Kòloshìan 2:18 - To kə Kəzə̀ kə̀ Fughu ko

¹⁸ E kwo ko ghɛ̀ lô bomlo enyəa ghùw nìi nughù fəgha kəla kə kûm lô kə̀ kɛʼɛ̄ ko, ghe e tughuso dzaā wo enyəa ghɛ̀ ki alemàʼà naŋā tsughu ghue zɛʼɛ, àsùghò enyəa ghɛ̀ e kɔʼso nduw tsə̀təndə̄ghā tə Kəzə̀ tò, ghe e dzaā wo enyəa ghe ghəa ghən kôʼ wò an ushʉ̀ghà. Ghe moʼnlò enyəa ghe ŋge kwo aghəa, ghəa a te yia a ghəŋlo ghe yia a ghaŋso kaāŋ ghue zo.

Kòloshìan 2:18 Iomraidhean Croise

Matìo 24:24

Tɔŋlo enyəa, Kə̀lestò tə agha tə lo səa kɔʼɔ nù, àsùghò ghǐishùghà ghə agha gho, ghe e deē tsə̌a tə̀ fɛɛ̄n to, à sə̀ghà mò, enyəa abugho dzì lǒ, ghe buʼù sêe məŋsō ghì ghəla Zə̀ kə̀ tsɔʼ kɔʼ.

Lumà 1:25

Ghe nîi kɔ̀ʼɔ səŋò è Kəzə̀ kuuwn kɔʼɔ alo agha, ghe yia tsə̀ghà tə̀ŋò tsughu alekɔʼso fʉgha wəlà à bɔm tsughu Zə̀ kò, kuuwn yò alekɔʼso Zə̀ kəla kə bɔm fʉgha u te wo; tɔɔŋ Zə̀ kəla ghî a ki alefughuu kɔʼso mò â ghè kò nəgha tən tə̀ dzə̀m! Zə e lo ko êzə̀.

Lumà 16:18

Ŋgòʼ è ghì a te gho fwaʼà dzə̀ yò â Mughùbè ù sɛ̀ Kə̀lestò, e ghee lò ko alekə̄ŋ buʼ kə unʉ̀ghà kə ghee. Ghe koʼò tsùghû ghì ghəla boo e ghee e lo mo e tɔ̂ʼ tì yo, ghe ni kɔʼ kpə̀ŋòkpə̀ŋ tə ushwaʼ tsèe ghee a te ghe n nəghaan sùghò ghe alo kənōm.

1 Kòlentìan 13:4

Ləgha e ghəəŋ nù ghî ghə̀ n zumso tsughu eghue. Ləgha e ghəəŋ nù ghî ghə n dêe èdzɔ̀ aŋ ghùe e ghee. Ləgha e ghəəŋ dzə̀ yò enyəa ghùw è ki mʉ̌ʉn ko am fəgha kə ghûw ù lì, ləgha e ghəəŋ dzə̀ yo enyəa ghùw e kɔʼso kaaŋ ghue wo, ŋkāa ù è tsɔɔ̄ fə̀ŋ alo eghəa.

1 Kòlentìan 3:3

Tɔŋlo enyəa ghɛ̀ naam mùghù ko làŋà kə e mùghù kə ghì a mbī gho. Abugho ghɛ̀ mʉʉ̄n ghue zɛʼɛ zo, buu kəŋgè alo eghùe e fi mgbaŋa dèe ko enyəa ghɛ̀ lo ghî a mbī gho, ghɛ̀ yia ghəə̄ŋ sughò ghəa ghəla ghî a mbī a ghəə̄ŋ kaŋlo.

1 Kòlentìan 4:18

Ghɛ̀ à li a dêe èghue, tò a è so mùgho mò bughōo yo a vʉ̀a ghɛ̀.

1 Kòlentìan 4:6

Waazə̂ ghaŋa gho, yìa Ǹ nî kɔʼ ghue waŋa wo ghàʼ Àpolòs tǒ tsə̌a aŋ ghəa ghən enyəa to ghɛ̀ mo zoʼn kele kɔʼ fəgha kəla shwaʼ wən dzâa tsughu enyəa, “E kwo ko ghɛ̀ lô tɛ̂ɛn daŋso bəŋ ko am fəgha kəla ghe tɔm naŋā.” Tò enyəa ghɛ̀ lô kɔʼso ghî à li gho, ghɛ̀ è alechwiīlwii à gho.

1 Kòlentìan 8:1

Êzə̄ŋ kùu ndùw fʉ̀ghàzəa wəla ghe ndûw kɔʼɔ fughu nduw â mùʼù mò, aŋghəa ghî à li a dzɛ̂ enyəa, “Sɛ̀ a dzəm kì nû tɔ wo.” Tɔ u ghəŋlo enyəa ghùw è kɔʼso ghue wo, ləgha zə e kuūwn dzəlā ghùw â səŋ zò.

