Kòloshìan 2:6 - To kə Kəzə̀ kə̀ Fughu ko

⁶ Ghəa e nyɔ̂ʼ lô enyəa ghɛ̀ m boo fughuu â Kə̀lestò Yɛso, Mughu ù te, e ti ko nlò ghuw ko kə mɔ̀ʼ ghɛ̀ à ghee.

Kòloshìan 2:6 Iomraidhean Croise

Matìo 10:40

“Ghùw wəla ù nì naŋā ghɛ, ù fi nî nàŋa sùghò mùghò, mo e lo enyəa, abugho ghùw nì naŋa mugho, ù fi nî nàŋa sùghò ghùw wəla ù tum sə wô mugho.

Dzɔ̌n 13:20

M̀ fɛ kùum dzàa wò nù â ghɛ̀, Ghùw wəla ù nì naŋā ghùw wəla Ǹ tum wo fi nî nàŋa sùghò mùghò; àsùghò enyəa ghùw wəla ù nì naŋā mugho fi nî nàŋa sùghò wə̄n wəla ù tum wô mugho.”

Dzɔ̌n 14:6

Yɛso n dzɛ̀ ndùw â wə̄n enyəa, “Ǹ lo dzì, yìa Ǹ lô səŋò zò àsùghò mùghù zò. Ghùw yo alebùghò tɛ̂ alô Bə̀ghà mò ù kà tsə̀ghà a zəŋò mùghò.

1 Kòlentìan 1:30

Nu à lò Kəzə̀ kə fughuu ghɛ â mùghùu zəla ghɛ̀ mughu alo kəfəgha kə mɔ̀ʼ ghɛ̀ à ghê Kə̀lestò Yɛso. Zə̀ kə̀ ŋ ghəən tsughu enyəa sɛ̀ e ki tɔ wo am bàm e Yɛso. Yɛso ŋ ghəəŋ tsughu enyəa sɛ̀ e lo tsəghatsəgha a sə kə Kəzə̀ àsùghò enyəa sɛ̀ e lo ghì a Kəzə̀ à zɔlo gho, zùe sè sùghò tuw u sɛ̀.

2 Kòlentìan 5:7

nu ghàʼ fɛ mùghu ko am fəgha kəla a boō fughu tsughu a te, mò à yò dzə am fəgha kəla a koʼò nduw.

Gàlashìan 2:20

E fi lo ko to ghe mǒ ghàʼ à ghê Kə̀lestò təghāa dzəəŋ kɔʼ a dzə̀m alo kədàŋlo; à kòom yò dzə̂ mugho M̀ mughu, à lǒ Kə̀lestò ù mùghù a zəŋò mùghò. Mughùu zəla M̀ mughu êzə̄ŋ aŋ gwə̀n e ughùe, M̀ mughu ghè zò am fə̂ŋ zəla Ŋ̀ gaʼ tsughu a zəŋò Wɛ̀ ù Kə̀zə̀, wəla ù mò ləgha tsughu mugho, ù m fùghù ndùw tuw kə wə̄n aŋ ghəa zaŋā.

Gàlashìan 3:26

Tɔŋlo enyəa ghɛ̀ a dzə̀m lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso.

Efɛsùs 4:1

Bòʼ ghəa ghə̀n a dzə̀m Zə̀ kə̀ lo mo kə ghəŋlo â ghɛ̀, zən lò e ghee, mùghò wəla Ǹ lô fɛ an ndùghùtsāʼ bòʼ M̀ fwaʼà â Mughu ù te, M̀ buʼū wô ghu ko â ghɛ̀ enyəa ghɛ̀ è mughu mughù zəla ghî a Kəzə̀ ki alemùghù ghè zò, zəla Zə̀ kə fə̀ tɔŋɔ ghɛ a te.

Fèlepìan 1:27

Ghəa è səŋò zə èzəŋ e lo ko enyəa, ŋgòʼ è dzì zəla ghɛ̀ mughu a te ki alelo fəgha kəla làbəlà è dzùŋ è Kə̀lestò dzâa ghè kò, enyəa abugho M̀ bùghò kôʼ ko ghɛ ŋkāa M̀ bûʼ buw ko alebùghò kòʼ ghɛ̀, mùghò è ke lo alezuūw wo enyəa ghɛ̀ kûum tì nû alo kəfəgha kə mɔ̀ʼ, àsùghò enyəa am fə̂ŋ e mɔ̀ʼ, ghɛ̀ è dəma alekwuū kelè boo zəla ghɛ̀ zoʼn kɔʼ an làbəlà è dzùŋ è te.

