Kòloshìan 3:15 - To kə Kəzə̀ kə̀ Fughu ko

¹⁵ Bughun zəla Kə̀lestò fughuu â ghɛ̀ lò aledeē nduw ghɛ â fəgha kə̀là ghɛ̀ ki aleghəŋlo, bòʼ Zə̀ kə̀ mò ghɛ̀ fɛ tɔŋɔ enyəa ghɛ̀ bugho doʼo tǒ ghùw u mɔ̀ʼ enyəa ghɛ̀ kele bughuun zən zo, tò ghɛ̀ è fughuu zɔ̀ɔŋ kò â Zə̀ kò.

Kòloshìan 3:15 Iomraidhean Croise

Dzɔ̌n 14:27

M̀ fughu ghɛ â bughun zo, bughun zaŋā zəla M̀ fughu â ghɛ̀, Ŋ̀ kâ fùghù dzə̀ to aŋghəa mbī fughuu. E kwo ko ghùw wɛʼɛ lô so e bâŋsò fə̀ŋ aŋghəa è li zo ŋkāa ù lò so e tsəŋo ghə̀a è li zo.

Dzɔ̌n 16:33

Ŋ̀ ghəa ghən gho â ghɛ̀ fɛ nì dzɛ̀ wò enyəa to ghɛ̀ mô kì ebughunlo bòʼ mùghò. Ghɛ̀ lo ŋgee faan nù fɛ am mbī; kuuwn dzə̀la tsughu ko nlò fə̂ŋ tò, nu mùgho m mbī tughu tsəghà.”

Lumà 1:21

Ghəa ghe mò bûʼ kwo ko Zə̀ kò, ghe mò fughuu dzə yo ghè kò â kɔʼso mò àsùghò zɔ̀ɔŋ ko. Ghe n nî kɔ̀ʼ tɔ u ghee naŋa ndùw an làŋà tə aghəa, moʼnlò è biigh zəa e nyə lue tsughu am fə̀ŋ tə ghee.

Lumà 14:17

Nu Fɔ̂e u Kəzə̀ u ki yo ghəa e li zo aleghəŋlo ghèe ghəa a zəa gho ŋkāa a mʉa a kəfəgha gho, à kǔuwn lò alemughu alo ebughunlo àsùghò an duʼn zəla Zuʼ tə̀ Zɔlɔ tə fughuu, àsùghò enyəa a e mughu mughù zəla e zɔlɔ an sə kə Kəzə̀.

Lumà 15:13

To Zə̀ kəla kə ghəŋlo enyəa a chiī tùʼ alo aghəa a dzə̀m mò fughu ghɛ â bughuun zo, kə ghəŋlo ghɛ̀ e duʼnlo, aŋghəa ghɛ̀ boō fughu tsughu à ghè kò, to enyəa Zuʼ tə Zɔlɔ tə mô ghə̀ŋlo ghɛ̀ e fəghaan ŋgee chiī tsughu tùʼ.

Lumà 5:1

Ghəa e lo êzə̀, Zə̀ kə̀ n nì sɛ̀ aŋ ghì a tsəghatsəgha gho bòʼ enyəa sɛ̀ gaʼ fə̀ŋ a zəŋò wə̄n, sɛ̀ à ghê Zə̀ chia kə lò sugho alo ebughunlo am bàm e Mughùbè ù sɛ̀ Yɛso Kə̀lestò.

1 Kòlentìan 10:17

Ghəa bɛ kə lô ko kə mɔ̀ʼ mò sɛ̀ kuūwn lǒ ndə̀m, a fi lo enyəa sɛ̀ lo ko gwən e ughùe e mɔ̀ʼ, nu sɛ̀ a dzəm dzeŋe zəa kô bɛ kə mɔʼɔ̄ kə te ko.

1 Kòlentìan 7:15

Abugho ghùw wəlà ù dòʼkè boō fughu â Zə̀ kò kuūwn tsə̂m tsughu alezəghàa maʼà wən wəla ù boō fughu â Zə̀ kò, ghe n zə̀ghà wə̄n ù mò è nughu; aŋ ŋgòʼ è bùʼ kən, a kâ wìzən ŋkāa wìnû kɔ̀n nàŋa dzə̀: nu Zə̀ kə fə̀ sɛ̀ tɔŋɔ tsughu enyəa sɛ̀ e mughu alo ebughunlo.

2 Kòlentìan 4:15

Ghəa ghə̀n à dzə̀m fɛ lo ko aleyòsò ghɛ̀; ghəa dzɔ̀ e Kəzə̀ kə̀ nyəŋō ndûuŋ nduw â ndə̀mà tə aghì tò, e lo nû aleghəŋlo ghe e ŋgee fughuu zɔ̀ɔŋ kò, mò à fi lo ŋkɔʼso ghe fughuu â Zə̀ kò.

2 Kòlentìan 9:11

Kə kê ghə̌əŋ tsughu nù ghɛ̀ è kuu am mwàʼ zəla ghɛ̀ mwaʼā ghè zò, ghì ghə̀ è ke fughuu zɔ̀ɔŋ kò â Zə̀ kò bòʼ fʉgha wɛʼɛ wəla ghàʼ fughu nduw â ghee.

