Kòloshìan 2:8 - To kə Kəzə̀ kə̀ Fughu ko

⁸ E kwo ko ghùw ù lì lô so è ndûw bùghòo â tɔ u ghì am mbī wo, ù bùghò ghəə̄ŋ tsughu enyəa ghɛ̀ doʼo tsughu kɔ̂ wò â wə̄n, aghəa mò à lò nzə̀azə̀a ŋ kwu mò ghî a mbī a mò moʼn sə kɔʼ, zoʼn ndùuŋ tsùghuu wò àghì a te, àsùghò ghəla a nughùun wo aŋ ghùu shʉ̀ghà u mbī wo, mo a te a kâ sə̀ dzə̀ aŋ ghùu Kə̀lestò.

Kòloshìan 2:8 Iomraidhean Croise

Matìo 10:17

E ghoōm tsughu nlò, tɔŋlo enyəa ghî à lo nû ghe kê nîi ndûw tsəghà ghɛ̀ alo tə̀kaŋsì, ghe e tsɔʼɔ sa ghɛʼɛ gho an Ndughutə̀ne tə Tə̀dzûu to,

Matìo 16:6

Yɛso n dzɛ̀ â ghee enyəa, “Ni nlò ghôom zò am mbvùŋ è ghì Falàsîi ghèe ghê ghî Sadùwsîi ghò.”

Matìo 7:15

“Nǐ nlò ghôom zò, ghiīshʉ̀ghà ghə agha a lo nû; ghe bughòo a vʉ̀a ghɛ̀ tò təndzì, mo ghe biso lo ubʉgha.

Kə̀fwàʼ 17:18

Ghê dèekə̀mwàʼsò a naʼe Ɛpìkulìa à li gho àsùghò a Stôik ghò, ghe ŋ kele sùghò ùshwaʼ ghèe ghee. À li ghə m bvʉ enyəa, “Ghùw wən biso ləghaa aledzɛ̀ è ndūghō a mo shwaʼ u te u kwuu yo ghəa zo?” À li ghə n so enyəa, “À lò ko tò ù kə̀aa ghəa a zʉ̀ ù tətùu.” Ghe mò êzə kəaa bòʼ Pôl màʼa fə̀ kə̂aa ghəa a Yɛso ghò â ghee àsùghò ghəa a wən à kɔʼɔsəa ghən alo evʉ̄.

Kə̀fwàʼ 17:32

A m bùghò ghe zuw Pôl bùghò mɔm tsughu ghəa à nîi nughūun kɔʼɔ gho alo evʉ̄, ghee à li ghə ŋ kàʼ ndùw wən a lùʼù sɔʼso wo, à li ghə ŋ kuuwn so enyəa, “A lo fəghaan tɔ̀ʼɔ̀ zǔuw nù ghən aŋ ghùu ghù.”

Lumà 16:17

Waazə̂ ghaŋa gho, ghəa zəla Ǹ naam ki aledzɛ̀ wô â ghɛ̀ lo enyəa, ghɛ tsʉ naŋa kɔʼ sə ghɛʼɛ gho a zəŋo ghì ghəla ghe ghəŋlo enyəa ghî ghə̀ e tsɔɔ̄n kaaŋ tuw wo, ghe ŋ ghəŋlo ghùw n yo aletɔʼɔ tee am boo e wən. E kwo ko ghɛ̀ lo boōm naāŋ ŋgòʼ è ghì a te gho, nu ghe nîi wô aghəa mo a boom dzəəŋ yo ghèe fəgha kəla ghe mò zoʼn ghɛ a te.

1 Kòlentìan 10:12

À fi lo enyəa ghùw wəlà ù kwo enyəa e tɔ̂ʼ tì nû, ù nìi kɔʼ eghômlò, ù lò neē bvʉā.

1 Kòlentìan 8:9

Kuuwn nǐi kɔʼ ko nlò ghôom zò enyəa aŋghəa ghɛ̀ lo alendzə̀əm zə fʉgha wən wo ŋkāa ghɛ̀ ndzə̂əm tue alezə, enyəa e lô doʼn fàŋa ko â ghì ghəla ghe ki yô fə̂ŋ tò.

