Kòloshìan 2:13 - To kə Kəzə̀ kə̀ Fughu ko

¹³ Yia a bughò ghɛ ghəla ghɛ̌ fə̀ lo tò ghî à kpuuwn gho bòʼ ghəa ghɛʼɛ à biigh gho, aŋghəa ghɛ̀ mò naam lo mò ghɛ̀ kaām boo fughu dzə̀ â Zə̀ kò, Zə̀ kə̀ ŋ ghəŋlo enyəa ghɛ̀ koōm doʼo wo â tuw ko am bàm è Kə̀lestò aŋghəa ù fə̀ ghuūw maʼà ghəa a sɛ̀ à biigh gho a dzə̀m.

Kòloshìan 2:13 Iomraidhean Croise

Lûk 15:24

nu wɛ waŋā wə̄n fɛ̀ lǒ tò ù mò kpuw nû, vʉ̀a ù kòom kɔʼsə̄ alo evʉ̄, ù mafə̄ lâʼ mìa yia a kôom kôʼ tsughu wə̄n.’ Zə kə fi daŋso zìi tsùghù nû êzə̀.

Lûk 15:32

E dzɔ̂ɔ nù enyəa to sɛ̀ mô zə, a duʼnlo, tɔŋlo enyəa wàazùghù fɛ lo tò ù fə̀ kpuw nû, vʉ̀a ù kòom zôo wô ebàm. Ù maā lâʼ mìa, yia a kôom koʼ wə̄n ebàm.’”

Lûk 9:60

Yɛso m fəŋso dzɛ̀ â wən enyəa, “Zə̀ghaa ndùw ghî ghəla ghe lô tò ghî à kpuuwn gho ghe e tsəən nduw ghî à kpuuwn gho, yia a bughò ghû, kuuwn nàʼa kaaŋ ndǔw tum è Fɔ̀e ù Kəzə̀.”

Dzɔ̌n 5:21

Aŋghəa Tsele bɔɔ̄m zôo nughùun kɔʼɔ̄ ghî à kpuuwn gho alo evʉ̄, naaŋ wò ghee â tuw ko, wɛ bɔɔm fughuu sùghò êzə̀ mughù zò â ghì ghə̀là ù tsə̀m tsughu.

Dzɔ̌n 6:63

À lò Zuʼ tə Kəzə̀ tə fughuu ghùw â mùghù zò, gwən e ughùe ki yo ghəa è li zo aleghəŋlo. Shwaʼ wəla Ǹ tsɔ̂ɔn tsughu fɛ â ghɛ̀ lò Zuʼ tə Kəzə̀ təla tə fughuu ghɛ â mùghù zò.

Lumà 4:17

To aŋghəa ghe tɔm naŋa am mwàʼsò kə Kəzə̀ enyəa, “Mùghò ŋ ghəŋlo enyəa ghù è lo tsele â ndə̀mà tə tənàʼà.” To kən kə lo êsəŋò a sə̌a Zə̀ kəla Abə̀làhâm gaʼ fə̀ŋ a zəŋò ghè kò. Zə̀ kəla abugho ghùw kpuw ko nù, kə n zòm nàŋa wò ghùw u te ebàm. Mo fəgha kə yo tsəgha ko nu, kə n ghəəŋ tsughu enyəa kə səa kɔʼ, kə e lo.

Lumà 6:13

E kwo ko ghùw wɛʼɛ lò so e nîi kɔ̀ʼɔ̂ bà kə ughùe kə wən kə̀ li ko ù naŋā tsughu tò fəgha kə kəfwàʼ kə ebō. Laam fùghù nduw nlò ghùe zɛʼɛ zo â Zə̀ kò, tò ghî ghəla ghe baāŋ nughù sə tsughu aŋ ghu kə evʉ, naŋa wò ghee â tuw ko enyəa ghɛ̀ e mughu mùghù è fughu zo. Naŋa tsughu nlò ghùe zɛʼɛ zo e dzə̀m zə elo tò fəgha kə kəfwàʼ kə Kəzə̀ kəla kə lô tsəghatsəgha.