Efɛsùs 4:16

À gwən e ughùe zò e dzə̀m ki wə̀n, mò à lo ndə̀m è təsəŋ tə təm dzəə̀ŋ kɔʼ aleghəə̄ŋ kɔʼ ghùe u te wo. Abugho səŋ tə te to tə dzə̀m fwàʼà dzɔɔ̄, ghue u te wə n noom dzɔ̀ɔ, mò à lǒ alo eləgha ghùe u te u bəghā ghue wo.

Efɛsùs 4:4

Aŋghəa e lǒ enyəa sɛ̀ a dzə̀m dzeŋe ki Zuʼ tə̀ Zɔlɔ tə̀ mɔʼɔ̄ to, sɛ̀ yia dzeŋe ghəəŋ kɔʼ sùghò ghue u mɔ̀ʼ, tò aŋghəa a dzeŋe chîi sugho tùʼ aŋ ghəa è mɔʼɔ̄ zo, à lò aŋ ghəa è mɔʼɔ̄ e te zo Zə̀ kə fə̀ tɔŋɔ ghɛ a te.

Efɛsùs 5:1

E fi lo enyəa ghɛ̀ koʼ ni ghəa a Kəzə̀ ghò bòʼ enyəa ghɛ̀ lo wɛ a wə̄n a fə̂ŋ ghò.

Efɛsùs 5:20

Ghɛ̀ è fughuu nduw sugho zɔɔŋ kò â Zə̀ kò, Tsele ù sɛ̀ alo aghəa a dzə̀m àsùghò an nə̀gha tən tə̀ dzə̀m an zən e Mughùbè Yɛso Kə̀lestò.

Kòloshìan 1:12

Ghàʼ yìa fughuu sugho zɔ̀ɔŋ kò â Tsele ù te wəla ù ghəŋlo enyəa sɛ̀ kele sughò tuʼ e sɛ̀ am fʉgha wəla ù fə̀ to naŋā enyəa e ki alefughu â ghì à wə̄n gho, ghəla ghe mughu an tsə̂.

Kòloshìan 2:7

Ghəəŋ tsughu nlò enyəa ghaŋ ghɛʼɛ a nyəā tughuu tsughu a zəŋò wə̄n, ghɛ̀ bəgha nlò mughù zɛʼɛ zo a zəŋò wə̄n, ghɛ̀ tee tən tsughu ko am boo zɛʼɛ̄ a ndziī zəla ghe mò zoʼn ghɛ a te. Ghɛ è fughuu wə̄n â zɔ̀ɔŋ kò nəgha tən tə̀ dzə̀m aŋ ghəa ghəla ù ghəŋlo â ghɛ̀.

Kòloshìan 3:17

Mò ghɛ̀ ghaa ko kə̀ kwò, ŋkāa ghɛ̀ so e kə̂aa ko ghəa è kwò, ghɛ̀ ki aleghəəŋ nduw ghəa a te gho an zən e Mughu ù te, tɔɔŋ Yɛso, abugho ghɛ̀ fughuu zɔ̀ɔŋ kò â Tsele ù sɛ̀ Kə̀zə̀, mò ghɛ̀ tsəghà am bàm e Kə̀lestò.

1 Tɛ̀sàlonìan 5:18

E fughuu nlǒ zɔ̀ɔŋ â Zə̀ kò alo tənə̀gha tə dzə̀m, nu à lò ghəa zəla Zə̀ kə̀ ləghaa enyəa sɛ̀ è ghəəŋ ghè zò, êzəŋ wəlà ghɛ̀ à ghê Kə̀lestò Yɛso lò kəfəgha kə mɔ̀ʼ.

1 Timotì 2:1

Alebùʼù nîi tsughu dzə̂, Ǹ ləghaa enyəa ghù e gɔŋlo â ghî ghò a dzə̀m, fughuu sùghò kə̀zɔ̀ŋlò â Zə̀ kò am mùghù e ghee àsùghò am fəgha kə̀là ù ki alefwàʼ a zəŋò ghee.

1 Timotì 6:12

Ghù bǒo fughu â Zə̀ kò, e təma nduw tsàm è dzùŋ zən am bo e te zo alekelê mughù è doʼn təla zəla ghe fə̀ tɔŋɔ̄ ghû a te, an nə̀gha zəla ghù fə̀ boō fughu â Zə̀ kò an sə kə ndə̀m è àghì àsùghò enyəa ghù kè tì zə̀ghà kòʼ yò alefwàʼ â Zə̀ kò.

Hibùlù 13:15

Bùgho nlò tò sɛ̀ fughuu ndûw Kə̀zə̀ êzəŋ â kɔʼso mò tǒ fughu kə sɛ̀ am bàm e Yɛso — aŋghəa sɛ̀ dzâa səa wo an dzughu a sɛ̀ enyəa ù lò Mughu ù te.

Edêe Fughu 7:12

Ghe n zoo àghəa dzàa tsùghuu a te enyəa, “Zə e lo ko ezə̀! Ebughuso, nsəghanyəgha, etɔ àsùghò zɔ̀ɔŋ kə̀ fughu ko, ŋkɔʼso, kədaʼa àsùghò ghaʼ zo, e doʼò təla ndûw â Zə̀ kə sɛ̀ kò to mbī kê bughò mîaa. Zə e lo ko êzə̀.”