Kòloshìan 3:12 - To kə Kəzə̀ kə̀ Fughu ko

¹² Ghɛ̀ tò ghî à zɔlɔ ghəla Zə̀ kə̀ shîaa kɔʼ, kə n naŋa tsughu fə̀ŋ e wə̄n a te, kele tsughu nlò se è kwuso zo, ghɛ̀ è dee nduw dzɔ̂ zò, zumso tsughu èghue, zʉ̀a tsùghuu èghue, kaa tsughu ezə alo eghəa.

Kòloshìan 3:12 Iomraidhean Croise

Matìo 24:22

Abugho Zə̀ kə̀ mô tâʼkè ghəə̄ŋ tsughu enyəa tî kə te kə ka lo dòʼò dàan ndùw, ghùw mɔʼɔ̄ mô yò alezə̄ kətuw; Zə̀ kə̀ lô tsùʼù mən fɛ gbôo kə̂a tsughuu wô bòʼ ghì a wə̄n ghəla ù tsɔʼ kɔʼ.

Matìo 24:24

Tɔŋlo enyəa, Kə̀lestò tə agha tə lo səa kɔʼɔ nù, àsùghò ghǐishùghà ghə agha gho, ghe e deē tsə̌a tə̀ fɛɛ̄n to, à sə̀ghà mò, enyəa abugho dzì lǒ, ghe buʼù sêe məŋsō ghì ghəla Zə̀ kə̀ tsɔʼ kɔʼ.

Matìo 24:31

Ghe lo daŋso tɔŋɔ nyəā ndûw mbuwlì, ù kè tuū səā wô tsə̀təndə̄ghā tə kə Kəzə̀ tə wə̄n aŋ kàlà tə mbī tən tə̀ chìakò enyəa ghe zûuŋ kaāŋ wô ghì a wə̄n ghəla ù tsɔʼ naŋā kaŋlō an lùʼù tən tə̀ dzə̀m.”

Mâk 13:20

Abugho Mughu ù te mò doʼŋkè gbôo kə̂aa tsughu tsùʼù mən, to ghùw nsɔ̌ɔŋnchùw kà tuw kə zə. Bòʼ ghì a wə̄n ghəla ù shìa kɔʼ, vʉ̀a ù gbò kə̂a tsughu tsùʼu n te mò.

Mâk 13:22

Tɔŋlo enyəa ghê Mɛ̀sayà ghə agha, àsùghò ghǐishʉ̀ghà ghə agha a lo vùuŋ nùghùn sə̌a kɔʼɔ nù, ghe e deē wo tsə̌a to à sə̀ghà mò alesèe məŋso ghì ghə̀là Zə̀ kə̀ mò shîaa kɔʼ.

Mâk 13:27

Ù lo daŋso tuū səā ndûw tsə̀təndə̄ghā tə kəwālā, ù zùuŋ kaāŋ wô ghì a wə̄n am buw ghən à chìakò aŋ kàlà tə mbī, ndùw tɛ̀ ndùw aŋ kàlà tə kəwālā.”

Lûk 1:78

Zə̀ kə sɛ̀ kə̀ ki se è kwuso zo, Chia kə ŋgɔɔ̄m sɛ̀. Kə lo ghəəŋ nù tsuʼ u zuw a zəŋò sɛ̀ aŋghəa kə kê bəghaasəa sɛ̀ a te.

Lûk 18:7

Bùghò ŋgòʼ è ghùw wən lô alekə̀a èghəa tò zən, Zə̀ kə̀ yo ênzə̂n aledaŋso saʼā fughuu kɔʼ sāʼ â ghì ghə̀là ù ləghaa lo, abugho ghe dîi zeē a vʉ̀a wə̄n à, ntsuʼu n dzə̀m n dzə̀m a? To ù kòom lɛɛ̄n boo enyəa gha kə sə mò ù kà êzə̀ â ghee ghəŋlo à?

Lumà 1:7

Mwàʼsò kən kə tɔɔ wò â ghɛ̀ yì a dzə̀m a fi am mbùʼ è Lumà Zə̀ kə̀ ləghaa, tsɔʼ kɔʼ ghɛ enyəa ghɛ̀ doʼo ghî a wə̄n gho. Ŋ̀ gɔ̂ŋlò enyəa to Kə̀zə̀, Tsele ù sɛ̀ ghèe Mughu ù te Yɛso Kə̀lestò mò dê ghɛ̀ â dzɔ̀ zò, ghe fughuu sugho ghɛ̀ â bughuun zo.

Lumà 13:14

Ghɛ̀ dzəla kele tsughu Mughu ù te Yɛso Kə̀lestò a zəŋò ghɛ̀ tò təndzʉ, àsùghò enyəa e kwo ko ghɛ̀ lô naāŋ tuw ko aŋ ghəa ghəla gwən e ughùe e zɛʼɛ e ləghaa enyəa ghɛ̀ e ghəŋlo.

