Kòloshìan 2:5 - To kə Kəzə̀ kə̀ Fughu ko

⁵ Ghəa M̀ bûʼ lɔʼso lô ko fɛ, fə̀ŋ zaŋa lo fi ezə̀ sɛ̀, yìa Ŋ̀ ki sughò duʼnzo alekòʼ aŋghəa ghɛ̀ mughù dzɔ a te àsùghò aŋghəa ghə̀la boo zɛʼɛ̀ e tɔ̂ʼ ti a te a zəŋò Kə̀lestò.

Kòloshìan 2:5 Iomraidhean Croise

Kə̀fwàʼ 2:42

Ghe n tēe ten tsughu ko alezuuw tsʉ̂ è tətum zə̀ àsùghò aŋ ghəa a ghee à ghəəŋ dzəəŋ gho, zəa dzəŋlo, gɔ̀ɔŋ dzə̌əŋ sùghò.

Kə̀fwàʼ 20:21

geen ndùw ghì a Dzûu àsùghò Tòʼò zò enyəa ghe a dzə̀m kuūwn kɔʼ emwam, ghe boo ndûw â Zə̀ kò àsùghò â Mughùbè ù sɛ̀, Yɛ̀so Kə̀lestò.

1 Kòlentìan 11:34

Mò dzə̀ŋ zǎa ghùw wɛʼɛ ù li, ù n zə tən kɔʼ an ndughu alô wə̄n, enyəâ e kwo Zə̀ kə̀ lô saʼā ghɛ abugho ghɛ̀ bughò zûuŋ wo. Abugho Ǹ lo bugho, Ǹ lo bughò fughuu mɛʼɛ̀ wô tsʉ̀ è li zən.

1 Kòlentìan 14:40

Ghəa a te gho a dzə̀m kuuwn bɔ̌ɔm ki alebwiī kɔʼɔ nduw shìa fə̀shìa aŋghəa a ki alebwìi a te.

1 Kòlentìan 15:58

Waazə̂ ghaŋa ghəla Ŋ̀ ŋgeē ləghaa, tɔ̀ʼɔ tee tsughu nlò, e kwo ko fəgha kə̀ li kə lô noʼsò ghɛ. Ghɛ̀ fughu nduw ghue zɛʼɛ zo alefwaʼā ko â Mughu ù te, ghɛ̀ e kwo tən enyəa fwàʼ kɛʼɛ kəla ghɛ̀ fwaʼā â Mughu ù te yo dzə kə̀nughùnùghù.

1 Kòlentìan 16:13

Tiso kɔʼ nlò tuw ko e dzūŋ, tɔ̀ʼɔ tee tsughu nlò aŋghəa zəla ghɛ̀ gaʼ fəŋ a te, kǎ nlò ghəa zo e tsəŋo, e tughuu nlò.

Kòloshìan 2:1

Na tò Ǹ dzɛ â wô â ghɛ̀ aŋghəa Ǹ dəma a te aŋ ghəa ghɛʼɛ àsùghò aŋ ghəa a ghì a yia ghe lo an Laòdisia; bùʼù də̀mà sùghò aŋ ghəa a ghì ghəla ghe lo mo ghe kǎam kwâʼ u usʉ waŋā wə ŋ kô kòʼ tsəghà.

1 Tɛ̀sàlonìan 2:17

Waazə̂ ghaʼa gho, ghə̀a ghe mò bû bâʼ nughù tsughu ko ghaʼ a zəŋò ghɛ̀ am kə̀mà fə̀ kə ghā, à fə̀ yo dzə̂ fə̂ŋ taʼa ghe fə̀ bâ nughu, ghàʼ n də̀m enyəa to a mô kôom bughò èbàm, a sô mbûŋlo enyəa to sɛ̀ mò koʼò dzəə̄ŋ ndûw kàʼ mə̀ esʉ̄.

1 Tɛ̀sàlonìan 3:8

Ghàʼ lo nû alendzəə̄m mughu êzə̄ŋ abugho boo zɛʼɛ̄ e nyɔ̂ʼ ti dzə̄ èzə̀ aŋ ghəa e Mughu ù te.

Hibùlù 3:14

Abugho sɛ boō fughu tən tsughu ko nù alendùw kuʼù ndûw, yia a gaʼ tsughu ko fə̀ŋ a zəŋò Zə̀ kò aŋghəa a mò ki gaʼ a te sûesʉ, sɛ̀ lo zəa dzeeŋ sughò nù fʉgha wəla u lô Kə̀lestò wò.

Hibùlù 6:19

Tùʼ zəla a chiī lo ko tǒ tə̀m â ghue e sɛ̀ zò, yia a tɔ̂ʼ kwo enyəa e lò êzə̀, tɔʼ tì a te, ghùw wəla a chī tùʼ a zəŋò wən lo wəla ù nyəa daŋso ndùw an tsughu e baa zo a bǎa evʉa alo kəwalā.

1 Pità 5:9

Tɔ̀ʼɔ tee tən tsughu ko nlò am boo zɛʼɛ̄, e kwo ghɛ̀ lo bomlo enyəa ù tughuu tsəghà ghɛ̀; ghɛ̀ kwo nû enyəa waazughù à li a bɔɔm faan sùghò fala è mɔʼɔ̄ zo am mbī e dzə̀m.