Kòloshìan 2:7 - To kə Kəzə̀ kə̀ Fughu ko

⁷ Ghəəŋ tsughu nlò enyəa ghaŋ ghɛʼɛ a nyəā tughuu tsughu a zəŋò wə̄n, ghɛ̀ bəgha nlò mughù zɛʼɛ zo a zəŋò wə̄n, ghɛ̀ tee tən tsughu ko am boo zɛʼɛ̄ a ndziī zəla ghe mò zoʼn ghɛ a te. Ghɛ è fughuu wə̄n â zɔ̀ɔŋ kò nəgha tən tə̀ dzə̀m aŋ ghəa ghəla ù ghəŋlo â ghɛ̀.

Kòloshìan 2:7 Iomraidhean Croise

Lûk 6:48

Ù lǒ tǒ ghùw wəla ù fə̀ so e bəgha ndughu, tsə̀m dzɔ̀ nyə̀ tsughu kəbəghànlò; tsùghù zìi sə̀ kɔ̀ʼ wò è kuʼ an lùʼu kə̀ tughu ko; fʉ̀ghàdzughù tə̀ mo e səa nù, bùghò tə̀m ughue a an ndughu è te, zə̀ ŋ kè nôʼ, ghe màʼa fə̀ bəgha dzɔ̂ kɔʼ.

Lumà 16:25

To sɛ̀ mô fùghuu ŋkɔʼso â Zə̀ kò. Kə lo nû aleghəŋlo enyəa ghɛ̀ è tɔʼ ti am boo zɛʼɛ̄ â wə̄n aŋghəa ghɛ̀ zoʼn kele kɔʼ Làbəlà e dzùŋ zəla Ǹ zughòo naʼn fɛ ezən. Làbəlà zən kùu ndùw Yɛso Kə̀lestò n dè fùghù sə̀ wò nàn kə eghəa kəla Zə̀ kə fə̀ ki nân naŋa â wîiwì.

1 Kòlentìan 1:8

Ù kè ghə̌əŋ nù ghɛ̀ è tɔʼ ti alendùw kuʼù ndûw, enyəa ghɛ̀ e ke lo mò ghɛ̀ ki dzʉ ù li wo an Tsuʼ u wəla Mughùbè ù sɛ̀ Yɛso Kə̀lestò kə̀ bugho e bàm a te.

1 Kòlentìan 15:58

Waazə̂ ghaŋa ghəla Ŋ̀ ŋgeē ləghaa, tɔ̀ʼɔ tee tsughu nlò, e kwo ko fəgha kə̀ li kə lô noʼsò ghɛ. Ghɛ̀ fughu nduw ghue zɛʼɛ zo alefwaʼā ko â Mughu ù te, ghɛ̀ e kwo tən enyəa fwàʼ kɛʼɛ kəla ghɛ̀ fwaʼā â Mughu ù te yo dzə kə̀nughùnùghù.

2 Kòlentìan 1:21

À kǔuwn lò Kəzə̀ kə kê ghəŋlo a tɔʼɔ̄ teme tsughu alo kəfəgha kə mɔ̀ʼ sɛ̀ à ghê Kə̀lestò, tsuʼ naŋā kɔʼ sùghò sɛ̀ enyəa sɛ̀ e lo ghî a wə̄n gho.

Efɛsùs 3:17

àsùghò enyəa Kə̀lestò e mughu am fə̂ŋ tɛʼɛ bòʼ boo zəla ghɛ̀ ki â wə̄n. Ŋ̀ gɔ̂ŋlò enyəa to ghaŋ ghɛʼɛ a mô nyəā məla tsughu an ləgha zəla ghɛ̀ ki â Zə̀ kò àsùghò aŋ ghuè zɛʼɛ̄.

Efɛsùs 4:21

Ghɛ maā zuw ghəa a wə̄n gho, ghe n zoʼn sughô ghɛ an səŋò zəla e lo kùu ndùw Yɛso.

Efɛsùs 5:20

Ghɛ̀ è fughuu nduw sugho zɔɔŋ kò â Zə̀ kò, Tsele ù sɛ̀ alo aghəa a dzə̀m àsùghò an nə̀gha tən tə̀ dzə̀m an zən e Mughùbè Yɛso Kə̀lestò.

Kòloshìan 1:23

 ghɛ̀ alelo enyə, ghɛ̀ ki aleboō fughu tsughu an səŋò zən, ghɛ̀ tee tən tsughu ko a te, e kwo ko ghɛ̀ lô bomlo enyəa fəgha kə sêe nughù ghɛ am fəgha kəla ghɛ̀ mò zuw ghè kò an làbəlà è dzùŋ zən. Zən lǒ làbəlà è dzùŋ zəla ghɛ̌ fə̀ zuw, zəla ghe fə̀ naʼà nduw â ghì gho a dzə̀m a tsəla kəwālā, tɔɔŋ làbəlà zəla ghuūghùe waŋā Pôl, u tsoō zughò sugho.