Lumà 9:11

Ghəa wɛ a te a fə̀ bûʼ lô ko mo ghe kaām ghee n dzə̄, à n lo sugho mò ghee kaām ghəəŋ naŋa dzə̀ ghəa è dzûŋ zò è li zo ŋkāa è biigh zo, aledèe wô enyəa dzì zəla Zə̀ kə̀ niī kɔʼɔ̄ aleshìa ghùw ù wə̄n a te yo dzə̂ aŋ ghəa è li zo ghùw ghəə̄ŋ tsughu, à kuuwn lò enyəa à tsə̀mà kɔ̀ʼɔ Kəzə̀ aletɔ̄ŋɔ̄ ghùw ù te.

1 Kòlentìan 13:4

Ləgha e ghəəŋ nù ghî ghə̀ n zumso tsughu eghue. Ləgha e ghəəŋ nù ghî ghə n dêe èdzɔ̀ aŋ ghùe e ghee. Ləgha e ghəəŋ dzə̀ yò enyəa ghùw è ki mʉ̌ʉn ko am fəgha kə ghûw ù lì, ləgha e ghəəŋ dzə̀ yo enyəa ghùw e kɔʼso kaaŋ ghue wo, ŋkāa ù è tsɔɔ̄ fə̀ŋ alo eghəa.

2 Kòlentìan 6:6

Ghǎʼ yia dê tsughu enyəa ghàʼ zɔlɔ nù, dè sùghò enyəa ghàʼ tɔɔ nù, dè sùghò ghue zəla ghàʼ maʼà tsughu, dè sùghò dzɔ̂ zaʼa, Shʉghà ù Kəzə̀ vʉa u lo a zəŋò, ghǎʼ yia ləghaa ghî ghò am fə̂ŋ zaʼa e dzə̀m,

Gàlashìan 5:6

Abugho ghe sugho tigh kə ghûw kò ŋkāa ghe tâʼkè sugho, zə ki dzə yo ghəa è li zo aleghəŋlo am mùghù e sɛ̀ à ghê Kə̀lestò Yɛso. Ghəa èsəŋò zəla e lo ghè zò lò enyəa, sɛ̀ ŋgaʼ fə̀ŋ a zəŋò Kə̀lestò an ləgha zəla a ki ghè zò.

Efɛsùs 1:4

Zə̀ kə mǒ sɛ̀ ki shiāa nû to kə e bughò gbə̂n mbī, enyəa sɛ̀ è lo ghî a wə̄n gho aŋghəa sɛ̀ lô fəgha ko kə mɔ̀ʼ sɛ̀ à ghê Kə̀lestò, mò sɛ̀ ki yo nùʼ tò, lò sugho ghî à zɔlɔ gho an sə kə wə̄n. Zə̀ kə̀ ləghaa sɛ̀,

Efɛsùs 4:2

Aŋ ghəa ghən à dzə̀m ghɛ̀ ghəəŋ nduw â ghì ghò, e maʼn tsughuu nlò ghue zo, ghɛ̀ n zumso ghəəŋ ndùw ghəa a te gho alo eləghāa. E kɔɔn tsughuu nlò fə̂ŋ tò, pfʉso sùgho yǒ nʉghà wò abugho ghùw ghəə̄ŋ boon ghəa zo, bòʼ ləgha zəla ghɛ̀ ki â ghì ghò.

Efɛsùs 4:24

Ghɛ ki alemughu to ghî à fughu gho, tò ghî ghəla Zə̀ kə̂ mò bɔm tsughu enyəa ghe e lo tǒ wə̄n, ghɛ̀ e kum lo tsəghatsəgha, zɔlɔ sùghò aŋ ghəa ghɛʼɛ̄ à ghəəŋ gho.

Efɛsùs 4:32

Ghɛ̀ kuuwn ki aleki fə̂ŋ tə̀ dzûŋ tò, dèe ndùw sùghò èdzɔ̀ aŋ ghùe zɛʼɛ̄. Mò ghùw ghəəŋ bonlo èghəa â wàazə̀, wàazə̀ ù te ŋ ghuuw màʼà bo e ghûw ù te to aŋghəa Zə̀ kə̀ mò bɔɔ̄m ghuūw maʼà sugho bôo tə sɛ̀ tò aŋghəa sɛ̀ lǒ fəgha ko kə mɔ̀ʼ sɛ̀ à ghê Kə̀lestò.

Fèlepìan 1:8

Nu Zə̀ kə̀ kwo nû enyəa ləgha zəla Ŋ̀ ki a zəŋò ghɛ̀ lò zəla Yɛso Kə̀lestò ki sugho a zəŋò ghɛ̀.