Lumà 8:11

Abugho e kuuwn lô enyəa Zuʼ tə Zə̀ kəla kə fə̀ zôm nughu kɔʼ Yɛso alo evʉ lo nû a zəŋo ghɛ̀, e fi lo enyəa wə̄n wəla u mò zôm nughù wo Kə̀lestò Yɛso alo evʉ lo ghəəŋ nù ghue zɛʼɛ zəla e kpuūw lo kôm kele èmùghù, bòʼ Zuʼ tə Kə̀zə̀ təla tə lo a zəŋò ghɛ̀.

1 Kòlentìan 15:36

Ghùw ù te boʼò làʼsò ênzə̂n! Abugho ghù tam tsughu fəgha ko, kə yo alefùuw səā kɔʼ, à gɔ̀ʼɔ̀ mo kə kpuw tsughu nû.

1 Kòlentìan 15:45

Zən lò e ghee ghe tɔm tsughu enyəa, “Ghùw ù sûesʉ, Adàm, m bùghò dòʼò wò ghùw wəlà ù mùghu am mbī.” Adàm wə̀ ebàm wən bùghò dòʼò wò Zuʼ tə Kəzə̀ təla tə fughuu mughù zò.

2 Kòlentìan 3:6

À lǒ wə̄n ù ghəə̄ŋ tsughu enyəa ghàʼ kɔʼɔ̄kpē, tò ghàʼ e fwaʼā a tsəlà kàa m fughu mò. Ghe kâ kàa m fughu n te ndòʼ tɔm naŋa am mwàʼsò kə̀ li ko, mo e bugho aŋ ghəa a Shʉ̀ghà ù Kəzə̀; tɔŋlo enyəa kàa məla ghe tɔm nû wǐi ghuw, Shʉghà u te u kuuwn ghəŋlo enyəa ghùw è mughu.

2 Kòlentìan 5:19

À fi lo enyəa à fə̀ lo am bàm e Kə̀lestò Zə̀ kə fə̀ ndoʼò biāan ghèe ghê ghì gho a te am mbī, kè ndoʼò taŋ yo bôo tə ghee to, kə m fughu naŋa nyə̀ tsùghù sùghò shwaʼ ù bian u aghì wò aŋ ghu kaʼā.

Efɛsùs 2:1

Ghɛ̀ mò buʼ lo tsəgha tò ghî a kpuuwn gho bòʼ aŋghəa ghɛ̀ mò tsughòsò maʼn lâŋ kə Kəzə̀ kò, àsùghò bòʼ ghəa ghɛʼɛ à biigh gho,

Efɛsùs 2:11

Ghe mò ghɛ dzə wo tò Etoʼò; Tə̀dzûu, ghî ghəla ghe mò sugho tigh kə wɛ ko n tɔɔŋ ghɛ̀ enyəa, “Ghî ghəla ghe sugho yô tigh kə wɛ ko.” Mo ghəa a te a tsô lò ko ghəa ghəla ghùw ghəə̄ŋ tsughuu aŋ gwə̀n e ughùe.

Efɛsùs 5:14

Zə̀ lò e ghee ghe dzâa tsughuu enyəa, “Hɛɛ mugho fə̀ŋo tə̀mgbii, zôo nùghu kɔʼ alo evʉ̄, ghù tee kɔʼ alò fwē, tò Kə̀lestò lo ghəŋlo tsə̀ e wən e tughuu a zɔŋɔ ghù.”

