Kòloshìan 2:11 - To kə Kəzə̀ kə̀ Fughu ko

¹¹ Ghɛ̀ ka mo wɛ a Kəzə̀ à bughò dòʼò dzə̀ mò ghe sugho tsughu twigh wɛʼɛ tò aŋghəa ghî a sughōo tigh kə ghûw kò a te, à mò lo bòʼ ghɛ̀ mò bughò doʼò fəgha ko kə mɔ̀ʼ ghɛ̀ à ghê Kə̀lestò aŋghəa Kə̀lestò mò tsɔ̀ʼ maʼà ndûw ghue zɛʼɛ zəla e ləghaa bo zo.

Kòloshìan 2:11 Iomraidhean Croise

Mâk 14:58

“Ghàʼ mò zuw wə̄n ù dzɛ̀ enyəa, ‘Ǹ lo gbɛ̀lɛ̀ màʼn tsùghûu Ndùghèkə̀zə̀ è nē an Yɛlusālɛ̀m, zəla à fə̀ bɔm ghùw, Ǹ lo bɔɔ̄ səā kɔʼ è nughù alo n tsuʼu n təgha, mò ghe kâ bɔ̀m dzə̀ aŋ ghu.’ ”

Lûk 2:21

A m bùghò wən e fê tsughu, aŋghəa ghe dzə tsughu wə̄n, ghe n so e sugho tigh kə wə̄n, ghe n tèlè tsʉ̀ tsughu kô zən e wə̄n enyəa à lò Yɛso, zən zəla tum mò fughu ziī, to ghe e bughò bɔŋ wə̄n.

Kə̀fwàʼ 17:24

Kə̀zə̀, kəla kə mò bɔm mbī àsùghò fʉgha wə̀n ù dzə̀m a te, à lǒ wə̄n Mughu ù kəwala àsùghò ghueekətsə̄ ko, mò ù mùghù dzə yo an ndughu mò à bɔm tsughu ghùw.

Kə̀fwàʼ 7:48

Alebùʼù nîi tsughu, Tsə̂ntə̀mbî bûʼ mùghù dzə yo alo təndughu mò à bəgha kɔʼ ghùw. E bɔɔm lò aŋ ghəa ghùwshʉ̀ghà dzɛ̀ tsughu enyəa,

Lumà 2:29

E kuuwn lò enyəa ghùw ù Dzuu kà yò ko aŋ gûw è ùghùe, ù bǎa lò ghùw Dzûu am fə̂ŋ zəla ù gaʼ tsughu a zəŋò Zə̀ kò. Ghəa à sughoo a kətigh a ka yò ko aŋ gûw è ughùe, ghəa a te a nîi sùghò kəbəla am fə̂ŋ è ghùw, mò ghəa a te a bughoo an dzii tə ushʉ̀ghà u Kəzə̀, à kà yò ko aŋghəa ghe tɔm naŋā alo kəlàŋ. Kɛɛ u ghûw u te u nughuun wo dzə̀ yò aŋ ghulô ghùw. À lò Kəzə̀ kə fughu wə̄n â kɛɛ wo.

Lumà 6:6

Sɛ̀ kwo nû enyəa fəgha kəla sɛ̀ mò bûʼ lo tsəgha ghè kò mafə kpuw nùghùu alo kədàŋlo ghèe Kə̀lestò, enyəa to Zə̀ kə̀ mô wiī maʼa mbuw fə ghəa a biigh gho a zəŋò sɛ̀, alezèe zəghà sɛ̀ am fàŋa kə ghəa à biigh gho.

Lumà 7:24

Ghî fə faan fo enyə tò mugho, à ndà lò ndugho ù lo lô alebəghaasə mugho aŋ gwən e ughùe zaŋa zəla e ki alekpuw a?

2 Kòlentìan 5:1

A kwo nû enyəa abugho ghe sâʼ maʼà tsughu pfʉ̌a kəla sɛ̀ mughu a te fɛ aŋ ghueekətsə̄, tɔ̂ɔŋ gwən e ughùe e sɛ̀, sɛ̀ ki nû ndughu Zə̀ kə̀ naŋā â sɛ̀, ndughu mò à kà bɔ̀m dzə̌ ghùw nsɔ̌ɔŋnchùw, ndughu mò è dòʼò tə̀n nû alo kəwālā.