Kòloshìan 1:10

Ghàʼ yia gɔ̂ɔŋ sugho enyea ghɛ̀ è mughu mùghù zəla e kɔʼso Mughu ù te, mughù zəla e ghəŋlo Mughu ù te n tsoʼnlo, ghɛ̀ e ghəəŋ ghəa à dzûŋ ghə̀n a dzə̀m, ghɛ̀ ke biso bugho kele tsughu Zə̀ kò, ghɛ̀ tsəgha taʼa.

Kòloshìan 3:17

Mò ghɛ̀ ghaa ko kə̀ kwò, ŋkāa ghɛ̀ so e kə̂aa ko ghəa è kwò, ghɛ̀ ki aleghəəŋ nduw ghəa a te gho an zən e Mughu ù te, tɔɔŋ Yɛso, abugho ghɛ̀ fughuu zɔ̀ɔŋ kò â Tsele ù sɛ̀ Kə̀zə̀, mò ghɛ̀ tsəghà am bàm e Kə̀lestò.

1 Tɛ̀sàlonìan 4:1

Alendùw â sə ko a waazə̂ ghaʼa gho, ghàʼ toon wò ghɛ̀, dzàa wò sùghò â ghɛ̀ an zən e Mughubè Yɛso enyəa ghɛ̀ è mughu nduw ko ŋgòʼ è mùghùu zəla ghǎʼ mò zoʼn ghɛ a te, tò aŋghəa ghɛ̀ nyɔʼɔ ghəəŋ dzə̄ ezə̄ŋ, àsùghò enyəa ghɛ̀ è naam mughu nduw ko mughùu e te zo êzə̀.

Hibùlù 3:14

Abugho sɛ boō fughu tən tsughu ko nù alendùw kuʼù ndûw, yia a gaʼ tsughu ko fə̀ŋ a zəŋò Zə̀ kò aŋghəa a mò ki gaʼ a te sûesʉ, sɛ̀ lo zəa dzeeŋ sughò nù fʉgha wəla u lô Kə̀lestò wò.

1 Dzɔ̌n 2:6

Ghî ghəla ghe dzɛ̂ enyəa ghe lo alo kəfəgha kə mɔ̀ʼ ghèe ghê Zə̀ kò kì alebɔɔ̄m bwii ko aŋ ghùw kə ebwìi kè Yɛso Kə̀lestò.

1 Dzɔ̌n 5:20

Sɛ̀ kwo sugho nû enyəa Wɛ ù Kə̀zə̀ ù nùu m bùghò, vʉ̀a ù fughu sɛ̀ â tɔ wo alezuūwkɛlɛ Zə̀ kə̀ êsəŋò kò a te. Sɛ̀ à ghê Zə̀ kə̀ lo alo kəfəgha kə mɔ̀ʼ àsùghò Wɛ u wə̄n, tɔɔŋ Yɛso Kə̀lestò. Ù lǒ Zə̀ kə̀ səŋò kò, vʉ̀a ù fughuu mughù e doʼn təla zo.

Dzûd 1:3

Fən a fə̂ŋ ghaŋa à dzûŋ gho, mùgho mò kuuwn ki nû moʼn zò aletɔɔ̄ wô ghɛ̀ â mwàʼsò kò kùu ndùw aŋghəa Zə̀ kə̀ lo dzeŋe bəghaasəa sɛ̀ a dzə̀m a te, yìa Ŋ̀ kôom kôʼ tsughu enyəa, Ŋ̀ ki nû alebuʼu wô kə̀ghu â ghɛ̀ enyəa ghɛ̀ tɔʼ tee tsughu am boo zəla ghe fə̀ ki fughu naŋā to â ghî a Kəzə̀ à zɔlɔ gho a dzə̀m, fughu tən ko êsəŋò.