Kòloshìan 2:20 - To kə Kəzə̀ kə̀ Fughu ko

²⁰ Aŋghəa ghɛ̀ mò kpuw dzəəŋ nduw ghɛ̀ à ghê Kə̀lestò, ù mafə zê zə̀ghàa ghɛ am fàŋa kə daʼa kə shʉ̀ghà u mbī wo. À lò kə kwò ghɛ̀ sô lo tò ghɛ̀ naam mùghù ko an lwàŋ u mbī wo a?

Kòloshìan 2:20 Iomraidhean Croise

Dzɔ̌n 15:19

Abugho ghɛ̀ mò lo ghî a mbī gho, to mbī mô lə̀ghaa ghɛ̀. À sò fɛ lo enyəa mugho mo ghɛ fɛ am mbī shîaa nughu sə wo enyəa ghɛ̀ ka kôom doʼò sùghò tò ghî a mbī gho. Zə lo e ghe ghî a mbī bâa ghɛ.

2 Kòlentìan 10:3

Sɛ̀ kpuwso mùghù ko nû fɛ am mbī, sɛ̀ kuuwn təma yo tsàm è sɛ̀ aŋghəa ghî a mbī a təma è ghee a te.

Gàlashìan 4:3

Aŋghəa sɛ̌ fə̀ naam lô tsəgha mo a kaam kele Kə̀lestò, a mò lo tsəghà ukɔ̂ â zʉ̀ wəla u saʼā mbī.

Gàlashìan 6:14

Yia a bùghò, Ŋ̀ ki ko aletsɔɔ̄ fə̀ŋ an dǎaŋ kə Mughùbè ù sɛ̀, Yɛso Kə̀lestò. Ghəa a mbī a dzə̀m à lo kənughùnu â mùghò, yìa à lǒ tò mùghò m kpuw â ghəa a mbī gho.

Efɛsùs 2:15

Kə̀lestò mafə zê màʼà lwâŋ u Tə̀dzûu àsùghò ghəa ghela lwâŋ u gəə̄n ghî gho a te an vʉ e wə̄n, ù fə̀ ezə ghəŋlo enyəa to Etoʼò àsùghò Dzûu to mò bùghò doʼò ghì a fughu gho a zəŋò wə̄n to bughunlo e doʼò,

Kòloshìan 2:14

Zə̀ kə̀ n zè màʼa ndàŋ kə sɛ̀ kə̀là Ù mò tɔm naŋā. Ndàŋ kəla sɛ̀ mò ki aletsə̄ aŋghəa lâŋ kə̀ deē abugho ghùw bvʉ̂ tsughu lâŋ kò, kə n nì bàan màʼa mwàʼsò u te wo am vʉ zəla Yɛso mò kpuw ghè zò, nì bɛ naŋa kɔʼ ghəa a te gho alo kədàŋlo.

Kòloshìan 2:16

À fi lo enyəa ghùw ù lì ki yo alesāʼ ghɛ am fəgha kəla ghɛ̀ zəā ŋkāa ghɛ̀ mʉā ghè kò. Ghe ki sugho yo alesaʼ ghɛ abugho ghɛ̀ zeē tsəgha yo Tsuʼutəntsə̄ tə Tə̀dzûu tò ŋkāa abugho ghɛ̀ zeē tsəghà yo tsuʼu məla Dzûu tə̀ zəā zə ko a te ŋkāa abugho ghɛ̀ zəā tsəghà yo zə kə Ndzɔ̄ŋ è fughu ko.

Kòloshìan 2:21

À sò lo kwò ghɛ̀ sô naām zuūw ko lwâŋ wən wo enyəa, “Kà kwu kele fəgha chì ko ŋkāa kən! Kà mɔ̂m zuw kə chi ko ŋkāa kən! Kà bûʼ mɔ̀m kən ko ŋkāa kə chî!”

Kòloshìan 2:8

E kwo ko ghùw ù lì lô so è ndûw bùghòo â tɔ u ghì am mbī wo, ù bùghò ghəə̄ŋ tsughu enyəa ghɛ̀ doʼo tsughu kɔ̂ wò â wə̄n, aghəa mò à lò nzə̀azə̀a ŋ kwu mò ghî a mbī a mò moʼn sə kɔʼ, zoʼn ndùuŋ tsùghuu wò àghì a te, àsùghò ghəla a nughùun wo aŋ ghùu shʉ̀ghà u mbī wo, mo a te a kâ sə̀ dzə̀ aŋ ghùu Kə̀lestò.

Kòloshìan 3:3

Nu ghɛ̀ êzəŋ e lo tò ghî a kpuuwn gho, mughù zɛʼɛ zəa e nân doʼò a zəŋò Kə̀lestò, êzəŋ wəla ghɛ̀ à ghê Zə̀ kə̀ lo alo kəfəgha kə mɔ̀ʼ.

Hibùlù 13:9

E kwo ndə̀mà tə etsʉ̀ tə̀ fughu tə̀ li tə lô bughò sêe nughùun tsughuu ghɛ an dziī è tsəghatsəgha. À lò ghəa è dzûŋ zò abugho fə̀ŋ e ghùw nɛɛ̄ tsughu mò à lò dzɔ̀ e Kəzə̀, mò à yo dzə̂ aŋ ghəa à naŋlo a lwàŋ u ghəa a ufʉ̀ghàzəa, mo lwâŋ wən yòso yò ghee aŋ ghəa è li zo.

Dzɛ̂ms 4:4

Ghɛ̀ ghî à səa ndzaŋa gho, ghɛ̀ kwo yo enyəa ghî ghəla ghe bwîi fwən wo ghèe ghê fʉgha u mbī wo lo ghî a kətuw a Kəzə̀ a? À fi lo enyəa, ghùw wəla ù mòʼnlo alebwiī fwən wo ghèe fʉgha u mbī wo fi doʼò dzə ghùw ù kə̀tūw ù Kə̀zə̀.

1 Dzɔ̌n 5:19

Sɛ̀ kwo nû enyəa sɛ̀ lo wɛ a Kəzə̀, aŋghəa mbī e dzə̀m tso bûʼ lo ko an daʼa kə avʉatsə̄a.