Kòloshìan 2:12

Ghe mafə ghɛ tsəla dzəŋlo ghɛ̀ ghê Yɛso Kə̀lestò am mùghù ŋ Kə̀zə̀ mə̀là ghe mò fughu â ghɛ̀. Zə̀ kə̀ m fùghù sùghò ghɛ̀ â mùghù è fughu zo bòʼ ghɛ̀ gaʼ fə̀ŋ aŋ kɔ kə kəfwàʼ kə Wə̄n, tɔ̂ɔŋ Zə̀ kəla kə fə̀ zôm nughù kɔʼ Yɛso alo evʉ̄.

1 Timotì 5:6

Wìikpuw wəla ù kuūwn ləghaa alezəa zee ko ghue u wə̄n wo lo tǒ ghùw ù kpǔuw, abugho ù naām bûʼ lô ko â tuw ko.

1 Timotì 6:13

M̀ fɛ êzəŋ e dzâa wò nù â ghù an sə kə Kəzə̀ kəla kə fughu mughù zò à fʉgha wə̄n wo ù dzə̀m, àsùghò an sə kə Kə̀lestò Yɛso wəla ù fə̀ ndzə̂əm kə̂aa ghəa gho an sə kə Pontios Paelɛ̀t, to ghùw wəla ù kwo səŋò zò,

Hibùlù 6:1

Sɛ̀ ki aledə̀mà təla tsughu alezoʼn ghue e sɛ̀ zo aŋghəa ghəla a lo aleghəŋlo enyəa sɛ̀ məla tsughu, àsùghò enyəa sɛ̀ e moʼn nduw ghəa ghəla a tsəghàsə ghəa a sûesʉ ghəla ghe mò bû zoʼn dzə sɛ̀ a te kùu ndùw Kə̀lestò. Sɛ̀ kôom ki yo alekə̀aa zee ghəa gho kùu ghəa ghən enyəa, sɛ̀ ki aletiī kuwnlo aŋ ghəa ghəla a nîi wô vʉ zo, ŋkāa aŋghəa sɛ̀ ki alegaʼ fə̀ŋ a te a zəŋò Zə̀ kò.

Hibùlù 9:14

Kâŋ tə Kə̀lestò tə̀ ŋge tùghù tsə̀ghàtàʼà sə ghəa ghən a dzə̀m! Am bàm e Zuʼ tə Kəzə təla tə doʼò tən ù m fùghù ndùw ghue u wən an tuw u sɛ̀ tǒ fughu kəla kə kpe â Zə kò. Kâŋ tə wə̄n tə lo sûuw zɔnso fə̀ŋ tə sɛ̀ aŋ ghəa ghəla a nîi wô vʉ zo, enyəa to sɛ̀ e lo alefwaʼā Zə̀ kəla kə lo â tuw ko.

Dzɛ̂ms 2:17

À lò sugho eghəla abugho ghùw dzɛ̌ enyəa e boo fughu â Zə̀ kò, mò ù dèe yò aŋ ghəa a wə̄n à ghəəŋ gho, boo e wə̄n e te e fi lo kə̀nughùnùghù.

Dzɛ̂ms 2:20

Làʼsò kə ghûw kən, ghù lə̀ghaa enyəa a dêe wô â ghù enyəa à lǒ kə̀nughùnughù abugho ghù dzɛ̀ enyəa e boo fughu â Kə̀lestò mò ù dèe tsùghuu yo am fwàʼ kə wə̄n kə̀ dzûŋ kò a?

Dzɛ̂ms 2:26

Nu abugho ghùw kòom zwîi yo, ù fi lo mò u m kpuw. À lò sugho eghəla abugho ghùw boō fughu tsughu ko â Zə̀ kò mò ù fwàʼà ǒ fwàʼ kə̀ dzûŋ kò, ghùw ù te kâ fi tso boo fùghù kè dzə̀ â Zə̀ kò.

1 Dzɔ̌n 2:12

Ǹ ghəa ghən tɔɔ wo a ghɛ̀ a fən ghaŋā gho, bòʼ Zə̀ kə̀ m bòo tɛʼɛ tə ghuuw màʼà an am bàm e Kə̀lestò.