Kòloshìan 3:14 - To kə Kəzə̀ kə̀ Fughu ko

¹⁴ Ghəa è səŋò zò aŋ ghəa ghən à dzə̀m lò enyəa ghɛ̀ a dzə̀m è ləghaa nduw ghue zɛʼɛ zo, tɔŋlo enyəa abugho ghɛ̀ ləghaa ghue zo ghɛ̌ fi lo kəfəgha ko kə mɔ̀ʼ.

Kòloshìan 3:14 Iomraidhean Croise

Dzɔ̌n 13:34

Lâŋ kə̀ fughu kə̀là M̀ fughu wo â ghɛ̀ lò enyəa, ‘E dèe ləgha zo aŋ ghue zɛʼɛ̄ tò aŋghəa Ǹ ləghaa ghɛ a te. Chìa ki aleləghā sugho wàazə̀.’

Dzɔ̌n 15:12

Lâŋ kaŋa kə lo enyəa, ‘Ləgha nlò ghue zɛ̄ʼā zo tò aŋghəa Ǹ ləghaa ghɛ a te.

Dzɔ̌n 17:23

Yìa Ŋ̀ gɔ̂ŋlo enyəa mùghò è lo fəgha ko kə mɔ̀ʼ ghàʼ à ghee tò aŋghəa ghù lò fəgha ko kə mɔ̀ʼ ghàʼ ghù, enyəa ghe e tɔ̄ʼ ti tǒ ghùw u mɔ̀ʼ, to mbī lo zuūwkɛ̄lɛ̄ enyəa a mùghò tum wò ghù, àsùghò enyəa ghù ŋ ghe ləgha to aŋghəa ghù ləghaa mugho a te.

Lumà 13:8

Ghɛ̀ ka e kele dzə ghùw u lì â ndàŋ kò. Ndàŋ kəla ghɛ̀ ki ko alekele mîaa ko enyəa ghɛ̀ è ləghaa ghue zɛʼɛ zo; tɔŋlo enyəa ghùw wəla ù ləghaa dzə̂ ghî ghò fi lueso kə̀làŋ.

Efɛsùs 1:4

Zə̀ kə mǒ sɛ̀ ki shiāa nû to kə e bughò gbə̂n mbī, enyəa sɛ̀ è lo ghî a wə̄n gho aŋghəa sɛ̀ lô fəgha ko kə mɔ̀ʼ sɛ̀ à ghê Kə̀lestò, mò sɛ̀ ki yo nùʼ tò, lò sugho ghî à zɔlɔ gho an sə kə wə̄n. Zə̀ kə̀ ləghaa sɛ̀,

Efɛsùs 4:3

Zuʼ tə Kəzə̀ tə̀ ghəəŋ nù ghɛ̀ yia lo alo kəfəgha kə mɔ̀ʼ aŋghəa ghɛ̀ mughu alo ebughunlo, mò à lò bughunlo e te zo e nîi wò ghɛ alo kəfəgha kə mɔ̀ʼ; e dəma təla tsughu nlò alemùghù êzə̀.

Efɛsùs 5:2

E ləghaa nduw nlò ghî ghò tò aŋghəa Kə̀lestò mò ləgha wo sɛ̀ a te, ù m fùghù sùghò ghue u wə̄n to kəfughu kə̀ ləə̄m dzɔɔ̄ ko enyəa ghe sâa ndûw â Zə̀ kò an tuw u sɛ̀.

Kòloshìan 2:2

Ŋ̀ ghəa ghən ghəŋlo enyəa to fə̂ŋ tə ghee tə mô nyəā tsughu, ghe nîi kɔʼ eləgha tò fəgha kəla kə kwuu kɔɔn ghee alo fətùʼù, ghe e kwo tən enyəa e lo êzə̀ aŋghəa ghe bughò zuwkɛlɛ̄ tsughu səŋò e te zo. A n dziī zən, ghe lo zuūwkɛlɛ enyəa nàn kə eghəa kəla kə lo aŋ ghəa a Kəzə̀ lǒ Kə̀lestò.

1 Tɛ̀sàlonìan 4:9

Ghàʼ ndôʼ kì dzə yo aletɔɔ wo ghɛ̀ â mwàʼsò kò kùu ndùw ləgha zə eghùe zɛʼɛ̄. Zə̀ kə̀ maā ghɛ ki zoʼnlo aŋghəa ghɛ̀ ki aleləghā ghue zɛʼɛ zo a te.

1 Timotì 1:5

Ghəa è səŋò zəla M̀ fughuu wô ghû â làŋ kən ko lo enyəa to kə mô lò aleghəŋlo ghî a Kə̀lestò ghə̀ e ləghaa ghue ghee zo; ŋgòʼ è ləgha zəla e səā wo am fə̂ŋ è zɔ̀lɔ, à mòʼnlò è dzuŋ zò, Abugho ghe ləghaa ghue e ghee zo enyə, e fi dêe nù enyəa ghe ŋ kùm bǒo fughu â Kə̀lestò.

Hibùlù 6:1

Sɛ̀ ki aledə̀mà təla tsughu alezoʼn ghue e sɛ̀ zo aŋghəa ghəla a lo aleghəŋlo enyəa sɛ̀ məla tsughu, àsùghò enyəa sɛ̀ e moʼn nduw ghəa ghəla a tsəghàsə ghəa a sûesʉ ghəla ghe mò bû zoʼn dzə sɛ̀ a te kùu ndùw Kə̀lestò. Sɛ̀ kôom ki yo alekə̀aa zee ghəa gho kùu ghəa ghən enyəa, sɛ̀ ki aletiī kuwnlo aŋ ghəa ghəla a nîi wô vʉ zo, ŋkāa aŋghəa sɛ̀ ki alegaʼ fə̀ŋ a te a zəŋò Zə̀ kò.

1 Pità 4:8

Ghəa è səŋò zəla e lo ghè zò lò enyəa, e ləghaa nlò ghue zɛʼɛ zo am fə̂ŋ e mɔ̀ʼ, bòʼ kwò enyəa à lò eləgha e tsəla nàlà ndə̀mà tə tə̀bòo tò.

2 Pità 1:7

Tò aŋghəa ghɛ̀ ki mwam e ghì a Kəzə gho, ghɛ̀ ki aleləghāa nduw kə̀chìa tò waazughù. Tò aŋghəa ghɛ̀ ləghaa kə̀chìa tò waazughù, ghɛ̀ ki aleləghāa ghî ghò a dzə̀m am fə̂ŋ e mɔ̀ʼ.

1 Dzɔ̌n 3:10

Zən lǒ ghəa zəla è dêe tsughuu enyəa wɛ a Kəzə̀ à lo nəŋo nəŋ a zəŋò wɛ a Satàn ghò: enyəa ghùw wəla ù ghə̂əŋ yò ghəa zəla e lô tsəghatsəgha, vʉ̀a ù ləghaa sughò yo wàazə̀, ù fi yo dzè wɛ u Kə̀zə̀.

1 Dzɔ̌n 3:23

Kən lo lâŋ kə̀là ù tsəghàsò tsughu enyəa: Aleboo fughu an zən e Wɛ ù wə̄n ù nùu, Yɛso Kə̀lestò, àsùghò enyəa sɛ̀ e ləghaa ghue e sɛ̀ zo, aŋghəa Kə̀lestò fə̀ dzɛ̂ naŋa.

1 Dzɔ̌n 4:21

Kən lò lâŋ kə̀là Kə̀lestò fughu sugho â sɛ̀ enyəa, “Ghùw wəla ù ləghaa Zə̀ kò ki aleləghaa sugho waazə̂ ghò.”