Kòloshìan 2:10 - To kə Kəzə̀ kə̀ Fughu ko

¹⁰ Zə̀ chia kə̀ fughu ghɛ â ndzə̀m kə emùghù kò aŋghəa ghɛ̀ lô fəgha ko kə mɔ̀ʼ ghɛ̀ à ghê Kə̀lestò wəla ù tughu tsə̀ghàsə zʉ̀ wò u dzə̀m àsùghò dwaʼa u mbī wən u dzə̀m.

Kòloshìan 2:10 Iomraidhean Croise

Matìo 28:18

Yɛso n daŋso bùghò dzɛ̀ tsùghù â ghee enyəa, “Dwaʼa wən u dzə̀m alo kəwālā àsùghò aŋ ghueekətsə̄, ghe m fughu â mùghò.

Dzɔ̌n 1:16

Ù bùghùso sɛ̀ bughuso kwènlò bòʼ ləgha è ne zəla ù ki a zəŋò sɛ̀.

1 Kòlentìan 15:24

A kê bughò an tî kə te ko, abugho ù kè dzûw maʼà tsughu dwə̀ŋ u mbī wo, àsùghò zə̀a m bǐigh məla n saʼā mbī zen, àsùghò dwaʼa wəla u lô fɛ am mbī; ù kè daŋso nîi fughuu tsəghàa ndùw fɔe u te wo u dzəm â Zə̀ kò tɔɔŋ Tsele.

Efɛsùs 3:10

E fə̀ lo enyəa to dzeŋe kə ghì a Kəzə̀ ghə̀ e lo aledèe ndûw tɔ u Kəzə̀ ù ne wo â zʉ̀ wəla u saʼā ghî ghəla ghe lo a tsəlà ghee an lùʼù tə kəwalā.

Efɛsùs 3:19

Ŋ̀ gɔ̂ŋlò enyəa to ghɛ̀ mo mɔm zuw ləgha e Kə̀lestò zəla ghùw yò aleteso mɛʼɛ̀, tò mwam u Kəzə wəla a zəŋò ghɛ̀.

Kòloshìan 2:15

A fughu èzə̀ alo kədàŋlo, Kə̀lestò n tùghù tsə̀ghà tsughu zʉ̀ u mbī wo àsùghò dwaʼa wəla u saʼā mbī. Ù ŋ ghəəŋ tsùghù sùghò enyəa aghî à dzə̀m kòʼò wô aŋghəa ù sèe bwîi nduw a ghee a te tò ukɔ̂, enyəa e n təm zə.

Kòloshìan 3:11

Am mùghù è fughu zən, nəŋōnəŋ è lì kôom yò a zəŋò Toʼò zò ghèe ghê Dzûu tò, ŋkāa ghî ghəla ghe sugho twigh u ghee wo ŋkāa ghe tâʼkè sugho, ŋkāa ghî ghəla ghe lô nyôm tò ŋkàʼ tò, ukɔ̂ ŋkāa ghî ghəla ghe ndzə̂m mughu. Ghəa è səŋò zò aŋ ghəa ghən kuuwn lò ko enyəa, à mìaa ko Kə̀lestò alo aghəa a dzə̀m, Kə̀lestò wəla ù lò a zəŋò ghì ghò a dzə̀m.

Hibùlù 5:9

A m bùghò ù bùghò doʼò kɔʼ fəgha kəla ù mò ki alelo ghè kò, Zə̀ kə ŋ ghəə̄ŋ tsughu enyəa ghî ghəla ghe boō fughu a wə̄n e lo alezə tuw kəla kə doʼò tən.

1 Pità 3:22

Ù fə̀ kɔʼsə kɔʼ alo evʉ̄, ù n nùghù nyə̀ kɔ̀ʼ ndùw alo kəwālā, vʉ̀a ù dǒʼ aŋ kwe u Kəzə̀ ù təma wo, saʼâ tsə̀təndə̄ghā tə Kəzə̀ tò àsùghò dwaʼa wo u dzə̀m alo kəwālā.