1 Kòlentìan 9:24

À lǒ mò ghɛ̀ məghaa nù enyəa à dzèŋe nyəŋo tsə̀ghà ndə̀mà tə aghì abugho ghe bânlo alenyəŋ a, à ŋ kuuwn nyəŋ zə ko ghùw ù mɔ̀ʼ namso kə te ko a? Ghɛ̌ fi ki aledə̀mà təla tsughu alenyəŋo zə namso kə te ko.

2 Kòlentìan 11:3

Ǹ sô fɛ tsəŋo enyəa aŋghəa zughu fə̀ nɔm fughu tsughu Êf, mò zughu è te tɔɔ ko nʉghànʉghà tò ekom, ghe lo sèe mɛ̀ŋso nù tuw wɛʼɛ wo, ghɛ̀ lo ti zəghāa tsughu kùum kə kəfwàʼ kəla ghɛ̀ fwaʼā â Kə̀lestò am fə̂ŋ zɛʼɛ e dzə̀m, mò ghɛ̀ fwaʼà an dziī è zɔ̀lɔ.

2 Kòlentìan 12:20

M̀ fɛ tsəŋo enyəa abugho Ǹ lo bugho fì, Ǹ lô bughò koʼò ghɛ mò ghɛ̀ yo dzə̂ fəgha kə̀là M̀ moʼò enyəa ghɛ̀ lo ghè kò, ghɛ̀ koʼ kɔʼ sugho mugho mò Ǹ yo dzə̂ fəgha kə̀là ghɛ̀ mô ləghaa enyəa mùghò è lo ghè kò. Ǹ tsəŋo enyəa Ǹ lô bughò koʼò wo mò ghɛ̌ yia zughūu, mʉnlo èghue, pfʉso nnə̀ghà alo eghùe, kùmè alo eghùe, màʼn kǎaŋ tə̀nùʼ alo èghue, màʼn kǎaŋ tə̀fom alo eghùe, kɔʼso èghue, sòʼò kǎaŋ sùghò ùtsù.

Efɛsùs 4:17

Tɔ̀ʼɔ naŋa wò nlò tuūŋ ko an tsʉ̀ zəla Ǹ tsʉ̂a wô ghɛ fɛ a te an daʼa kə Mughu u te, enyəa, ghɛ̀ ka kôom mùghù dzə̀ ŋgòʼ è mùghù zəla Toʼò e mughu ghè zo, nu ghe moʼn təla ko ghəa ghəla a kwuū yô ghəa zo.

Efɛsùs 5:6

E kwo ko ghùw ù lì lô so e bughô nìi wò zuum tə ushwāʼ tə̀ li to, ù buū fwəlà tsughu tɔ wɛʼɛ̀ a te, tɔŋlo enyəa à lǒ bòʼ ghəa ghən gho Zə̀ kə̀ dêe nʉgha u wə̄n u pfʉa wo a te a zəŋò ghì ghəla ghe zuūw yo â wə̄n.

Fèlepìan 3:14

Yìa Ǹ naām dəmà ndûw ko â sə ko am fəgha kəla Ŋ̀ kəŋo ghè kò, enyəa to M̀ mô kele namso kəla Zə̀ kə fughu sə tsughu wo alo kəwālā am bàm e Kə̀lestò Yɛso.

Kòloshìan 2:23

Ŋgòʼ è lwàŋ wən u bughōo wə n lo ko to tɔ è li e lo nû a te, u sô dêe enyəa ghî ghə̀ e ŋgee kɔʼso tsəghaso tsughuu Zə̀ kò, enyəa ghî ghə̀ màʼn naaŋ tsughu ghue e ghee zo, àsùghò enyəa ghî ghə̀ e mughu aŋ ŋgōʼ. Lò êzə̀ mo lwâŋ wən biso ki yo daʼa kə̀ li ko aleyòsò ghùw alebughuu naŋâ ghəa à kwu ghəla ù ləghaa aleghəŋlo.

Kòloshìan 2:4

Ŋ̀ ghəa ghən fɛ â ghɛ̀ dzâa wò enyəa ghɛ̀ tiso kɔʼ tuw ko edzuŋ an dzì zəla ghùw ù lì ki yo alenìi wô àgha ù bugho tsê ghɛ̀ a te, abugho shwaʼ u wə̄n u te u buʼù kpəŋò ko tǒ kə kwò.

