Kòloshìan 1:6 - To kə Kəzə̀ kə̀ Fughu ko6 Zən lǒ làbəlà zəla è fə̀ bùgho â ghɛ tò aŋghəa ghe bwîi naʼn ŋgəa kaāŋ nduw sugho a te am mbī e dzə̀m; làbəlà è te zə̀a è noōm dûuw nduw, dzəa ndùuŋ ndùw ùghue am bvʉa zɛʼɛ̄, alekaʼa nughù wô an tsuʼ fəla ghɛ̀ mò bugho zuwkɛlɛ̄ tsughu fəgha kəla Dzɔ̂ e Kəzə̀ e biso moʼo ghè kò. Faic an caibideil |
Kòloshìan 1:6
36 Iomraidhean Croise
À kà nùghù ghɛ shîaa wò mùghò, à kǔuwn laam lò mugho n shîaa kɔʼ ghɛ, fughu tsughu ghɛ̀ a daʼa ko enyəa ghɛ̀ nduw fwaʼ nduw fwaʼ kə̀ dzûŋ kò, àsùghò enyəa fwàʼ kɛʼɛ kə lo doʼò tən, to zə e lo enyəa mò ghùw wɛʼɛ bvʉ ko kə̀ kwò aŋ â Tsele u te an zən zaŋā, Tsele ù te mò è fughu.
Wìzən ù lǐ n lo aŋ ghìzən yia ghe mò zəə̄n shwaʼ wāʼa vʉ̀ mo zən e wən e lo Ledìa, mò ù sə̀ an naʼ e Tìatilà, fèen tsə̀ghà wən â ndzʉ təla tə ləŋō tò alɔ̂m. Nughò vʉ n lo mò ù kɔ̀ʼso tsə̀ghà Kə̀zə̀. Mughu ù te n tsʉ kɔʼ fə̀ŋ è wən enyəa ù tɔ̀ʼɔ̀ zuw fəgha kəla Pôl mò kəaa ghè kò.
Ghù kì aletsʉ̄ sə a ghee, ghù ni nughu sə wo ghee alo kələ̄m, ghù naŋa sə wo an tsə̂, ghù ni nughu tsughu sugho ghee aŋ ghu kə Satàn, ghù ni wo ghee a vʉ̀a Zə̀ kò, to abugho ghe lo gaʼ tsughu fə̂ŋ tò a zəŋò mùghò, a lo ghuūw māʼà kɔʼ bôo tə ghee, ghe nîi kɔʼ bala e ghee am bvʉa e ghì ghə̀là Zə̀ kə̀ shîaa kɔʼ.’ ”
Waazə̂ ghaŋa gho, Ǹ ləghaa enyəa ghɛ̀ kele tsughu enyəa à lò ndə̀mà tə tə̀nə̀gha M̀ moʼn tsughu alebùghò bwîin kôʼ ghɛ̀, ghəa è li zo n tsò ndùw bùghò ko enyə bùghò tə̀ghàso màʼà è tsughu. Bughò zaŋa a fi lo enyəa to M̀ mô lò alenìi nyəa wò ghì a fughu gho am bvʉa zɛʼɛ tò aŋghəa mùgho mò ghəŋlo â Tòʼò è li e zə̂.
Ù fə̀ ghəa ghən ghəəŋ tsughu aŋ daʼa kə kɔ tə tətsə̌a təla mùghò fə̀ dê tsughu àsùghò sə̀ghàa mò, àsùghò an daʼa kə Zuʼ tə Kəzə̀. Zə ŋ ghəəŋ tsughu mùghò n naʼn wò Làbəlà è dzùŋ è Kə̀lestò zən an lùʼu tən tə̀ dzə̀m aŋghəa mùgho mò nughù wo an Yɛ̀lusalɛ̀m lɔʼso ŋgə̀a ndùw alendùw an naʼ zə Èlilekùm.
 ghɛ̀ alelo enyə, ghɛ̀ ki aleboō fughu tsughu an səŋò zən, ghɛ̀ tee tən tsughu ko a te, e kwo ko ghɛ̀ lô bomlo enyəa fəgha kə sêe nughù ghɛ am fəgha kəla ghɛ̀ mò zuw ghè kò an làbəlà è dzùŋ zən. Zən lǒ làbəlà è dzùŋ zəla ghɛ̌ fə̀ zuw, zəla ghe fə̀ naʼà nduw â ghì gho a dzə̀m a tsəla kəwālā, tɔɔŋ làbəlà zəla ghuūghùe waŋā Pôl, u tsoō zughò sugho.
Tɔŋlo enyəa ghàʼ fə̂ làbəlà è dzùŋ zaʼa zən â ghɛ̀ kaa naʼn wo ko yo an shwaʼ ù zūm wo, làbəlà è fə̀ bugho dzəə̄ŋ ko ghèe shʉ̀ghà wò an daʼa kə Zuʼ tə̀ Zɔlɔ to. Ghɛ̀ mô è zuw, zuwkɛlɛ̂ ghəa a te gho. Ghɛ̀ kwo nû mughù zəla ghǎʼ mò mughu ghè zò aŋ ghəa ghǎʼ mò lo fì sɛ̀, à mò lo aleyòsò ghɛ̀.
Ghàʼ yìa fughuu zeē sugho zɔ̀ɔŋ kò â Zə̀ kò bòʼ enyəa shwaʼ u Kə̀ zə̀ wəla ghǎʼ mò naʼà wo â ghɛ̀, ghɛ̀ mafə zuw, è boo, mo ghɛ̀ ka fə nî dzə̀ shwaʼ u te wo tò shwaʼ u ghûw ù lì, ghɛ̀ mò kuūm ni tsughu shwaʼ u te wo enyəa à lò shwaʼ u Kəzə̀, dèe êzə̀ mò à kùum lò u ghee, wəla u fwaʼā êzə̄ŋ a zəŋò ghɛ̀ ghəla ghɛ̀ boō fughu â wə̄n.
Ghàʼ ŋgəmso ki nû alefughuu zɔ̀ɔŋ kə Kəzə̀ ko an tuw wɛʼɛ waazə̂ ghaʼa gho alo tənə̀gha tə dzə̀m. Mughu ù te gaʼ fə̀ŋ a zəŋò ghɛ̀, tɔŋlo enyəa â mbī aletsoō zîi tsughu, à fə̀ lo mo Zə̀ kə̀ mafə ghɛ ki shìaa enyəa ghɛ̀ ke bughuo zə tuw ko mò à ghɛ̀ sûuw zɔ̀nso tsughu Zuʼ tə̀ Zɔlɔ to àsùghò aŋghəa ghɛ̀ boō fughu aŋ ghəa zəla e lo êsə̀ŋò.
À mùghò yôsò Saelàs (Sìlvanùs), wàazə̀ waŋa wəla Ǹ tɔ̂ʼ kwo enyəa ù lo tsəghatsəgha am boo e wə̄n, aletɔɔ̄ wô kə̀mà fə kəmwàʼsò fən fo â ghɛ̀. M̀ mwàʼsò kən kə tɔɔ wò â ghɛ̀ aletsʉ̀a wô ghɛ̀ àsùghò alefəghaan teso dzâa wô â ghɛ̀ enyəa ləgha e Kəzə̀ è kûum lò êsəŋò. Ghɛ̀ tee tən tsughu ko nlò a te.
Sanasan