Kòloshìan 3:10

Zə̀ kə̀ ŋ ghəŋlo enyəa ghɛ̀ doʼo ghî à fughu gho, dòʼn wò sùghò tǒ ghee, zoʼn kele mɛ̀ʼn wò sùghò ghùw wəla e lo ghè wò.

1 Tɛ̀sàlonìan 5:15

Kà nlò è bomlo enyəa ghùw tsə ebo alo ebō. E kuuwn kəŋo ko dzì aleghəŋlo èdzɔ̀ aŋ ghùe zɛʼɛ̄ àsùghò â ghì ghò a dzə̀m.

2 Timotì 1:9

Zə̀ kə mò bəghasə̄ sɛ̀, tɔŋɔ wò sɛ̀ enyəa sɛ̀ è mughu mùghù è zɔlɔ zo. Zə̀ kə ka fə enyə ghəəŋ dzə̀ bòʼ ghəa e è dzuŋ è li zo sɛ̀ fwaʼ â wə̄n. À fə̀ enyə lo ko aŋghəa Zə kə̀ ki fôʼ naŋa aleghəŋlo bòʼ dzɔ̀ e wən zəla kə ki â sɛ̀ mo kə tsəghà tsùghù a zəŋò Kə̀lestò Yɛso.

2 Timotì 2:10

Zən lò eghee Ŋ̀ kɔlɔ tsughu fə̀ŋ alo aghəa a dzə̀m aleghəŋlo enyəa to ghî ghəla Zə̀ kə̀ lo mo kə n shìaa mò zəā sughô kə̀tuw a m bàm e Kə̀lestò Yɛso, ghe e ki sugho kɔʼso məla n dòʼò tən.

Taetùs 1:1

À mwàʼsò kən kə tɔm mugho Pôl, kɔ̂ɔ fə Kəzə̀, àsùghò tum è Yɛso Kə̀lestò. Ghe mugho tùm wò alebùghò tughusô boo e ghì ghəla Zə̀ kə̀ mò shîa kɔʼ enyəa e noo, àsùghò â ghee alekelê tsʉ̀ è səŋò zəla e lo, aleyòsò ghee enyəa ghe e mughu an dziī zəla Zə̀ kə̀ ləghaa.

1 Pità 1:2

Kə̀zə̀, tɔɔŋ Tsele ù Mughùbè ù sɛ̀ ù te n tsɔʼ kɔʼ ghɛ enyəa ghɛ̀ doʼo ghî a wə̄n gho an tə̀ŋ kəla kə fə̀ fôʼ naŋā, Zuʼ tə̀ Zɔlɔ tə ŋ ghəəŋ tsughu enyəa ghɛ̀ e lo ghî à zɔlɔ gho, enyəa ghɛ̀ e zuuw nduw â Yɛso Kə̀lestò, to aŋghəa kâŋ tə wə̄n an vʉ zəla ù kpuw ghè zò fə̀ sûw maʼà tsughu ghɛ. Ŋ̀ gɔ̂ŋlò enyəa Zə̀ kə̀ mô fughu ghɛ â bughuun zo, kə dêe sughò ghɛ â dzɔ̀ e wə zo naʼ è ndə̀m.

2 Pità 1:10

Waazə̂ ghaŋa gho, à fi lo enyəa ghɛ̀ ki alesɔʼn tsughu ŋkāa aledèe tsughu enyəa Zə̀ kə̀ ghɛ shìaa tɔ̀ŋɔ sə̀ wò nù enyəa ghɛ̀ bugho doʼō ghî a wə̄n gho. Abugho ghɛ̀ ghəəŋ dzə êzə̀, ghɛ̀ kê bvʉ̀ kòʼ yò am boo zɛʼɛ̄,

1 Dzɔ̌n 4:19

Sɛ̀ ləgha e fɛ ki aŋ ghùe e sɛ̀ bòʼ Zə̀ kə̀ fə̀ ləgha wo dzə̄ sɛ̀ esə̄.

2 Dzɔ̌n 1:13

Wɛ a wàazughù ù zən ghəla ghe tsɔʼ naŋā kɔʼ fɛ fughu wò ghɛ̀ â tɔɔŋ zo.

Edêe Fughu 17:14

Ghe lo sòʼò nduw Tsʉa u Ndzì u te wo an tsam, Tsʉa u Ndzì u te u kê təma kɔʼ ghee, nu ù lò Mughu ù ghê mughùbè, lò sugho Də̀ŋ kə udwə̀ŋ. Ghî ghəla ghe lo ghèe ghee lo ghî ghəla ghe gaʼ tsughu fə̀ŋ a zəŋò wə̄n, ghe mò tɔŋɔ̄ tsughu, shìaa è kɔʼ.”