Bìoball air-loidhne

Kòloshìan 1:7 - To kə Kəzə̀ kə̀ Fughu ko

⁷ À mò ghɛ â Dzɔ̀ e Kəzə̀ zən teso dzɛ wo Epafəlàs. Ù lǒ ghùw ù kə̀fwàʼ wəla ghàʼ à ghee dzeŋe fwaʼà a dzə̀m a ŋgeē ləghaa. Ù lǒ ghùw, ù fwàʼa â Kə̀lestò am fə̂ŋ è wə̄n e dzə̀m an tuw u sɛ̀.

Faic an caibideil Dèan lethbhreac

dol air ais ⬆

Kòloshìan 1:7
19 Iomraidhean Croise

Matìo 18:29

Ghùw fə̀n ù wə̄n vʉ n nyə̀ŋè ndùw a ghueetsə̄, buʼ kə ghu â wə̄n enyəa, ‘Fughu tsughu mugho â nyàaŋ fə kə ghāa fo, Ǹ lo tsəa nù ghû.’

Faic an caibideil

Matìo 24:45

“À kǔuwn lò kɔ̂ɔ fə̀ dzûŋ fə̀ ghɛ fo, mo fə tɔɔ sùghò nù a? À lo kɔ̂ɔ fəla mughùbè ù wə̄n nî naŋā tsughu enyəa fə è lɛɛn ndughu è wə̄n a, àsùghò kɔ̀ɔ n li mən alefughuu ghee â fʉ̀ghàzəa wò an nə̀gha zəla ghe ki alezəa a te.

Faic an caibideil

Matìo 25:21

Mughùbè ù wə̄n n dzɛ̀ â wə̄n enyəa, ‘Ghù n nyɔ̀ʼ fwàʼ, ghù lǒ ghùw ù kə̀fwàʼ ù dzùŋ to a e naŋa aŋ ŋgòʼ; ghù n sə fən kwu kele dzɔ̀, Ǹ naaŋ ghù êzəŋ tò ghù e lɛnlo â ndə̀m. Nyə wò tò ghɛ̀ à mughùbè wùa saŋlo.’

Faic an caibideil

1 Kòlentìan 4:17

Zən lò e ghee Ǹ dzɛ̂ enyəa Ǹ tuu wò nù Timotì, wɛ waŋā ù tsùʼu wəla ù gaʼ fə̀ŋ a zəŋò Mughu ù te, ù zə̂əŋ wô ghɛ̀ an dzìi taŋā tə ghəəŋ tə aghəa to aŋ ghəa M̀ fwaʼa â Kə̀lestò, aŋ ghəa Ǹ zoʼn kaŋlo an luʼū ten tə dzəm an ndzweŋe u ghì a Kəzə̀ wən u dzə̀m.

Faic an caibideil

1 Kòlentìan 4:2

Ghəa zəla ghe ləghaa â ghì ghəla ghe naŋa tsughu enyəa ghe e lɛnlo â ghəa ghən gho lo ko enyea, ghe ki alefwàʼ â Mughùbè ù ghee am fə̂ŋ e ghee a dzə̀m.

Faic an caibideil

1 Kòlentìan 7:25

Êzə̄ŋ kùu ndùw ghì ghəla ghe lo mo ghe kaām ghue zə ŋ kaam nì, Ŋ̀ ki dzə yo lâŋ kə Mughu ù te kə li ko a te, Ŋ̀ kuuwn dzàa wò kô mòʼn zaŋa tǒ ghùw Mughu ù te mò kwusō tsughu se zo enyəa ù dòʼò tsughu ghùw wəla a lô alegaʼ fə̀ŋ a te.

Faic an caibideil

2 Kòlentìan 11:23

À lǒ mo ghe lo kɔ̀ɔ ŋ Kə̀lestò à? Ǹ tsəghàsə̌ ghee — Ŋ̀ ghəa ghən fɛ kə̀aa tǒ ghûw ù zə̀ghaa. Mùgho m fwàʼ ndə̀mà tə aghəa tə̀ səŋò tò, yìa Ŋ̀ kɔʼ ndughutsaʼ an ndə̀mà te tə̀nə̀gha, ghe m mùghò bu sə an ndə̀mà tə tə̀nə̀gha, yìa Ǹ nɔ̂sə̄ aŋ ghùu vʉ zo an ndə̀mà tə tə̀nə̀gha.

Faic an caibideil

Efɛsùs 5:21

Mò ghùw wɛʼɛ dzɛ̂ ghəa è li zo â wàazə̀, wàazə̀ ù te mò è zuw bòʼ kɔʼso məla ghɛ̀ ki â Kə̀lestò.

