Kòloshìan 1:5 - To kə Kəzə̀ kə̀ Fughu ko

⁵ Ghəa a te ghə êzə lo kùu ndùw tùʼ zəla ghɛ̀ chiī am fəgha kəla Zə̀ kə̀ naŋā â ghɛ̀ alo kəwālā. Ghɛ̀ maā ghəa a te a ki zuw an shwaʼ wə èsəŋò wò, tɔɔŋ làbəlà è dzùŋ e te.

Kòloshìan 1:5 Iomraidhean Croise

Lûk 12:33

Fěe nlò fʉgha wɛʼɛ wo, ghɛ̀ tɔɔm nduw ghî à laa gho a te; kəŋ tsughu nlǒ mbə̀ghà tə kʉ̄a təla tə doʼò tən; ghɛ nan naŋa kum zɛʼɛ zo alo Kəwālā mo ghùwtsɔ̀ŋo yô alemɔ̀m, mo soʼosoʼ e yo sughò alepfʉ.

Kə̀fwàʼ 10:36

Ghɛ̀ kwo nû tum zəla ù fə̀ tum nduw â ghì ghə Ezə̀lɛ̂ ghò, tsʉ̀a ndùw àghì aŋ ghəa ghe lô alekele èbughunlo a te am bàm e Yɛso Kə̀lestò (ù lò Mughùbè ù ghì ghə̀n à dzə̀m).

Kə̀fwàʼ 13:26

Ù n nì tsùghù enyəa, “Ghî ghə Ezə̀lɛ̂ ghaŋa gho, wɛ ghə Abə̀làhâm ghò, à Tòʼò zən è dzə̀m ghe kɔʼso Zə̀ kò fɛ, à lò â sɛ̀ ghe tum wô tum zən enyəa sɛ̀ lo zəa nù tuw ko.

Kə̀fwàʼ 23:6

Ghəa Pôl kòʼ tɔ kɔʼ enyəa dəŋò kə̀ li kə mò lo ghî a Sadùwsîi, kə̀ li kə n lo ghî a Falàsîi, ù m buʼ sə kɔʼ kəbɔ̂ŋ aŋ kaŋsì enyəa, “Waazə̂ ghò, Ǹ lo ghùw Falàsîi, wɛ mò à dzə̀ ghî a Falàsîi; ghe mugho fɛ saʼa aŋghəa M̀ boō fughu enyəa ghî a kpuuw kɔʼɔsəa nù alo evʉ.”

Kə̀fwàʼ 24:15

chìi ndùw ko tùʼ alo Kəzə̀ to ghue e ughùe e ghee e chîi sugho, enyəa ghî a tsəghatsəgha ghèe ghê bəən tə aghì tə̀ lo kɔʼɔsə̄a nù alo evʉ ghee a dzə̀m.

Lumà 10:8

Kən kuuwn lò fəgha kəla ghe tɔm naŋa am Mwàʼsò kə Kəzə̀ enyəa, “Shwaʼ u Kəzə̀ ù kuʼù lò ko enyə ghɛ̀ à ghee. Ghɛ̀ buʼù kə̀aa nù, vʉa u lô sugho am fə̀ŋ tɛʼɛ” — tɔɔŋ shwaʼ wəla sɛ̀ zughòo kaŋlo enyəa ghî ghə̀ e gaʼa fə̂ŋ tò a zəŋò Kə̀lestò.

1 Kòlentìan 13:13

E fi lo enyəa ghəa ghən à təgha dòʼò tən nû to mbī kê bughò mîaa, ghəa a te a lo: alegaʼ fə̀ŋ a zəŋò Kə̀lestò, alechìi tùʼ alo eghəa àsùghò ləgha zo. Zəla e kuūwn bvuʼ ghəa a te gho a dzəm à lò eləgha.

1 Kòlentìan 15:19

Abugho à lò enyəa tùʼ zəla sɛ̀ chiī â Kə̀lestò mìaa ko fɛ am mbī zən, à fi lo ghî a ki alekwuso èse a zəŋò ghe tsəghàa taʼà sə aŋghəa ghe kwuso a zəŋò ghì à li ghə̀n a dzə̀m.

2 Kòlentìan 5:19

À fi lo enyəa à fə̀ lo am bàm e Kə̀lestò Zə̀ kə fə̀ ndoʼò biāan ghèe ghê ghì gho a te am mbī, kè ndoʼò taŋ yo bôo tə ghee to, kə m fughu naŋa nyə̀ tsùghù sùghò shwaʼ ù bian u aghì wò aŋ ghu kaʼā.

