Kòloshìan 1:9 - To kə Kəzə̀ kə̀ Fughu ko

⁹ Zə lo e ghee, alenìi nughù wô an tsuʼ fəla ghǎʼ mò zuw tsughu zwɔ̂ŋ wɛʼɛ wo a te, ghàʼ kaām bughu naŋa kòʼ alegɔ̀ŋlò an tuw wɛʼɛ enyəa Zə̀ kə̀ dêe wô ghɛ̀ â ghəa gho a dzə̀m kə ləghaa enyəa ghɛ̀ è ghəŋlo, kə fughuu sughò ghɛ̀ â tɔ wo, ghɛ è zuuwkɛlɛ sugho ghəa ghəla Zuʼ tə̀ Zɔlɔ tə fughu â ghɛ̀.

Kòloshìan 1:9 Iomraidhean Croise

Dzɔ̌n 7:17

Abugho ghùw tsə̀m tsughu alefwàʼ fəgha kə̀là Zə̀ kə̀ ləghaa ghè kò, to ù kele enyəa tsʉ̂ e te e nughù wò aŋ ghùu Zə̀ kò, ŋkāa Ŋ̀ kə̂aa wò ghəa a kəghu ghaŋā.

Kə̀fwàʼ 12:5

Pità fi kɔʼ nu ndùghùtsāʼ, ghî a kèlestò ghə̀ ŋ kuuwn dòʼò tsughu ko fɛ̀ è bàm mgbɛɛ gɔ̀ɔŋ ko Kə̀zə̀ an tuw kə wə̄n.

Lumà 12:2

Kà nlo kôom mùghù dzə̀ an dzì zəla ghî a mbī a mughū a te, zə̀ghàa tsugu nlò tò Zə̀ kə̀ kuūwn kɔʼ fə̂ŋ tɛʼɛ, tò ghɛ̀ kele moʼnlò è fughu zo. Ghɛ̀ è ke lo aledaŋso kelê fəgha kəla Zə̀ kə̀ ləghaa ghè kò — ghɛ̀ e kwo ghəa è dzûŋ zò, zəla e lô tsəghatsəgha, àsùghò zəla e lo aleghəŋlo enyəa Zə̀ kə̀ e duʼnlo a te.

1 Kòlentìan 1:5

À fə̀ lo sugho am bàm e Kə̀lestò Zə̀ kə fə̀ ghəŋlo enyəa ghɛ̀ e kuu alo aghəa a dzə̀m, ghɛ̀ è ki shwaʼ ù dzûŋ wò alo edzughu àsùghò tɔ wo alo ketūw.

Efɛsùs 1:8

dzɔ̂ zəla kə fə̀ tso mwâʼ dê wo â sɛ̀ an tɔ e wən e dzə̀m àsùghò aŋghəa kə kwo ghəa gho a te.

Efɛsùs 5:10

E dəma tsughu nlò aleghəəŋ ghəa ghəla a ghəŋlo enyəa fə̀ŋ è Mughu ù te e tsoʼnlo a te.

Efɛsùs 5:17

Ghɛ̌ ki dzə yo alelo ghî à laʼso gho. E kuuwn zuuwkɛlɛ tsughuu ko nlò fwàʼ kəla Mughu ù te ləghaa enyəa ghɛ̀ è fwaʼa ghè kò.

Efɛsùs 6:6

Ka nlò è ka fwaʼa ko an nə̀ghà zəla ghùw u lì ti lɛɛn wò ghɛ̀, enyəa to ù mò tɔ̀ʼɔ̀ kɛ̌ɛ wò ghɛ̀ enyəa ghɛ̀ nyɔ̂ʼɔ̀ fwàʼà nù. E kuuwn fwaʼa nduw nlo fəgha kəla Zə̀ kə̀ ləghaa â ghɛ̀ am fə̀ŋ tɛʼɛ tə dzə̀m, tǒ kɔ̀ɔ ŋ Kə̀lestò.

