Kòloshìan 2:1 - To kə Kəzə̀ kə̀ Fughu ko

¹ Na tò Ǹ dzɛ â wô â ghɛ̀ aŋghəa Ǹ dəma a te aŋ ghəa ghɛʼɛ àsùghò aŋ ghəa a ghì a yia ghe lo an Laòdisia; bùʼù də̀mà sùghò aŋ ghəa a ghì ghəla ghe lo mo ghe kǎam kwâʼ u usʉ waŋā wə ŋ kô kòʼ tsəghà.

Kòloshìan 2:1 Iomraidhean Croise

Lûk 22:44

Ù n tughuso kè tə̀ gɔɔ̄ŋ to à sə̀ mò alo kətuw, zuʼso ŋ wə̄n mə̀ n tsomlo enyə a ghueetsə̄ tò tuʼ u təkàŋ.]

Kə̀fwàʼ 20:25

Êzəŋ, aŋ ghɛ ghə̀là Ǹ lo mò mùgho n zùghòo kǎaŋ wò fɔ̂e ù Kəzə̀ wò am bvʉa zɛʼɛ̄, Ŋ̀ kwo nû enyəa ghùw wɛʼɛ u mɔ̀ʼ lo kòom kòʼ kòʼ yò kwaʼ u sʉ waŋā wo.

Kə̀fwàʼ 20:38

Ghe mò fəghaan dìi sùghò bòʼ, ghəa yia Pôl mò dzɛ̂ tsughu enyəa ghe lô kwàʼ u usʉ̄ u ghee kôom kòʼ kòʼ yòʼ. Ghe n daŋso ndùw tə̀ma nyə kɔʼ wə̄n alo kəkwə̀n.

Gàlashìan 4:19

Fɔɔn zəla Ǹ zuūw bòʼ ghɛ̀ a wɛ ghaŋā gho lò ko tò fɔɔn zəla wìzən ù nʉgha u wɛ zuūw an nəgha è dzəa zo. Ǹ lo tèlè zǔuw ko fɔnlo e te zo enyə, Ǹ ndûw tâa ndûw an ti kəla mughù e Kə̀lestò e lo dêe səā wo a te a zəŋò ghɛ̀.

Fèlepìan 1:30

Ghɛ mô èzə̄ŋ nyə sùghò an tsù wəla ghɛ̀ fə̀ bugho ghà n zuuw wò aŋghəa Ǹ dəmà a te alekə̀əŋ làbəlà è Kə̀zə̀, àsùghò aŋghəa ghɛ̀ koʼô wo Ǹ naām dəmà ko êzə̄ŋ a te.

Kòloshìan 1:24

Ǹ duʼn nù êzə̄ŋ am fala zaŋā bòʼ ghɛ̀, yia a bughô fala zəla M̀ fanlō êzə̄ŋ, Ǹ yôsò alemìasò kɔʼ am fəgha kəla kə fə̀ doʼòdoʼo am fala e Kə̀lestò bòʼ ghue u wə̄n, tɔɔŋ dzeŋe kə ghì a Kə̀zə̀.

Kòloshìan 1:29

Zə lo e ghee Ŋ̀ kûu dzəlà tsughuu sə̂ŋ zò alefwàʼ an daʼa kəla Zə̀ kə mò fughu à mùgho, kəla kə fwaʼa a zəŋò mùghò.

Kòloshìan 2:5

Ghəa M̀ bûʼ lɔʼso lô ko fɛ, fə̀ŋ zaŋa lo fi ezə̀ sɛ̀, yìa Ŋ̀ ki sughò duʼnzo alekòʼ aŋghəa ghɛ̀ mughù dzɔ a te àsùghò aŋghəa ghə̀la boo zɛʼɛ̀ e tɔ̂ʼ ti a te a zəŋò Kə̀lestò.

1 Tɛ̀sàlonìan 2:2

Ghɛ̀ kwo nû aŋghəa ghǎʼ mò fala a te am Felèpîi àsùghò aŋghəa ghe fə̀ sûuwn ghaʼ a te fughu alo enaʼ. Ghəa e mò bûʼ lô ko enyəa ghe mò ŋgee fughuu ghaʼ â tsù wo fughu alo enaʼ, Zə̀ kə sɛ̀ kə̀ n naam fughu tsughu ghàʼ â fə̀ŋ è te â ghàʼ alenāʼn wô làbəlà è dzuŋ zə̄n â ghɛ̀.

Hibùlù 5:7

Ghəa Yɛso mò mughù fɛ am mbī, ù ŋ gɔ̂ɔŋ Kə̀zə̀, dìi an tùʼ è diī zo, buʼnlo m̀bɔ̀ŋ, sə̀ mə̀ n tsughuu, ù dìi dzâa nduw â ghùw wəla ù fə̀ lò alebəghaasə wən alo evʉ̄. Bòʼ ù màʼà fə̀ ŋge gaʼ fə̀ŋ a zəŋò Zə̀ kò, Zə̀ kə̀ n zuw dî e wə̄n.

1 Pità 1:8

Ghəa ghɛ̀ lo ko mò ghɛ̀ kaam wə̄n m bûʼ kòʼ, ghɛ̀ yia ləghaa wə̄n, alekòom nîi tsughu sughò, ghəa ghɛ̀ koʼò ko yo wə̄n, ghɛ̀ yia naām boō fughu ko â wə̄n. Ghɛ̀ yia ki duʼnlo è ne zo àsùghò tsoʼn zəla ghùw buw aletɔ̀ʼɔ̀ teso dzɛ̂.

Edêe Fughu 1:11

Dzə̀ e te n dzâa tsùghùu enyəa, tɔm tsughu fəgha kəla ghù kǒʼ, ghù tum ndùw mwàʼsò kə te ko â dzweŋe u ghì a Kəzə̀ wə̀n sə̀ghàmbəgha — an Ɛfɛ̄sùs, Smyna Pɛ̀gamò, Tytēlà, Sades, Fìlàdɛfìa àsùghò Lùdisìa.