛ̀ ŋ kwo dzì zəla ghɛ lo alebɛ̀lɛ̀ ghùw a te.

1 Tɛ̀sàlonìan 1:8

Ghɛ̀ ŋ ghəŋlo ghî yia a zuw shwaʼ u Kəzə̀ ŋgəa kaāŋ an naʼ e Achaìa, àsùghò an Màsèdonìa. Mbi e dzə̀m zə̀a è kele sugho boo zɛʼɛ̀ zo mò à kà ghàʼ bûʼ dzɛ̀.

1 Tɛ̀sàlonìan 4:18

À fi lo enyəa ghɛ̀ ki aledzəlā nduw fə̂ŋ tɛʼɛ to aŋ ghùe zɛʼɛ̄ aŋ ghəa ghən.

2 Tɛ̀sàlonìan 3:15

E kwo ko ghɛ̀ lô so e nîi ŋgòʼ e ghùw ù te tǒ ghùw ù kə tuw wɛʼɛ, ghɛ̀ ŋ kuuwn tsʉ̀a ndùw ko wə̄n tǒ wàazə̀ wɛʼɛ.

1 Timotì 6:17

Kwɛ̀ɛn tsughu ghî ghəla ghe kuū am fʉgha u mbī wo, enyəa ghe ka e kɔʼso ghue zo a te, tɔŋlo enyəa u lo dòʼn tə̀la yo, ghe ki alechiī tùʼ e ghee e dzə̀m a zəŋò Zə̀ kəla kə fughu sɛ̀ â fʉgha wə̀n ù dzə̀m u ghəŋlo enyəa sɛ̀ è tsoʼnlo.

2 Timotì 3:15

àsùghò enyəa, ghù fə̀ ki kele to nû shwaʼ u Kəzə̀ wò a ŋ wɛ̂ɛtùghu. Shwaʼ u te vʉa u fughuu ghû â tɔ wo enyəa ghù zə tuw ko aŋghəa ghù boō fughu â Kə̀lestò Yɛso.

Taetùs 3:6

Zə̀ kə fə̀ sɛ̀ â Zuʼ tə̀ Zɔlɔ tə te tə ŋge fughu wò bòʼ Yɛso Kə̀lestò, Bəghambī fə̀ bughò kpuw an tuw u sɛ̀,

Dzɛ̂ms 1:5

Abugho ghùw wɛʼɛ ləghaa alekele ùtɔ [am fəgha kəla Zə̀ kə̀ ləghaa], ù m bvʉ̀ ndùw â Zə̀ kò, Zə̀ kə̀ sô fùghuu nù, tɔŋlo enyəa, Kə bughuu â ghu ko, fughuu ghì ghə̀n à dzə̀m â fʉgha wo mò Kə sə̂əm yò.

Dzɛ̂ms 3:17

Yia a kuūwn bughò tɔ wəla u sə tsughu wo edzūŋ, à kì ghî a Kəzə̀, ghe bûʼ kì dzə fə̂ŋ tə̀ zɔlɔ to, ghe lo ghî ghəla ghe ləghaa enyəa ghəa ghə e lo bughubughu. Ghe lo zʉ̀ tə aghì, mùghù sugho kədzûŋ ghèe ghê ghì ghò, ki se è kwùso zo, fughuu sùghò èyòso â ghì ghò. Ghe m bâa yò kpwiī wo, tsèe sùghò yò ghue e ghee zo aŋ ghəa a ghee à ghəəŋ gho.

Dzɛ̂ms 5:13

Mò abugho ghùw ù lì lò am bvʉa zɛʼɛ̄ ù fanlo ŋkāa ù lo an tsù ù li wo, ù gɔ̀ŋlò è tsughu. Mò ghùw ù lì lò am bvʉa zɛʼɛ̄ ù tsoʼnlo, ù m fughu ŋkɔʼso â Zə̀ kò alo ezom.

1 Dzɔ̌n 2:14

Ǹ tɔɔ wò â ghɛ̀, ghê tsele ghaŋa bòʼ ghɛ̀ ŋ kele ghùw wəla ù fə̀ ki lô tsəgha to mbī e tsoō bughò zîi tsughu. Ǹ tɔɔ wò â ghɛ̀ a ghâŋ fò bòʼ ghɛ̀ ki esə̂ŋ, shwaʼ u Kəzə̀ vʉa u lò sugho am fə̀ŋ tɛʼɛ, àsùghò enyəa ghɛ̀ ŋ ghaʼ ghùw ù bǐigh.

