Kòloshìan 3:1 - To kə Kəzə̀ kə̀ Fughu ko

¹ Ghe mafə ghɛ à ghê Kə̀lestò dzeŋe zòm nùghùu kɔʼ alo evʉ̄, e kəŋo ko nlò ghəa e kəwālā zo, a fi a Kə̀lestò dǒʼ aŋ kwe u Kəzə̀ ù təma wo.

Kòloshìan 3:1 Iomraidhean Croise

Matìo 22:44

Dɛvìd fə̀ dzɛ enyəa, ‘Mughu ù te fə̀ dzɛ â Mughùbè waŋā enyəa: Dòʼo tsughu fɛ aŋ kwe waŋa ù təma wo tò Ŋ̀ kê telè naŋā wô dzə̂ ghì a kətūw ghə̂a a tsəla efwee zəghà.’

Matìo 26:64

Yɛso m bɛ̀lɛ̀ ndùw wən enyəa, “Ghù dzɛ̀ sə̀ wò êzə̀. Ǹ so Ŋ̀ kuūwn dzâa wô ghɛ̀ enyəa, alenìi nughù tsughu êzə̄ŋ nùghù ndùw â sə ko, ghɛ̀ kê kòʼò wò Wɛ̀ ù Ghùw ù te ù dòʼ aŋ kwè ù təma u Zə̀ kə̀ ghaʼa ko, mò vʉ̀a ù bùghoo am mbà è kəwala.”

Matìo 6:20

E laam naŋlo nlò fʉgha wɛʼɛ ù səŋò wò alo kəwālā, a fia u yô aledzèe bo, mò ghùwtsɔ̀ŋo yo sughò aletsɔ̄ŋ.

Matìo 6:33

Kuuwn bùʼu tughuso tsùghù dzə̀ nlò kè tò aŋ ghəa e fɔ̀e u Kə̀zə̀ àsùghò aŋ ghəa ghəla a ghəŋlo enyəa ghùw è lo tsəghatsəgha, ghɛ̀ ke kele tsughu sugho fʉgha u te wo u dzə̀m.

Mâk 12:36

Zûʼ tə̀ zɔlɔ tə mò mɔ̀m tsùghù ghuūghùe u Dɛvìd, ù n dzɛ̀ sə̀ wò enyəa, ‘Mughubè ù te fə dzɛ â Mughubè waŋā enyəa; Dòʼo tsughu aŋ kwe waŋā ù təma wo, tò Ǹ nîi naŋā wô dzə̂ ghîikətuw ghə̂a a tsəla e fwēe zəghà.’

Mâk 14:62

Yɛso n daŋso nùghù dzɛ̀ sə̀ wò enyəa, “À lò mugho; ghɛ̀ lo nāam kòʼò Wɛ̀ ù Ghùw ù te ù dòʼ aŋ kwē ù təma u ghùw wəla ù ki Dwaʼa wo, mò vʉ̀a ù bùghǒo am mbàʼ.”

Mâk 16:19

A m bùghò Mughùbè Yɛso kə̀a tsughu ghəa ghən gho enyə â ghee, à fi daŋso lò ghəa a wə̄n à kɔʼɔ gho alo kiwālā, ù ŋ kɔ̀ʼ dòʼò tsùghù aŋ kwe ù Kəzə̀ u təma wo.

Lûk 12:33

Fěe nlò fʉgha wɛʼɛ wo, ghɛ̀ tɔɔm nduw ghî à laa gho a te; kəŋ tsughu nlǒ mbə̀ghà tə kʉ̄a təla tə doʼò tən; ghɛ nan naŋa kum zɛʼɛ zo alo Kəwālā mo ghùwtsɔ̀ŋo yô alemɔ̀m, mo soʼosoʼ e yo sughò alepfʉ.

Lûk 20:42

Mò Dɛvìd, ghuūghùe u wə̄n u dzɛ̂ am Mwàʼsò kə Sâams enyəa, ‘Mughu ù te fə̀ dzɛ â Mughùbè waŋā enyəa, “Dòʼo tsughu ko fɛ̄ aŋ kwe waŋā ù təma wo,

Lûk 22:69

Alekuūwn nîi nughù tsughu êzə̄ŋ, ghe sô Wɛ ù Ghùw doʼsò nǎaŋ tsughuu aŋ kwe ù təma u Zə̀ Kə̀ Ghaʼa Kən Kə̀ Dzə̀m.”

Kə̀fwàʼ 2:34

Dɛvìd kafə̄ kuūwn kɔ̀ʼ dzə̀ alo kəwālā, ghuūghùe u wə̄n wə ŋ kuuwn dzɛ̀ tsughu ko enyəa, ‘Mughu ù te Kə̀zə̀ fə̀ dzɛ â Mughubè waŋā enyəa, Dòʼo tsughu aŋ kwe waŋā ù təma wo,

Kə̀fwàʼ 7:55

Aŋghəa à fə̀ lo mo Zuʼ tə̀ Zɔlɔ tə ŋ wēn nyənlo, ù n lɛ̄ɛn kɔ̀ʼ ndùw kəwālā, kòʼ ndùw səghanyəgha ŋ Kə̀zə̀, mo Yɛso vʉ̀a ù ti aŋ kwe u Kəzə̀ ù təma wo.