2 Kòlentìan 5:17

Ghùw wəla ù lò fəgha ko kə mɔ̀ʼ ghèe Yɛso Kə̀lestò, ù fi lo ghûw ù fughu; ghəa à wii ghə n tsə̀ghà mìaa, à fughu yia a bugho.

Gàlashìan 2:20

E fi lo ko to ghe mǒ ghàʼ à ghê Kə̀lestò təghāa dzəəŋ kɔʼ a dzə̀m alo kədàŋlo; à kòom yò dzə̂ mugho M̀ mughu, à lǒ Kə̀lestò ù mùghù a zəŋò mùghò. Mughùu zəla M̀ mughu êzə̄ŋ aŋ gwə̀n e ughùe, M̀ mughu ghè zò am fə̂ŋ zəla Ŋ̀ gaʼ tsughu a zəŋò Wɛ̀ ù Kə̀zə̀, wəla ù mò ləgha tsughu mugho, ù m fùghù ndùw tuw kə wə̄n aŋ ghəa zaŋā.

Gàlashìan 5:24

Ghî ghəla ghe lô ghî a Kə̀lestò Yɛso ghò, ghe lo ko to ghe n təghàa nàŋa gwən e ughùe e ghee zo alo kədàŋlo àsùghò laan tə aghəa təla gwən e ughùe e ghee e ləghaa.

Efɛsùs 4:22

Zə̀gha màʼa nlò mughù è wii zəla ghɛ̀ mò bûʼ mughù tsəgha ghè zò, mughù e te e mò seē məŋso ghɛ, ghɛ̀ ŋ ghə̂əŋ ghəa ghəla a wiīn ghɛ alo fətsə̀tèʼè.

Fèlepìan 3:3

Tɔŋlo enyəa sɛ̀ fɛ lǒ tò ghî ghəla ghe lo mo ghe n twii u ghee wo u dzə̂əm sugho, ghî ghəla ghe kɔʼso Zə̀ kò mò à ghe â daʼa kə fughuu wò Zuʼ tə̀ Zɔlɔ to am bàm e Kə̀lestò Yɛso,

Kòloshìan 3:5

Ghɛ̌ fi ki aleŋgəmso kûm tuū maʼà ghəa a mbī ghəla gwən e ughùe è ləghaa, ghəa a te a lo tǒ; ghəa à nuūŋ kaaŋ ghə eghùe ghò, àsùghò aleghəəŋ dzə̀adzə̀ tə aghəa to, àsùghò alemōʼn təla ko aleghəŋlo èbo, àsùghò enyəa ghue u ka e nughuun ghû abugho ghù kòʼ nduw wìzən ŋkāa wìnû, àsùghò alesəa â sə gho am fʉgha u mbī wo, mò à fi lo sugho tǒ zʉ̀ ù li wo ghî a kɔʼso.

Hibùlù 9:11

Kə̀lestò ŋ kuuwn m bugho tò tuw kə fɔ̀e aŋ ghəa à dzûŋ ghəla a lo mo ghə m bùgho. Pfʉ̌a kəla ù fwaʼà ghəa a wə̄n gho a te, kə ghaʼa nù, chia kə tɔ̀ʼ fəghaan ti sugho tsəghàsə pfʉ̌a ù li wən, mò à kà ghùw bəgha dzə̀, (à fi lo enyəa pfʉ̌a kə te kə yo dzə̂ fɛ am mbī zən)

Hibùlù 9:24

Kə̀lestò kà nyə̀ ndùw dzə̀ an lùʼû kə̀ baa kəla ghe bəgha aŋ ghu, mò à lǒ fwěen kəla kə kûm lo, ù fə̀ laam nyə daŋso nduw alo kəwālā, alendùw tee a vʉa Zə̀ kò an tuw u sɛ̀.