Kòloshìan 3:13 - To kə Kəzə̀ kə̀ Fughu ko

¹³ Ghɛ̀ è bughuun ghəəŋ nduw ghəa gho aŋ ghùe zɛʼɛ̄ mò à yǒ ndə̀m kə̀ ndə̀m, mò ghùw ghə̌əŋ bonlo èghəa â wàazə̀, wàazə̀ ù te ŋ ghùw màʼà ghəa e te zo. Ghɛ̀ ki aleghuuw maʼn bôo tə aghì tò aŋghəa Mughu ù te fə̀ ghuw maʼà tɛʼɛ to təbôo.

Kòloshìan 3:13 Iomraidhean Croise

Matìo 5:44

M̀ fɛ kuuwn dzàa wò â ghɛ̀ êzəŋ enyəa ghɛ è ləghaa nduw ghî ghəla ghe bâa ghɛ, gɔ̀ɔŋ ndùw an tuw u ghì ghəla ghe bwiī an tàaŋ tə efwe tɛʼɛ̄,

Matìo 6:12

ghù ghuūw maʼa bôo taʼa to, tò ghàʼ ghuūw mâʼn ndûw sughò bòo tə ghì ghəla ghe boō a zəŋò ghàʼ,

Mâk 11:25

À kǔuwn lò ko enyəa abugho ghù gɔ̀ŋlo, bùʼu ghuuw màʼa tsughu dzə̀ ghəa à biigh ghəla ghî à ghəŋlo â ghù, tò Tsele wʉ̂a alo kəwālā e lo sugho aleghuūwmaʼà ghəa ghə̀a à kwu gho.”

Lûk 11:4

ghù ghuūw bôo taʼa to, tò aŋghəa ghàʼ ghuūw maʼà sughò bòo tə ghî ghəla ghe ghəəŋ ghaʼ â bo zo; e kwo ghù lò ghəŋlo enyəa fəghà kə̀ li kə tsoom ghàʼ.’”

Lûk 23:34

Yɛso n nùghù dzɛ̀ tsughu enyəa, “Tsele waŋā, wuwmàʼà bo e ghee zo, nu ghe kwo dzə yo fəgha kəla ghe ghəŋlo ghè kò.” Ghe n nì dzùghù tsùghu ndzʉ̀ è wən aŋ ghùe e ghee mo ghe təm tsughu bòʼ.

Lumà 15:7

E fi lò enyəa, e kpeeniī nlò ghue zɛʼɛ zo aŋghəa Kə̀lestò fə̀ kpenî ghɛ a te, to enyəa ghî ghə̀ e fughuu kɔʼso mò â Zə̀ kò.

2 Kòlentìan 2:10

Abugho ghɛ̀ ghuūw maʼà bo e ghûw zò, mùghò ŋ ghuuw màʼà sùghò bo e ghûw ù te. Ghùw wəla Ŋ̀ ghuūw maʼà bo e wə̄n zo, abugho Ŋ̀ ghuūw maʼà bo e wə̄n, Ǹ êzə ghəəŋ tsughu an sə kə Kə̀lestò, bòʼ ghɛ̀,

2 Kòlentìan 6:6

Ghǎʼ yia dê tsughu enyəa ghàʼ zɔlɔ nù, dè sùghò enyəa ghàʼ tɔɔ nù, dè sùghò ghue zəla ghàʼ maʼà tsughu, dè sùghò dzɔ̂ zaʼa, Shʉghà ù Kəzə̀ vʉa u lo a zəŋò, ghǎʼ yia ləghaa ghî ghò am fə̂ŋ zaʼa e dzə̀m,

Gàlashìan 6:2

E yoso nlò ghue zɛʼɛ zo alebòʼò mbùŋ kə waazə̂ ghɛʼɛ. Abugho ghɛ̀ ghəŋlo êzə̀, ghɛ̌ fi luesô làŋ kə Kə̀lestò.

Efɛsùs 4:2

Aŋ ghəa ghən à dzə̀m ghɛ̀ ghəəŋ nduw â ghì ghò, e maʼn tsughuu nlò ghue zo, ghɛ̀ n zumso ghəəŋ ndùw ghəa a te gho alo eləghāa. E kɔɔn tsughuu nlò fə̂ŋ tò, pfʉso sùgho yǒ nʉghà wò abugho ghùw ghəə̄ŋ boon ghəa zo, bòʼ ləgha zəla ghɛ̀ ki â ghì ghò.

Efɛsùs 4:32

Ghɛ̀ kuuwn ki aleki fə̂ŋ tə̀ dzûŋ tò, dèe ndùw sùghò èdzɔ̀ aŋ ghùe zɛʼɛ̄. Mò ghùw ghəəŋ bonlo èghəa â wàazə̀, wàazə̀ ù te ŋ ghuuw màʼà bo e ghûw ù te to aŋghəa Zə̀ kə̀ mò bɔɔ̄m ghuūw maʼà sugho bôo tə sɛ̀ tò aŋghəa sɛ̀ lǒ fəgha ko kə mɔ̀ʼ sɛ̀ à ghê Kə̀lestò.

Efɛsùs 5:2

E ləghaa nduw nlò ghî ghò tò aŋghəa Kə̀lestò mò ləgha wo sɛ̀ a te, ù m fùghù sùghò ghue u wə̄n to kəfughu kə̀ ləə̄m dzɔɔ̄ ko enyəa ghe sâa ndûw â Zə̀ kò an tuw u sɛ̀.

Kòloshìan 3:12

Ghɛ̀ tò ghî à zɔlɔ ghəla Zə̀ kə̀ shîaa kɔʼ, kə n naŋa tsughu fə̀ŋ e wə̄n a te, kele tsughu nlò se è kwuso zo, ghɛ̀ è dee nduw dzɔ̂ zò, zumso tsughu èghue, zʉ̀a tsùghuu èghue, kaa tsughu ezə alo eghəa.

Dzɛ̂ms 2:13

Nu Zə̀ kə̀ lo kwuso yo se zo a zəŋò ghùw wəla ù saʼā sāʼ mò ù kwùso yo se zo. Zə̀ chia kə lo kuūwn kwusō se zo a zəŋò ghì ghəla ghe kwusō se zo abugho ghe saʼā ghî ghò an tia e sāʼ.

1 Pità 2:21

Kən lò fəgha kəla ghe fə̀ tɔŋɔ ghɛ a te, tɔɔŋ fala zəla Kə̀lestò fə̀ fala bòʼ ghɛ̀. Fala zəla ù fə̀ fala ghè zo n zoʼn tsughu ghɛ alefwaʼā tǒ wə̄n, enyəa ghɛ̀ e bɔɔm bwiī an dzə̀ tə wə̄n.