2 Kòlentìan 10:5

Sɛ̀ buu nyəmâ làŋà tə dzughu à pfʉa gho àsùghò làŋà tə aghəa təla tə ghəŋlo enyəa ghəa a Kəzə̀ à ka ndûw â sə ko am fʉgha u tsam u sɛ̀ wən. Sɛ̀ kwuu kɔ̀lɔ̀ tsùghûu mòʼnlò ghì ghəla ghe ləghaa yo alezuw shwaʼ u Kəzə̀ a ŋ ghəə̄ŋ tsughu ghî a te gho enyəa ghe e zuuw wo â Kə̀lestò.

Gàlashìan 1:14

Mùghò ŋ ŋgee nomlo aŋ ghəa a Zə̀ kə Tə̀dzûu tsə̀ghàtàʼà ghàŋ faŋa fə̀ li fən. Mùghò ŋgee mùʼù sùghò â mbuuw mò alebwiī aŋ ghəa ghəla bughōo kə ghê tsele ghaŋā a wii kə deē.

Gàlashìan 4:3

Aŋghəa sɛ̌ fə̀ naam lô tsəgha mo a kaam kele Kə̀lestò, a mò lo tsəghà ukɔ̂ â zʉ̀ wəla u saʼā mbī.

Gàlashìan 4:9

Yia a kuuwn bughò êzəŋ wəla ghɛ̀ kele tsughu Zə̀ kò, ŋkāa aŋghəa Zə̀ kə̀ kwo ghɛ, ghɛ̀ lo ênzə̂n alekòom nughù ndûw èbàm a vʉ̀a bvùʼù mə̀ nzə̀a ŋ kə̀nughùnùghù məla n saʼā mbī zən a, alendùw doʼò kpeʼe ndûw ukɔ̀ u gheē a?

Gàlashìan 5:15

Abugho ghɛ̀ chuūwn kaāŋ ghue zɛʼɛ zo alo tədzə̀, pfʉa sùghò àsɔŋ aŋ ghùe zɛʼɛ̄, nǐ nlò ghôom zò, ŋkāa ghɛ̀ lo dzuw maʼa mɛʼɛ̄ ghue zɛʼɛ zo.

Efɛsùs 2:2

aŋghəa ghɛ̀ mò boʼ mughù tsəgha a te to ghî a mbī gho, ghɛ̀ m bwîi an lwàŋ u də̀ŋ kə zʉ̀ u biigh wəla u lo kaŋlo edzūŋ alo kəkwɛ̌ɛ, də̀ŋ kən lo zʉ̀ ù biigh wəla u fwaʼā ezəŋ a zəŋò ghì ghəla ghe tsughòsò maʼn Zə̀ kò.

Efɛsùs 4:20

Ghən yò dzə̀ ghəa ghəla ghɛ̀ mò zoʼn kele kɔʼ kùu ndùw Kə̀lestò.

Efɛsùs 5:6

E kwo ko ghùw ù lì lô so e bughô nìi wò zuum tə ushwāʼ tə̀ li to, ù buū fwəlà tsughu tɔ wɛʼɛ̀ a te, tɔŋlo enyəa à lǒ bòʼ ghəa ghən gho Zə̀ kə̀ dêe nʉgha u wə̄n u pfʉa wo a te a zəŋò ghì ghəla ghe zuūw yo â wə̄n.

Fèlepìan 3:2

Nì nlò ghôm zò ghɛ̀ à ghê ghì ghəla ghe ghəəŋ bo zo, ghî ghəla ghe ŋaŋè ghue zo tò tə bvʉ, ghe dzɛ̂ enyəa ghe ki aletèlè sugho tigh kə ghûw sěe ghùw ù te sô telè ki alezə kətuw.

Kòloshìan 2:18

E kwo ko ghɛ̀ lô bomlo enyəa ghùw nìi nughù fəgha kəla kə kûm lô kə̀ kɛʼɛ̄ ko, ghe e tughuso dzaā wo enyəa ghɛ̀ ki alemàʼà naŋā tsughu ghue zɛʼɛ, àsùghò enyəa ghɛ̀ e kɔʼso nduw tsə̀təndə̄ghā tə Kəzə̀ tò, ghe e dzaā wo enyəa ghe ghəa ghən kôʼ wò an ushʉ̀ghà. Ghe moʼnlò enyəa ghe ŋge kwo aghəa, ghəa a te yia a ghəŋlo ghe yia a ghaŋso kaāŋ ghue zo.

