Kòloshìan 2:19 - To kə Kəzə̀ kə̀ Fughu ko

¹⁹ 19 Ŋgòʼ è ghì ghən enyə kòom bùʼù zǔuw yo â Kə̀lestò wəla ù lò tuw ko â ghì a Kəzə̀ ghò a dzə̀m; Kə̀lestò wəla ù nì təmdzəə̄ŋ wô ghî a Kəzə̀ ghò a dzə̀m alo kəfəgha kə mɔ̀ʼ enyəa ghe e nomlo aŋghəa Zə̀ kə̀ ləghaa.

Kòloshìan 2:19 Iomraidhean Croise

Lûk 5:38

Ghùw lǎam ki aledzə̀n sə̀ŋ zə̀ nlʉ̀ an sùʼ è fughu.

Dzɔ̌n 17:21

Yìa Ŋ̀ gɔ̂ŋlo enyəa to ghe mô lò alo kəfəgha kə̀ mɔ̀ʼ aŋ ghùe e ghee, tò aŋghəa ghàʼ à ghù bɔɔ̄m lô sugho alo kəfəgha kə mɔ̀ʼ a Tsele, àsùghò enyəa sɛ̀ à ghee e bɔɔm lo sugho alo kəfəgha kə mɔ̀ʼ; to mbī boo tsughu enyəa a mùghò tum wò ghù.

Kə̀fwàʼ 4:32

Nɔ̂e kə aghì chia kə mò boō tsughu n lo ko am fə̂ŋ e mɔ̀ʼ, lò sugho alo kəfəgha kə mɔ̀ʼ. Ghùw ù lì n yo sugho a te aledzɛ̀ enyəa e ki kəfəgha mò à tɔ̀ʼ lò ko kə wə̄n ko, fʉgha wə̀n ù dzə̀m chìa mò ki, ghe mò dzeŋe ki nû.

Lumà 11:17

A nî tsughu enyəa ghe bvuʼn nùghù tsùghù kwèe tə̀ li to aŋ kàʼ fə̀ Olèf fə enaʼ fo, ghe yia ndûw nîi wò kwèe kò aŋ kàʼ fə Olèf fə ŋgwən fo, bùghò nyùŋ naŋa nyə̀ wò aŋ kàʼ fə Olèf fə enaʼ fən. Ghɛ̀ Toʼò è lo tò kwêe kə kàʼ fə Olèf fə ŋgwən fo, ghɛ̀ yia mùghù mughu zəla Zə̀ kè ləghaa êzə̄ŋ, zəla Dzûu tə̀ fə̀ mughù tsəgha.

1 Kòlentìan 1:10

M̀ buʼu kə̀ghu â ghɛ̌ a waazə̂ ghò, an zən e Mughùbè ù sɛ̀ Yɛso Kə̀lestò, enyəa ghɛ̀ a dzəm kele tsughu dzə e mɔ̀ʼ, ghɛ̀ ka ndzughùun dòʼò dzə̀ aŋ ghùe zɛʼɛ̄, ghɛ̀ laam doʼō tsughu fəgha ko kə mɔ̀ʼ am fə̂ŋ e mɔ̀ʼ, ghɛ̀ è naaŋ ko dzughu zo e mɔ̀ʼ a lo eghəa.

1 Kòlentìan 11:3

Ŋ̀ ləghaa enyəa ghɛ̀ zuwkɛlɛ tsughu enyəa Kə̀lestò lò kətuw a zəŋò wìnû, wìnû vʉ̀a ù lò tuw ko a zəŋò wi ù wə̄n, Zə̀ chia kə lô tuw ko a zəŋò Kə̀lestò.

1 Kòlentìan 3:6

À fə̀ fʉgha u te u tam nduw mugho, Àpolòs mo èbvʉnlo, Zə kə̀ ŋ kuūwn ghəəŋ tsughuu enyəa fʉgha u te u noō səā kɔʼ.

Efɛsùs 1:22

Zə̀ chia kə nî naŋā tsughu fʉgha wo u dzə̀m a tsəlà wə̄n, chia kə naŋā tsughu sughò wə̄n tò kətuw alo ufʉgha u dzə̀m an dzɔ̀ e ghì a Kəzə̀

Efɛsùs 1:23

Ghî a dzeŋe kə ghì a Kəzə̀ a lo tò gwə̄n e ughùe e Kə̀lestò, à bɔ̌ɔm lue kpeen tsughu ko wə̄n a te, wən wəla ù lue kpeen kaāŋ wo alo ufʉgha u dzə̀m.

Efɛsùs 2:21

À ndùghù è te e dzə̀m kwu kele wə̄n, vʉ̀a ù ghəə̄ŋ sugho enyəa è noō doʼò tsughu è baa zo â Mughu u te.

Efɛsùs 4:3

Zuʼ tə Kəzə̀ tə̀ ghəəŋ nù ghɛ̀ yia lo alo kəfəgha kə mɔ̀ʼ aŋghəa ghɛ̀ mughu alo ebughunlo, mò à lò bughunlo e te zo e nîi wò ghɛ alo kəfəgha kə mɔ̀ʼ; e dəma təla tsughu nlò alemùghù êzə̀.