Lumà 8:34

À lò ndugho ù lò aledzɛ̀ enyəa a m bvʉ̌ saʼ a? À lǒ mò à lǒ Kə̀lestò Yɛso wəlà ù mò kpuw dzə a, ŋkāa à lǒ wən wəla ghe mò zôm nughù kɔʼ alo evʉ a, vʉa u doʼ ezəŋ an kwe u Kəzə̀ u təma wo, dìi fughû dì e sɛ̀ à?

Lumà 8:6

Abugho ghùw naŋa tsughu fə̀ŋ è wə̄n am fʉgha wəla gwən e ughùe e wə̄n e ləghaa, vʉ zə ŋ kwu wə̄n. À m bùghò ghùw naŋa tsughu fə̀ŋ e wə̄n am fəgha kəla Zuʼ tə zɔlɔ tə ləghaa, ghùw ù tə ŋ kele èmùghù, lò sugho alo ebughunlo.

2 Kòlentìan 4:18

À ènyə lǒ bòʼ ghàʼ lɛɛn yò ghəa ghəla a koʼò nduw, ghàʼ lɛɛn ndùw ghəla a koʼò yo; mbuu ghəa ghəla a koʼò nduw kə̀aa lò tsughu ko nû, ghəla a koʼò yo kuuwn doʼò tə̀n nû.

Efɛsùs 4:10

Wə̄n wəla ù fə̀ tsughu wo, à lô sugho wə̄n ù mɔʼɔ wəla ù fə̀ kɔʼ ndùw sugho edzuŋ, bùʼ tsə̀ghàtàʼà edzuŋ èdzùŋ, enyəa to ù mò lô alo tə lùʼù tə dzə̀m.

Efɛsùs 5:22

Ghɛ̀ a yi ghə a num gho, e zuuw nduw nlò â num ghɛʼɛ gho, tò aŋghəa ghɛ̀ zuuw â Mughu ù te,

Kòloshìan 2:20

Aŋghəa ghɛ̀ mò kpuw dzəəŋ nduw ghɛ̀ à ghê Kə̀lestò, ù mafə zê zə̀ghàa ghɛ am fàŋa kə daʼa kə shʉ̀ghà u mbī wo. À lò kə kwò ghɛ̀ sô lo tò ghɛ̀ naam mùghù ko an lwàŋ u mbī wo a?

Kòloshìan 3:2

Kà nlò moʼn zɛʼɛ e naŋa dzə̀ aŋ ghəa a mbī gho, laam naŋa ndùw nlò moʼn zɛʼɛ zo aŋ ghəa a kəwālā gho.

Hibùlù 1:13

Ù dzɛ koʼ tsəgha dzə̄ â tsə̀ndə̄ghā è ghɛ̌ zò enyəa, “Dòʼò tsughu aŋ kwe waŋa ù təma wo, Ǹ lo telè ghəə̄ŋ tsughuu dzə̂ ghîikətuw ghə̂a à doʼò tsughu fəgha kəa kə̀ gaʼn kə aghùw kò a?”

Hibùlù 1:3

Ù dèe wò nyəghaan zəla e lo an səghanyəgha ŋ Kə̀zə̀, vʉ̀a ù bɔɔ̄m fweēn ko Zə̀ kò, ghəa ù kwu kele mbī an daʼa kə shwaʼ u wə̄n. A m bùghò ù ghəə̄ŋ tsughu enyəa Zə̀ kə̀ ghuūw maʼà bòo tə aghì, ù n doʼò tsùghù aŋ kwe u Kwîfɔ̀e ù təma wo alo kəwālā.

Hibùlù 10:12

Kə̀lestò fə̀ kuuwn sɛ fughu tən kô ghue u wə̄n alo enəgha e mɔ̀ʼ alesùuw maʼà tə̀bôo to mbī kê bughò mîaa. Ù n daŋso dòʼò tsughu aŋ kwe u Kəzə̀ ù təma wo.

Hibùlù 12:2

Bùghò nlò sɛ̀ bɔɔ̄m naŋa ndûw kô sə e sɛ̀ a zəŋò Yɛso, à lǒ wə̄n ù fə̀ ghəŋlo enyəa sɛ̀ boō fughu â Zə̀ kò, vʉ̀a ù yòso enyəa boo e sɛ̀ zə̀ è tughuu. Ù ŋ kɔlɔ tsughu ko fə̀ŋ alekpuw alo kədàŋlo. Ù ka fə də̂nsò dzə̀ tuw ko aŋ ghəa a te gho, bòʼ ù fə̀ kwo duʼn kəla kə lo â sə ko, vʉ̀a ù gaʼ doʼò tsughu aŋ dàŋ è wə̄n aŋ kwe u Kəzə̀ ù təma wo alo kəwālā.

Hibùlù 8:1

Tiso kə eghəa aŋ ghəa ghəla a kə̂aa fɛ lò enyəa, a ki tuw kə fɔ̀e tò kəla a kə̂a ghəa a wə̄n gho fɛ, mò kə dòʼ aŋ kwe ù təma wo an ndàŋ è Kwifɔ̀e alo kəwala.

1 Pità 3:22

Ù fə̀ kɔʼsə kɔʼ alo evʉ̄, ù n nùghù nyə̀ kɔ̀ʼ ndùw alo kəwālā, vʉ̀a ù dǒʼ aŋ kwe u Kəzə̀ ù təma wo, saʼâ tsə̀təndə̄ghā tə Kəzə̀ tò àsùghò dwaʼa wo u dzə̀m alo kəwālā.