Kòloshìan 3:17

Mò ghɛ̀ ghaa ko kə̀ kwò, ŋkāa ghɛ̀ so e kə̂aa ko ghəa è kwò, ghɛ̀ ki aleghəəŋ nduw ghəa a te gho an zən e Mughu ù te, tɔɔŋ Yɛso, abugho ghɛ̀ fughuu zɔ̀ɔŋ kò â Tsele ù sɛ̀ Kə̀zə̀, mò ghɛ̀ tsəghà am bàm e Kə̀lestò.

1 Tɛ̀sàlonìan 5:18

E fughuu nlǒ zɔ̀ɔŋ â Zə̀ kò alo tənə̀gha tə dzə̀m, nu à lò ghəa zəla Zə̀ kə̀ ləghaa enyəa sɛ̀ è ghəəŋ ghè zò, êzəŋ wəlà ghɛ̀ à ghê Kə̀lestò Yɛso lò kəfəgha kə mɔ̀ʼ.

2 Tɛ̀sàlonìan 2:17

Mô dzə̂n fə̀ŋ tɛʼɛ, tə e tughu aŋ ghəa à dzûŋ ghə̀là ghɛ̀ ghəŋlo àsùghò aŋ ghəa ghɛʼɛ à kəa gho.

Hibùlù 13:15

Bùgho nlò tò sɛ̀ fughuu ndûw Kə̀zə̀ êzəŋ â kɔʼso mò tǒ fughu kə sɛ̀ am bàm e Yɛso — aŋghəa sɛ̀ dzâa səa wo an dzughu a sɛ̀ enyəa ù lò Mughu ù te.

Hibùlù 13:9

E kwo ndə̀mà tə etsʉ̀ tə̀ fughu tə̀ li tə lô bughò sêe nughùun tsughuu ghɛ an dziī è tsəghatsəgha. À lò ghəa è dzûŋ zò abugho fə̀ŋ e ghùw nɛɛ̄ tsughu mò à lò dzɔ̀ e Kəzə̀, mò à yo dzə̂ aŋ ghəa à naŋlo a lwàŋ u ghəa a ufʉ̀ghàzəa, mo lwâŋ wən yòso yò ghee aŋ ghəa è li zo.

1 Pità 5:10

Àsùghò abugho ghɛ̀ tsûuŋ fala tsughu aŋ kə̀mà fə enə̀gha, Zə̀ kəla kə ki se e kwuso zo, kəla ke mò tɔŋɔ̄ nyə wô ghɛ an səghanyəgha ŋ wə̄n məla n dòʼò tən, bòʼ sɛ̀ lô fəgha ko kə mɔ̀ʼ sɛ̀ à ghê Kə̀lestò, lo kôʼ enyəa ghəa ghɛʼɛ a dzə̀m ghə ŋ kòom dòʼò kədzûŋ — boo zɛʼɛ zə e tughuu sugho — Kə lo fughuu sughò ghɛ̀ â daʼa ko, ghɛ̀ e tɔʼ ti sugho.

Dzûd 1:12

Ghe lo ko tò na kə dzəa ko kə dzəso ghɛ abugho ghɛ̀ à ghee dzeŋe zəa kùun to a dzə̀m, ghe n zəa ghɛ̀ à ghee mo ghe ki ke yo tuw kə dəla ko, ghe sô lɛɛ̄n təla tsughu ko ghue e ghee zo. Ghe lo tò mbàʼ tə̀ zum to alo kəwāla kǔɛɛ kə foō kaāŋ tsəgha mo ghuuw e yo aletsoō səa tsughuu wô a te. Ghe yia lô sugho tǒ kâʼ fə nûm fò mo fə yo alebɔŋ kətam, mo ghe n dwə̀ən nùghù sə̀ kɔʼ aŋ ghueekətsə̄, mò mə̀ m bùʼ zùm sùghò.

Dzûd 1:20

Waazə̂ ghaŋa ghəla Ŋ̀ ŋgeē ləghaa, ghɛ̀ è kuuwn dəma təla tsughu ko alenoo am boo zɛʼɛ zəla e lô fəgha kə̀ baa ko â ghɛ̀. Ghɛ̀ è gɔŋlo an daʼa kəla Zuʼ tə̀ Zɔlɔ tə fughu â ghɛ̀.

Dzûd 1:24

Ŋ̀ gɔ̂ŋlo enyəa to sɛ̀ mô fùghù ŋkɔʼso n dzə̀m â Zə̀ kò, Zə̀ kəla kə kwu kele ghɛ̀ enyəa e kwo ko ghɛ̀ lô neē bvʉ̂a, Zə̀ kəla kə lo ghəŋlo enyəa ghɛ̀ eduʼnlo abugho kə kê nî wô ghɛ̀ an səghanyəgha ŋ wə̄n mò ghɛ̀ ki yo nyàaŋ fə udzʉ fə̀ li fo am fə̀ŋ tɛʼɛ.