Fèlepìan 1:4

àsùghò nəgha tən tə̀ dzə̀m abugho Ŋ̀ gɔ̂ŋlo â ghɛ̀, M̀ bughoo mùgho ŋ gɔŋlò alo eduʼnlo,

Kòloshìan 1:6

Zən lǒ làbəlà zəla è fə̀ bùgho â ghɛ tò aŋghəa ghe bwîi naʼn ŋgəa kaāŋ nduw sugho a te am mbī e dzə̀m; làbəlà è te zə̀a è noōm dûuw nduw, dzəa ndùuŋ ndùw ùghue am bvʉa zɛʼɛ̄, alekaʼa nughù wô an tsuʼ fəla ghɛ̀ mò bugho zuwkɛlɛ̄ tsughu fəgha kəla Dzɔ̂ e Kəzə̀ e biso moʼo ghè kò.

Kòloshìan 3:16

To mughù zɛʼɛ e dzə̀m e mò lò tən ko ghəa ghəla tùm è dzùŋ zən kùu ndùw Kə̀lestò děe ghè ghò, ghəa ghɛ̀ kûm zoʼn ghue zɛʼɛ zo, tsʉ̀a ndùw sùghò an tɔ zəla ghɛ̀ ki. Ghɛ̀ è zɔ̀ŋɔ̀ nduw zɔ̀ŋ kò, zoo ndùw tə̀ zòo àsùghò zòo tə̀ baa to am fə̀ŋ tɛʼɛ tə̀ dzûŋ tò, alefūghuu zɔ̀ɔŋ kò â Zə̀ kò.

Kòloshìan 4:12

Epafəlàs wəla ù lò sugho ghùw ù enaʼ wɛʼɛ, kɔ̂ɔ fə̀ Kə̀lestò Yɛso tɔɔŋ zùw wò ghɛ̀. Ù kùu gɔ̀ɔŋ zěe nù an tuw wɛʼɛ, enyəa to Zə̀ kə̀ mô ghəŋlo ghɛ̀ mən tsughu am boo zɛʼɛ̄ â Kə̀lestò, ghɛ̀ e tɔʼ kwo tən enyəa ghɛ̀ fɛ fwàʼà fəgha kəla Zə̀ kə̀ ləghaa ghè kò.

Kòloshìan 4:5

E kwo nlò aŋghəa ghɛ̀ mughu a te ghɛ̀ à ghê ghì ghəla ghe tâʼkè boō fughu â Kə̀lestò, e ghəəŋ tsughu nlò ghəa è səŋò zò an nə̀gha zəla ghɛ̀ kele tsughu ghɛ̀ à ghee.

1 Tɛ̀sàlonìan 1:3

Ghə̄a ghàʼ zə̂əŋ zeē ko ghɛ aŋ gɔ̀ɔŋ zaʼa â Zə̀ kò, Tsele ù sɛ̀, ghàʼ nîi zə̀a yò fwàʼ kəla ghɛ̀ fwaʼā bòʼ ghɛ̀ boo fughu â Kə̀lestò, àsùghò ghəa à dzûŋ ghə̀là ghɛ̀ ghəŋlo â ghî ghò bòʼ ləgha zəla ghɛ̀ ki ghè zò, àsùghò tùʼ zəla ghɛ̀ ndzəmà chiī a zəŋò Mughùbè ù sɛ̀ Yɛso Kə̀lestò.

1 Tɛ̀sàlonìan 5:17

E gɔ̄ŋlō nlò nə̀ghā tən tə̀ dzə̀m.

2 Tɛ̀sàlonìan 1:11

Zən lò e ghee ghàʼ gɔ̂ɔŋ Zə̀ kò an tuw wɛʼɛ nəgha tən tə̀ dzə̀m enyəa Zə̀ kə ghəŋlo tò ghɛ̀ kele daʼa ko alemùghù mùghù zəla kə mò tɔŋɔ̄ ghɛ enyəa ghɛ̀ mughu ghe zò. To Zə̀ kə̀ mô ghəŋlo enyəa moʼnlò è dzûŋ zəla ghɛ̀ ki ghè zò àsùghò fwàʼ kə̀là ghɛ̀ fwaʼā bòʼ boo zəla ghɛ̀ ki ghe zò mò bɔɔ̄m bughò səā ko êzə̀.

Filemùn 1:4

Waʼawāʼ, M̀ fughuu kə̀zɔ̀ŋlò â Zə̀ ko nəgha tən tə dzə̀m abugho Ǹ zə̂əŋ tsughu ghû aŋ gɔ̀ɔŋ zaŋa.