1 Dzɔ̌n 2:24

Ghǒom tsughu nlò enyəa, fəgha kəla ghɛ mò zuw alekaʼa nughù wô aŋghəa ghɛ̌ fə̀ boō fughu tsughu â Kə̀lestò, kə doʼò tən a zəŋò ghɛ̀. Abugho kə doʼò tən a zəŋò ghɛ̀, ghɛ lo e ti ghuw ko kə mɔ̀ʼ ghà à ghê Wɛ àsùghò Tsele ù te.

1 Dzɔ̌n 2:27

Kə̀lestò ŋ kuuwn fughu ghɛ â bughuun zo an Zuʼ tə̀ Zɔlɔ to. Tò ghəa Zuʼ tə̀ Zɔlɔ tə te tə lo am fə̀ŋ tɛʼɛ, e kwo ko ghùw ù li lô kôom bugho alezoʼn ghɛ̀ â ghəa è nughù è li zo. Aŋghəa zuʼ tə wə̄n tə̀ zɔlɔ tə dêe ghɛ̀ â ghəa gho a dzə̀m, àsùghò enyəa fəgha kəla u děe â ghɛ̀, kə kûm lo êsəŋò, mò gha e li yo a te. Tò aŋghəa Zuʼ tə̀ Zɔlɔ tə zoʼn ghɛ̀ a te, e ti ko nlò ghuw ko kə mɔ̀ʼ ghɛ a ghê Kə̀lestò.

2 Dzɔ̌n 1:2

Ǹ ləghaa ghɛ̀ bòʼ enyəa sɛ̀ kwo nû ghəa à səŋò ghò, səŋò zəa e lo doʼn təla a zəŋò sɛ̀.

Edêe Fughu 14:3

Ghe n zoo tsughûu zom è fughu zo an sə kə ndàŋ è kə̀də̀ŋ te, asugho an sə fʉgha wən u chùakò u lo â tuw ko àsùghò an sə kə tsōʼ tì. Ghùw n yo alezoʼn zom zə̀ mò à gɔ̀ʼɔ̀ ko yo kam zə̀ àghì zən fəbɔm à ghì ghò ŋ ghə̀m n chìakò à ghì ghò a chìakò ghe fə̀ bəghasə̄ tsughu am mbī.

Edêe Fughu 15:3

Ghe n zôo zom zəla à fə̀ bughòo tsughu Musî kɔ̂ɔ fi Kəzə̀, asùghò e Tsʉ u Ndzì zò, dzàa tsùghùu a te enyəa, “Tsə̂ntə̀mbî, Zə̀ kə̀ ghaʼa kən kə̀ dzə̀m, ghəa ghə̀a à ghəəŋ gho a bòʼò ghàʼa kwò enyə a, Ôo Də̀ŋ kə mbī ko! Ghəa ghə̀a à lo tsəghatsəgha, lò sugho êsəŋò.

Edêe Fughu 19:10

Mùghò n daŋso tə̀m ndùw tə̀ŋguʼ a tsəlà wə̄n enyəa M̀ fughuu ndûw wən à kɔʼso mò, zə̀ m fwə̀n dzɛ̀ wò â mùghò enyəa, “Ghù kì dzə yo aleghəəŋ ghəa ghən gho! Ghàʼ à ghù dzeŋe lò ŋkɔ̂ɔ àsùghò waazə̂ ghəla boō fughu aŋghəa è səŋò zəla Yɛso mò dê tsughu. E kɔʼso nduw Zə̀ kò!” À lò səŋò zəla Yɛso mò dê tsughu e ghəŋlo enyəa ghiīshʉ̀ghà ghə̀ e dzâ ghəa gho.

Edêe Fughu 5:9

Ghe n zôo zom è fughu zo, zoo tsughu enyəa, “Ghǔ ŋ kɔʼkpe alenìi kɔʼ nyəme u kəmwàʼsò u te wo, àsugho alezʉ̀mè nughù kɔʼ mə̀ŋ e te, tɔŋlo enyəa ghe maā ghû wì, ghù n nì kɔ̀ʼ kâŋ tə̀ghà zuesə tsughu aghî a te an ndùm tə̀n tə̀ dzə̀m àsùghò ghì ghən a dzə̀m ghe dzeŋe saʼā shwaʼ wo u mɔ, an tum wən ù dzə̀m, aŋ ghì ghə̀n à dzə̀m an nàʼà tə̀n tə̀ dzə̀m, ghù n nì fùghù wò â Zə̀ kò.