Kòloshìan 2:20

Aŋghəa ghɛ̀ mò kpuw dzəəŋ nduw ghɛ̀ à ghê Kə̀lestò, ù mafə zê zə̀ghàa ghɛ am fàŋa kə daʼa kə shʉ̀ghà u mbī wo. À lò kə kwò ghɛ̀ sô lo tò ghɛ̀ naam mùghù ko an lwàŋ u mbī wo a?

Kòloshìan 2:22

Lwâŋ wən bɔɔm lò ko am fʉghà wəla u kôom ki yo fwàʼ kò abugho a fwâʼ tsəgha dzə a te, à sò ghəa a te bùghòo kɔʼ ghuw, zoʼn ndùw àghì a te. Wən tsò lò ko lwâŋ wəla ghî à tɔm naŋā tsughu, zoʼn wò àghì a te.

Kòloshìan 2:23

Ŋgòʼ è lwàŋ wən u bughōo wə n lo ko to tɔ è li e lo nû a te, u sô dêe enyəa ghî ghə̀ e ŋgee kɔʼso tsəghaso tsughuu Zə̀ kò, enyəa ghî ghə̀ màʼn naaŋ tsughu ghue e ghee zo, àsùghò enyəa ghî ghə̀ e mughu aŋ ŋgōʼ. Lò êzə̀ mo lwâŋ wən biso ki yo daʼa kə̀ li ko aleyòsò ghùw alebughuu naŋâ ghəa à kwu ghəla ù ləghaa aleghəŋlo.

1 Timotì 6:20

Timotì, tɔ̀ʼɔ kwo kelē fəgha chìa Zə̀ kə̀ fughu naŋā wo â ghù. Ka è zəən dzə ghəa ghə̀là à buw shwàʼ u Kəzə̀ wò, àsùghò zɔ̀ʼ tə aghəa təla ghî à li a gaām tɔŋlo enyəa à lò utɔ.

2 Timotì 3:13

Ghî à biigh gho àsùghò ghəla ghe dzɛ̂ enyəa ghe lo kən mo ghe yo ghè kò lo e fəghaan boo ndzaʼn mɛʼn nduw, ghe ke e tseē kaaŋ ghî ghò, ghî ghə̀ è tseē sugho ghee.

Hibùlù 13:9

E kwo ndə̀mà tə etsʉ̀ tə̀ fughu tə̀ li tə lô bughò sêe nughùun tsughuu ghɛ an dziī è tsəghatsəgha. À lò ghəa è dzûŋ zò abugho fə̀ŋ e ghùw nɛɛ̄ tsughu mò à lò dzɔ̀ e Kəzə̀, mò à yo dzə̂ aŋ ghəa à naŋlo a lwàŋ u ghəa a ufʉ̀ghàzəa, mo lwâŋ wən yòso yò ghee aŋ ghəa è li zo.

Hibùlù 3:12

Ghòmlo nlò a waazə̂ ghò, e kwo ko ghùw wɛʼɛ lô so e kelê fə̀ŋ è bǐigh, ù e tsoo tuu aleboō fughu â Zə̀ kò, ghəa a te a lô ghəŋlo enyəa ù ka ndûw a vʉ̀a Zə̀ kəla kə lô â tuw ko.

1 Pità 1:18

Ghɛ̀ kwo nû enyəa ghe fə̀ tsə tsəgha nduw fəgha kə̀ səŋò kò alezuū sə tuw kɛʼɛ aŋ ghəa a biigh ghəla ghɛ̌ fə̀ kôʼ ni aŋ ghùu ghê tsele ghɛʼɛ̄. À fə̀ yo dzə alo kəfəgha tò etsɛ ŋkāa tia è nyəghaan zo, u fʉgha to u e boō mîaa.

2 Pità 3:17

Waazə̂ ghaŋa gho, ghəa e nyɔ̂ʼ lô enyəa ghɛ̀ ŋ kele zìi ghəa ghən gho, e ghomlo nlò, e kwo ko gha a ghì ghəla ghe bwîi dzə̀ yo alo kəlàŋ lò so e ghəŋlo enyəa ghɛ̀ bvʉ komlo.

2 Dzɔ̌n 1:8

E ghomlo nlò â ghue zɛʼɛ̄ zo, e kwo ko ghɛ̀ lô ŋgûŋ fəgha kəla ghɛ̀ lo mò ghɛ̀ m fwàʼ nàŋa ghè kò, kuuwn də̀ma tən tsughu ko nlò nû, tò ghɛ̀ ke kele mɛʼɛ̄ namso kɛʼɛ̄ ko kə dzə̀m.