2 Kòlentìan 6:7

Ghàʼ yia dzaā èsəŋò, fwàʼà ndùw àghəa an daʼa kəla Zə̀ kə̀ fughu â ghàʼ. Ghəa a tsəghatsəgha ghəla ghàʼ ghəə̄ŋ nduw ghè ghò, à lò fʉgha u tsam waʼa wəla ghàʼ ki aŋ kwè ù təma wo àsùghò alô ù kwû wò.

Gàlashìan 2:14

A m bùghò mùghò Pôl kuuwn kôʼ tsùghù enyəa ghî ghən nyɔʼɔ̀ bwìi dzə̂ yò alo êsəŋò zəla e lo an làbəlà è Kə̀lestò, mùghò n dzɛ̀ ndùw â Pità an sə kə ghì yì à dzə̀m enyəa, “Abugho ghù Pità, ghùw ù Dzudà, lò alemùghùu tò Etoʼò, mùghù yo tò Dzûu, ghù lǒ êzə̂n aletsəən Toʼò zò enyəa e bughò kaʼ alemùghùu tǒ tə̀ Dzûu a?”

Gàlashìan 2:5

Ghàʼ ŋ kè kuuwn buʼù boon nəgha è li zo alezə̂ən ghəa a ghee a te ghəla ghe fə̀ dzâa wo, aleghəŋlo enyəa ghɛ̀ naam boo fughu tsughu ko êsəŋò zəla è lò an làbəlà è dzùŋ zəla ghǎʼ mò zoʼn ghɛ a te.

Gàlashìan 5:5

Zuʼ tə Kəzə̀ tə kûm dzə̀là nù fə̂ŋ tə sɛ̀ tò enyəa sɛ̀ e kwo tən enyəa Zə̀ kə̀ lo nìi sɛ enyəa sɛ̀ lo tsəghatsəgha bòʼ sɛ̀ boo fughu â Kə̀lestò.

Efɛsùs 1:13

Kə̀lestò n dê wò sùghò ghɛ̀ â səŋò zò, mò à lo làbəlà ê dzuŋ zəla è zoʼn ghɛ an dzì zəla ghɛ lô alezə kətuw a te. Ghɛ m boo fughu ndùw â Kə̀lestò, Zə̀ kə̀ fughu wò ghɛ̀ â zuʼ tə zɔlɔ təla Zə̀ kə fə̀ to naŋa, aledè tsughu enyəa ghɛ̀ e zəŋ lo ghî a wə̄n.

Efɛsùs 4:21

Ghɛ maā zuw ghəa a wə̄n gho, ghe n zoʼn sughô ghɛ an səŋò zəla e lo kùu ndùw Yɛso.

Kòloshìan 1:23

 ghɛ̀ alelo enyə, ghɛ̀ ki aleboō fughu tsughu an səŋò zən, ghɛ̀ tee tən tsughu ko a te, e kwo ko ghɛ̀ lô bomlo enyəa fəgha kə sêe nughù ghɛ am fəgha kəla ghɛ̀ mò zuw ghè kò an làbəlà è dzùŋ zən. Zən lǒ làbəlà è dzùŋ zəla ghɛ̌ fə̀ zuw, zəla ghe fə̀ naʼà nduw â ghì gho a dzə̀m a tsəla kəwālā, tɔɔŋ làbəlà zəla ghuūghùe waŋā Pôl, u tsoō zughò sugho.

Kòloshìan 1:27

Zə̀ kə mò ləghaa enyəa ghe kele tsughu enyəa fɛ̀ɛn kə nàn kə eghəa kə wə̄n kən lò sugho â ghɛ̀ a Toʼò zò. Nàn kə eghəa kə te chia kə lo enyəa: Kə̀lestò lo ghɛ̀ à ghee. Ghəa ghən fɛ dèe enyəa ghɛ̀ lo kele sùghò nu kɔʼso mò tǒ Kə̀lestò.

Kòloshìan 3:16

To mughù zɛʼɛ e dzə̀m e mò lò tən ko ghəa ghəla tùm è dzùŋ zən kùu ndùw Kə̀lestò děe ghè ghò, ghəa ghɛ̀ kûm zoʼn ghue zɛʼɛ zo, tsʉ̀a ndùw sùghò an tɔ zəla ghɛ̀ ki. Ghɛ̀ è zɔ̀ŋɔ̀ nduw zɔ̀ŋ kò, zoo ndùw tə̀ zòo àsùghò zòo tə̀ baa to am fə̀ŋ tɛʼɛ tə̀ dzûŋ tò, alefūghuu zɔ̀ɔŋ kò â Zə̀ kò.