Filemùn 1:6

Ŋ̀ gɔ̂ŋlò enyəa aŋghəa sɛ̀ bwîi ghuw ko kə mɔ̀ʼ am fə̂ŋ zəla sɛ̀ gaʼ tsughu a zəŋò Kə̀lestò, to ghəa a te a mô ghə̀ŋlo sɛ̀ e tɔʼɔ zuuwkɛlɛ tsughu ghəa à dzûŋ ghəla à dzə̀m sɛ̀ ki aŋghəa sɛ̀ lô fəgha ko kə mɔ̀ʼ sɛ̀ à ghê Kə̀lestò.

Hibùlù 10:36

Ghɛ̀ ki alekɔlɔ tsughu ko tə̀ fə̀ŋ, tò ghɛ̀ e lo aleghəəŋ ghəa ghəla Zə̀ kə ləghaa, ghɛ̀ lo kele kɔʼ fəgha kəla ke fə̀ to naŋā â ghɛ̀.

Hibùlù 13:21

mô fughu ghɛ â fʉgha ù dzûŋ wə̀n ù dzə̀m, tò ghɛ̀ è bwiī nduw an dzə̂ è wə̀n. Kə è fwaʼā ghəa gho a zəŋò sɛ̀ am bàm e Yɛso Kə̀lestò, ghəa ghəla a ghəŋlo enyəa fə̀ŋ e wə̄n duʼnlo a te. To sɛ̀ mô fughuu Yɛso Kə̀lestò â kɔʼso məla n dòʼò tən. Zə e lo ko êzə̀.

Dzɛ̂ms 1:5

Abugho ghùw wɛʼɛ ləghaa alekele ùtɔ [am fəgha kəla Zə̀ kə̀ ləghaa], ù m bvʉ̀ ndùw â Zə̀ kò, Zə̀ kə̀ sô fùghuu nù, tɔŋlo enyəa, Kə bughuu â ghu ko, fughuu ghì ghə̀n à dzə̀m â fʉgha wo mò Kə sə̂əm yò.

Dzɛ̂ms 3:17

Yia a kuūwn bughò tɔ wəla u sə tsughu wo edzūŋ, à kì ghî a Kəzə̀, ghe bûʼ kì dzə fə̂ŋ tə̀ zɔlɔ to, ghe lo ghî ghəla ghe ləghaa enyəa ghəa ghə e lo bughubughu. Ghe lo zʉ̀ tə aghì, mùghù sugho kədzûŋ ghèe ghê ghì ghò, ki se è kwùso zo, fughuu sùghò èyòso â ghì ghò. Ghe m bâa yò kpwiī wo, tsèe sùghò yò ghue e ghee zo aŋ ghəa a ghee à ghəəŋ gho.

1 Pità 2:15

À lò moʼnlò e Kəzə̀ enyəa ghɛ̀ e ghəəŋ ghəa zəla e lo êsəŋo alekomso làʼsò e ghî ghəlà ghe mughù alo kələm.

1 Pità 4:2

A m bùghò ù ghəŋlo êzə̀, ù n lo alemùghù mùghù è wə̄n e dzə̀m am mbī aŋghəa Zə̀ kə̀ ləghaa, mò à yò dzə̂ aŋghəa gwən e ughùe è ləghaa.

1 Dzɔ̌n 2:17

Mbī àsùghò ghəa a mbī ghəla ghî gaʼ fə̂ŋ tò a te kê tsəghàa mìaan nù, yia kuuwn bugho ghùw wəla ù naaŋ lâŋ kə Kəzə̀ kò, ù ŋ kelê mùghù è doʼn təla zo.

1 Dzɔ̌n 5:20

Sɛ̀ kwo sugho nû enyəa Wɛ ù Kə̀zə̀ ù nùu m bùghò, vʉ̀a ù fughu sɛ̀ â tɔ wo alezuūwkɛlɛ Zə̀ kə̀ êsəŋò kò a te. Sɛ̀ à ghê Zə̀ kə̀ lo alo kəfəgha kə mɔ̀ʼ àsùghò Wɛ u wə̄n, tɔɔŋ Yɛso Kə̀lestò. Ù lǒ Zə̀ kə̀ səŋò kò, vʉ̀a ù fughuu mughù e doʼn təla zo.