Kòloshìan 2:4 - To kə Kəzə̀ kə̀ Fughu ko

⁴ Ŋ̀ ghəa ghən fɛ â ghɛ̀ dzâa wò enyəa ghɛ̀ tiso kɔʼ tuw ko edzuŋ an dzì zəla ghùw ù lì ki yo alenìi wô àgha ù bugho tsê ghɛ̀ a te, abugho shwaʼ u wə̄n u te u buʼù kpəŋò ko tǒ kə kwò.

Kòloshìan 2:4 Iomraidhean Croise

Matìo 24:24

Tɔŋlo enyəa, Kə̀lestò tə agha tə lo səa kɔʼɔ nù, àsùghò ghǐishùghà ghə agha gho, ghe e deē tsə̌a tə̀ fɛɛ̄n to, à sə̀ghà mò, enyəa abugho dzì lǒ, ghe buʼù sêe məŋsō ghì ghəla Zə̀ kə̀ tsɔʼ kɔʼ.

Matìo 24:4

Yɛso n daŋso bɛ̀lɛ̀ tsùghu ghee enyəa, “Nì nlò nəgha zo, ghùw lò sêe məŋso ghɛ.

Mâk 13:22

Tɔŋlo enyəa ghê Mɛ̀sayà ghə agha, àsùghò ghǐishʉ̀ghà ghə agha a lo vùuŋ nùghùn sə̌a kɔʼɔ nù, ghe e deē wo tsə̌a to à sə̀ghà mò alesèe məŋso ghì ghə̀là Zə̀ kə̀ mò shîaa kɔʼ.

Kə̀fwàʼ 20:30

Ghî à lī lo buʼù səā kɔʼɔ̄ sugho am bvʉa zɛʼɛ̄ ghe e kaʼn wo ghā gho, alekwuū ŋgwûu tsughu tɔ u ghì a Kəzə̀ enyəa ghe nughù wo a bàâ ghee.

1 Kòlentìan 2:4

Shwaʼ waŋa àsùghò tsʉ̀ zaŋa zo fə̀ zɔlɔ nû. Ŋ̀ ka fə ghəa gho â ghɛ nəghaan kə̀a dzə̀ nû ŋkāa Ŋ̀ ka fə kə̂a sùghò an tsè n utɔ̄, mùghò fə ghəa gho â ghɛ̀ kəaa an daʼa kə Zuʼ tə̀ Zɔlɔ to.

2 Kòlentìan 11:3

Ǹ sô fɛ tsəŋo enyəa aŋghəa zughu fə̀ nɔm fughu tsughu Êf, mò zughu è te tɔɔ ko nʉghànʉghà tò ekom, ghe lo sèe mɛ̀ŋso nù tuw wɛʼɛ wo, ghɛ̀ lo ti zəghāa tsughu kùum kə kəfwàʼ kəla ghɛ̀ fwaʼā â Kə̀lestò am fə̂ŋ zɛʼɛ e dzə̀m, mò ghɛ̀ fwaʼà an dziī è zɔ̀lɔ.

Gàlashìan 2:4

Ghəa à sughoo a kətigh ghən fə̀ sə kɔʼ wo bòʼ ghî ghə agha à li gho ghe fə̀ ŋgaām nyə wo am bvʉa e ghì a Kəzə̀, ghe n nɔmlo agha enyəa ghe lo ghî a Kəzə̀. Mo e ghee e fə̀ lo ko alebùghò tsêen kôʼ ndzə̀m kə emùghùu kəla a mughu aŋghəa sɛ̀ lô fəgha ko kə mɔ̀ʼ sɛ̀ à ghê Kə̀lestò Yɛso. Ghî ghə agha a te ghə n ləghaa enyəa ghàʼ doʼò tsughu ukɔ̂ a bàâ bughōo kə Tə̀dzûu kò.

Efɛsùs 4:14

Sɛ̀ kê koom yo dzə̂ wɛghêtùghù gho, enyəa mo à bugho ko ndughò à tsʉ̀ zə agha e wən zo a n sə̀ tə̀ŋò ndùw a baa wən tò tùŋutùŋù kə dzughù kə̀ lô tûuŋ kaāŋ kwə̀n ko an dzughù.

Efɛsùs 4:17

Tɔ̀ʼɔ naŋa wò nlò tuūŋ ko an tsʉ̀ zəla Ǹ tsʉ̂a wô ghɛ fɛ a te an daʼa kə Mughu u te, enyəa, ghɛ̀ ka kôom mùghù dzə̀ ŋgòʼ è mùghù zəla Toʼò e mughu ghè zo, nu ghe moʼn təla ko ghəa ghəla a kwuū yô ghəa zo.

Efɛsùs 5:6

E kwo ko ghùw ù lì lô so e bughô nìi wò zuum tə ushwāʼ tə̀ li to, ù buū fwəlà tsughu tɔ wɛʼɛ̀ a te, tɔŋlo enyəa à lǒ bòʼ ghəa ghən gho Zə̀ kə̀ dêe nʉgha u wə̄n u pfʉa wo a te a zəŋò ghì ghəla ghe zuūw yo â wə̄n.