Faic an caibideil

Fèlepìan 2:25

Mùghò ŋ kòʼ enyəa e dzɔ̂ɔ nù â mùghò alenìi tuū wô wàazə̀ ù sɛ̀ wən Èpàfə̀loditùs ebàm a vʉ̀a ghɛ̀. Ù lǒ fən waŋā, lò sugho ghùw wəla fwàʼ dzənlō ghàʼ à wə̄n tǒ sùghugòʼ, ghùw wəla ghɛ̀ mò tum wo enyəa ù bùghò fughu mugho â yòsò zò.

Faic an caibideil

Kòloshìan 4:12

Epafəlàs wəla ù lò sugho ghùw ù enaʼ wɛʼɛ, kɔ̂ɔ fə̀ Kə̀lestò Yɛso tɔɔŋ zùw wò ghɛ̀. Ù kùu gɔ̀ɔŋ zěe nù an tuw wɛʼɛ, enyəa to Zə̀ kə̀ mô ghəŋlo ghɛ̀ mən tsughu am boo zɛʼɛ̄ â Kə̀lestò, ghɛ̀ e tɔʼ kwo tən enyəa ghɛ̀ fɛ fwàʼà fəgha kəla Zə̀ kə̀ ləghaa ghè kò.

Faic an caibideil

Kòloshìan 4:7

Tàekikùs, tɔɔŋ wàazə̀ waʼa wəla a ŋgeē ləghaa, wəla ghàʼ a ghee dzeŋe fwaʼa â Mughu ù te fɛ, vʉ̀a ù gaʼ sugho fə̀ŋ am fwàʼ kə wə̄n, lo teso dzàa mɛ̀ʼn wò nù ghɛ̀ â ghəa gho a dzə̀m kùu ndùw mughù zaŋa fɛ.

Faic an caibideil

Kòloshìan 4:9

Ù bùghò ghèe Ònesimùs, wàazə̀ waʼa wəla ghàʼ ləghaa, vʉ̀a ù gaʼ sugho fə̀ŋ am fwàʼ kən, ù lò sugho ghùw ù enaʼ wɛʼɛ. Ghe lo dzaà mɛ̀ʼn wò nù â ghɛ̀ ghəa ghəla a dzə̀m a səā fɛ.

Faic an caibideil

1 Timotì 4:6

Abugho ghù zə̀əŋ zeē waazughù gho aŋghəa ghəla mùghò fə̀ zoʼn ghû a te, ghùw vʉ̀a ghù tsʉa tsughu sùghò ghue wʉ̀a wò làbəlà è Kə̀lestò zən àsùghò an tsʉ̀ e səŋò zəla ghù bwii a te, ghù e ke lo ghùw ù kəfwàʼ ù dzùŋ â Kə̀lestò Yɛso.

Faic an caibideil

2 Timotì 2:2

E zoʼn nduūŋ nduw zumso tə aghì tò aŋ ghəa ghəla ghù mo zuw mùgho mò kəaa an sə kə ndə̀mà tə aghì, aŋghəa ghe lô alezoʼn nduūŋ nduw ghî à li gho a te.

Faic an caibideil

Filemùn 1:23

Epafəlàs wəla ghàʼ à wə̄n lô fɛ a dzə̀m an ndùghùtsāʼ aŋ ghəa e Kə̀lestò Yɛso fùghù wò ghù â tɔɔŋ zo.

Faic an caibideil

Hibùlù 2:17

Zən lò e ghee Zə̀ kə̀ mò ki aleghəəŋ tsughu enyəa ù dòʼò wô tò waazə an dzii tən tə dzə̀m, enyəa to ù mò doʼo tsughu tuw kə fɔ̀e kəla kə ki se è kwuso zo, ù gaʼ sugho fə̀ŋ am fwàʼ kə wə̄n â Zə̀ kò. Zən fə̀ enyə lò enyəa ù e lo alenìi fughu ndûw ghue u wə̄n tò kəfughu tò Zə̀ kə̀ ghuūw maʼà bòo tə aghì.

Faic an caibideil

Hibùlù 3:2

Ù mò gaʼ fə̀ŋ e wə̄n a zəŋò ghùw wəla ù mò tsuʼ naŋa kɔʼ wə̄n, tò aŋghəa Musî mò bɔɔm gaʼ sugho fə̀ŋ e wə̄n a te am fwàʼ kə wə̄n â dzeŋe kə ghì a ndùghù è Kəzə̀.

Faic an caibideil

Lean sinn:

Ceanglaichean taic

Sanasan

Sanasan