Kòloshìan 3:10 - To kə Kəzə̀ kə̀ Fughu ko

¹⁰ Zə̀ kə̀ ŋ ghəŋlo enyəa ghɛ̀ doʼo ghî à fughu gho, dòʼn wò sùghò tǒ ghee, zoʼn kele mɛ̀ʼn wò sùghò ghùw wəla e lo ghè wò.

Kòloshìan 3:10 Iomraidhean Croise

Dzɔ̌n 17:3

Mughù e doʼn təla zən lǒ â ghee alekwō ghû, Zə̀ kə̀ səŋo kən kə mɔ̀ʼ, kwo sugho Yɛso Kə̀lestò wəla ghù mò tum wô fɛ am mbī.

Lumà 12:2

Kà nlo kôom mùghù dzə̀ an dzì zəla ghî a mbī a mughū a te, zə̀ghàa tsugu nlò tò Zə̀ kə̀ kuūwn kɔʼ fə̂ŋ tɛʼɛ, tò ghɛ̀ kele moʼnlò è fughu zo. Ghɛ̀ è ke lo aledaŋso kelê fəgha kəla Zə̀ kə̀ ləghaa ghè kò — ghɛ̀ e kwo ghəa è dzûŋ zò, zəla e lô tsəghatsəgha, àsùghò zəla e lo aleghəŋlo enyəa Zə̀ kə̀ e duʼnlo a te.

Lumà 13:12

A êzəŋ e lo ko tò â lə̌əmlə̌əm tə utsuʼ to, a tsûuŋ tsùghuu ko enyə, tsuʼ u zuūw nyəa wò nù. To sɛ̀ mô bughū naŋa aleghəəŋ ghəa gho a tsəla kələ̄m, sɛ̀ nîi kɔʼ mughù e zɔlɔ zo tǒ ndzʉ tə tsam sɛ̀ dzəlà kele a zəŋo e ughùe.

Lumà 13:14

Ghɛ̀ dzəla kele tsughu Mughu ù te Yɛso Kə̀lestò a zəŋò ghɛ̀ tò təndzʉ, àsùghò enyəa e kwo ko ghɛ̀ lô naāŋ tuw ko aŋ ghəa ghəla gwən e ughùe e zɛʼɛ e ləghaa enyəa ghɛ̀ e ghəŋlo.

Lumà 6:4

Mùghù ŋ Kə̀zə̀ məla ghe fə̀ fughu â sɛ̀ fə̌ fi lo ko to ghe tsəla dzəəŋ ndùw sɛ̀ à ghê Kə̀lestò to ghî a kpuuwn gho, enyəa to sɛ̀ mô mùghù sugho mughù è fughu zo to aŋghəa Tsele ù te fə̀ zôm nughu kɔʼ Yɛso alo evʉ̄ am fɛ̀ɛn kə kədaʼa kə wə̄n.

Lumà 8:29

Ghî ghəla Zə̀ kə mò ki kwo ziī ŋ ghee tsuʼ naŋa enyəa ghee e lo sugho tǒ wɛ ù wən ù nùu wən, enyəa wɛ ù wə̄n ù nùu ù wən e lo wɛ ù sûesʉ am bvʉa e ndə̀m è ghì ghəla ghe boō fughu â Zə̀ kò.

2 Kòlentìan 3:18

Ezə̀ŋ, sɛ̀ ghən à dzə̀m à sʉ zo mo a kâ dzə̀là kèle ndɔ̀ŋ kò a te a koʼò ndùw nǔ səghanyəgha m Mughu ù te mò, ghe fɛ kuuwn ndùw sɛ̀ am fwèen kə wə̄n an səghanyəgha ŋ wən məla n noōm ndûuŋ nduw. Səghanyəgha mən nughù wò aŋ ghùu Mughu ù te wəla ù lò Shʉghà u te wo.

2 Kòlentìan 4:16

Zən lò e ghee fəgha kə̀ li kə yo dzə̂ alebughusô fwee zaʼā a te. Ghəa ghue waʼa wə̄n fɛ a beē laā nduw, Zə̀ kə̀ tsôo kǔuwn fughuu tsə̀ghà ko ghàʼ â mùghù e fughu zo tsuʼu mən n dzə̀m n dzə̀m.

2 Kòlentìan 4:6

À lǒ Zə̀ kəla kə fə̀ dzɛ̂ tsughu enyəa, “Tsə̀ tughūu səā wô alo kələ̄m”, Ù tughu sə wo am fə̂ŋ taʼa alefughūu tsughu tsə̀ enyəa a kôʼ səghanyəgha ŋ Kə̀zə̀ mə̀là n tughūu an sʉ u Kə̀lestò.

2 Kòlentìan 5:17

Ghùw wəla ù lò fəgha ko kə mɔ̀ʼ ghèe Yɛso Kə̀lestò, ù fi lo ghûw ù fughu; ghəa à wii ghə n tsə̀ghà mìaa, à fughu yia a bugho.