1 Tɛ̀sàlonìan 2:13

Ghàʼ yìa fughuu zeē sugho zɔ̀ɔŋ kò â Zə̀ kò bòʼ enyəa shwaʼ u Kə̀ zə̀ wəla ghǎʼ mò naʼà wo â ghɛ̀, ghɛ̀ mafə zuw, è boo, mo ghɛ̀ ka fə nî dzə̀ shwaʼ u te wo tò shwaʼ u ghûw ù lì, ghɛ̀ mò kuūm ni tsughu shwaʼ u te wo enyəa à lò shwaʼ u Kəzə̀, dèe êzə̀ mò à kùum lò u ghee, wəla u fwaʼā êzə̄ŋ a zəŋò ghɛ̀ ghəla ghɛ̀ boō fughu â wə̄n.

2 Tɛ̀sàlonìan 2:16

Ghaʼ gɔ̂ŋlò enyəa to ghuūghùe u Mughùbè ù sɛ̀, Yɛso Kə̀lestò, ghèe Tsele ù te tɔɔŋ Zə̀ kə sɛ̀, ghe ghəla ghe mò ləgha sɛ̀, fughu tən sɛ̀ â tsə̀mso kə fə̂ŋ kəla kə doʼò tən, àsùghò moʼnlò è dzûŋ zò an dzɔ̀ e ghee,

1 Timotì 1:15

Shwaʼ wən wo enyəa, “Kə̀lestò Yɛso fə̀ fɛ am mbī bugho alebəghaasə ghî à biigh gho.” Shwa u t e u lo êsəŋò ghùw vʉ̀a ù lo aleboō fughu a te. Yìa M̀ fɛ̂ɛn tsəgha ghe a dzə̀m.

2 Timotì 4:8

Namso kə ləəm mùghò êzə̄ŋ alo kəwālā am fwàʼ kə̀ dzûŋ kə̀là Ǹ lo mò mùghò fwâʼ ghè kò; Namso kən kà yò ko â mùghò, kə lo â ghì ghən à dzə̀m ghe ki ləgha zo alekòʼ tsuʼ fəla Kə̀lestò kè bughōo a te ebàm. À namso kə te kə naŋa Mughu ù te wəla ù saʼā ghî ghò a dzə̀m am fôʼ è tsəghatsəgha.

Taetùs 1:2

Tsʉ̂ è səŋò zən lo ghəəŋ nù ghe lo e mughu, kwo tən enyəa ghe lo kelê mùghù e doʼn təla zəla Zə̀ kəla kə kaʼn yô gha gho fə̀ to naŋā â wǐiwì.

Hibùlù 7:19

Laŋ kə te kə fə̀ ghəəŋ dzə yo enyəa ghəa zə e dzɔɔ̄, aŋghəa e mô ki alelo a te. Ghe n dzì è dzùŋ zəla a lo alechìi tùʼ a te dê â sɛ̀, mo a lo aletsəgha a te alendùw a vʉ̀a Zə̀ kò.

1 Pità 2:2

Ghɛ̀ doʼo tsughu tò wɛ à bughu gho, à è zuʼso təla ko ghɛ fə̀ŋ è mele kə̀ zɔlɔ kəla kə lô shwāʼ u Kəzə̀ wò, tò enyəa, abugho ghɛ̀ mʉā ko ghè kò, ghɛ̀ ke noo kɔʼ wo aŋghəa Zə̀ kə̀ ləghaa, tò ghɛ̀ ke zə tuw ko.

1 Pità 3:15

E kuuwn fughuu ko nlò kɔʼso mò â Kə̀lestò am fə̀ŋ tɛʼɛ, ghɛ̀ e ni nduw wə̄n tò Mughu ù te. E ti tən ko nlò alo tətsə̀n alefughu fwə̀n kə edzughu â ghùw wəla ù kəŋo alekele gheə zəla ghɛ̀ gaʼ fə̀ŋ a te. Ghəa e bûʼ lô ko êzə̀, e maʼn tsughuu nlò ghue zo am fə̀ŋ tə̀ zɔlɔ to aleghəŋlo êzə̀.

2 Pità 1:12

E fi lo enyəa Ǹ lo ki tsəgha ko alezəə̄ŋ zee wò ghɛ, ghəa e bûʼ lo ko enyəa ghɛ̀ kwo ziī nû ghəa a te gho, tɔ̀ʼ tì sugho an səŋò zəla ghɛ̀ lo mò ghɛ̀ ŋ kele zìi.

1 Dzɔ̌n 3:3

À fi lo enyəa ghùw wəla ù chǐi tùʼ a zəŋò Yɛso, ù fi sūw zɔ̀nso tsughu ghue u wə̄n, tò aŋghəa Kə̀lestò zɔlɔ̄ a te tsɛʼɛ̀tsɛʼɛ̀.