Kòloshìan 2:8

E kwo ko ghùw ù lì lô so è ndûw bùghòo â tɔ u ghì am mbī wo, ù bùghò ghəə̄ŋ tsughu enyəa ghɛ̀ doʼo tsughu kɔ̂ wò â wə̄n, aghəa mò à lò nzə̀azə̀a ŋ kwu mò ghî a mbī a mò moʼn sə kɔʼ, zoʼn ndùuŋ tsùghuu wò àghì a te, àsùghò ghəla a nughùun wo aŋ ghùu shʉ̀ghà u mbī wo, mo a te a kâ sə̀ dzə̀ aŋ ghùu Kə̀lestò.

1 Timotì 1:7

Ghe dəmà aledòʼò wàdè tə kəlàŋ, an làŋ kə Musî; dèe êzə̀ mo ghe tɔʼɔ̀ zǔuwkɛlɛ yo fəgha kəla lâŋ kə te kə lo ghè kò, aŋghəa ghe buʼù tsɔ̂ɔ ko fə̂ŋ tò a te.

1 Timotì 4:1

Zuʼ tə̀ Zɔlɔ tə dzàa zěe nù enyəa a kê bugho an tsuʼ məla Yɛso kè so e bughò èbàm a te, ghî à li a lo tuu màʼ nù alekòom boō an tsʉ̀ è səŋò zəla ghe fə̀ zuw kùu ndùw Yɛso, ghe e kôom boom fughu nduẁ â zʉ̀ wə agha wo àsùghò â tsʉ̂ e zèa m bǐigh mò.

2 Pità 2:14

Sə a ghee a lo tən ko a zəŋò nùuŋ tə ayìzən to. Ghe bughū tsə̀ghà yo aleghəŋlo èbo. Ghe kwo aleghə̂əŋ ghì ghəla boo e ghee e lo mo e kam tughu enyəa ghe bvʉ̂ alo fətə̀mà. Ghe yia zoʼn naŋa tsughu fə̂ŋ tə ghee to enyəa to à mò ki ko ghee fʉgha wo u dzə̀m. Zə̀ kə̀ ŋ ghee ləŋ naŋa.

1 Dzɔ̌n 2:26

Ŋ̀ ghəa ghən fɛ â ghɛ̀ tɔɔ wò kùu ndùw ghî ghəla ghe ləghaa alesèe məŋso ghɛ̀.

Edêe Fughu 12:9

Ghe nì màʼà tsughu faŋkwu kə ŋgə̄m chì, zùghù è wǐiwǐi è te, ghe tɔŋlo enyəa à lò avʉatsə̄a àsùghò Satàn, wəla ù nɔɔ̄m kaāŋ ghî gho am mbī e dzə̀m — ghe m màʼà tsùghù wò wən aŋ ghueekətsə̄, màʼà tsùghù wò sùghò tsə̀təndə̄ghā tə wə̄n ghèe ghee.

Edêe Fughu 13:14

An sə̀ghàa məla ghe fə̀ zəghàa tsughu enyəa è dè an sə kə nyôm zə̀, zə̀ sèe mə̀ŋsô ghì ghəla ghe mughù aŋ ghueekətsə̄. Nyòm e te n dzɛ̀ â ghee enyəa ghe e bɔɔ̄ kɔʼ fəmùʼù am fwěen kə nyòoŋgwən zəa ghe mò kaʼ alo kəkɔ̀ɔ, zə̀ n naām lò â tuw ko.

Edêe Fughu 13:8

Ghî ghə̀n à dzə̀m ghe mughù aŋ ghueekətsə̄ lo e kɔ̄ʼsō sugho wə̄n, ghî ghəla ghe fə̀ so e bughò bɔm mbī mo zən a ghee a kaān nyə am dzə̀ mwàʼsò kə emùghùu kə Tsʉa u Ndzì wəla ghe fə̀ sugho wī.

Edêe Fughu 19:10

Mùghò n daŋso tə̀m ndùw tə̀ŋguʼ a tsəlà wə̄n enyəa M̀ fughuu ndûw wən à kɔʼso mò, zə̀ m fwə̀n dzɛ̀ wò â mùghò enyəa, “Ghù kì dzə yo aleghəəŋ ghəa ghən gho! Ghàʼ à ghù dzeŋe lò ŋkɔ̂ɔ àsùghò waazə̂ ghəla boō fughu aŋghəa è səŋò zəla Yɛso mò dê tsughu. E kɔʼso nduw Zə̀ kò!” À lò səŋò zəla Yɛso mò dê tsughu e ghəŋlo enyəa ghiīshʉ̀ghà ghə̀ e dzâ ghəa gho.

Edêe Fughu 3:11

Ŋ̀ kuʼù bùghòo nù; tɔ̀ʼɔ naŋa tsughu nlò ghəa yìa ghɛ̀ ki ghè ghò, e kwo ghùw lò so e suʼù nughùun namso kɛʼɛ kò.