Kòloshìan 2:18

E kwo ko ghɛ̀ lô bomlo enyəa ghùw nìi nughù fəgha kəla kə kûm lô kə̀ kɛʼɛ̄ ko, ghe e tughuso dzaā wo enyəa ghɛ̀ ki alemàʼà naŋā tsughu ghue zɛʼɛ, àsùghò enyəa ghɛ̀ e kɔʼso nduw tsə̀təndə̄ghā tə Kəzə̀ tò, ghe e dzaā wo enyəa ghe ghəa ghən kôʼ wò an ushʉ̀ghà. Ghe moʼnlò enyəa ghe ŋge kwo aghəa, ghəa a te yia a ghəŋlo ghe yia a ghaŋso kaāŋ ghue zo.

Kòloshìan 2:8

E kwo ko ghùw ù lì lô so è ndûw bùghòo â tɔ u ghì am mbī wo, ù bùghò ghəə̄ŋ tsughu enyəa ghɛ̀ doʼo tsughu kɔ̂ wò â wə̄n, aghəa mò à lò nzə̀azə̀a ŋ kwu mò ghî a mbī a mò moʼn sə kɔʼ, zoʼn ndùuŋ tsùghuu wò àghì a te, àsùghò ghəla a nughùun wo aŋ ghùu shʉ̀ghà u mbī wo, mo a te a kâ sə̀ dzə̀ aŋ ghùu Kə̀lestò.

2 Timotì 2:16

Kà è boom naaŋ shwaʼ ù laʼso wo, tɔŋlo enyəa shwaʼ ù laʼso u te gbôo sɛ̀ɛ sə̌a wò aghì aŋ ghəa e Kəzə̀, fəghaan sèe məŋso nyəa ndùw àghì aŋ ghê.

2 Timotì 3:13

Ghî à biigh gho àsùghò ghəla ghe dzɛ̂ enyəa ghe lo kən mo ghe yo ghè kò lo e fəghaan boo ndzaʼn mɛʼn nduw, ghe ke e tseē kaaŋ ghî ghò, ghî ghə̀ è tseē sugho ghee.

1 Dzɔ̌n 2:18

Wɛ ghaŋā gho, nəgha e te zə m kpe aŋghəa ghe mò dzɛ̂ naŋā â ghɛ̀ enyəa ghùwkə̀tuw ù Kə̀lestò lo bùghò nù, alebùʼù nì tsughu ko ezəŋ ndə̀m è ghee m bùghò. Zən lô dzì zəla a kele a te enyəa nəgha zəla mbī so e bughò mîa a te, zə m kpe.

1 Dzɔ̌n 2:26

Ŋ̀ ghəa ghən fɛ â ghɛ̀ tɔɔ wò kùu ndùw ghî ghəla ghe ləghaa alesèe məŋso ghɛ̀.

1 Dzɔ̌n 4:1

Fən ghaŋā gho, kâ nlò e tsoō boom fughu ko â ghî ghən a dzə̀m ghe dzɛ̂ enyəa ghe ki Zuʼ tə Kəzə̀ mò ghɛ̀ kâ ghe bûʼ mɔ̀msò kòʼ tsughu dzə̀ alekele enyəa à Zuʼ tə te tə tə̂əm fughu to Kə̀zə̀ à; tɔŋlo enyəa ghiīshʉ̀ghà ghə agha a dûuw nù am mbī.

2 Dzɔ̌n 1:7

Ndə̀mà tə ghî ghə agha tə n sə̀ ndùw am mbī, ghî ghəla ghe tuū maʼnlo enyəa Yɛso Kə̀lestò ka fə fɛ am mbī bughò dzə̀ to ghùw. Ŋgòʼ e ghì ghən lo ghî ghəla ghe sèe məŋso ghî ghò, lò sugho ghîikətuw a Yɛso.

Edêe Fughu 12:9

Ghe nì màʼà tsughu faŋkwu kə ŋgə̄m chì, zùghù è wǐiwǐi è te, ghe tɔŋlo enyəa à lò avʉatsə̄a àsùghò Satàn, wəla ù nɔɔ̄m kaāŋ ghî gho am mbī e dzə̀m — ghe m màʼà tsùghù wò wən aŋ ghueekətsə̄, màʼà tsùghù wò sùghò tsə̀təndə̄ghā tə wə̄n ghèe ghee.

Edêe Fughu 13:8

Ghî ghə̀n à dzə̀m ghe mughù aŋ ghueekətsə̄ lo e kɔ̄ʼsō sugho wə̄n, ghî ghəla ghe fə̀ so e bughò bɔm mbī mo zən a ghee a kaān nyə am dzə̀ mwàʼsò kə emùghùu kə Tsʉa u Ndzì wəla ghe fə̀ sugho wī.

Edêe Fughu 20:3

Ù n nì màʼà nyə̀ tsùghù ndùw wən fughu alo kəbùʼ, dzʉ̀a fè nàŋa ndùw wə̄n fughu, enyəa e kwo ko ù lò kôom sè mə̀ŋso sugho naʼà tò am mbī, mò a gɔ̀ʼɔ̀ ko mo kam è tə̀nùu zən bùghò tsəghà nughù. Abugho nəgha zən lo tsəghà tsughu, ghe lo ki aletsʉā zəghà tsugho wə̄n aŋ kə̀mà fə enəgha.

Edêe Fughu 20:8

Ù kè sə̌a wò alebùghò sêe məŋsô kâaŋ nàʼà təla tə lô kaŋlo am mbī, mo ghe naʼà tən tə tɔŋlo enyəa à lo Gɔ̂ʼ àsùghò Magɔ̀ʼ, alezùuŋ wô ghee an tsə a tsam; tàŋ è ghee lo n də̀m tò shiashia kə mǎakùw.