Gàlashìan 3:27

Ghɛ̀ ghən à dzə̀m ghe mò ni mùghù ŋ Kə̀zə̀ mò, aledèe tsughu enyəa ghɛ̀ boo fughu â Kə̀lestò, ghɛ̀ mǒ fi ni kɔʼ mwam u Kə̀lestò dzə̀là tsughu a zəŋo ughùe tò təndzʉ̄.

Gàlashìan 6:15

Ghəa è li e ndôʼ yò, ka ghe sugho tigh kə ghûw kò ŋkāa ghe taʼkè sugho; ghəa è səŋò è lo ko enyəa sɛ̀ n ghì à fughu a doʼò.

Efɛsùs 2:10

Sɛ̀ lo ghu a kəfwàʼ a Kə̀zə̀ ù mò bɔm tsughuu aŋghəa sɛ̀ doʼò tsughu kəfəgha kə mɔ̀ʼ sɛ̀ à ghê Kə̀lestò Yɛso, alefwaʼā fwàʼ kə̀dzûŋ kò ù fə̀ biaan naŋā, enyəa sɛ̀ è bwiī a te.

Efɛsùs 2:15

Kə̀lestò mafə zê màʼà lwâŋ u Tə̀dzûu àsùghò ghəa ghela lwâŋ u gəə̄n ghî gho a te an vʉ e wə̄n, ù fə̀ ezə ghəŋlo enyəa to Etoʼò àsùghò Dzûu to mò bùghò doʼò ghì a fughu gho a zəŋò wə̄n to bughunlo e doʼò,

Kòloshìan 3:12

Ghɛ̀ tò ghî à zɔlɔ ghəla Zə̀ kə̀ shîaa kɔʼ, kə n naŋa tsughu fə̀ŋ e wə̄n a te, kele tsughu nlò se è kwuso zo, ghɛ̀ è dee nduw dzɔ̂ zò, zumso tsughu èghue, zʉ̀a tsùghuu èghue, kaa tsughu ezə alo eghəa.

Kòloshìan 3:14

Ghəa è səŋò zò aŋ ghəa ghən à dzə̀m lò enyəa ghɛ̀ a dzə̀m è ləghaa nduw ghue zɛʼɛ zo, tɔŋlo enyəa abugho ghɛ̀ ləghaa ghue zo ghɛ̌ fi lo kəfəgha ko kə mɔ̀ʼ.

Filemùn 1:6

Ŋ̀ gɔ̂ŋlò enyəa aŋghəa sɛ̀ bwîi ghuw ko kə mɔ̀ʼ am fə̂ŋ zəla sɛ̀ gaʼ tsughu a zəŋò Kə̀lestò, to ghəa a te a mô ghə̀ŋlo sɛ̀ e tɔʼɔ zuuwkɛlɛ tsughu ghəa à dzûŋ ghəla à dzə̀m sɛ̀ ki aŋghəa sɛ̀ lô fəgha ko kə mɔ̀ʼ sɛ̀ à ghê Kə̀lestò.

Hibùlù 6:6

Ghì a te yia a bùghò zəghàa maʼà tsughu Zə̀ kəla ghe mò gaʼ fə̂ŋ tò a te. A kôom yò dzə̂ aleghəŋlo enyəa ghe tii fəla wô ebàm am bòo tə ghee, tɔŋlo enyəa ghe fi təghàan kpèʼe Wɛ̀ ù Kə̀zə̀, dənsò tuw kə wən an ndɛ.

1 Dzɔ̌n 2:3

À lò ko abugho sɛ̀ naāŋ lwâŋ u Kəzə̀ wò sɛ̀ lo alekele enyəa sɛ̀ kwo nû wə̄n.

1 Dzɔ̌n 2:5

Ghùw wəla ù kuūwn zuuw â Zə̀ kò, à lǒ ghùw ù te ù kùum kele tsughuu fəgha kə kəla ləgha e Kəzə̀ è lo ghè ko. Ghən lò ghəa ghəla sɛ̀ lo alekele enyəa sɛ̀ à ghê Zə̀ kə̀ lo nû alo kəfəgha ə mɔ̀ʼ:

Edêe Fughu 21:5

Ghùw wəla ù mò doʼ fughu an ndàŋ è kə̀də̀ŋ e te n daŋso dzɛ̀ tsùghu wò enyəa, “Êzə̄ŋ, Ŋ̀ ghəəŋ tsughuu nù ghəa ghə̀n à dzə̀m kòom doʼo tsughu à fughu gho.” Ù ŋ kòom dzɛ̀ kpèʼe tsùghù sùghò enyəa, “Tɔm naŋa tsughu ghəa ghən gho, tɔŋlo enyəa shwaʼ wən lo ushwaʼ ghî à lo aleboō fughu a te, vʉa u lô sugho èsəŋò.”