Efɛsùs 5:29

Tɔŋlo enyəa ghùw ù lì yo dzə̂ ù bàa ghue u wə̄n wo, ù lǎam lɛnlo â ghè wò, tsʉa sùghò tò aŋghəa Kə̀lestò ghəŋlo â dzeŋe kə ghì a Kəzə̀ ghò,

Fèlepìan 1:27

Ghəa è səŋò zə èzəŋ e lo ko enyəa, ŋgòʼ è dzì zəla ghɛ̀ mughu a te ki alelo fəgha kəla làbəlà è dzùŋ è Kə̀lestò dzâa ghè kò, enyəa abugho M̀ bùghò kôʼ ko ghɛ ŋkāa M̀ bûʼ buw ko alebùghò kòʼ ghɛ̀, mùghò è ke lo alezuūw wo enyəa ghɛ̀ kûum tì nû alo kəfəgha kə mɔ̀ʼ, àsùghò enyəa am fə̂ŋ e mɔ̀ʼ, ghɛ̀ è dəma alekwuū kelè boo zəla ghɛ̀ zoʼn kɔʼ an làbəlà è dzùŋ è te.

Kòloshìan 1:10

Ghàʼ yia gɔ̂ɔŋ sugho enyea ghɛ̀ è mughu mùghù zəla e kɔʼso Mughu ù te, mughù zəla e ghəŋlo Mughu ù te n tsoʼnlo, ghɛ̀ e ghəəŋ ghəa à dzûŋ ghə̀n a dzə̀m, ghɛ̀ ke biso bugho kele tsughu Zə̀ kò, ghɛ̀ tsəgha taʼa.

Kòloshìan 1:18

Ù lò kətuw â ghì a Kəzə̀ ghò a dzə̀m, tɔɔŋ dzeŋe kə ghì a Kə̀zə̀. À fə̌ Ndughu è Kə̀zə̀ se tsughu wə̄n, Ghùw ù sûesʉ wəla Zə̀ kə fə̀ zôm nughù kɔʼ alo evʉ̄, enyəa ù e lo sə ko a lo aghəa a dzə̀m.

Kòloshìan 2:2

Ŋ̀ ghəa ghən ghəŋlo enyəa to fə̂ŋ tə ghee tə mô nyəā tsughu, ghe nîi kɔʼ eləgha tò fəgha kəla kə kwuu kɔɔn ghee alo fətùʼù, ghe e kwo tən enyəa e lo êzə̀ aŋghəa ghe bughò zuwkɛlɛ̄ tsughu səŋò e te zo. A n dziī zən, ghe lo zuūwkɛlɛ enyəa nàn kə eghəa kəla kə lo aŋ ghəa a Kəzə̀ lǒ Kə̀lestò.

1 Tɛ̀sàlonìan 3:12

To Mughu u te mô ghəŋlò enyəa ləgha zə̀lā ghɛ̀ ki a zəŋò ghì à li gho àsùghò aŋ ghùe zɛʼɛ̄ mô dùuw tò aŋghəa zaʼā e lo a te a zəŋò ghɛ̀.

1 Tɛ̀sàlonìan 4:10

À kùm lò nu èsəŋò enyəa ghɛ̀ ləgha nù waazə̂ ghɛʼɛ gho an naʼ e Masɛ̀edonìa. Ghàʼ fɛ naam kuuwn toon kpeʼe wò ko ghɛ̀ a waazə̂ ghaʼa gho enyəa ghɛ̀ kele nduūŋ nduw ko mwam u te wo.

2 Tɛ̀sàlonìan 1:3

Waazə̂ ghaʼa gho, ghàʼ ki alefughuu zɔ̀ɔŋ kò â Zə̀ kò nəgha tən tə̀ dzə̀m, mo e ŋgəmso dzɔ̀ɔ nù aleghəŋlo èzə̀ tɔŋlo enyəa boo zɛʼɛ̄ àsùghò ləgha zəla ghɛ̀ ki aŋ ghùe zɛʼɛ̄ ŋgee noom nù.

1 Pità 3:8

Alemìasò tsughu, ghɛ̀ a dzə̀m ki alemùghù alo kəfəgha kə mɔ̀ʼ, ləghàa ghue zɛʼɛ am fə̂ŋ e mɔ̀ʼ, ki se è kwuso zo àsùghò ghue è zumso zo.

2 Pità 3:18

Zə êzəŋ e lo enyəa, to dzɔ̂ e Mughu ù te, tɔɔn Bəghambī ù sɛ, Yɛso Kə̀lestò àsùghò tɔ wəla ghɛ̀ ki kùu wə̄n mò ghəŋlo enyəa ghɛ̀ e ŋgee noōm dzɔɔ̄. To ghî mô kɔ̀ʼso tsə̀ghà wə̄n to mbī kê bughò mîa. Zə e lo ko êzə̀.